Movie Reviews

తెలుగులో సోషియో ఫాంటసీలకు కొదవలేదు. పైగా దేవలోకం, యమలోకం నేపథ్యంలో ఎన్నో సినిమాలు యేళ్ళ తరబడి వస్తూనే ఉన్నాయి. గతంలో వచ్చిన ఇలాంటి సినిమాల్లోని అంశాలు తీసుకుని దర్శకుడు చంద్రమోహన్‌ 'పులిహోర' కలిపారు. అంతే! రంభ ఊర్వశి మేనక సినిమా కథ, కథనాలలో ఎలాంటి కొత్తదనం లేదు. ఇందులో చాలా సన్నివేశాలు స్పూఫ్ తో సాగి 'సుడిగాడు' మూవీని గుర్తు చేస్తాయి. జయాపజయాలను పక్కన పెడితే ఈ మధ్య కాలంలో 'అల్లరి' నరేశ్‌ కంటెంట్ బేస్డ్ మూవీస్ చేస్తున్నాడు. దాంతో అతనిలోని నటుడు వెలుగులోకి వస్తున్నాడు. కానీ ఈ తరహా రొట్టకొట్టుడు కథలను ఎంచుకుని, సినిమాలు చేస్తే జనం ఆదరిస్తారని ఎలా అనుకున్నాడో అర్థం కాదు. 

ఇక నటన విషయానికి వస్తే అల్లరి నరేశ్‌ కు ఇలాంటి పాత్ర చేయడం నల్లేరు మీద బండి నడక. అలానే సాఫీగా లాగించేశాడు. మిగతా వాళ్ళందరూ సోసోగానే నటించారు. అయితే అల్లరి నరేశ్‌ తనదైన కామెడీని పండించాలని అనుకున్నప్పుడు ఈ తరం మెచ్చే కథలను ఎంచుకోవాలని తప్పితే... కోల్డ్ స్టోరేజ్ లోని స్టోరీలను ఇకపై ముట్టుకోకుండా ఉంటే బెటర్. ఈ కథను జనం మెచ్చుతారని నిర్మాతలు రాజేశ్‌ దండా, నిమ్మకాయల ప్రసాద్‌ ఎలా నమ్మి కోట్లు ఖర్చు పెట్టారో అర్థమే కాదు. ఓవరాల్ గా ఈ పాత చింతకాయ పచ్చడిని ఎంజాయ్ చేయాలంటే చాలా ఓపికుండాలి. 

దుల్కర్ సల్మాన్‌ నటించిన ఐమ్ గేమ్ సినిమా గురించి చెప్పుకుంటే... తన యాక్టింగ్ ప్రతిభను దృష్టిలో పెట్టుకొని కాసినో, క్రికెట్ బెట్టింగ్ అంశాలను దర్శకుడు నివాస్ రాసుకొన్న ఇంటెన్సివ్ కథ, దుల్కర్‌ సల్మాన్ చేత మరోసారి నట విశ్వరూపం చూపించే ప్రయత్నం సక్సెస్ అయిందనే చెప్పాలి. ఫస్టాఫ్‌ దుల్కర్ సల్మాన్ తన పాత్రలో పెర్ఫార్మెన్స్ పరంగా చెలరేగిపోయారు. ప్రీమియర్ లీగ్ టోర్ని క్రికెట్ బెట్టింగ్‌ల కారణంగా క్రికెటర్ల జీవితాలు ఎలా డేంజరస్‌గా మారుతున్నాయనే విషయాన్ని స్పష్టంగా చూపించారు.

ఇక సెకండాఫ్‌లో మిస్కిన్, ఆంటోని వర్గీస్ సినిమాకు మరింత బలంగా మారారు. కాయదు లోహర్ ఈ సినిమాకు గ్లామర్ పరంగానే కాకుండా తనకు లభించిన స్పేస్‌లో యాక్టింగ్‌తో మెప్పించారు. సినిమాలో యాక్షన్ కొరియోగ్రఫి, స్పోర్ట్స్ కోరియోగ్రఫి బాగా డిజైన్ చేశారు. జేక్స్ బిజోయ్ బ్యాక్ గ్రౌండ్ స్కోర్ సినిమాను ఎమోషనల్‌గాను, యాక్షన్ మోడ్‌ను బాగా ఎలిమేట్ చేసింది. జిమ్‌షి ఖాలీద్ సినిమాటోగ్రఫి ఈ సినిమాను క్వాలిటీగా, రిచ్‌గా చూపించారు. ఓవరాల్ గా ఒక డిఫరెంట్ కంటెంట్, హై ఎండ్ పెర్ఫార్మెన్స్ చూడాలనుకొంటే.. ఈ వారం ఐయామ్ గేమ్ సినిమాను తప్పకుండా చూడొచ్చు. ఈ సినిమా మంచి థియేట్రికల్ వాల్యూ ఉన్న సినిమా. మంచి అనుభూతి కలిగిస్తుంది.

సెకండ్ ఇన్నింగ్స్ లో ‘నాంది’ సినిమాతో విజయాన్నందుకున్నప్పటికీ.. ఆ తర్వాత ట్రాక్ తప్పాడు అల్లరి నరేష్. సీరియస్ సినిమాలు కొన్ని తేడా కొట్టాక ఒకప్పుడు తనకు అనేక విజయాలందించిన కామెడీ జానర్లో రంభ ఊర్వశి మేనక మూవీతో ఆడియన్స్ ముందుకొచ్చాడు. అయితే ఈ సినిమా ఆడియన్స్ నుండి మిక్స్డ్ రెస్పాన్స్ అందుకుంటుంది. 

అల్లరి నరేష్ ఒకప్పుడు తెలుగు ప్రేక్షకులను కడుపుబ్బ నవ్వించిన మాట వాస్తవం. అతడికో మంచి హిట్ పడాలని అందరూ కోరుకుంటారన్నది నిజం. కానీ ఇప్పుడు అతను కామెడీ ట్రై చేస్తున్నా ముందులా నవ్వులు పండట్లేదని ‘ఆ ఒక్కటీ అడక్కు’తోనే రుజువైంది. ఒకవేళ కామెడీ ట్రై చేసినా.. ఇప్పటి ట్రెండుకు తగ్గ కథను ఎంచుకుని డిఫరెంటుగా ఏదైనా ప్రయత్నించాలి కానీ.. కానీ ‘రంభ ఊర్వశి మేనక’లో ఓల్డ్ ట్రీట్మెంట్ వల్ల చాలా సన్నివేశాలు ప్రేక్షకులకు అసహనమే కలిగిస్తాయి. ఇందులో ఇచ్చిన మెసేజ్ ఎన్నో వందల సినిమాల్లో చూసిందే. ఈ మాత్రం దానికి ఇంత డ్రామా అవసరమా అన్నట్లుగా నడుస్తుందీ సినిమా.

ఒకప్పుడు అల్లరి నరేష్ కామెడీ సినిమాలు బాగా నడిచిన రోజుల్లో ఈ కథను ట్రై చేస్తే బాగుండేది. ఈ రోజుల్లో మాత్రం ఇలాంటి కథ.. ఈ తరహా నరేషన్ తో మెప్పించడం చాలా కష్టం. చివరగా: రంభ ఊర్వశి మేనక.. మ్యాజిక్ పని చేయలేదు 

మలయాళ స్టార్ దుల్కర్ సల్మాన్ హీరోగా నటించిన అవైటెడ్ సినిమా ఐమ్ గేమ్, తెలుగులో పలు ఇబ్బందులు ఎదురైన ఈ సినిమా ఫైనల్ గా ఈరోజు తెలుగు రాష్ట్రాల్లో విడుదల అయి మిక్స్డ్ రెస్పాన్స్ అందుకుంది. ఇందులో కథాంశం కొత్తగా ఉన్నప్పటికీ, తెరపై దాన్ని ఆవిష్కరించిన విధానం చాలా రొటీన్ గానే ఉంటుంది. ఫస్ట్ హాఫ్ కథను బాగా సెట్ చేసి ఒక పెద్ద ట్విస్ట్‌తో ముగుస్తుంది. కానీ అందుకు భిన్నంగా సెకండాఫ్ కథనం పేలవంగా మిగిలిపోవడం బాధాకరం.

ఈ సినిమా కథ ముందుగానే ఊహించేలా ఉండటంతో మెల్లగా సినిమాపై పట్టు తగ్గిపోతుంది. ఇక మొత్తంగా చూసుకుంటే, ‘ఐమ్ గేమ్’ ఆసక్తికరమైన కథాంశాన్ని కలిగి ఉన్నప్పటికీ, కథనంలో ఇంపాక్ట్ లోపించింది. దుల్కర్ సల్మాన్, సాంకేతిక బృందం సినిమాను నిలబెట్టడానికి తమ వంతు కృషి చేసినా, నెమ్మదిగా సాగే సెకండాఫ్, ఊహాజనితంగానే సాగే సీన్స్ ఈ సినిమా ఫలితాన్ని దెబ్బ తీశాయి. సో ఈ సినిమా అక్కడక్కడా మాత్రమే వర్కౌట్ అవుతుంది. కాబట్టి, కొత్త కథలను ఇష్టపడే యాక్షన్ సినీ ప్రియులు ఎలాంటి అంచనాలు లేకుండా ఒకసారికి ట్రై చేయవచ్చు.

హీరో అల్లరి నరేష్, సురభీ, రాశీ సింగ్, విష్ణుప్రియ భీమినేని, ప్రిషా సింగ్ నటించిన చిత్రం రంభ ఊర్వశి మేనక. కాగా ఈ చిత్రం ఈ రోజు విడుదల అయి బిలో యావరేజ్ టాక్ తెచ్చుకుంది. సినిమాలో దర్శకుడు చంద్రమోహన్ చింతాడ చెప్పాలనుకున్న కంటెంట్ బాగున్నా.. కథ కథనాలు ఆసక్తికరమైన ప్లోతో సాగలేదు. సినిమాలో దర్శకుడు చంద్రమోహన్ చింతాడ చెప్పాలనుకున్న కంటెంట్ బాగున్నా.. కథ కథనాలు ఆసక్తికరమైన ప్లోతో సాగలేదు.

‘రంభ ఊర్వశి మేనక’ అంటూ వచ్చిన ఈ ఫాంటసీ ఫన్ డ్రామాలో.. మెయిన్ థీమ్, కొన్ని కామెడీ సీన్స్ బాగున్నాయి. ఐతే, మెయిన్ ట్రీట్మెంట్ ఆసక్తికరంగా సాగకపోవడం, బోరింగ్ అండ్ సిల్లీ ప్లేతో సినిమా స్లోగా సాగడం వంటి అంశాలు సినిమా ఫలితాన్ని దెబ్బ తీశాయి. ఓవరాల్ గా ఈ సినిమాలో కొన్నిచోట్ల మాత్రమే ఫన్ బాగుంది.

దర్శకుడు చంద్రమోహన్ చింతాడ రాసుకొన్న "రంభ ఊర్వశి మేనక" కథ నేటి ప్రేక్షకుల అభిరుచికి సుదూరంగా ఉందనే విషయం ఈ సినిమాకి అతిపెద్ద మైనస్. ఇక పాత చింతకాయపచ్చడి లాంటి కథకు 80 దశకం నాటి కథనం, సన్నివేశాలు జోడించడంతో ఫస్టాఫ్‌లో పూర్తిగా విసుగు, పరమ బోర్‌గా ఉంటాయి. అలా నిస్సారంగా, ఎలాంటి కొత్తదనం, వెగటు హాస్యంతో సాగడంతో సినిమా ప్రేక్షకుడిని సహనానికి పరీక్ష పెట్టేలా ఉంటుంది. 

ఇక అల్లరి నరేష్ నటన చూస్తే ఇంకా పాతకాలం స్ట్రాటెజీలోనే కొట్టుమిట్టాడుతున్నాడనే ఫీలింగ్ కలుగుతుంది. ప్రస్తుతం ఆడియెన్స్ టేస్ట్ మారింది. ప్రేక్షకులు మామూలు కంటెంట్‌ను విసిరికొడుతున్న విషయాన్ని ఆయన గ్రహించలేదా? అనే డౌట్ వస్తుంది. ఇక వీకే నరేష్ ఈ సినిమాకు స్పెషల్ ఎట్రాక్షన్. కొన్ని సన్నివేశాల్లో తన మార్క్ కామెడీ బాడీ లాంగ్వేజ్‌తో ఆకట్టుకొన్నాడు. ఇక రాశి సింగ్, విష్ణుప్రియ, ప్రిషా సింగ్, సురభి గ్లామర్‌పరంగా, పెర్ఫార్మెన్స్ పరంగా నిరాశపరిచారు. ఇలాంటి పరిస్థితుల నేపథ్యంలో ఈ సినిమాను చూడాలా? వద్దా? అనేది మీరే నిర్ణయించుకోండి.

'ప్రేమలు' తర్వాత మరోసారి స్వచ్ఛమైన వినోదం, సున్నితమైన భావోద్వేగాలతో 'బెత్లెహోమ్ కుటుంబ యూనిట్' అంటూ ప్రేక్షకుల ముందుకు వచ్చారు దర్శకుడు గిరీష్ ఏడీ. 'బెత్లెహోమ్ కుటుంబ యూనిట్'లో కథ, స్క్రీన్ ప్లే, సన్నివేశాలు ఊహించడం పెద్ద కష్టమేమీ కాదు. అయితే... ప్రతి సన్నివేశం, క్యారెక్టర్ మనల్ని కథతో పాటు ట్రావెల్ చేసేలా చేస్తాయి. అందుకు కారణం... ఆయా సన్నివేశాలను గిరీష్ ఏడీ తీసిన విధానంతో పాటు నటీనటుల ప్రతిభ కూడా! కొన్ని వన్ లైనర్ పంచ్ డైలాగ్స్ గట్టిగా పేలాయి. ఫస్టాఫ్ అంతా క్యూట్, ఫన్ మూమెంట్స్‌తో వెళుతుంది. సెకండాఫ్‌లోనూ వినోదమే ఎక్కువ ఉంటుంది. ఎమోషనల్ సీన్స్ ఉన్నప్పటికీ... అటు వైపు ఎక్కువ వెళ్ళలేదు. 

అయితే హీరో లవ్ ఫెయిల్యూర్ గానీ, హీరోయిన్ కోసం పడిన తపనను గానీ ఎక్కువ చూపించలేదు. అందువల్ల, ప్రేమలో డెప్త్ తగ్గినట్టు అనిపిస్తుంది. ఆ లోటును కామెడీ కవర్ చేసింది. సినిమాలో నివిన్ పౌలి - మమితా బైజు నటనలో మెలోడ్రామా గానీ, ఓవర్ డోస్ గానీ లేవు. ప్రారంభం నుంచి ముగింపు వరకు స్వచ్ఛమైన వినోదం, సహజత్వానికి దగ్గరగా అనిపించే ప్రేమ, ఆహ్లాదకరమైన నటనతో 'బెత్లెహోమ్ కుటుంబ యూనిట్' మంచి అనుభూతి ఇస్తుంది. క్లీన్ అండ్ ఆర్గానిక్ రొమాంటిక్ కామెడీ ఇది. తొలకరి చినుకులా, ప్రేమలో పడిన తర్వాత వచ్చే ఫీలింగ్‌లా బావుంటుంది. డోంట్ మిస్ ఇట్.

Bethlehem Kudumba unit movie review : 

Positives:

1.⁠ ⁠First Half

2.⁠ ⁠Organic Comedy At Most Parts

3.⁠ ⁠Nivin & Mamitha’s Chemistry

4.⁠ ⁠Good Music

Negatives:

1.⁠ ⁠Dragged-Out Second Half

2.⁠ ⁠Predictable Narration

3.⁠ ⁠Lack of Emotional Depth

Overall, Bethlehem Kudumba Unit, is definitely a worthy watch for the genuine fun it offers and an excellent first half. You can happily watch it and laugh out loud with your friends and family. It may not be as wholesome as ‘Premalu’, but it certainly is a breezy entertainer which let you have a smile on your face at most parts. However, a bit more care in giving emotional depth, would have made the film even better.

Bottom Line – Fun Worked

పెద్ద హడావిడి లేకుండా సింపుల్‌ కథ, పచ్చని పరిసరాల్లో తక్కువ బడ్జెట్‌తో సినిమాలు తీసి హిట్‌ కొట్టేస్తుంటారు మలయాళ మేకర్స్‌. అందుకే ఆ చిత్రాలకు టాలీవుడ్‌ లో అంత క్రేజ్‌. ఓటీటీల్లోనే కాకుండా థియేట్రికల్‌గా కూడా మాలీవుడ్‌ చిత్రాలకు చక్కని ఆదరణ లభిస్తుంది. తాజాగా వచ్చిన అలాంటి సింపుల్‌ సినిమానే బెత్లెహామ్‌ కుటుంబ యూనిట్‌. నివీన్‌ పౌలీ, మమితా బైజు జంటగా నటించిన ఈ మూవీ మంచి రెస్పాన్స్ అందుకుంది. ప్రేమలు తరహా లోనే దర్శకుడు గిరీష్‌ మరోసారి సింపుల్‌ కథ, ఫన్‌ ఎలిమెంట్స్‌ కి, చిన్నపాటి భావోద్వేగాలను మిళితం చేసి రొమాంటిక్‌ కామెడీ ఎంటర్‌టైనర్‌ గా ఈ చిత్రాన్ని మలిచారు. 

ఇటు నివిన్ పౌలి - మామితా బైజు ఇద్దరి మధ్య కెమిస్ట్రీ బాగుంది. ఇద్దరూ కూడా పెర్‌ఫార్మర్స్‌ అని మరోసారి నిరూపించుకున్నారు. సంగీత్‌ ప్రతాప్‌ ఈ సినిమాకు స్పెషల్‌ ఎట్రాక్షన్‌. పైగా స్ర్కీన్‌ ప్లే పర్ఫెక్ట్‌ గా కుదిరింది. సినిమాలో ఎక్కడా వల్గారిటీ లేదు. సింపుల్‌ లైన్‌ తో పడిపడి నవ్వేలా దర్శకుడు చక్కగా సీన్స్‌ రాసుకున్నాడు. మలయాళం నుంచి ఈ మధ్యకాలంలో వచ్చిన రొమాంటిక్‌ కామెడీ చిత్రాల్లో ఇది బెస్ట్‌ గా నిలుస్తుంది. చిన్న లవ్‌స్టోరీ, వినోదాన్ని కోరుకునే ప్రేక్షకులకు ఈ చిత్రం తప్పకుండా నచ్చుతుంది.

మలయాళంలో ఘన విజయం సాధించిన రొమాంటిక్ కామెడీ ఎంటర్‌టైనర్ ‘బెత్లెహెం కుటుంబ యూనిట్’ ఇప్పుడు తెలుగు ప్రేక్షకుల ముందుకు వచ్చింది. ‘ప్రేమలు’ ఫేమ్ గిరీష్ ఏడీ దర్శకత్వంలో నివిన్ పౌలీ, మమితా బైజు ప్రధాన పాత్రల్లో నటించిన ఈ చిత్రం తెలుగులోనూ మంచి రెస్పాన్స్ అందుకుంటుంది. మలయాళ ఇండస్ట్రీ నుంచి వచ్చిన అత్యుత్తమ రొమాంటిక్ కామెడీ చిత్రాల్లో ఇది ఒకటిగా నిలుస్తుంది. వినోదం విషయంలో ఈ సినిమా ‘ప్రేమలు’ స్థాయిని గుర్తుచేస్తూ చివరివరకు ఆకట్టుకుంటుంది.

దర్శకుడు గిరీష్ ఏడీ ‘ప్రేమలు’ తర్వాత మరోసారి తన మార్క్ కామెడీతో హిట్ కొట్టారు. హింస, క్రైమ్ ప్రధానంగా సాగే సినిమాల నడుమ ఇలాంటి ఆహ్లాదకరమైన రొమాంటిక్ కామెడీలు రావడం ప్రేక్షకులకు మంచి ఊరట. ఓవరాల్‌ గా చెప్పాలంటే, ‘బెత్లెహెం కుటుంబ యూనిట్’ ఫుల్-ఆన్ ఎంటర్‌టైన్‌మెంట్‌తో సాగే చక్కని రొమాంటిక్ కామెడీ డ్రామా. నివిన్ పౌలీ, మమితా బైజుల నటన, దర్శకుడు గిరీష్ ఏడీ మార్క్ హిలేరియస్ కామెడీ సీన్స్ సినిమాకు ప్రధాన బలం. సెకండాఫ్‌లో కాస్త సాగతీతను తగ్గించి, భావోద్వేగాల తీవ్రత మరింత పెంచే అవకాశం ఉన్నప్పటికీ, కుటుంబ సమేతంగా హాయిగా చూసి నవ్వుకోదగ్గ మంచి చిత్రమిది. ఈ వీకెండ్‌ కు నిరభ్యంతరంగా థియేటర్‌లో చూడొచ్చు.

 బెత్లెహెం కుటుంబ యూనిట్ (Bethlehem Kudumba Unit) సినిమా విషయానికి వస్తే.. గిరీష్, కిరణ్ కలిసి ఈ కథను ఎంతో వినోదాతక్మంగా, మనసుకి హత్తుకునేలా, ఓ ఫ్రెష్ ఫీలింగ్ కలిగించేలా రాసుకున్నాడు. జెన్ జీ అమ్మాయి.. 90స్ అబ్బాయిని జత కలిపి ఓ ప్రేమ కథను అల్లుకున్నారు. అమ్మాయిలోని అల్లరి తనం, అబ్బాయిలోని అమాయకత్వాన్ని జోడించి రాసుకున్న సీన్స్ కొత్తగా అనిపిస్తాయి. తెరపై నివిన్ పౌలీ, మమిత జంట బాగుంటుంది. ఇద్దరూ తమ తమ పాత్రలతో ప్రేక్షకుల్ని ఆకట్టుకుంటారు. పెద్ద పెద్ద ఎలివేషన్స్, దెబ్బకు వంద మందిని గాల్లోకి లేపేయడం, విపరీతమైన రక్తపాతం ఏమీ లేని ఓ సింపుల్ లవ్ అండ్ కామెడీగా ఈ సినిమా అందరినీ ఆకట్టుకునే అవకాశం ఉంటుంది.

ఇక సినిమాలో టెక్నికల్‌ గానూ చాలా వరకు ఓ పెయింటింగ్‌లా అనిపిస్తుంది. కేరళ అందాలు కనువిందుని చేస్తాయి. ప్రొడక్షన్ వాల్యూస్, ఆర్ట్ వర్క్, కాస్ట్యూమ్స్ ఇలా అన్నీ కూడా చాలా సింపుల్‌ గానే కనిపించినా ఎంతో ఎఫెక్టివ్‌ గా అనిపిస్తాయి. చివరగా.. బెత్లెహెమ్ కుటుంబ యూనిట్ అనే టైటిల్ చూసి.. ఇదేదో వెరైటీ సినిమా అనుకోకండి.. ఇది జెన్ జీ అమ్మాయి, 90స్ అబ్బాయి క్యూట్ ప్రేమ కథ.

రోమాంచకం సినిమా ట్రైల‌ర్‌, పాట‌లు విడుద‌లైన‌ప్ప‌టి నుంచి ఇది యూత్‌ఫుల్ రొమాంటిక్ కామెడీ డ్రామాగా ప్రేక్ష‌కుల నుంచి మంచి అటెన్షన్‌ రాబ‌ట్టుకుంది. కానీ సినిమాలో అదేం లేదు. రొటీన్ లవ్ స్టోరీకి, సస్పెన్స్‌ ను, కామెడీని జ‌త చేసి న‌వ్వించే ప్ర‌య‌త్నాలు చేశారు, గానీ ఇప్ప‌టికే వంద‌ల కొద్ది సినిమాల్లో చూసిందే మ‌ళ్లీ ఇక్క‌డ కూడా రిపీట్ అవుతూ ప్రేక్ష‌కుల స‌హ‌నానికి ప‌రీక్ష‌ పెట్టినట్టు అయ్యింది. సినిమా చూసే ప్రేక్ష‌కుడికి త‌ర్వాత జ‌ర‌గ‌బోయేదేంటో ఇట్టే తెలిసి పోతూ రొటీన్‌ గా సాగిపోతుంది. 

మొద‌టి నుంచి రొమాంటిక్ మూవీ అంటూ చెప్పుకొచ్చిన‌ప్ప‌టికీ ఓ పాట‌లో మిన‌హా మ‌రెక్క‌డా ఆ ల‌వ్ అనేది కనిపించదు. ఆ మేర‌కు హీరోహీరోయిన్ల మ‌ధ్య బ‌ల‌మైన‌ స‌న్నివేశాలు సైతం లేవు. ఇక క్లైమాక్స్ అయితే ఇటీవ‌ల వ‌చ్చిన 'పాపం ప్ర‌తాప్' క్లైమాక్స్‌ను గుర్తు చేసి అస‌లు ఏం జ‌రుగుతుందిరా, ఎందుకురా ఇదంతా అనిపిస్తుంది. ఎడిటింగ్‌, డైలాగుల విష‌యంలో ఇంకాస్త దృష్టి పెట్టి ఉంటే బావుండేది. అయితే సినిమా క్యాప్ష‌న్‌ లో చెప్పిన‌ట్టుగా ప్రేమ లోపించినా అక్క‌డ‌క్క‌డ హాస్యంతో న‌వ్వించారు. ఒక్క వర్డ్ లో చెప్పాలంటే.. జెన్ జీ, నిబ్బిల‌కు ‘రోమాంచకం.