Movie Reviews

బెత్లేహెం కుడుంబ యూనిట్.. బేసిగ్గా మలయాళంలో రెండు వారాల కిందే వచ్చింది.. కానీ తెలుగు వెర్షన్ చూద్దామని అనుకుని ఇప్పుడు చూసొచ్చా... ఇక సినిమా గురించి చెప్పుకుంటే... ఎందుకో అంత బాలేదు సినిమా.. అంటే అంత ఏమి ఎక్కలేదు సినిమా.. అదేందో ఎదో రకంగా ఉంది సినిమా.. రెండున్నర గంటల సినిమా చూస్తే... కూడా నాలుగు గంటల సినిమా చూసిన ఫీల్ కలిగింది నాకు.. మలయాళం సినిమా ఇది పక్కా మలయాళం ఛాయలు ఉంటాయి కానీ ఫ్రెష్ ఫీల్ అయితే ఎక్కలేదు. 

అండ్ సినిమాలో కామెడీ కూడా ఎక్కలేదు. ఎదో కొన్ని సీన్స్ నవ్వించాయి గాని గుర్తుపెట్టుకునేలా లేవు. రెగ్యులర్ మూవీ లవర్స్ కి నచ్చోచ్చు ఈ సినిమా... కానీ నాకైతే ఎక్కువ ఎక్స్పెక్ట్ చేసానో ఏమో అంత ఎక్కలేదు. బట్ సినిమాలో హీరోహీరోయిన్లు బాగానే యాక్ట్ చేసారు. సో ఇక చెప్పాల్సింది ఎం లేదు, బాగా లేదు. ఒక్క ముక్కలో చెప్పాలంటే ఈ కుడుంబ యూనిట్ నచ్చాలంటే గుడుంబా తీసుకోవాలి. ఇక నా రేటింగ్ ఈ సినిమాకు ఇవ్వాల్సి వస్తే... 2.75\5

సో బెత్లేహెం కుడుంబ యూనిట్... మూవీ ఇప్పుడే చూసొస్తున్నాను. సో సినిమా ఎలా ఉందంటే మాములుగా లేపలేదు భాయ్ ఈ మూవీని. ok its good. అండ్ సినిమాలో హీరో నివిన్ పౌలి ఒక పెద్దమనిషిలాగానే ఉంటాడు. న్యాచురల్ గా క్యారెక్టర్ బాగుంది. ఇక సినిమాలో నివిన్ పౌలి - మామితా బైజు మధ్య ఏజ్ గ్యాప్ కాన్సెప్ట్ ని బాగా చూపించారు. అండ్ సినిమాలో ప్రేమలు ఎఫెక్ట్ చాలా కనిపించింది. చాలా సీన్లు ప్రేమలుని గుర్తుచేస్తాయి. కాకపోతే సినిమాలో మీమ్స్ డైలాగ్స్ ని ఇరికించినట్టు అనిపిస్తుంది. 

అండ్ సినిమా సెకండ్ హాఫ్ ని మాత్రం బాగా ల్యాగ్ చేసినట్టు అనిపిస్తుంది. అనవసరంగానే లాగినట్టు అనిపించింది. ఓకే వన్ టైం వాచబుల్. ఇక తెలుగులో సాంగ్స్ మాత్రం అష్ట దరిద్రంగా ఉన్నాయి. డబ్బింగ్ మాత్రం చాలా బాగుంది. అండ్ కార్ సీన్స్ చాలా బాగున్నాయి. జెన్యూన్ గా నవ్వుకోవచ్చు. సో ఓవరాల్ గా బెత్లేహెం కుటుంబ యూనిట్ బాగుంది. డీసెంట్. ఒకసారైతే పక్కా చూసేలానే ఉంది. 

బెత్లేహెం కుడుంబ యూనిట్... మలయాళంలో few వీక్స్ బ్యాక్ థియేటర్లో రిలీజ్ అయి మంచి సక్సెస్ అయి, ఇప్పుడు తెలుగులో కూడా రిలీజ్ అయి మంచి డీసెంట్ రెస్పాన్స్ తెచ్చుకుంటుంది. ఇక సినిమా గురించి చెప్పాలంటే మూవీ చూసాక కొంచెం మిక్స్డ్ ఫీలింగే కలిగింది. ఇక సినిమాలో ఏజ్ గ్యాప్ ఉన్న ఇద్దరు హీరో హీరోయిన్లు వాళ్ళ పెద్దల్ని ఒప్పించి ఎలా పెళ్లిచేసుకున్నారనేది స్టోరీ. ఇక నివిన్ పౌలి - మామితా బైజు ఇద్దరూ పోటీ పడి మరి బాగా నటించారు. అండ్ మూవీలో వీళ్ళ ప్రపోజల్ సీన్ హైలెట్. 

ఇక మూవీలో విజువల్స్ చాలా కలర్ ఫుల్ గా ఉంటాయి. మ్యూజిక్ చాలా బాగా వర్కౌట్ అయింది. సినిమా చాలా సింపుల్ వే లో ఉంటుంది. అందరికి అర్ధమేయ్యేలా, ఫ్యామిలీ కూడా చూసేలా ఉంది. మైనస్ అంటే రన్ టైం ఒక్కటే.. కొంచెం ల్యాగ్ ఫీల్ ఒస్తుంది. అండ్ ఇలాంటి లవ్ స్టోరీస్ చాలానే చూసాం.. ఇందులో కొంత ఏజ్ గ్యాప్ ఉంటుంది అంతే. ఫైనల్ గా ఒక ఫీల్ గుడ్ మలయాళ లవ్ స్టోరీలా తక్కువ అంచనాలతో చూస్తే నచ్చుతుంది. 

బెత్లేహెం కుడుంబ యూనిట్... మూవీ చూసాక నా ఒపీనియన్ చెప్పాలంటే il iked it. ప్రేమలు డైరెక్టర్ నుండి ఇంకో మంచి లవ్ స్టోరీ. మూవీ అయితే ఏం తేడా అవ్వకుండా క్లీన్ గా ఎల్లిపోతుంది. స్టోరీ ఏంటంటే గిరీష్ ఏ.డి సినిమాల్లో పెద్దగా స్టోరీ ఉండదు. కానీ ఈ మూవీలో స్టోరీ యావరేజ్ గా ఉన్నా, మంచి స్క్రీన్ ప్లే ఉంటుంది. ఎక్కడా బోర్ కొట్టకుండా మంచి ఎంటెర్టైనింగ్ గా ఉంటుంది. ఇక సినిమాలో పెద్దగా హెవీ డైలాగ్స్ కూడా ఉండవు. సింపుల్ ఫన్ క్యూట్ మూమెంట్స్.. అండ్ చాలా లైఫ్ ఉంటుంది ప్రతి ఫ్రేమ్ లో. సో ఆర్గానిక్ గా స్టోరీ ముందుకు వెళ్తా ఉంటది. 

అండ్ సినిమాలో నివిన్ పౌలి - మామితా బైజు చాలా నాచురల్ గా చేసారు. ఇక సినిమాలో మ్యూజిక్ చాలా బాగుంది. మిక్సింగ్ కూడా బాగుంది. మూవీలో హీరోహీరోయిన్స్ కెమిస్ట్రీ కూడా బాగుంది. సినిమాలో ప్రతి పాయింట్ ని కూడా ఎక్కువ ల్యాగ్ చేయకుండా ఎంతలో చెప్పాలో అంతలోనే చెప్పారు. ఓవరాల్ గా మూవీ బాగా నచ్చేసింది. ఇట్స్ వర్త్ వాచబుల్. 

రోమాంచకం... సినిమా చూసాక నాకైతే ఫస్ట్ హాఫ్ కంప్లీట్ సాటిస్ఫాక్షన్ ఇవ్వలేదండి. సెకండ్ హాఫ్ లో అక్కడక్కడా వచ్చే కొన్ని జోక్స్ నవ్వించాయి. ఫ్రెండ్స్ మధ్య వచ్చే కొన్ని సీన్స్ బాగున్నాయి. కానీ ఓవరాల్ గా చూస్తే ఒక లవ్ స్టోరీలో ఉండే సీన్స్ కి ఎస్టాబ్లిష్ అనిపించలేదు. అస్సలు నచ్చలేదు నాకు. దీనికి థియేటర్లలో చూడ్డం వర్త్ కాదని అనిపిస్తుంది. ఇక ఫ్యామిలితో చూడొచ్చా అంటే... కొన్ని డైలాగ్స్, సీన్స్ ఇబ్బందిగా అనిపించొచ్చు.. కానీ చూసేలానే ఉంది. 

ఇక సుమంత్ ప్రభాస్, అనంతిక బాగా చేసారు. మ్యూజిక్ బాగుంది, రెండు సాంగ్స్ వినాలనే ఉన్నాయి. మూవీ లో ఎంటర్టైన్ అయ్యే సీన్స్ ఎక్కువ ఎం లేదు. అసలు సినిమాలో పెద్ద మైనస్ కథే అవుతుంది. హీరో హీరోయిన్ తెలియకుండానే, పెద్ద పరిచయం కూడా లేకుండానే డీప్ లవ్ లో ఉంటారు. అందుకే అక్కడ ఎమోషన్స్ సీన్స్ అస్సలు పండలేవు. డైరెక్టర్ కూడా లవ్ ఫీల్ వచ్చేలా ఎం లేదని తెలిసే, ఫ్రెండ్స్ కామెడీ పై ఫోకస్ చేసినట్టున్నాడు. సినిమా చాలా స్లో మోషన్ లో ఉన్నట్టు అనిపిస్తుంది. ప్రొడక్షన్ వాల్యూస్ డీసెంట్ గా ఉన్నాయి. ఫైనల్ గా ఈ మూవీకి నా రివ్యూ ఏంటంటే ఎమోషనల్ ఫీల్ అస్సలు కలగలేదు. ఓవరాల్ గా చూస్తే... నా రేటింగ్ ఇవ్వాలంటే 2\5. 

రోమాంచకం మూవీ రివ్యూ.. అసలు ఆ సినిమా పదం అర్ధం ఏంటని గూగుల్ రివ్యూ చేశాను... థ్రిల్లింగ్ ఎక్సయిటింగ్, గూస్బంప్స్ ఇండ్యూసింగ్ అని... అర్ధం. అంటే సినిమా ఇలా ఉంటదని తీసారా? లేక ఇవి తప్ప మిగతావన్ని ఉంటాయని తీసారా అని అర్ధం కాలేదు. నాకైతే రెండోదనే అనిపించింది. ఇక ఈ సినిమా గురించి ఏం చెప్పడం అంటే ఏముంటది అసలు ఏం లేదు. సినిమాలో హీరో ఎదో డేటింగ్ అప్ పెడతాడు. 

అండ్ సినిమాలో అసలు హీరో హీరోయిన్ల మధ్య లవ్ ఎలా మొదలైందో కూడా తెలీదు. ఎందుకంటే సినిమాలో వాళ్ళు కలిసేదే కొన్ని రోజులు... కాదు కొన్ని గంటలనే చెప్పాలి. అందులో ఎక్కడ లవ్ మొదలయ్యిందేమో క్లారిటీ ఇవ్వలేదు. ఇంతకంటే ఘోరం ఎమోషన్స్.. అస్సలు కనెక్ట్ అవలేం. చాలా సీన్లు ఎదో పెట్టాలని పెట్టినట్టు అనిపిస్తది. ఏ సీన్ ఎందుకు పెట్టారో మేకర్స్ కైనా అర్థమైందా లేదా అనిపిస్తుంది. మరెంటో లెక్క అర్ధం కాలేదు. అండ్ సినిమాలో ఏవో ఆడపిల్లల కష్టాలు అంటూ ఏదేదో సంబంధం లేకుండా చెప్తారు. ఇక క్లైమాక్స్ లో రెండు మూడు ఇరికించిన జోకులుంటాయి. ఓవరాల్ గా నాకైతే అస్సలు ఎక్కలేదు. 

మన ఈ బిజీ లైఫ్ లో, కాసేపు టెన్షన్స్ అన్ని పక్కనబెట్టి, మన ఫ్రెండ్స్ బ్యాచ్ ని ఏసుకుని వెళ్లి, సరదాగా 2 hours ఎంజాయ్ చేయాలనుకుంటే ఈ సినిమాకెళ్ళండి. ఫుల్ గా ఎంటర్టైన్ అవుతారు. ఫన్ ఉంటుంది. మీ స్ట్రెస్ అంతా తీసేసుకున్నట్టుంటది. చాలా రోజుల తర్వాత ఒక ప్లెజెంట్ సినిమా చూసిన ఫీల్ ఉంటది. ఇలాంటి సినిమా ఒక మంచి రిలీఫ్ఇస్తుంది. నా సజ్జెషన్ ఏంటంటే ఈ వీకెండ్ ఎల్లి ఫ్రెండ్స్ బ్యాచ్ తో ఈ సినిమాని చూసేయండి. 

ఎక్కువగా సీరియస్ గా ఏ పాయింట్ ని డీల్ చేయకుండా, అంటే డీల్ చేయడానికి సినిమాలో చాలా పాయింట్స్ సీరియస్ గా ఉన్నాయి. అంటే వాటిని కూడా ఒక ఫన్ టోన్ లో డీల్ చేస్తూ, ఇంసెంట్ ఆక్చుఅల్లి ఒక మంచి మెసేజ్ చెప్తూ అది కూడా ప్రీచి గా ఉండడానికి ట్రై చేసారు. కానీ సినిమా మాత్రం ఫుల్ ఎంటర్టైన్మెంట్ అండి. కొన్ని సీన్స్ అయితే ఫ్రెండ్స్ మధ్యలో జరిగే conversations సీన్స్ బాగుంటాయి. పెర్ఫార్మన్స్ వైస్ అందరూ బాగా చేసారు. టెక్నికల్లి కూడా సినిమా బాగుంది. చాలా రోజులయింది ఇలానే స్ట్రెస్ బస్ ఉన్న సినిమా చూసి. స్టోరీ వైస్ గా చూస్తే రొటీన్ స్టోరీయే. ఓవరాల్ గా మంచి సినిమా ఇది వీకెండ్ లో ఫ్రెండ్స్ తో వెళ్లి ఎంజాయ్ చేయండి. 

‘రోమాంచకం’ మూవీని సందీప్ రెడ్డి వంగ ప్రెసెంట్ చేసారు... మూవీ చూసాక నా ఒపీనియన్ చెప్పాలంటే అస్సలు నచ్చలేదు. ఆక్చుయల్లి మూవీ టైటిల్ చూసి, ప్రొడక్షన్ హౌస్ చూసి, అలాగే ప్రమోషన్స్ వల్ల మంచి హై తో సినిమాకెళ్ళాను. కానీ మూవీ లో అస్సలు అంత ఏం లేదు. సినిమా మెయిన్ లీడ్ మధ్య అసలు కెమిస్ట్రీ కూడా లేదు. అసలు హీరో హీరోయిన్లు ఎందుకు లవ్ చేసుకుంటారో కూడా అర్ధం కాదు. 

అసలు ఈ సినిమాలో ప్లస్ ఏమున్నదంటే కామెడీ.. అది తప్ప ఇంకేమి బాగా లేదు. సినిమాలో కథేంటంటే... హీరో ఓ అప్ స్టార్ట్ చేస్తాడు. ఆ అప్ ద్వారానే హీరోయిన్ ని మీట్ అయ్యి లవ్ చేస్తాడు. కానీ అసలు వీళ్ళ మధ్య లవ్ జెనరేట్ అవ్వడానికి ప్రాపర్ రీసన్ కూడా ఉండదు. సినిమాలో నరేంద్ర రవి కామెడీ హైలెట్ అయింది. అసలు సినిమాలో రైటింగ్ స్ట్రాంగ్ ఉంటె ఎంతో కొంత నచ్చేది. సుమంత్ క్యారెక్టరైజేషన్ బాగున్నా, దానికి జస్టిఫికేషన్ ఉండదు. ఇక హీరోయిన్ అనంతిక కు చాలా లిమిటెడ్ స్క్రీన్ టైం వచ్చింది. ఓవరాల్ గా ఈ సినిమాని కామెడీయే కాపాడాలి. ఇంక సినిమా గురించి చెప్పేదేం లేదు. 

సో ‘రోమాంచకం’ మూవీ ఇప్పుడే చూసొచ్చాను భయ్యా. నాకైతే అస్సలు నచ్చలేదు సినిమా. బేసిగ్గా సినిమాలో వంద జోకులుంటాయంటే.. అందులో ఒక పది పదిహేను జోక్స్ నచ్చాయి. అది కూడా ఈ మూవీలో ఉన్న కమెడియన్స్ లో ఒక్కరే బాగా చేసారు. ఈ సినిమా లవ్ స్టోరీనా, లేదా ఫ్రెండ్స్ మధ్యలో జరిగే నార్మల్ కామెడీ స్టోరీనా అస్సలు అర్ధం కాలేదు. మెయిన్ సినిమాలో ఫస్ట్ 30 మినిట్స్ వరస్ట్. క్రింజ్... ప్రాబ్లెమ్ ఏంటంటే ఇలాంటి కాన్సెప్ట్ తో ఇంతకు ముందు చాలా సినిమాలొచ్చాయి. 

కానీ దీంట్లో అది వర్కౌట్ కాలేదు. అండ్ సినిమాలో తెలంగాణ స్లాంగ్ లో కొన్ని పంచ్ లు తప్ప ఏం వర్కౌట్ కాలేదు. అన్ని సీన్లు కూడా చాలా ఏళ్ళ నుండి ఎన్నో సినిమాల్లో చుసిన సీన్ల లాగానే ఉన్నాయి. బట్ చాలా మంది నవ్వుకున్నారు. నాకు మాత్రం నవ్వు రాలేదు. అండ్ సినిమాలో సుమంత్ ప్రభాస్ క్యారెక్టర్ కూడా అర్ధం కాలేదు. అసలు హీరోకే సరైన క్యారెక్టర్ డిజైన్ చేయలేదు. అక్కడే దొబ్బింది ఈ సినిమా. ఎన్నో సినిమాల చూసిన డైలాగ్స్ వినిపిస్తాయి. హీరోయిన్ క్యారెక్టర్ కూడా మరీ కామెడీ చేసారు. బట్ సందీప్ రెడ్డి వంగ ప్రొడక్షన్ లో వస్తుందన్న ఒకే ఒక్క రీసన్ తోనే సినిమాకి వచ్చాను. మరి నార్మల్ ఆడియన్స్ కి కామెడీ ఇష్టం ఉన్నోళ్లకు నచ్చోచ్చేమో... నాకు మాత్రం నచ్చలేదు. 

సో రోమాంచకం మూవీ గురించి చెప్పాలంటే... బాలేదు.. ఎం బాలేదు సినిమా. అంటే ఆల్మోస్ట్ రోమాంచకం కాస్తా రోత సినిమా అన్న స్టేజ్ కి వెళ్ళిపోయింది సినిమా. కాకపోతే సినిమాలో హీరో ఫ్రెండ్ క్యారెక్టర్స్ బాగున్నాయి. వాళ్ళ వల్ల మంచి కామెడీ జెనెరేట్ అయింది. అసలు సినిమా అయితే చాలా వరకు నిబ్బా నిబ్బి స్టోరీ కంటే అద్వానంగా ఉంది. ఎదో జాతిరత్నాలు సినిమాలాగా, లేదా మ్యాడ్ సినిమాల్లాగా ఫన్ తో లాగిద్దాం అని ట్రై చేసారు దెబ్బేసింది. 

ఇక సినిమాలో హీరో క్యారెక్టర్ కూడా ఏం అంత లేదు. ముఖ్యంగా ఎక్స్ప్రెస్ ఏం అంత లేదు. ఎంత సేపు ఫ్రెండ్స్ ఎదో అనడం దానికి హీరో రియాక్షన్ ఇవ్వడం అంతే.. లవ్ స్టోరీ కూడా బాగాలేదు. ఎమోషన్స్ అస్సలే ఏం బాగాలేవు. అండ్ ప్రొడక్షన్ వాల్యూస్ డీసెంట్ గా ఉన్నాయి. సినిమాకి ఎంత పెట్టాలో అంతే పెట్టారు కాబట్టి పెద్దగా లాస్ ఏం అవ్వలేదు కావచ్చు. హీరో అసలేం చూసి సినిమా యాక్సెప్ట్ చేసాడో ఏమో మరి. ఏమో సినిమాలో క్యామియో చేసిన అనుదీప్ కోసమే ఇంకా ఆడియన్స్ వెళ్లొచ్చు. సో ఓవరాల్ గా మూవీ అయితే బాగాలేదు. నా రేటింగ్ అయితే ఈ సినిమాకు 2/5

టాక్సిక్... (toxic).. Starring Yash, Nayanatara, Kiara Adwani, Rukmini vasanth... Directed by Geethu mohandas...

ఏం సినెమారా బాబు ఇది... నవ్వాలో ఏడ్వాలో తెలీట్లేదు... ఇదేదో స్టాండప్ కామెడీలాగా... మెయిన్ డైలాగ్స్ అండి... ఒక డైలాగ్ ఉంటది.. శౌర్యానికి - వీర్యానికి అని ఎదో డైలాగ్ ఉంటది... ఇలాంటివి సినిమాలో చాలా ఉన్నాయి... ఏం సినిమానో ఏంటో.. ఎమోషనల్ సీన్స్ కి కూడా నవ్వొచ్చింది నాకు. నాకు ఆ టీజర్ చూసినప్పుడే ఎదో రాంగ్ యాంగిల్ లో వెళ్తుంది అనుకున్నా... కానీ రిలీజ్ తర్వాత అంతకంటే ఘోరంగా కెజిఎఫ్ లాంటి ఎలివేషన్ల సినిమాలు అన్ని కలిపి కిచిడి చేసిన సినిమా ఇది. 

అసలు సినిమాలో ఏమైనా చెప్తే ప్రొడక్షన్ వాల్యూస్. హీరో పెర్ఫార్మన్స్ అంతే.. అసలు సినిమాలో ఒక కథలేదు. స్క్రీన్ ప్లే లేదు.. ఎవడు ఎవడ్ని వేసేస్తాడో తెలీదు. ఎందుకో తెలీదు. క్లైమాక్స్ లో అయితే బాగుందని కొందరున్నారు కానీ, నాకు అది కూడా నచ్చలేదు. అండ్ ఈ ఇయర్ లో నేను చుసిన వరెస్ట్ మూవీస్ లో ఇదొకటి. పైగా 20 డాలర్లు పెట్టి సినిమా చూడాల్సొచ్చింది. ఇంతకంటే ఏం చెప్పలేను.. మీకెలా అనిపించింది మరి. 

టాక్సిక్ (Toxic)... సినిమా చూసాక ఫస్ట్ అనిపించే వర్డ్ why...  అసలేం చెప్పాలనుకున్నరు డైరెక్టర్... నాకేం అనిపించిందంటే... నాకు తెలిసి ఈ డైరెక్టర్ ఇలాంటి సబ్జెక్టు మరెవ్వరూ ఇలా తీసే ధైర్యం చేయొద్దు అని ఫిక్స్ అయ్యి తీశారు అని అనిపిస్తుంది. ఒక్క యష్ - కియారా మధ్యలో ఉండే కొన్ని సీన్స్ తప్ప సినిమా మొత్తంలో ఏం కూడా నాకు నచ్చలేదు. అండ్ సినిమా గురించి ప్లస్ మాట్లాడితే ప్రొడక్షన్ వాల్యూస్ గుడ్... బట్ సినిమాలో ఒక క్యారెక్టర్ ఎస్టాబ్లిష్ చేసే విధానం గాని, సినిమాలో ఏం జరుగుతుందో అన్న ఉత్కంఠను గాని అస్సలు చూపించలేకపోయారు. 

అండ్ టాక్సిక్ సినిమాలో యాక్షన్ అయినా బాగుంటుందేమో అని అనుకుంటే అది కూడా నచ్చలేదు నాకు. ఒక సిన్సియర్ అడ్వైస్ నా నుంచి ఏంటంటే... తెలుగులో మాత్రం అస్సలు చూడకండి.. అంత వరెస్ట్ డబ్బింగ్ ఉంది. ఎదో ఇంగ్లీష్ సినిమాని గూగుల్ ట్రాన్సలేట్ చేసి చూస్తున్నట్టు ఉంది. అండ్ సినిమాని ఎంతో కొంచెం చూడాలి అని గట్టిగా ఫిక్స్ అయితే అది యష్ కోసం మాత్రమే అయి ఉంటుంది.