Movie Reviews

సహజంగా ఇలాంటి డివోషనల్‌ సోషియో ఫాంటసీ చిత్రాలలో దర్శకుడు ఏదో ఒక వైపు నిలబడతారు. పూర్తిగా భక్తిని లేదంటే ఆ భక్తి పేరుతో కొందరు చేసే మోసాలను ఎక్స్ ప్లోర్ చేస్తారు. కానీ ఇందులో దైవశక్తి ఉందని చెబుతూనే, ఆ దైవ శక్తి పేరుతో కొందరు తమ పగను ఎలా తీర్చుకుంటారో చూపించారు. నాస్తికుడైన సిద్ధార్థ్‌ ఆస్తికుడిగా మారడంతో ఈ సినిమా ముగుస్తుంది. అయితే సినిమాలో హీరో సమస్యని ఛేదించడానికి లేట్ గా ఎంట్రీ ఇస్తాడు. దాంతో క్లయిమాక్స్ ట్విస్ట్ ను కన్వెన్సింగ్‌ గా చెప్పడానికి దర్శకుడికి టైమ్‌ సరిపోలేదు. దానికి తోడు ఫ్లాష్‌ బ్యాక్‌ ఎపిసోడ్ సాగదీయడంతో ప్రేక్షకుల సహనానికి పరీక్ష పెట్టినట్టు అయ్యింది. 

మొత్తం మీద దర్శకుడు ఏదో అనుకుని, మరేదో తీశాడనే భావనే కలుగుతుంది. సంతోష్‌ జాగర్లపూడికి ఈ తరహా సినిమా తీయడంలో అనుభవం ఉన్నా.. ఎందుకో ఈ కథను ఆసక్తికరంగా చెప్పడంలో విఫలమయ్యాడు. క్లయిమాక్స్ ట్విస్ట్ తప్పితే... సినిమా అంతా సాదాసీదాగా సాగిపోవడంతో 'మహేంద్రగిరి వారాహి' ప్రేక్షకులను మెప్పించడం కష్టమే!

‘మురారి’ శైలిలోనే రాజవంశానికి 200 ఏళ్ల నాటి శాపం, ప్రతీ 33 ఏళ్లకు ఒకరి మరణం అనే కాన్సెప్ట్‌తో వచ్చిన చిత్రమే ‘మహేంద్రగిరి వారాహి’. లైన్ ఒకటే అయినా, దర్శకుడు సంతోష్ ప్రెజెంటేషన్ పూర్తి భిన్నంగా ఉంటుంది.

సినిమా ప్రామిసింగ్ ఆరంభంతో, మంచి ఇంటర్వెల్ సస్పెన్స్‌తో ఆకట్టుకుంటుంది. అనవసరమైన రొమాంటిక్ ట్రాక్స్ లేకుండా కేవలం పాయింట్‌కే కట్టుబడి తీయడం బిగ్ ప్లస్. సిద్ధూ నటన, ఐశ్వర్య రాజేష్ క్యామియో సీన్స్, ప్రీ-క్లైమాక్స్ ట్విస్టులు బాగా వర్కవుట్ అయ్యాయి.

అయితే, కొన్ని సీన్లలో లాజిక్ మిస్ అవ్వడం, ల్యాగ్, ప్రమోషన్స్‌లోనే ఐశ్వర్య పాత్రను రివీల్ చేయడం వల్ల థియేటర్ థ్రిల్ కొంత తగ్గింది. స్క్రీన్‌ప్లే ఇంకాస్త పకడ్బందీగా ఉంటే నెక్స్ట్ లెవల్‌లో ఉండేది.

ఫైనల్ వర్డిక్ట్: థ్రిల్లర్ లవర్స్‌కు ఒక డీసెంట్ అండ్ ఇంట్రెస్టింగ్ వాచ్!

అనగనగా ఓ ఊరు.. ఆ ఊళ్ళో ఓ గుడి.. రాజవంశానికి శాపం.. ప్రతీ 33 ఏళ్ళకు ఒకరి మరణం.. 200 ఏళ్లుగా సాగుతున్న ఆనవాయితీ.. ఇదంతా వింటుంటే మురారి సినిమా కథ గుర్తుకొస్తుంది కదా..? అలాంటి కథతోనే మహేంద్రగిరి వారాహి కూడా వచ్చింది. కాకపోతే కాన్సెప్ట్ ఒకేలా అనిపించినా.. ట్రీట్‌మెంట్ డిఫెరెంట్‌ గా ఉంది.. వారాహి మొదలవ్వడమే చాలా ప్రామిసింగ్‌ గా మొదలైంది.. మధ్యలో కొన్ని ల్యాగ్ సీన్స్ అనిపించినా.. ఇంటర్వెల్ ముందు సెట్ అయిపోతుంది. సెకండాఫ్‌ కు చాలా ప్రశ్నలు వదిలేసి సస్పెన్స్ మెయింటేన్ చేసారు. అమ్మవారి శాపం నుంచి తప్పించుకోలేక వచ్చే మరణాలు చూస్తుంటే.. కచ్చితంగా దానివెనక ఏదో రహస్యం ఉందనే విషయం అర్థమైపోతుంది. క్లైమాక్స్ వరకు ట్విస్ట్ రివీల్ కాకుండా బాగానే లాక్కొచ్చాడు దర్శకుడు సంతోష్.. 

కానీ మరీ ఊహించలేనంత ట్విస్టులు మాత్రం ఉండవు.. ఆ టైమ్‌కు పాస్ అయిపోతాయి. సిద్ధూతో పాటు ఐశ్వర్య రాజేష్ క్యామియో బాగుంది.. ఇక అనవసరమైన రొమాంటిక్ ట్రాక్స్ లాంటివి ఇరికించకుండా తీసుకున్న పాయింట్‌ కే కట్టుబడి ఉండటం మెచ్చుకోదగ్గ విషయం. ఇక ప్రీ క్లైమాక్స్, ముగింపు సన్నివేశాల్లో రివీల్ అయ్యే ట్విస్టులు, వాటిని రాసుకున్న తీరు ఎంతో ఆకట్టుకుంటాయి. ఇక సినిమాలో కొన్ని సీన్లకు సరైన వివరణ ఇవ్వకుండా వదిలేయడం నిరాశపరుస్తుంది. ఇక ప్రమోషన్స్‌ లోనే ఐశ్వర్య రాజేష్ పాత్రను బయట పెట్టేయడం వల్ల థియేటర్లో ఆ థ్రిల్ చాలా వరకు మిస్ అవుతుంది. స్క్రీన్‌ప్లేను ఇంకొంచెం పకడ్బందీగా, లాజిక్స్‌తో రాసుకుని ఉంటే ఈ మిస్టిక్ థ్రిల్లర్ స్థాయి మరింత పెరిగి ఉండేది.

ఓవరాల్‌గా మహేంద్రగిరి వారాహి.. డీసెంట్ అండ్ ఇంట్రెస్టింగ్ మిస్టిక్ థ్రిల్లర్..!

సుమంత్ హీరోగా, సిద్దూ జొన్నలగడ్డ కీలక పాత్రలో తెరకెక్కిన లేటెస్ట్ మూవీ ‘మహేంద్రగిరి వారాహి’. ఈ సినిమాకు సంతోష్ జాగర్లమూడి దర్శకత్వం వహించారు. కాగా ఈ చిత్రం ఈ రోజే విడుదలయి మిక్స్డ్ రెస్పాన్స్ అందుకుంటుంది. సంతోష్ జాగర్లమూడి రాసుకున్న మెయిన్ పాయింట్ బాగుంది. ఈ ‘మహేంద్రగిరి వారాహి’లో కొన్ని ఎమోషనల్ సీన్స్ అండ్ డివోషనల్ టచ్ కూడా బాగుంది. అయితే ఇలాంటి డివోషనల్ థ్రిల్లింగ్ కాన్సెప్ట్ తీసుకున్నపుడు ఆ కాన్సెప్ట్ కి తగ్గట్టు సినిమాని ఆద్యంతం ఉత్కంఠ రేకెత్తిస్తూ ర‌క్తి కట్టేలా సాగాలి, కానీ ఈ సినిమాలో కొన్ని ఎమోషనల్ సీన్స్ మినహా మిగతా సన్నివేశాలు అంతగా ఆకట్టుకోవు.

‘మహేంద్రగిరి వారాహి’ అంటూ వచ్చిన ఈ డివోషనల్ థ్రిల్లర్ లో కొన్ని ఎలిమెంట్స్ బాగానే ఉన్నాయి. ముఖ్యంగా దర్శకుడు సంతోష్ రాసిన కథ, కొన్ని థ్రిల్లింగ్ ఎలిమెంట్స్, మరియు కొన్ని ట్విస్ట్ లు సినిమాలో ఆకట్టుకునే అంశాలు. అయితే, స్క్రీన్ ప్లే స్లోగా సాగడం, కాన్ ఫ్లిక్ట్ బలంగా లేకపోవడం, కొన్ని సీన్స్ ఇల్లాజికల్ గా సాగడం వంటి అంశాలు సినిమాకి బలహీనతలుగా నిలుస్తాయి. ఓవరాల్ గా భిన్నమైన, డివోషనల్ తరహా చిత్రాలని ఇష్టపడేవారికి ఈ సినిమా కొంతవరకు కనెక్ట్ అవుతుంది.

దర్శకుడు మంచాల నాగరాజు మారెమ్మ కథకు రాసుకొన్న పాయింట్ బాగున్నది. తెలంగాణ ప్రాంతంలో సంప్రదాయాలను, ఆచారాలను జోడించి కథగా మార్చుకొన్నాడు. సినిమా ఆరంభంలో వచ్చిన సన్నివేశాలను చూస్తే.. ఎదో డిఫరెంట్ కథ చెప్పబోతున్నాడా? అనే ఫీలింగ్ కలిగించాడు. కానీ కథలోకి వెళ్లిన కొద్ది పేలవమైన రైటింగ్, అర్ధం పర్థం లేని సన్నివేశాలు, డైలాగ్స్ చాలా విసుగు పుట్టిస్తాయి. కొన్ని పాత్రలు ఎందుకు వస్తున్నాయో అర్ధం కాదు. కొన్ని సీన్లు చాలా దారుణంగా చిత్రీకరించారనే ఫీలింగ్ కలుగుతుంది. 

కథలో ఓ ఫ్లో ఉండదు. ప్రేమ కథలో ఎమోషన్ ఉండదు. ఓవరాల్‌ గా అతుకుల బొంత మాదిరిగా ఉంటుంది. ఫస్టాఫ్ ఏదో పర్వాలేదనిపించినా .. సెకండాఫ్‌ను సాగదీసి సాగదీసి సహనానికి పరీక్ష పెట్టారేంటి? అనే విసుగు పుడుతుంది. మంచి పాయింట్‌ను ఎమోషనల్‌గా రాసుకోలేని నిస్సహాయత ప్రతీ ఫ్రేమ్‌లో కనిపిస్తుంది. మాధవ్ యాక్టింగ్ బాగానే ఉన్నా, పూర్తి స్థాయిలో యాక్టింగ్ కి స్కోప్ ఉన్న రోల్ లా డిజైన్ చేయలేదు. కథ బలం, కథనంలో పసలేకపోతే సాంకేతిక విభాగాల పనితీరు కూడా అంతేలా ఉంటుందనేది ఈ సినిమాలో కనిపించింది. లైటింగ్ ఈ సినిమాకు మైనస్. నటీనటుల ముఖాలు, వారి హావభావాలు కనిపించనంతగా చీకటిలో ముంచేశారు. నిర్మాణ విలువలు బాగున్నాయి. కానీ అవుట్‌పుట్ చాలా నాసిరకంగా ఉంది. ఇలాంటి పరిస్థితుల మధ్య ఈ సినిమాను చూడాలా? వద్దా? అనేది మీరే నిర్ణయించుకొండి.

మాస్ మహారాజా రవితేజ కుటుంబం నుంచి వచ్చిన యువ హీరో మాధవ్ భూపతి రాజు నటించిన విలేజ్ డ్రామా ‘మారెమ్మ’ తాజాగా థియేటర్లలో విడుదలై మిక్స్డ్ రెస్పాన్స్ అందుకుంటుంది. ఈ చిత్రంలో తెలంగాణ నేపథ్యానికి చెందిన పలు అంశాలు మెప్పిస్తాయి. అక్కడి సాంప్రదాయ విలువలు, ముఖ్యంగా జానపద పాటలు ఇంప్రెస్ చేసాయి. ఇక యువ నటుడు మాధవ్ భూపతిరాజు తన పాత్రకు పూర్తి న్యాయం చేసాడు. పాత్రకి తగ్గట్టుగా తన లుక్స్, బాడీ లాంగ్వేజ్ ఇందులో బాగున్నాయి. అయితే రచనా లోపం వల్ల అతని ప్రతిభకు తగ్గ స్కోప్ దక్కలేదు. అలానే యంగ్ హీరోయిన్ దీపా బాలు పల్లెటూరి అమ్మాయిగా డీసెంట్ లుక్స్, నటనతో ఆకట్టుకుంది. 

ఇక మొత్తంగా చూసుకుంటే ‘మారెమ్మ’ అనేది స్పష్టత లేని ఒక బోరింగ్ రూరల్ డ్రామాగా నిలిచింది. సినిమా కథనం ఆద్యంతం నీరసంగానే సాగుతుంది. ఎలాంటి హై, ఎమోషనల్ మూమెంట్స్ లేకుండా చప్పగా నడిపించడం డిజప్పాయింట్ చేస్తుంది. యువ నటుడు మాధవ్ తన మొదటి సినిమా అయినా సిన్సియర్ ఎఫర్ట్స్ పెట్టినప్పటికీ పేలవమైన రచన మరియు దర్శకత్వం వల్ల ఈ చిత్రం ప్రేక్షకులను నిరుత్సాహపరుస్తుంది.

ఒక కుటుంబంలో అమ్మవారి శాపం, దేవుడి శాపం కథతో `మురారి` సినిమా వచ్చింది. అది పెద్ద హిట్‌. మళ్లీ అలాంటి కథతోనే ఇప్పుడు `మహేంద్రగిరి వారాహి` మూవీని రూపొందించారు. శాపం ఉందనేది ముందే తెలిసిపోతుంది. దాన్ని ఆ రాజవంశానికి చెందిన వాళ్లు ఎలా ఫేస్‌ చేశారు? దాన్నుంచి బయటపడ్డారా? బలయ్యారా? అనేదే కథ. దాన్ని ట్విస్ట్ లతో నడిపించడం విశేషం. ఇక సినిమా ప్రారంభంలో శాపానికి సంబంధించిన బ్యాక్‌ స్టోరీని వివరిస్తారు. అది ఇంట్రెస్టింగ్‌గా ఉంటుంది. కానీ ప్రస్తుత పరిస్థితుల్లోకి వచ్చాక ఆ ఎమోషన్‌ గానీ, ఆ పెయిన్‌గానీ సినిమాలో క్యారీ కాదు. కథ బాగున్నా, దాన్ని కన్విన్సింగ్‌ గా చూపించడంలో దర్శకుడు తడబడ్డాడు. 

సిద్ధార్థ్‌ పాత్రలో సుమంత్‌ ఫర్వాలేదనిపించాడు. ప్రారంభంలో ఆయన పాత్ర పెద్దగా ఇంపాక్ట్ చూపలేదు. సెకండాఫ్‌లో బాగుంది. క్లైమాక్స్ ట్విస్ట్ ఊహించని విధంగా ఉంది. దాన్ని అంతా సర్‌ప్రైజ్‌ అవుతారు. ఈ విషయంలో దర్శకుడి ఆలోచన వేరే లెవల్‌ అని చెప్పొచ్చు. దేవుడికి సంబంధించిన కథలతో చాలా సినిమాలు వస్తున్నాయి. ఇది కూడా ఆ కోవకి చెందిన మూవీనే. అయితే అందులో ట్విస్ట్ లు, టర్న్ లతో నడిపించిన తీరు బాగుంది. ఇలాంటి డివైన్‌ మూవీస్‌ ఇష్టపడేవారికిది నచ్చే చిత్రమవుతుంది.

గ్రామీణ నేపథ్యం, సాంప్రదాయ క్రీడలు, మానవ సంబంధాల కలయికతో తెరకెక్కిన తమిళ డ్రామా 'మండాడి' సినిమా. తమిళ నటుడు సూరి, తెలుగు నటుడు సుహాస్ ప్రధాన పాత్రల్లో నటించిన ఈ స్పోర్ట్స్ డ్రామా గురువారం థియేటర్లలో విడుదలై డీసెంట్ టాక్ తెచ్చుకుంది. ఇక సినిమాలో సముద్ర తీర ప్రాంత ప్రజల జీవనశైలిని, వారి సాంప్రదాయ పడవల పోటీని అత్యంత వాస్తవికంగా తెరకెక్కించడం ఈ చిత్రానికి ప్రధాన బలంగా నిలిచింది. అలాగే సినిమాలో సూరి, సుహాస్ నటన సినిమాకే హైలెట్ గా నిలిచింది. 

అయితే ఫస్టాఫ్ వేగంగా, ఆసక్తికరంగా సాగినప్పటికీ.. సెకండాఫ్‌ కు వచ్చేసరికి స్టోరీలో రొటీన్ ఫార్ములా కనిపించి వేగం తగ్గుతుంది. ఇక సినిమాలో హీరోల మధ్య ఉన్న స్నేహం, భావోద్వేగ నేపథ్యాన్ని సరిగ్గా ఎస్టాబ్లిష్ చేయకపోవడం వల్ల కొన్ని సీన్లలో ఎమోషన్ లోపించింది. 

దర్శకుడు మతిమారన్ పుగలేంది ఓ విభిన్నమైన వాటర్ స్పోర్ట్ నేపథ్యాన్ని ఎంచుకుని మెప్పించే ప్రయత్నం చేశారు. జీవీ ప్రకాష్ కుమార్ నేపథ్య సంగీతం, సముద్రతీర పోరాట ఘట్టాలకు ప్రాణం పోసింది. ఎస్ఆర్ కతిర్ సినిమాటోగ్రఫీ తీరప్రాంత అందాలను గ్రాండ్ గా చూపించింది. ఎడిటింగ్ ఇంకాస్త పదునుగా ఉంటే బాగుండేది. ఫైనల్‌ గా.. 'మండాడి' సినిమా సాంప్రదాయ నీటి క్రీడ ఆధారంగా ఈగో, ప్రతీకారాల చుట్టూ సాగే ఓ ఆసక్తికరమైన డ్రామా. విభిన్నమైన కథాంశాలను కోరుకునే ప్రేక్షకులకు ఈ సినిమా నచ్చుతుంది.

అక్కినేని సుమంత్ తన సెకండ్ ఇన్నింగ్స్‌లో విభిన్న కథలను ఎంచుకుంటూ ప్రేక్షకులను ఆకట్టుకుంటున్నాడు. థ్రిల్లర్ జానర్లో ఇంట్రెస్ట్ చూపిస్తుండటంతో ఈ సినిమాలపై మంచి బజ్ ఏర్పడుతోంది. తాజాగా సుమంత్ కథానాయకుడిగా, సంతోష్ జాగర్లమూడి దర్శకత్వంలో తెరకెక్కిన మిస్టరీ థ్రిల్లర్ చిత్రం 'మహేంద్రగిరి వారాహి'. థియేటర్లలో విడుదలైన ఈ మూవీ మిక్స్డ్ రెస్పాన్స్ అందుకుంటుంది. 

ఇక సినిమాలో స్టార్టింగ్ లో, అలాగే సిద్దు జొన్నలగడ్డ కామియో పాత్ర ప్రేక్షకులలో ఆసక్తిని రేకెత్తిస్తాయి. యూట్యూబర్‌ గా సుమంత్ నటన ఈ సినిమాకు పెద్ద ప్లస్ పాయింట్. ఇంటర్వెల్ బ్యాంగ్, ప్రీ-క్లైమాక్స్, క్లైమాక్స్ సన్నివేశాలను డైరెక్టర్ చాలా ఆసక్తికరంగా మలిచారు. క్లైమాక్స్‌ లో వచ్చే ట్విస్టులు ఊహించని విధంగా ఉండి ఆకట్టుకుంటాయి. అనూప్ రూబెన్స్ మ్యూజిక్, బ్యాక్ గ్రౌండ్ మ్యూజిక్ బాగున్నాయి. ఎడిటింగ్ విషయంలో కొంచెం కత్తెర వేయాల్సిన అవసరం కనిపిస్తుంది.

అయితే స్టోరీలో కొన్ని లాజిక్‌లు లోపించడం మైనస్‌గా మారింది. స్టోరీలో దైవ ప్రభావం చివర్లోనే చూపించడం, మధ్యలో వచ్చే కొన్ని సీన్లు సాగదీసినట్లు ఉండటం సినిమా వేగాన్ని తగ్గిస్తాయి. సాంకేతిక పరంగా చూస్తే వీఎఫ్ఎక్స్ పనితనం, ఏఐ వాడకం నాణ్యంగా లేకపోవడం కొంత అసంతృప్తి కలిగిస్తుంది. ఫైనల్‌గా.. మొత్తానికి 'మహేంద్రగిరి వారాహి' సినిమా కొన్ని మంచి ఆకట్టుకునే క్షణాలతో కూడిన మిస్టరీ థ్రిల్లర్. థ్రిల్లర్ సినిమాలను ఇష్టపడేవారికి ఇది ఒకసారి చూడదగిన చిత్రం.

సినిమా విషయానికి వస్తే.. ఓ ఆలయం, ఊళ్ళో చనిపోవడం, అంతా దేవుడి వల్ల అనుకోవడం, కానీ దాని వెనక ఏదో ఉండటం.. లాంటి కథలతో కార్తికేయ, సుబ్రహ్మణ్యపురం.. లాంటి అనేక సినిమాలు వచ్చాయి. ఈ మహేంద్రగిరి వారాహి కూడా అదే కథ.

సుమంత్ చావుల వెనక రీసెర్చ్ చేసే పాత్రలో బాగానే నటించాడు. సిద్ధూ జొన్నలగడ్డ, ఐశ్వర్య రాజేష్, మాళవిక నాయర్ గెస్ట్ అప్పీరెన్స్ లు బాగుంటాయి.పాత కథే అయినా కొత్త దేవతని తీసుకొని రొటీన్ కథనంతోనే ఊహించని ట్విస్టులతో తెరకెక్కించాడు దర్శకుడు. ఎడిటింగ్ లో మాత్రం ఫస్ట్ హాఫ్ కొంత ల్యాగ్ సీన్స్ కట్ చేస్తే బెటర్. నిర్మాణ పరంగా కూడా బాగానే ఖర్చుపెట్టినట్టు తెరపై కనిపిస్తుంది.

మొత్తంగా ‘మహేంద్రగిరి వారాహి’ 200 ఏళ్ళ క్రితం రాజవంశానికి ఇచ్చిన శాపం, దాంతో జరిగే చావులతో సస్పెన్స్ డివోషనల్ థ్రిల్లర్ గా తెరకెక్కిన సినిమా. 

మహేంద్రగిరి వరాహి పేరుతో ఒక ఆసక్తికరమైన మిస్టరీ-డివోషనల్ కథను చెప్పాలనే ప్రయత్నం కనిపించినా, తెరపై ఆ మ్యాజిక్ మాత్రం పెద్దగా వర్కౌట్ కాలేదు. మొదటి నుంచే కథలోకి తీసుకెళ్లాల్సిన మిస్టరీని సాగదీస్తూ నెమ్మదిగా నడిపించడంతో ప్రేక్షకుడి సహనం పరీక్షకు గురవుతుంది. కాన్సెప్ట్‌లో ఉన్న ఆసక్తి, స్క్రీన్‌ప్లేలో కనిపించకపోవడం ప్రధాన సమస్య.

ముఖ్యంగా సెకండాఫ్‌లో కథనం మరింత గందరగోళంగా మారి, కొన్ని సన్నివేశాలు ఎందుకు వస్తున్నాయో కూడా అర్థం కాని పరిస్థితి ఎదురవుతుంది. పాత్రల ఎమోషన్స్ కూడా బలంగా కనెక్ట్ కావు. VFX, గ్రాఫిక్స్ కొన్ని కీలక సన్నివేశాల్లో ఆశించిన స్థాయిలో లేకపోవడంతో భారీగా చూపించాలనుకున్న విజువల్ ఎఫెక్ట్ తగ్గిపోయింది. నటీనటులు తమ వంతు ప్రయత్నం చేసినా, బలహీనమైన రైటింగ్‌ను పూర్తిగా కాపాడలేకపోయారు. మొత్తంగా మంచి ఐడియాను ఆసక్తికరమైన సినిమాగా మార్చడంలో మహేంద్రగిరి వరాహి తడబడింది. మిస్టరీ కోసం వెళితే నిరాశే ఎక్కువగా మిగులుతుంది.

మిస్టరీ, మైథాలజీ, థ్రిల్లర్ ఎలిమెంట్స్‌తో వచ్చిన మహేంద్రగిరి వారాహి మొదటి నుంచి ఒక ఇంట్రెస్టింగ్ వరల్డ్‌ లోకి తీసుకెళ్తుంది. సుమంత్ తన పాత్రలో సెటిల్డ్ పెర్ఫార్మెన్స్‌ తో ఆకట్టుకున్నాడు. ముఖ్యంగా సెకండాఫ్‌ లో ఆయన యాక్టింగ్, ఇన్వెస్టిగేషన్ సీన్స్ సినిమాకు ప్లస్‌ గా నిలుస్తాయి.

అయితే ఫస్ట్ హాఫ్‌ లో కథనం కొంచెం స్లోగా సాగడం, కొన్ని సీన్స్ ముందే ఊహించేలా ఉండటం మైనస్.

కథలో ఉన్న మైథాలజికల్ బ్యాక్‌ డ్రాప్, విజువల్స్, బ్యాక్‌గ్రౌండ్ స్కోర్ మంచి ఇంపాక్ట్ ఇస్తాయి. క్లైమాక్స్ వైపు వెళ్లే కొద్దీ సినిమా గ్రిప్ పెరుగుతుంది.

మొత్తానికి కొత్త కాన్సెప్ట్ టచ్ ఉన్నప్పటికీ, స్క్రీన్‌ ప్లే ఇంకా షార్ప్‌ గా ఉంటే సినిమా రేంజ్ మరింత పెరిగేది. సుమంత్ ఫ్యాన్స్, మైథాలజీ థ్రిల్లర్స్ ఇష్టపడేవారికి ఓసారి ట్రై చేయొచ్చు.