Movie Reviews

తరుణ్ భాస్కర్‌కి దర్శకుడిగా మంచి విజయాలున్నాయి. కానీ నటుడిగా, హీరోగా మాత్రం ఆ రేంజ్ సక్సెస్‌ని ఇంకా అందుకోలేదు. తరుణ్ భాస్కర్ నుంచి ఆడియెన్స్ ఎక్కువగా డైరెక్షన్ కోరుకుంటున్నారు. కానీ తరుణ్ భాస్కర్ మాత్రం ఎక్కువగా నటన మీద ఫోకస్ పెట్టినట్టు అనిపిస్తుంది.యాక్టర్‌గానూ తరుణ్ భాస్కర్‌ కి మంచి పేరు అయితే ఉంది కానీ సరైన సక్సెస్ లేదు. ఇపుడు ‘గాయపడ్డ సింహం’తో మరోసారి ఆడియన్స్ ముందుకు వచ్చాడు. అయితే సినిమాకు ఆడియన్స్ నుండి ఊహించిన రేంజ్ లో అయితే రెస్పాన్స్ రాలేదు. 

కథా కథనాలు చాలా ఆర్డినరీగా ఉండి కాస్త డిస్సపాయింట్ చేసింది. ఎంటర్టైన్మెంట్ బానే చేసినా ఫ్రెష్ కామెడీ రిపీటెడ్ కామెడీలా అనిపించలేదు. టెక్నికల్ గా చూసుకుంటే గాయపడ్డ సింహం ఓకే అనిపిస్తుంది. పాటలు అంత గుర్తు పెట్టుకునేలా ఉండకపోయినా ఆర్ఆర్ బాగుంటుంది. విజువల్స్ కూడా రిచ్‌ గా అనిపిస్తాయి. ఈ మూవీని లిమిటెడ్ బడ్జెట్‌ లో, తక్కువ లొకేషన్లలోనే చుట్టేసినట్టుగా అనిపిస్తుంది. కొన్ని చోట్ల డైలాగ్స్, మీమ్స్ రిఫరెన్స్ బాగుంటాయి. ఎడిటింగ్, ఆర్ట్ ఇలా అన్ని డిపార్మెంట్స్ పర్వాలేదనిపిస్తాయి. అలాగే క్లైమాక్స్ లో పోరాట సింహం అంటూ సీక్వెల్ కూడా అనౌన్స్ చేస్తారు. దానికన్నా ముందు ఫస్ట్ పార్ట్ ఆడియన్స్ ని ఎంతవరకు మెప్పిస్తోందో ఫైనల్ గా చూడాలి. 

గాయపడ్డ సింహం అంటూ ఆడియన్స్ ముందుకు వచ్చిన తరుణ్ భాస్కర్ ఎప్పట్లానే తన న్యాచురల్ పెర్ఫార్మన్స్ తో ఆకట్టుకున్నాడు.

ముందుగా కథ పాయింట్ విషయానికి వస్తే అందరి లానే హీరో కూడా అమెరికా వెళ్ళాలని అనుకుంటాడు, కానీ తన విసా రిజక్ట్ అవ్వడంతో ఏకంగా ట్రంప్ మీదే పగ తీర్చుకోవాలని డిసైడ్ అవుతాడు. దాంతో హీరో ఏం చేశాడు, ఆ తర్వాత కథేంటి అనేది సినిమా చూసి తెలుసుకోవాల్సిందే. ఓవరాల్ గా కథ సిల్లీగా అనిపించినా కూడా కామెడీ పరంగా బానే వర్కౌట్ అయ్యే స్కోప్ ఉన్న పాయింట్ ను కొంచెం కన్ఫ్యూజన్ స్క్రీన్ ప్లే తో డైరెక్టర్ పూర్తిగా అనుకున్న రేంజ్ లో తీయలేకపోయాడు. 

అయితే ఉన్నంతలో సినిమాలో ఎంటర్టైన్మెంట్ బానే మెప్పించింది. తరుణ్ భాస్కర్ తన వరకు బాగా నటించి మెప్పించగా టాప్ స్టార్ మూవీస్ రిఫరెన్స్ లు సినిమాలో బాగానే వర్కౌట్ అయ్యాయి అని చెప్పాలి. అన్నిటికి మించి కొంత గ్యాప్ తర్వాత జేడీ చక్రవర్తి పర్వాలేదు అనిపించేలా నటించగా స్పెషల్ క్యామియో చేసిన శ్రీ విష్ణు ఉన్న సీన్స్ అన్నీ కూడా బాగా వర్కౌట్ అయ్యాయి. ఓవరాల్ గా ఆడియన్స్ ముందే తక్కువ అంచనాలతో థియేటర్స్ కి వెళితే చాలా వరకు ఎంజాయ్ చేసి పర్వాలేదు, మంచి సినిమానే చూశాం అన్న ఫీలింగ్ తో థియేటర్స్ బయటికి రావొచ్చు. 

క్రైమ్ కామెడీ సినిమాలకు పెద్దగా లాజిక్‌లు వెతకకూడదు, చూసినంత సేపు నవ్వుకుంటే చాలు. ఇదే విధంగా గాయపడ్డ సింహం సినిమాలో కూడా ట్రంప్ మీద హీరో పగ తీర్చుకోవాలనుకునే సిల్లీ పాయింట్‌ లోనే కావాల్సినంత కామెడీ పుట్టింది. తరుణ్ భాస్కర్ హీరోగా బానే చేసినా, కొత్త తరహాలో చేసిందేమి లేదు. అందరికీ సిల్లీగా అనిపించే విషయాన్ని హీరో చాలా సీరియస్‌గా తీసుకోవడం బాగుంది. అయితే, కథనం చాలా నెమ్మదిగా సాగడం వల్ల సినిమా ముందుకు సాగకుండా అక్కడే తిరుగుతున్నట్టు అనిపిస్తుంది. కథలోకి వెళ్లడానికి చాలా సమయం తీసుకున్నారు. అందులోనూ వచ్చే పాటలు కథకు అడ్డం తగిలి బ్రేకులు వేస్తూ ఉంటాయి.

ఇక తరుణ్ భాస్కర్, జేడీ చక్రవర్తి నటన ఈ సినిమాకు అతిపెద్ద ప్లస్ పాయింట్‌గా నిలిచింది. అక్కడక్కడా కామెడీ అద్భుతంగా పేలింది. ఈ సినిమాకు మేజర్ ప్లస్ పాయింట్ సెకండాఫ్. సెకండాఫ్ అభిమానులను ఆకట్టుకునేలా తీశారు. అయితే ఫస్టాఫ్ లో కథాంశం స్లోగా సాగుతుంది. ఉడికీ ఉడకని కథ, కథనంతో దర్శకుడు ప్రేక్షకులను కాస్త కన్‌ఫ్యూజ్ చేశాడు. సీరియస్ అంశాల వల్ల తికమక జరిగింది. ఓవరాల్ గా 'గాయపడిన సింహం' పెద్దగా అంచనాలు లేకుండా ఓసారి చూడదగ్గ క్రైమ్ కామెడీ చిత్రం. అయితే టైటిల్‌ కు తగ్గట్టుగానే కొన్నిసార్లు ఆ 'గాయపడిన సింహం' ప్రేక్షకులను కూడా కాస్త గాయపరిచే ప్రయత్నమే చేసింది. 

గాయపడ్డ సింహం అంటూ ఆడియన్స్ ముందుకు వచ్చిన తరుణ్ భాస్కర్ ఈ సినిమాతో తన ఫ్యాన్స్ ని బానే మెప్పించడని చెప్పాలి. ఇక సినిమా ఫస్ట్ హాఫ్ అంతా ధరహాస్ ప్రేమకథ, అమెరికా ప్రయాణం, ట్రంప్ మీద రివెంజ్, భైరవ్ దాస్ కథతో సాగుతుంది. సెకండ్ హాఫ్ అంతా ధరహాస్ జీవితంలోకి పోలీసులు, ధర్మ ఎలా వచ్చాడు, భైరవ్ దాస్ కథతో సాగుతుంది. ఈ మధ్యలో శ్రీ విష్ణు పాత్ర భైరవ్ దాస్ ని గెస్ట్ అప్పీరెన్స్ లా కాకుండా, సెకండ్ హీరోలా దానికి ఇంకో కథ రాసుకొని, అతని ఫ్యామిలీ, అతని కథ చెప్పడం గమనార్హం. 

అంతే కాదు క్లైమాక్స్ లో శ్రీవిష్ణు, జెడి చక్రవర్తి పాత్రలని చూపించడంతో పాటు పార్ట్ 2 అని ‘పోరాట సింహం’ టైటిల్ అనౌన్స్ చేసారు కాబట్టి అది శ్రీవిష్ణు మీదే ఫుల్ సినిమా ఉండొచ్చు అని తెలుస్తుంది. ఇక ఈ సినిమా గురించి ఓవరాల్ గా సింపుల్ గా చెప్పాలంటే... ఓవరాల్ గా ‘గాయపడ్డ సింహం’ సినిమా అమెరికా వెళ్లాలన్న ఓ వ్యక్తి కల ఆగిపోవడంతో ట్రంప్ మీద కోపంతో ఏం చేసాడు, దాంతో అతని చుట్టూ ఏం జరిగింది అని కామెడీగా తెరకెక్కించారు. ఫ్రెష్ స్టోరీ ఎక్స్పెక్ట్ చేస్తే నిరాశ చెందొచ్చుగాని, తక్కువ అంచనాలతో సినిమాకి వెళ్తే ఓ మోస్తరు ఎంజాయ్ చేయొచ్చు. 

దర్శకుడు ఎంచుకున్న కథాంశం చాలా సింపుల్ అయినప్పటికీ.. దానిని తెరపై ఆవిష్కరించిన విధానం బాగుంది.. స్క్రీన్ ప్లే ఫాస్టుగా ఉండటంతో "గాయపడ్డ సింహం" పర్లేదు అనిపిస్తుంది. సినిమా ఆద్యంతం వినోదాత్మకంగా సాగేలా దర్శకుడు చేసిన ప్రయత్నం చాలా వరకు ఫలించింది. అయితే కథను ముందుకు నడిపించే ఇతర కీలక సన్నివేశాలు, క్యారెక్టరైజేషన్స్ విషయంలో ఆశించిన స్థాయిలో పట్టు కనిపించలేదు. సినిమా చూస్తున్నంత సేపు ఒక సన్నివేశం తర్వాత మరో సన్నివేశం అలా సాగిపోతుందే తప్ప, ప్రేక్షకుడు ఉత్కంఠగా ఎదురుచూసేలా కథనంలో వేగం లేదు.

అలాగే సినిమాలో కేవలం వినోదం మాత్రమే కాపాడిన ఈ స్క్రీన్ ప్లే లో.. ఎమోషన్స్‌ కు ఇంకాస్త స్పేస్ ఇచ్చుంటే దర్శకుడికి మంచి మార్కులు పడేవి. స్వీకర్ అగస్తి అందించిన సంగీతం, పాటలు వినడానికి బాగున్నాయి. బ్యాక్ గ్రౌండ్ మ్యూజిక్ పర్వాలేదనిపిస్తుంది. ఓవరాల్ గా దర్శకుడు కశ్యప్ శ్రీనివాస్ ఆలోచన, టేకింగ్ బాగున్నప్పటికీ.. దాన్ని అంతే సమర్థవంతంగా స్క్రీన్ ప్లే గా మలచడంలో కాస్త తడబడ్డాడు. ఇటు నిర్మాతలు కళ్యాణ చక్రవర్తి మంథిన, భాను కిరణ్ ప్రతాప, విజయ్ కృష్ణ లింగమనేని బాగా ఖర్చుపెట్టారు. ఓవరాల్‌ గా ఈ గాయపడ్డ సింహం.. సింపుల్ అండ్ ఎంటర్‌టైనింగ్ గా ఆడియన్స్ ని మెప్పించే అవకాశం ఉంది. 

కశ్యప్ శ్రీనివాస్ డైరెక్షన్ లో తరుణ్ భాస్కర్ మెయిన్ లీడ్ లో నటించిన లేటెస్ట్ మూవీ 'గాయపడ్డ సింహం'. కామెడీ డ్రామాగా తెరకెక్కిన ఈ మూవీలో మానసచౌదరి, ఫరియా అబ్దుల్లా హీరోయిన్లుగా నటించగా, థియేటర్లలో మిక్స్డ్ రెస్పాన్స్ అందుకుంది. కథ పాయింట్ వరకు 'గాయపడ్డ సింహం' చిన్న స్టోరీగా యావరేజ్ గా అనిపించగా, దాన్ని ఇంట్రెస్టింగ్ గా తెరకెక్కించడంలో డైరెక్టర్ తడబడ్డాడు. సినిమాలో ట్రంప్ మీద రివేంజ్ తీర్చుకోవాలని అనుకోవడం, అదీ చేతబడి చేయాలని హీరో ట్రై చేయడంలో మంచి ఫన్ జెనరేట్ అయింది. కానీ అది కాసేపటికే రొటీన్ ఫీల్ వస్తుంది. 

ఇటు డైరెక్టర్ కశ్యప్ శ్రీనివాస్ రైటింగ్ పరంగా ఫెయిల్ అయినా... స్టయిలిష్ ఫిల్మ్‌ మేకింగ్ వరకు కొంత బావుంది. ఇక తరుణ్ భాస్కర్ తన పాత్రకు తగ్గట్టు బానే నటించాడు. అలాగే శ్రీ విష్ణు రోల్ కూడా కొంత ఫన్ గా ఉన్నా ఏం పెద్దగా ఉపయోగపడలేదు. సినిమాకి సంబంధించి సింపుల్ గా కథ బాగున్నప్పటికీ స్పీడు లేకపోవడం వల్ల ఆడియన్స్ బోర్ ఫీల్ అవుతారు, అలాగే కన్ఫ్యూజ్ అవుతారు. ఓవరాల్ గా ఈ గాయపడ్డ సింహం సిల్లీ కామెడీతో ఒక వర్గం ఆడియన్స్ ని నవ్విస్తుంది. 

స్పూఫ్ లేదా పేరడీ ప్రధాన ఉద్దేశం ప్రేక్షకులను నవ్వించడం. స్పూఫ్ సీన్ వచ్చినప్పుడు థియేటర్లలో విజిల్స్‌, క్లాప్స్, నవ్వులు వినిపించ లేదంటే రైటింగ్ పరంగా మేజిక్ మిస్ అయినట్టే. 'గాయపడ్డ సింహం' విషయంలో జరిగింది అదే. 'జల్సా' నుంచి మొదలు పెడితే... 'కేజీఎఫ్', 'అర్జున్ రెడ్డి', 'బొమ్మరిల్లు' వంటి పలు సినిమాలను స్పూఫ్ చేశాడు. ఒక్క స్పూఫ్ కూడా వర్కవుట్ అవ్వలేదు. కథగా చూస్తే... 'గాయపడ్డ సింహం' పాయింట్‌ లో మంచి పొటెన్షియల్ ఉంది. ట్రంప్ మీద రివేంజ్ తీర్చుకోవాలని అనుకోవడం, అదీ చేతబడి చేయాలని హీరో ట్రై చేయడంలో తెలియని అమాయకత్వం ఉంది. అయితే స్పూఫ్స్ మీద ఎక్కువ డిపెండ్ అయ్యారు. కానీ, వర్కవుట్ అవ్వలేదు.

ఇటు డైరెక్టర్ కశ్యప్ శ్రీనివాస్ సిట్యువేషనల్ హ్యూమర్ మాత్రమే కాదు... పంచ్ డైలాగ్ కామెడీని కూడా మిస్ చేశారు. అయితే రైటింగ్ పరంగా ఫెయిల్ అయినా... స్టయిలిష్ ఫిల్మ్‌ మేకింగ్ కొంత బావుంది. సినిమాటోగ్రఫీ, మ్యూజిక్ కొంత మేరకు ఆకట్టుకున్నాయి. ఇక తరుణ్ భాస్కర్ తన పాత్రకు తగ్గట్టు నటించారు. పెర్ఫార్మన్స్ స్కోప్ ఉన్న రోల్ కాదు. హీరోయిన్లు మానసా చౌదరి, ఫరియా అబ్దుల్లా... కథలో ఇద్దరి పాత్రలు పరిమితమే. బ్రూటల్ ధర్మగా జేడీ చక్రవర్తి పాత్రకు విపరీతమైన బిల్డప్ ఇచ్చారు. కానీ ఆయన్ను సరిగ్గా వాడుకోలేదు. శ్రీ విష్ణు కనిపించే సన్నివేశాలు తక్కువ. కథగా చూస్తే 'గాయపడ్డ సింహం'లో పాయింట్ బావుంది. కానీ, ఎగ్జిక్యూషన్ ఫెయిల్ అయ్యింది. కామెడీ వర్కవుట్ కాలేదు. డ్రామా పండలేదు. సరదాగా నవ్వుకోవచ్చని వినోదం ఆశించి థియేటర్లకు వెళ్లిన ప్రేక్షకుల ఆశలకు గాయం చేస్తుందీ సినిమా.

తరుణ్ భాస్కర్ హీరోగా తెరకెక్కిన ‘గాయపడ్డ సింహం’ తాజాగా చిత్రం ప్రేక్షకుల ముందుకు రాగా, ఆడియన్స్ నుండి మిస్క్డ్ రెస్పాన్స్ అందుకుంది. హీరోగా తరుణ్ భాస్కర్ తన పాత్రలో సహజంగా నటించినా, ప్రేక్షకులు ఆయన నుంచి మరింత ఎక్స్‌పెక్ట్ చేసినట్లు అనిపిస్తుంది. హీరోయిన్‌లు ఫరియా అబ్దుల్లా, మానస చౌదరిలు వాళ్ళ రోల్స్ కి తగ్గట్టు నటించారు. ఇక సినిమాలో కీలక పాత్రగా చెప్పుకున్న J. D. Chakravarthy పాత్ర డిజైన్ బాగున్నప్పటికీ, ప్రచారంలో చెప్పినంత ప్రాధాన్యం సినిమాలో కనిపించలేదు. Sree Vishnu తాంత్రికుడిగా కనిపించిన పాత్రలో తనదైన నటనతో ఆకట్టుకున్నాడు.

టెక్నికల్ విషయాల్లో సినిమాటోగ్రఫీ, బ్యాక్‌గ్రౌండ్ మ్యూజిక్ పర్వాలేదనిపిస్తాయి. అయితే కథనం సాధారణంగా ఉండటం, వినోదం పరిమితంగా ఉండటం సినిమాకు మైనస్‌గా మారాయి. ఓవరాల్ గా ‘గాయపడ్డ సింహం’ ఎలాంటి అంచనాలు లేకుండా వెళితే కొంతవరకు ఆకట్టుకోవచ్చు. కానీ ఎక్కువ కామెడీ ఆశించి వెళితే మాత్రం ప్రేక్షకుడి మనసు గాయపడగా తప్పదు. 

గాయపడ్డ సింహం అంటూ ఆడియన్స్ ముందుకొచ్చిన తరుణ్ భాస్కర్ ఈసారి వాళ్ళ పల్స్ పట్టుకోవడంలో తడబడ్డాడు. అంటే పూర్తిగా కాదు గాని, తన మార్క్ చూపించడంలో తడబడ్డాడు. అయితే సినిమాలో దరహాస్‌ గా నటించిన తరుణ్‌ భాస్కర్‌ తన పెర్ఫార్మన్స్ వరకు బానే ఇచ్చాడు. కానీ ఆడియన్స్ ఇంకా ఎక్స్పెక్ట్ చేసారు. ఫరియా అబ్దుల్లా కూడా శాలిని పాత్రకు న్యాయం చేసింది. అక్కడక్కడా కాస్త ఓవర్‌గా అనిపిస్తుంది. మానస చౌదరి కనిపించింది రెండు మూడు సీన్లలోనే అయినా మెప్పించింది. 

ఇక సినిమాకు ఎంతో కీలకమైన పాత్రగా చెప్పుకొన్న జెడి చక్రవర్తి పాత్ర డిజైన్‌ బాగానే ఉంది. కానీ ప్రమోషన్స్‌లో ఆయన చెప్పినంతగా ఆ పాత్రలో ఏమీ లేదు. దర్శకుడు కూడా ఈ చిత్రంలో ఓ పాత్ర పోషించారు. యాక్టింగ్‌ లోనూ డైలాగ్‌ డెలివరీలోనూ ఆయనకు పేరు పెట్టక్కర్లేదు. భైరవ్‌ గా శ్రీవిష్ణు ఓ తాంత్రికుడిగా కనిపించారు. ఆ పాత్రకు న్యాయం చేశారు. విద్యాసాగర్‌ చింతా సినిమాటోగ్రఫీ బావుంది. నేపథ్య సంగీతం అలరించింది. అయితే వినోదాన్ని కోరుకునే వారికి మాత్రం ఈ సినిమా కాస్త ఊరటను ఇస్తుంది. అంతకుమించి ఎక్స్‌పెక్ట్‌ చేయడానికి ఈ సినిమాలో ఏమీ లేదు. ఇందులో శ్రీవిష్ణు పోషించిన పాత్రను కంటిన్యూ చేస్తూ 'పోరాడే సింహం' టైటిల్‌తో సీక్వెల్‌ ప్లాన్‌ చేసినట్లు లీడ్‌ ఇచ్చారు. కానీ ఆ అవకాశం దర్శక నిర్మాతలకు ప్రేక్షకులు ఇవ్వకపోవచ్చు.

తరుణ్ భాస్కర్ నటించిన గాయపడ్డ సింహం థియేటర్లలో మిక్స్డ్ రెస్పాన్స్ తెచ్చుకుంది. కథా, కథనాలు రొటీన్ గానే ఉన్నా, డైరెక్టర్ జనరంజకంగా తెరకెక్కించడానికి ట్రై చేసాడు. అయితే సినిమాలో కథనంలో వేగం లేకపోవడంతో కాస్త నెమ్మదిగా కథలోకి వెళ్లినట్టు అనిపిస్తుంది. ఎప్పుడైతే బ్రూటల్ ధర్మ క్యారెక్టర్ ఎంట్రీ ఇస్తుందో అప్పటి నుంచి కథలో వేగంగా కదలికలు చోటు చేసుకొని రకరకాల ట్విస్టులతో ప్రేక్షకుడిని ఎంగేజ్ చేసిన తీరు బాగుంటుంది. ఇక భైరవ దాస్ ఎంట్రీ ఇచ్చిన తర్వాత సినిమా మరింత ఊపందుకుంది. 

అలాగే కథలో భాగంగా క్లైమాక్స్‌ను ముగించిన తీరు ఫీల్ గుడ్‌గా ఉంటుంది. అలాగే పార్ట్ 2 సినిమాకు పోరాట సింహం అంటూ శ్రీవిష్ణు క్యారెక్టర్‌ కు ఇచ్చిన లీడ్ బాగుంది. ఓవరాల్‌ గా చిన్న పాయింట్‌ను లాగి లాగి కథను నడిపించినా.. దర్శకుడు కశ్యప్ శ్రీనివాస్ కంటెంట్ మీద పెట్టిన శ్రద్ద ప్రతీ ఫ్రేమ్‌లోను కనిపిస్తుంంది. ఈ సినిమాకు విద్యా సాగర్ చింతా సినిమాటోగ్రఫి స్టోరీ మూడ్‌ ను, క్యారెక్టర్ల ఇంపాక్ట్‌ ను బాగా క్రియేట్ చేసింది. ఓవరాల్ గా ఈ వారం చూడాల్సిన సినిమాల జాబితాలో గాయపడ్డ సింహాం సినిమాను చేర్చుకోవచ్చు. వినోదంతోపాటు యాక్టర్ల పెర్ఫార్మెన్స్‌ను బాగా ఎంజాయ్ చేయడానికి అవకాశం ఉంది.

తరుణ్ భాస్కర్, మానస చౌదరి, ఫరియా అబ్దుల్లా ప్రధాన పాత్రల్లో తెరకెక్కిన ‘గాయపడ్డ సింహం’ సినిమా తాజాగా థియేటర్లలోకి రాగా… ప్రేక్షకులను ఆశించిన స్థాయిలో ఆకట్టుకోలేకపోయింది. మెయిన్ లీడ్ లో నటించిన తరుణ్ భాస్కర్, కీ రోల్ చేసిన శ్రీ విష్ణు ఎవరి స్టైల్ లో వాళ్ళు బానే నటించారు. ఎంటర్టైన్ చేయడానికి సినిమా మొత్తం ట్రై చేస్తారు. కానీ ఎక్కడో కాస్త బెడిసికొట్టింది. ఇక జెడి చక్రవర్తి సినిమాలో ఉన్నంత వరకు బెస్ట్ ఇచ్చాడు. అలాగే సినిమా రిలీజ్ టైం లో ఆయన చేసిన ప్రమోషన్స్ మెచ్చుకుతీరాలి. 

ఇటు కంటెంట్ లో ట్రంప్ పై క్రియేట్ చేసిన కామెడీ సీన్లకు మంచి ఫన్ జనరేట్ అవుతుంది. ఓవరాల్ గా గాయపడ్డ సింహం ఈ సమ్మర్ లో నవనవలాడే మామిడిపండులా అనిపిస్తున్నా, ఆడియన్స్ కి కాస్త పులుపు ఫీలింగ్ నే ఇచ్చింది. సింపుల్ గా చెప్పాలంటే ఇది గాయపడ్డ సింహం అనుకుంటే, సినిమా వరకు గాయపడ్డ కథగా మారింది. 

తరుణ్ భాస్కర్, మానస చౌదరి, ఫరియా అబ్దుల్లా ప్రధాన పాత్రల్లో తెరకెక్కిన ‘గాయపడ్డ సింహం’ సినిమా తాజాగా థియేటర్లలోకి రాగా… ప్రేక్షకులను ఆశించిన స్థాయిలో ఆకట్టుకోలేకపోయింది. దర్శకుడు Kashyap Srinivas తీసుకున్న కథ, స్క్రీన్‌ ప్లే పూర్తిగా రొటీన్‌ గా ఉండి పెద్దగా ఇంపాక్ట్ ఇవ్వలేకపోయాయి. సినిమాలో కొన్ని కామెడీ సీన్స్, ముఖ్యంగా Sree Vishnu గెస్ట్ రోల్ ఉన్న ట్రాక్ కాస్త రిలీఫ్ ఇచ్చినా… అవి కూడా మొత్తం సినిమాను మోసేంత బలం చూపించలేకపోయాయి. కథలో కొత్తదనం లేకపోవడం, సింపుల్ స్టోరీని కూడా ఆసక్తికరంగా చెప్పలేకపోవడం పెద్ద మైనస్‌గా మారింది.

టెక్నికల్‌ గా ప్రొడక్షన్ వాల్యూస్ ఓకే అనిపించినా… సంగీతం పెద్దగా ప్రభావం చూపలేదు. అలాగే సాగదీత సీన్స్ ఎక్కువగా ఉండటం వల్ల సినిమా బోర్ ఫీల్ కలిగిస్తుంది. ఎడిటింగ్‌లో ఇంకా కట్స్ అవసరమనే ఫీలింగ్ వస్తుంది. ఓవరాల్ గా ‘గాయపడ్డ సింహం’ = Routine story + slow narration! కొన్ని కామెడీ సీన్స్ తప్ప… సినిమా మొత్తంగా డిసప్పాయింట్ చేస్తుంది. కొత్తదనం ఆశించే వారికి ఇది పూర్తిగా మిస్ అయ్యే అవకాశం ఉంది.