Movie Reviews

మోస్ట్ అవైటెడ్ పాన్ ఇండియా మూవీ పెద్ది. మెగా పవర్ స్టార్ రామ్ చరణ్, డైరెక్టర్ బుచ్చిబాబు కాంబినేషన్లో వచ్చిన ఈ సినిమా ప్రపంచవ్యాప్తంగా విడుదలైంది. ఇక ఊరి కోసం పోరాడే హీరో కథే ఈ పెద్ది. ఇక సినిమా మొత్తం రామ్ చరణ్ వన్ మ్యాన్ షోగా నడిపించాడు. పెద్ది పాత్రకి సంపూర్ణ న్యాయం చేసిన చరణ్ పెద్దిగా జీవించేసాడు. తనదైన హావభావాలతో భావోద్వేగమైన నటనతో మెప్పించాడు. ఇక జాన్వికపూర్ పాటలకే పరిమితమైంది. మిగతా నటీనటులందరూ మెప్పించారు.

ఇక తెరపై హీరో రామ్ చరణ్ అయితే తెరవెనక నడిపించిన హీరో AR రెహ్మాన్. ఆయన రీ రికార్డింగ్ చాలా రీఫ్రెషింగ్‌గా అనిపించింది.. సినిమా స్థాయిని పెంచేసింది. రత్నవేలు సినిమాటోగ్రఫీ కూడా ఈ సినిమాకు ప్రాణం. నవీన్ నూలి ఎడిటింగ్ ఇంకాస్త షార్ప్ గా ఉంటే బాగుండేది.. కానీ దర్శకుడు నిర్ణయం కాబట్టి అతడిని తప్పు పట్టడానికి లేదు. బుచ్చిబాబు తన వంతు ప్రయత్నం చాలా సిన్సియర్‌గా చేసాడు.. హీరో దొరికాడు కదా అని కమర్షియల్‌గా కాకుండా మంచి కథ చెప్పాడు. గ్రాఫిక్స్ విషయాల్లో అక్కడక్కడా చూసుకోవాల్సిందే. వృద్ధి సినిమాస్ నిర్మాణ విలువలు బాగున్నాయి. ఓవరాల్‌గా పెద్ది.. మనసును కదిలించే కొండ కింద ఊరోడి కథ..!

మెగా పవర్ స్టార్ రామ్ చరణ్ హీరోగా బుచ్చిబాబు దర్శకత్వంలో తెరకెక్కిన ‘పెద్ది’ భారీ అంచనాల మధ్య ప్రేక్షకుల ముందుకు వచ్చింది. గ్రామీణ నేపథ్యంలో సాగే ఈ స్పోర్ట్స్ డ్రామా, తన ఊరి గుర్తింపు కోసం పోరాడే ఓ యువకుడి కథను భావోద్వేగంగా చూపించే ప్రయత్నం చేస్తుంది. ఇక సినిమాలో రామ్ చరణ్ పెర్ఫార్మెన్స్ పరంగా తన పాత్రకు పూర్తి న్యాయం చేస్తూ, యాక్షన్ మరియు ఎమోషనల్ సన్నివేశాల్లో ఆకట్టుకుంటాడు. ముఖ్యంగా క్లైమాక్స్ మరియు స్పోర్ట్స్ ఎపిసోడ్స్‌లో చరణ్ నటన ప్రేక్షకులను కదిలిస్తుంది. 

అయితే కథ పరంగా చూస్తే ఇది కొత్త కథ కాదు. కొన్ని సన్నివేశాలు ముందే ఊహించగలిగేలా ఉండగా, స్క్రీన్‌ప్లే కూడా కొంతవరకు రొటీన్‌గా అనిపిస్తుంది. టెక్నికల్‌గా ఎ.ఆర్. రెహమాన్ సంగీతం సినిమాకు పెద్ద బలంగా నిలిచింది. బ్యాక్‌గ్రౌండ్ స్కోర్, ఎమోషనల్ బ్లాక్స్‌ను మరింత ఎలివేట్ చేస్తుంది. ఓవరాల్‌గా ‘పెద్ది’ కొత్త కథ చెప్పకపోయినా, బలమైన ఎమోషన్స్, రామ్ చరణ్ అద్భుత నటన, స్పోర్ట్స్ డ్రామా ఎలిమెంట్స్‌తో మెప్పించే కమర్షియల్ ఎంటర్‌టైనర్‌గా నిలుస్తుంది.

రామ్ చరణ్, జాన్వీ కపూర్ జంటగా తెరకెక్కిన సినిమా ‘పెద్ది’. బుచ్చిబాబు సాన దర్శకత్వంలో తెరకెక్కిన ఈ మూవీ తాజాగా థియేటర్లలో విడుదలై ఆకట్టుకుంటుంది. అయితే ఇది కమర్షియల్ సినిమా అనేకన్నా ఒక ఎమోషనల్ స్ఫూర్తినిచ్చే స్పోర్ట్స్ డ్రామా సినిమా అని చెప్పొచ్చు. కథ పరంగా అంతగా లేకపోయినా, బుచ్చిబాబు స్క్రీన్ ప్లే పరంగా ఆకట్టుకున్నాడు. ఇక రామ్ చరణ్ మరోసారి తన కెరీర్ బెస్ట్ పెర్ఫార్మన్స్ ఇచ్చాడని చెప్పాలి. ముఖ్యంగా ప్రీ క్లైమాక్స్ లో ఓ సీన్, ఆ తర్వాత క్లైమాక్స్ వరకు అలాంటి సీన్స్ స్టార్ హీరో చేయడానికి ధైర్యం కావాలి. చరణ్ ఆ సీన్స్ చేయడమే కాదు చేసి ఏడిపించాడు కూడా.

అలాగే జగపతి బాబు, శివరాజ్ కుమార్ కూడా తమ నటనలో సీనియారిటీ చూపించారు. ఎఆర్ రహ్మాన్ ఊరించి ప్రత్యేకంగా చెప్పాల్సిన పనిలేదు. ట్రైలర్ ద్వారా వచ్చిన ట్రోల్స్ కి సినిమా ద్వారా సమాధానం చెప్పాడు. ఇక టెక్నికల్ గానూ సినిమా ఔట్స్టాండింగ్ గా ఉంది. మొత్తంగా ‘పెద్ది’ ఊరు, తన మనుషులకు గుర్తింపు కోసం ఒక ఆటగాడిగా ఏం చేసాడు? అందరిలో ఎలా స్ఫూర్తి నింపాడు అని కమర్షియల్ గా ఎమోషనల్ గా తెరకెక్కించారు. కొత్తదనం కోరుకోకుండా కమర్షియల్ మూవీస్ ఇష్టపడే ఆడియన్స్ అందరికి ఈ సినిమా నచ్చుతుంది. 

 గ్లోబల్ స్టార్ రామ్ చరణ్ నటించిన పెద్ది ఎట్టకేలకు థియేటర్లలో విడుదలై మంచి రెస్పాన్స్ ని కూడా రాబట్టుకుంది. బుచ్చిబాబు దర్శకత్వం వహించిన ఈ సినిమా రూరల్ స్పోర్ట్స్ బ్యాక్ డ్రాప్ లో తెరకెక్కగా, జాన్వీ కపూర్ హీరోయిన్ గా నటించింది. ఇక ఈ సినిమాలో రామ్ చరణ్ నటనతో పాటు, బుచ్చిబాబు టేకింగ్, ఎఆర్ రహ్మన్ అదిరిపోయే మ్యూజిక్ తో సినిమాని నిలబెట్టారు. 

అయితే కథ పరంగా చాలా చిన్నగా ఉంటుంది. మాములు కొండప్రాంతానికి చెందిన పెద్ది అనే యువకుడు ఊరి కోసం చేసిన పోరాటమే ఈ కథ నేపథ్యం. ఇక స్క్రీన్ ప్లే కూడా కాస్త డల్ గా ఉన్నప్పటికి, ఆడియన్స్ ని ఎమోషనల్ గా టచ్ చేయడంలో బుచ్చిబాబు సక్సెస్ అయ్యాడు. ముఖ్యంగా సినిమాలో రామ్ చరణ్ నటన ఢిల్లీ ఎపిసోడ్స్, కుస్తీ సీన్స్ హైలెట్ అయ్యాయి. అలాగే జగపతి బాబు, శివరాజ్ కుమార్ కూడా మూవీకి ప్లస్ అయ్యారు. ఎఆర్ రహ్మాన్ సినిమాకి అద్భుతమైన సాంగ్స్ తో పాటు సాలిడ్ బీజీఎమ్ ఇచ్చారు. ఓవరాల్ గా సినిమాకి పెద్ది కథ ఇంకా బలంగా రాసుకుని ఉంటె ఇంపాక్ట్ వేరే లెవెల్ లో ఉండేది. కాని ఫైనల్ గా ఈ పెద్ది అందరికి గుర్తుండిపోతాడు. 

మరీచిక సినిమాకు ప్రధాన బలం కథనమే. కానీ డైరెక్టర్ సతీష్ కాశెట్టి దాన్ని స్క్రీన్ మీద ప్రెజెంట్ చేసిన విధానం ఆశించినంత లేదు. ఒక సాధారణ డ్రామాలా మొదలైన సినిమా, మెల్లగా ఒక డార్క్ థ్రిల్లర్ మూడ్‌లోకి షిఫ్ట్ అవుతుంది. సినిమాలో కొన్ని సీన్స్ లో కాస్త ఉత్కంఠను మెయింటైన్ చేయడంలో డైరెక్టర్ బాగానే సక్సెస్ అయ్యాడు. అయితే అక్కడక్కడా కొన్ని ఎమోషనల్ సీన్స్ కాస్త లాగ్ అయిన ఫీలింగ్ వస్తుంది. 

క్లైమాక్స్ కథనం మరింత గ్రిప్పింగ్‌గా ఉంది.. కానీ ఆడియన్స్ ఊహకు అందకుండా నాన్-లీనియర్ పద్ధతిలో కథను నడిపించడంలో స్క్రీన్ ప్లే రైటర్స్ చూపించిన నేర్పు మెచ్చుకోవాలి. అయితే లాజిక్స్ వెతికే వాళ్లకు కొన్ని ప్రశ్నలు మిగిలినా.. ఓవరాల్‌గా ఈ స్క్రీన్ ప్లే ప్రేక్షకులకు ఒక థ్రిల్లింగ్ ఎక్స్‌పీరియన్స్ ఇస్తుంది. కొన్నిచోట్ల మాత్రం లాజిక్ ఉండదు.. మరికొన్నిచోట్ల కథనం చాలా నెమ్మదిగా సాగుతుంది. డార్క్ సైకలాజికల్ థ్రిల్లర్స్ చూడాలనుకునేవాళ్లకు మరీచిక మంచి ఛాయిసే. ఇక ప్రొడక్షన్ వాల్యూస్ ఎక్కడా కాంప్రమైజ్ కాకుండా, సినిమా స్థాయికి తగ్గట్టుగా గ్రాండ్‌గా ఉన్నాయి. ఓవరాల్‌గా మరీచిక.. డీసెంట్ సైకలాజికల్ థ్రిల్లర్..!

మోహన్ లాల్, మీనా జంటగా దృశ్యం రెండు పార్టులకు మరో సీక్వెల్ గా తెరకెక్కిన సినిమా దృశ్యం 3. తాజాగా థియేటర్స్ లో రిలీజయింది. దృశ్యం, దృశ్యం 2 సినిమాలు మళయాలంలో హిట్ అవ్వడంతో వేరే భాషల్లోకి రీమేక్ అవగా, తెలుగులో వెంకటేష్ చేసారు. కానీ ఇప్పుడు పార్ట్ 3 మాత్రం మలయాళం సినిమానే తెలుగులో డబ్బింగ్ చేసారు. ఇక సినిమా విషయానికి వస్తే... మూవీ మొత్తం చాలా ఆర్డినరిగా సాగుతూ, పెద్దగా ఇంట్రెస్టింగ్ సీన్లు లేకుండా అలా సాగిపోయింది. 

క్లైమాక్స్ లో వచ్చే ట్విస్ట్ లు మాత్రం ఈ సారి సింపుల్ గానే ఉన్నాయి. అయితే మొదటి రెండు సినిమాల్లో ఉన్నంత బలంగా ఈ పార్ట్ 3లో ట్విస్ట్ లు లేకపోవడం గమనార్హం. గత రెండు సినిమాలు వరుణ్ మర్డర్ కేసు చుట్టూ తిరిగాయి, అతని అవశేషాలు కనపడకుండా జార్జ్ ఏం చేసాడు అని నడిపించారు కాబట్టి చాలా ఇంట్రెస్ట్ గా ఉంటాయి ట్విస్ట్ లు. అయితే దృశ్యం 3 మాత్రం పాత కేసుకి లింక్ ఉన్నా ఒక రివెంజ్ డ్రామా, కూతుర్ని కాపాడుకోవడానికి తండ్రి ఏం చేసాడు అని రొటీన్ గా సాగుతుంది. పైగా చివర్లో అంజు విషయంలో నెక్స్ట్ ఏం జరుగుతుంది అని క్లారిటీ ఇవ్వకుండా, సినిమాకు సరైన ముగింపు ఇవ్వకుండా కన్ఫ్యూజన్ ఇవ్వడం ఆడియన్స్ ని కన్ఫ్యూజ్ చేస్తుంది.

ఓవరాల్ గా డైరెక్టర్ జీతూ జోసెఫ్ తన మార్క్ సాగదీసిన కథాంశం, వల్ల దృశ్యం 3 సినిమా మొదటి రెండు పార్టులని మించి ఆశించకుండా వెళ్లి చూస్తే ఓకే అనిపించొచ్చు. వాటికి మించి ఎక్కువ ఊహించి వెళ్తే కష్టం. దృశ్యం ఫ్యాన్స్ ఈ సినిమాని చూడొచ్చు. ఈ సినిమాకు 2.75 రేటింగ్ ఇవ్వొచ్చు.

మలయాళ సూపర్ స్టార్ మోహన్ లాల్, సంచలన దర్శకుడు జీతు జోసెఫ్ కాంబినేషన్‌లో వచ్చిన క్రైమ్ థ్రిల్లర్ ఫ్రాంచైజీ దృశ్యం. ఈ సిరీస్‌లో వచ్చిన మొదటి రెండు భాగాలు సంచలనం సృష్టించాయి. తాజాగా ఇదే ఫ్రాంచైజీ నుంచి చివరి భాగం థియేటర్లలో వచ్చేసింది. అయితే టాప్ ఫ్రాంచైజీ ఒక స్థాయికి చేరుకున్న తర్వాత కొత్తదనం లోపిస్తే ప్రేక్షకులకు కొంత విసుగు రావడం సహజం. దృశ్యం 3 విషయంలో సరిగ్గా ఇదే జరిగింది. కొత్త కోణంలో కథను చెబితే బాగుండేది కానీ.. మళ్లీ పాత సమస్యనే తిప్పి తిప్పి చూపించడం వల్ల కథనం కాస్త రొటీన్‌ గా అనిపిస్తుంది.

ఇక సినిమాలో జార్జ్ కుట్టి తన తెలివితేటలతో ఎలాగోలా బయటపడతాడు అనే విషయం ప్రేక్షకులకు ముందే తెలిసిపోవడం వల్ల గత సినిమాల్లో లాగా థ్రిల్ ఫీల్ అవ్వలేము. భావోద్వేగాలు కూడా మునుపటి స్థాయిలో పండలేదు. ఇందులో ట్విస్టులు ఉండవని ముందుగానే దర్శకుడు చెప్పినా కూడా, ఇంత ఫ్లాట్ నెరేషన్ జీతూ జోసెఫ్ నుంచి ఊహించలేదు. జీతు జోసెఫ్ గత రెండు సినిమాలతో ఒక బెంచ్ మార్క్ సెట్ చేయడం వల్ల మూడో భాగం ఆ స్థాయిని అందుకోలేకపోయింది. క్లైమాక్స్ కూడా మునుపటి మ్యాజిక్ రిపీట్ చేయలేకపోయింది. మొత్తానికి ఒక బలమైన ఎమోషనల్ కనెక్ట్ మిస్ అవ్వడం ఈ చిత్రానికి పెద్ద మైనస్. దృశ్యం ఫ్రాంచైజీకి వీరాభిమానులు అయితే ఓకే కానీ నార్మల్ ఆడియన్స్‌కు ఈ సినిమా ఎక్కడం కష్టమే.

‘దృశ్యం’, ‘దృశ్యం-2’ సినిమాలతో ప్రేక్షకులను థ్రిల్ చేసిన జీతు జోసెఫ్ ఈసారి ‘దృశ్యం-3’తో మరోసారి ఆడియన్స్ ముందుకొచ్చాడు. తెలుగులో వెంకటేష్ మొదటి రెండు పార్ట్స్ ని రీమేక్ చేయగా, మూడో పార్ట్ రీమేక్ చేయలేదు. మలయాళ వెర్షన్ నే తెలుగులో నేరుగా రిలీజ్ చేసారు. ఒరిజినల్ వెర్షన్ దృశ్యం 3 లో జార్జ్‌ కుట్టి పాత్రలో మోహన్‌లాల్ తన అనుభవంతో ఆకట్టుకున్నా… కథలో కొత్తదనం మాత్రం పెద్దగా కనిపించదు. గత భాగాలతో పోలిస్తే ఈ సినిమాలో థ్రిల్, టెన్షన్ తగ్గిన ఫీలింగ్ వస్తుంది. ప్రేక్షకుల్ని ఆశ్చర్యపరిచే ట్విస్టులు కూడా అంతగా పని చేయలేదు.

ఇక తెలుగు డబ్బింగ్ పర్లేదు గాని, కొన్ని చోట్ల డబ్బింగ్ నేచురల్‌ గా అనిపించదు. పైగా తెలుగు ప్రేక్షకులకు వెంకటేష్ చేసిన ‘దృశ్యం’ బాగా కనెక్ట్ కావడంతో మోహన్‌లాల్ వెర్షన్ అందరికీ అంతగా దగ్గర కావడం కష్టమే. దర్శకుడిగా, రచయితగా జీతు జోసెఫ్ ఈసారి తన స్థాయి స్క్రీన్‌ప్లే చూపించలేకపోయాడు. బీజీఎమ్ పర్వాలేదు. ప్రొడక్షన్ వాల్యూస్ బాగున్నాయి. అయితే ఓవరాల్‌గా మొదటి రెండు భాగాలతో కంపేర్ చేస్తే... ‘దృశ్యం-3’ ఒక యావరేజ్ థ్రిల్లర్‌గా మాత్రమే మిగిలిపోయింది. 

దృశ్యం’ఫ్రాంచైజ్‌లలో భాగంగా తాజాగా దృశ్యం 3 మూవీ మలయాళం, తెలుగులో విడుదల కాగా మోహన్ లాల్, మీనా మెయిన్ లీడ్స్ లో నటించిన ఈ మూవీ ఆశించిన రెస్పాన్స్ అందుకోలేదు. మొదటి రెండు పార్ట్స్ తో ఆకట్టుకున్న దర్శకుడు జీతు జోసెఫ్ మ్యాజిక్ ఈసారి పూర్తిగా వర్కౌట్ కాలేదనే ఫీలింగ్ కలుగుతుంది. జార్జ్‌ కుట్టి పాత్రలో మోహన్‌ లాల్ మరోసారి తన సెటిల్డ్ పెర్ఫార్మెన్స్‌తో ఆకట్టుకున్నా… కథలో మాత్రం ఆ పాత థ్రిల్, టెన్షన్ పెద్దగా కనిపించదు. ముఖ్యంగా ‘దృశ్యం’, ‘దృశ్యం-2’ చూసిన ప్రేక్షకులకు ఈసారి కొత్తదనం మిస్సైన ఫీలింగ్ బలంగా వస్తుంది. 

ఇక తెలుగు డబ్బింగ్ కూడా సినిమాకి పెద్ద మైనస్‌గా మారింది. చాలా చోట్ల డబ్బింగ్ artificial‌గా అనిపిస్తుంది. రచయితగా, దర్శకుడిగా జీతు జోసెఫ్ ఈసారి తన mark screenplay magic చూపించలేకపోయాడు. గత భాగాల్లో ఉన్న mind-blowing twists, edge-of-the-seat narration ఈ పార్ట్‌లో మిస్ అయ్యాయి. కొన్ని ల్యాగ్ సీన్స్ ని ట్రిమ్ చేసి ఉండాల్సింది. ఓవరాల్ గా దృశ్యం 3 కొంతవరకు ఎంగేజింగ్ థ్రిల్లరే. కానీ మొదటి రెండు భాగాలను దృష్టిలో పెట్టుకుని భారీ అంచనాలతో థియేటర్లకు వెళితే నిరాశ తప్పదు. 

సూర్య హీరోగా నటించిన ‘వీరభద్రుడు’ భారీ అంచనాల మధ్య ప్రేక్షకుల ముందుకు వచ్చి… ఫైనల్‌గా మిక్స్డ్ టాక్‌తో సరిపెట్టుకుంది. “ఈ సమాజాన్ని దేవుడు వచ్చినా మార్చలేడు” అనే లైన్‌తో దర్శకుడు RJ Balaji కథను నడిపించినా… స్క్రీన్‌పైన ఆ ఎమోషన్ అంతగా కనెక్ట్ కాలేదు. కోర్ట్ డ్రామా బ్యాక్‌డ్రాప్‌లో చెప్పిన ఈ కథ రొటీన్ ట్రాక్‌లో పడిపోయింది. సూర్య ఫ్యాన్స్‌కు మాత్రం కొన్ని సీన్స్‌లో గూస్‌బంప్స్ వస్తాయి. కానీ అదే సమయంలో సినిమాలో ఫాంటసీ ఎలిమెంట్స్ ఆకట్టుకోకపోగా, కొన్ని సీన్లు చికాకు తెప్పిస్తాయి. సూర్య పాత్ర కంటే ఆర్జే బాలాజీ పాత్రే ఎక్కువగా కనిపించడం మరో మైనస్. 

దర్శకుడిగా ఓకే అనిపించిన బాలాజీ… నటుడిగా మాత్రం సూర్య ముందు నిలబడలేకపోయాడు. త్రిష పాత్ర కూడా పేరుకే ఉన్నట్టుగా అనిపిస్తుంది. ఫస్ట్ హాఫ్ బాగానే నడిచినా… సెకండాఫ్ పూర్తిగా నీరసంగా మారింది. ముఖ్యంగా కోర్ట్ సీన్స్ ఇంకాస్త ఎమోషనల్‌గా, పవర్‌ఫుల్‌గా రాసి ఉంటే సినిమా మరో లెవెల్‌లో ఉండేది. మొత్తంగా ‘వీరభద్రుడు’లో మెసేజ్ ఉంది… సూర్య పెర్ఫార్మెన్స్ ఉంది… కానీ స్క్రీన్ స్పేస్ తక్కువ ఉంది. స్ట్రాంగ్ స్క్రీన్‌ ప్లే కూడా ఉండాల్సింది. ప్రొడక్షన్ వాల్యూస్ బాగున్నాయి. ఓవరాల్ గా వీరభద్రుడు మూవీ పూర్తి స్థాయిలో ఆకట్టుకోలేకపోయింది.  

సూర్య గత కొన్నాళ్లుగా ఫ్లాప్స్ లో ఉండటంతో ఫ్యాన్స్ ఏ రేంజ్ లో డిస్సపాయింట్ లో ఉన్నారో తెలిసిందే. ఈ క్రమంలో భారీ అంచనాలతో వీరభద్రుడు తాజాగా విడుదలైంది. మిక్స్డ్ రెస్పాన్స్ అందుకున్న ఈ సినిమాలో సూర్య దేవుడిగా కనపడటం విశేషం.

అయితే ఫస్ట్ హాఫ్ ఇంట్రెస్ట్ గా సాగితే సెకండ్ హాఫ్ మాత్రం తల తోక లేకుండా కేసుల గురించి కాకుండా లాయర్లు, కోర్టు చుట్టూ, దేవుడు వీరభద్రుడు మీదే బేబీ కృష్ణ రివెంజ్ అన్నట్టు రొటీన్ డ్రామాగా తెరకెక్కించాడు దర్శకుడు. 

పైగా సినిమాలో హీరో సూర్య అయినా కథ మొత్తం నడిచేది ఆర్జే బాలాజీ చుట్టూనే. అసలు హీరో సూర్యనా, ఆర్జే బాలాజీనా అనే సందేహం రాక మానదు. ఈ విషయంలో ఫ్యాన్స్ డిస్సపాయింట్ అవుతారు. ఎమోషన్స్ మాత్రం బాగా వర్కౌట్ అయ్యాయి. కోర్టులో కేసు తేలక బాధ పడే పేదవాళ్ళు, తండ్రి ఎమోషన్, దేవుడి ఎమోషన్.. ఇవన్నీ బాగా వర్కౌట్ అయ్యాయి. మొత్తంగా దేవుడే దిగివచ్చినా ఇక్కడ సమాజంలో, కోర్టు, లాయర్లలో ఉన్న అవినీతిని, చెడుని తీసేయడం కష్టం, ఒక కోర్టు మారిస్తే సరిపోదు దేశంలో చాలా కోర్టుల్లో ఇదే పరిస్థితి అని చెప్పే ప్రయత్నం ఈ సినిమాతో చేసారు. మొత్తంగా ‘వీరభద్రుడు’ సినిమా కోర్టుల్లో జరిగే అవినీతిని అంతం చేయడానికి దేవుడే దిగి వస్తే ఏం జరిగింది, అని రెగ్యులర్ కమర్షియల్ సినిమాగా తెరకెక్కించారు. 

కొన్నేళ్లుగా సూర్య నుంచి సరిగ్గా కోరుకున్న సినిమా అయితే రావడం లేదు. చాలా సినిమాలు చేస్తున్నా కూడా కోరుకున్న ఫలితం లేదు. ఇలాంటి సమయంలో ఆయన నుంచి వచ్చిన రూరల్ డివోషనల్ డ్రామా వీరభద్రుడు. ఫైనల్ గా థియేటర్లలో విడుదలయింది. దేవుడే దిగివచ్చినా కూడా ఇప్పుడున్న న్యాయవ్యవస్థను బాగు చేయలేరు పాయింట్ తో... అలాగే న్యాయం జరగడంలో అయ్యే ఆలస్యం, సామాన్యులను వ్యవస్థ ఎలా పీల్చి పిప్పిచేస్తుంది.. అనే పాయింట్ తో ఈ సినిమాను తెరకెక్కించాడు దర్శకుడు ఆర్జే బాలాజీ. 

ఇక సూర్య వీరభద్రుడి పాత్రను కేవలం ఒక కమర్షియల్ మాస్ హీరోలా కాకుండా, వ్యవస్థ చేతిలో మోసపోయిన సామాన్యుడి కోపానికి ప్రతీకగా మలచడం బాగుంది. సూర్య తన రెండు షేడ్స్ ఉన్న రోల్ లో అద్భుతంగా నటించాడు. కానీ తన రోల్ ముందు అటుడిగా ఆర్జే బాలాజీ తేలిపోతాడు. అందువల్ల బలమైన ప్రతినాయకుడు ఉండడు. ఇక మ్యూజిక్ కూడా డిస్సపాయింట్ చేసింది. బీజీఎమ్ బాగుంది. కొన్ని కీలకమైన సన్నివేశాల్లో వీఎఫ్‌ఎక్స్ క్వాలిటీ బాలేదు. ఎడిటింగ్ ఓకే, అయితే ఇప్పటి ఆడియన్స్ కమర్షియల్ ఎంటర్‌టైనర్ నుంచి ఏం ఆశిస్తున్నారు అనేది తెలుసుకుంటూనే, కథలోని ఎమోషనల్ డెప్త్ మిస్ అవ్వకుండా చూసుకున్నాడు దర్శకుడు... ఓవరాల్ గా తక్కువ అంచనాలతో రెగ్యులర్ మూవీ లవర్స్ ని బాగానే అలరిస్తుంది సినిమా. సూర్య ఫాన్స్ కి మాత్రం ఐ ఫీస్ట్.