ABP Desam

Vishnu Vinyasam Movie Review

విష్ణు విన్యాసంలో కామెడీకి మంచి పాయింట్ తీసుకున్న దర్శకుడు యదునాథ్ మారుతీ రావు, దాన్ని పూర్తిగా ఎక్స్‌ప్లోర్ చేయలేకపోయాడు. కొన్ని సన్నివేశాల్లో మాత్రమే నవ్వులు పండుతాయి. రధన్ మ్యూజిక్ పెద్దగా గుర్తుండదు, సినిమాకు మైనస్‌గా మారింది. అయితే సురేష్ బొబ్బిలి బ్యాక్‌గ్రౌండ్ స్కోర్ కొన్ని సీన్స్‌ను, ముఖ్యంగా యాక్సిడెంట్ ఎపిసోడ్‌ను ఎలివేట్ చేసింది. కెమెరా వర్క్ ఓకే, నిర్మాణ విలువలు పర్వాలేదు. పెర్ఫార్మెన్స్ విషయంలో ఇది పూర్తిగా శ్రీ విష్ణు షో. తన స్టైల్ మ్యానరిజమ్స్, వన్ లైనర్ డైలాగ్స్‌తో సినిమాను మోసే ప్రయత్నం చేశాడు. ‘కింగ్ ఆఫ్ ఎంటర్‌టైన్‌మెంట్’ ట్యాగ్‌కు తగ్గట్టుగా నవ్వులు పంచాడు. నయన్ సారిక అందంగా కనిపిస్తూ, ఎమోషనల్ సీన్స్‌లో బాగానే చేసింది. కానీ సత్య పాత్ర మాత్రం ఆశించినంతగా వర్కవుట్ కాలేదు. మిగతా నటీనటులు తమ పాత్రలకు సరిపడా చేశారు కానీ వారికి పెద్దగా స్కోప్ దక్కలేదు. మొత్తంగా చూస్తే.. స్ట్రాంగ్ స్టోరీ, ఫుల్ లెంగ్త్ కామెడీ మిస్ అయిన ఈ సినిమా, శ్రీ విష్ణు కామెడీ కోసం అంచనాలు లేకుండా వెళితే ఒకసారి చూడదగ్గ ఎంటర్‌టైనర్‌గా నిలుస్తుంది

Hey Balwanth movie Review

కామెడీ అండ్ ఎమోషనల్ ఎంటర్టైనర్ గా తెరకెక్కిన "హే బలవంత్" మూవీ ఆడియన్స్ నుండి మిక్స్డ్ రెస్పాన్స్ తెచ్చుకుంది. కానీ డైరెక్టర్ స్క్రీన్ ప్లే పరంగా తడబడ్డాడు. కథ బాగానే రాసుకున్నా, సినిమాలో తండ్రీ కొడుకుల మధ్య ఎమోషనల్ ట్రాక్ / సీన్స్ లెంగ్త్ ఎక్కువైంది. కామెడీ నుంచి ఎమోషన్ వైపు కథ టర్న్ తీసుకున్న తీరు ఫోర్డ్స్‌గా కాకుండా ఆర్గానిక్‌గా ఉంటే బావుండేది. వినోదాన్ని, భావోద్వేగాన్ని సరిగా మిక్స్ చేయడంలో దర్శకుడి తడబాటు కనిపించింది. కానీ చెప్పాలనుకున్న విషయం బావుంది. లాజిక్కులు పట్టుకుంటూ వెళితే చాలా కనిపిస్తాయి. కానీ కంటెంట్ పరంగా సినిమాలో లాజిక్స్ ఆలోచిస్తే చూడలేం. పైగా 'హే బల్‌వంత్' లో నవ్వులకు లోటు ఉండదు. కానీ, స్క్రీన్ మీద చూస్తే కిక్. సుదర్శన్ కామెడీ, ఆ బిజినెస్ చుట్టూ రాసుకున్న సీన్స్ వర్కవుట్ అయ్యాయి. సీనియర్ నరేష్ మరోసారి తన మార్క్ చూపించారు. ఎమోషనల్ సీన్స్ బాగా చేశారు. సుహాస్, శివానీ చక్కగా నటించారు. థియేటర్లకు వెళ్లిన ప్రేక్షకులు కాసేపు నవ్వుకునే సినిమా.

Om Shanti Shanti Shantihi Movie Review

ఓం శాంతి శాంతి శాంతిః అంటూ ఆడియన్స్ ముందుకు వచ్చిన ఈ సినిమాలో గోదావరి యువకుడిగా తరుణ్ భాస్కర్ ఒదిగిపోయారు. నటనలో ఈషా రెబ్బాను తప్పు పట్టలేం. కానీ, శాంతి పాత్రకు ఆవిడ మిస్ మ్యాచ్. సెకండాఫ్ నుంచి తన ఇమేజ్ మ్యాచ్ చేసే రోల్ కావడంతో ఆయా సన్నివేశాల్లో బాగా చేశారు. బ్రహ్మజీ, బ్రహ్మానందం పాత్రలు నవ్వించాయి. సురభి ప్రభావతి, శివన్నారాయణ, బిందు చంద్రమౌళి తదితరులు ఓకే. పెళ్ళైన తర్వాత భర్త నుంచి భార్యలు ఏం కోరుకుంటున్నారు? సంసార జీవితం ఎలా ఉండాలని ఆశిస్తున్నారు? అనేది చెప్పే సినిమా 'ఓం శాంతి శాంతి శాంతిః'. సందేశానికి సున్నితమైన హాస్యం మేళవించి చెప్పాలని ప్రయత్నించారు. అటు సందేశం, ఇటు వినోదం... రెండింటిలోనూ ప్రేక్షకులకు చేరాల్సినంత మోతాదు లేదు. చేపల పులుసు చప్పగా సాగింది. ఒరిజినల్ చూడని ప్రేక్షకులు అసలు అంచనాలు పెట్టుకోకుండా వెళితే కాస్త ఎంజాయ్ చేసే అవకాశం ఉంటుంది.

Cheekatilo Movie Review

సీరియల్ కిల్లర్ బ్యాక్‌డ్రాప్‌లో మర్డర్ మిస్టరీ, క్రైమ్ థ్రిల్లర్ వచ్చిన సినిమాలు కోకొల్లలు. అయితే చాలా సినిమాల్లో హంతకుడు వరుస హత్యలు చేయడానికి గల కారణాలు అప్పటికే పలు సినిమాల్లో చూసినట్టు లేదా రొటీన్‌గా ఉన్నట్టు అనిపిస్తాయి. బట్, ఫర్ ఏ ఛేంజ్... 'చీకటిలో' సీరియల్ కిల్లర్ మోటివ్ డిఫరెంట్‌గా ఉంది. ఇన్నాళ్ళూ లైంగిక వేధింపులను ఒక కోణంలో చూపించారు. ఇందులో మరో కోణం తీసుకున్నారు. సినిమాకు అది డిఫరెంట్ టచ్. 'చీకటిలో' పాయింట్ కొత్తగా ఉంది. ఎండింగ్ ఎక్స్‌పెక్ట్‌ చేయని విధంగా, ప్రతి ఒక్కరి ఊహలకు అతీతంగా వెళ్ళింది. చివరి వరకు హంతకుడు ఎవరు? అనేది ఊహించడం కష్టం. మంచి ఎండింగ్ రాసుకున్న దర్శక రచయితలు రొటీన్‌గా ఈ సినిమాను స్టార్ట్ చేయడం మైనస్ పాయింట్. శోభితా ధూళిపాళ పాత్రను, వరుస హత్యలను పరిచయం చేసిన తీరు ఎటువంటి ఉత్కంఠకు గురి చేయదు. ఏ విధమైన ఆసక్తి కలిగించదు. సింపుల్ & స్ట్రైయిట్‌గా వెళుతుంది. ఓవరాల్ గా మూవీ ఒక్కసారి చూసే విధంగా ఉంది.

Psych Siddharth Movie Review

శ్రీ నందు హీరోగా, యామిని భాస్కర్ హీరోయిన్ గా నటించిన మూవీ సైక్ సిద్ధార్థ్. సినిమాలో నందు తన పెర్ఫార్మన్స్ తో బాగానే ఆకట్టుకున్నాడు. అలాగే కథానాయికగా యామినీ భాస్కర్ నటన బావుంది. కానీ ఆడియన్స్ కి అంతగా రీచ్ అవలేదు. బూతులు, బోల్డ్ సీన్లు చూపిస్తే అది న్యూ ఏజ్ సినిమా అవ్వదు. ట్రైలర్లలో ఆ కంటెంట్ కొంత మందిని థియేటర్లకు రప్పిస్తుందంతే. ఒక్క విషయంలో దర్శకుడిని మెచ్చుకోవాలి... హీరోయిన్‌ గా పెళ్లి కాని అమ్మాయిని కాకుండా బిడ్డతో భర్త నుంచి వేరుపడిన మహిళతో హీరోతో ప్రేమలో పడినట్టు చూపించడం. ప్రేమ కోసం కష్టపడమని చివరిలో చెప్పిన మాటలు బావున్నాయి. అందరికీ నచ్చే సినిమా కాదిది. జెన్ జి (ఈ తరం యువత)కు అయినా సరే హీరో క్యారెక్టర్, ఆ క్యారెక్టరైజేషన్ ఒక్కటే సరిపోదు. కథ కావాలి. యామినీ భాస్కర్, నందు నటనకు పేరొస్తుంది. విజయం మాత్రం కష్టమే.

Bhartha Mahasayulaku Wignapthi Movie Review

ప్రేక్షకులకు చేసే విజ్ఞప్తి ఏమనగా... 'భర్త మహాశయులకు విజ్ఞప్తి'లో బలమైన కథ, కథనాలు లేవు. ఎటువంటి అంచనాలు పెట్టుకోకుండా వెళితే ఆ కామెడీ ఎంజాయ్ చేయవచ్చు

Santhana Prapthirasthu Movie Review

మేల్ లేదా ఫిమేల్ ఇన్‌ఫెర్టిలిటీ అనేది సున్నితమైన అంశం. దాన్ని కథగా తీసుకుని ఎటువంటి వల్గారిటీ లేకుండా చక్కటి వినోదంతో చెప్పారు దర్శకుడు సంజీవ్ రెడ్డి. ఎక్కడా లైన్ క్రాస్ చేయలేదు. మురళీధర్ గౌడ్, అభినవ్ గోమఠం, వెన్నెల కిషోర్ పాత్రలతో మంచి వినోదం పండించారు. మొదటి సినిమాతో కంపేర్ చేస్తే నటనలో హీరో విక్రాంత్ ఇంప్రూవ్ అయ్యారు. తన పాత్రకు న్యాయం చేశారు. చాందిని చౌదరితో విక్రాంత్ కెమిస్ట్రీ బావుంది. సినిమాకు మెయిన్ పిల్లర్ చాందిని రోల్. ఆ అమ్మాయి బాగా నటించింది. వినోదం పడించడం మీద దృష్టి పెట్టిన సంజీవ్... ఎమోషనల్ సన్నివేశాల్లో మరింత కేర్ తీసుకోవాల్సిన అవసరం ఉంది. ఆ దిశగా కాన్సంట్రేట్ చేయలేదు. ఆ ఎమోషనల్ పార్ట్ కథకు, ఇంత సెన్సిటివ్ ఇష్యూకు సరిపోలేదు. యూత్ అందరూ చూడాల్సిన చక్కటి సందేశాత్మక సినిమా 'సంతాన ప్రాప్తిరస్తు'. ఉరుగుల పరుగుల ఒత్తిడి జీవితంలో సమాజానికి సందేశాన్ని ఇచ్చే చిత్రమిది. అలాగని సంజీవ్ రెడ్డి లెక్చర్లు పీకలేదు. చక్కటి వినోదంతో అందర్నీ నవ్వించారు. వినోదంతో పాటు భావోద్వేగాలపై దృష్టి పెడితే ఇంకా బావుండేది.

The Girl Friend Movie Review

రాహుల్ రవీంద్రన్ దర్శకత్వంలో రష్మికా మందన్నా, దీక్షిత్ శెట్టి జంటగా నటించిన సినిమా 'ది గర్ల్ ఫ్రెండ్'. అల్లు అరవింద్ సమర్పణలో విద్యా కొప్పినీడి, ధీరజ్ మొగిలినేని నిర్మించిన చిత్రమిది. విడుదల ముందు ప్రచార చిత్రాలు ప్రేక్షకుల్లో ఆసక్తి కలిగించాయి. ఓవరాల్ గా సినిమాలో రష్మిక మందన్న, దీక్షిత్ శెట్టి బాగా చేసారు. ఫ్యాకల్టీగా రాహుల్ రవీంద్రన్ కూడా బాగా చేశారు. ఇక 'ది గర్ల్ ఫ్రెండ్'కు వెళ్లిన ప్రేక్షకులకు ఈ కథ, అందులో క్యారెక్టర్లతో లవ్ - హేట్ రిలేషన్ తప్పకుండా ఏర్పడుతుంది. రాహుల్ రవీంద్రన్ ఫెమినిస్ట్ అని, హీరోయిన్ కోణంలో సినిమా తీసి హీరోని విలన్ చేశారని ఆయనపై కోపం రావచ్చు. దీక్షిత్ శెట్టి పాత్రపై ప్రేమ కలగవచ్చు. రాహుల్ రవీంద్రన్ కథతో ఏకీభవిస్తే రష్మిక పాత్ర నచ్చుతుంది. ఒక్కటి మాత్రం నిజం... ప్రేమలో స్పష్టత ఉండటం ముఖ్యమని చెబుతుందీ సినిమా. రష్మిక, దీక్షిత్ శెట్టి బెస్ట్ పెర్ఫార్మన్స్ ఇచ్చారు. వాళ్ళ కోసం సినిమాకు హ్యాపీగా వెళ్ళవచ్చు. అన్నట్టు... సినిమాపై డిబేట్ తప్పకుండా జరుగుతుంది.

Bison Movie Review

కుల వివక్ష వల్ల సమాజంలో ఏర్పడిన, మన కంటికి కనిపించని కంచె దాటడానికి ఓ సామాన్యుడు, ప్రతిభావంతుడైన క్రీడాకారుడు ఎంతటి పెద్ద యుద్ధం చేయాలనేది చూపించిన సినిమా 'బైసన్'. కుల, వర్గ, జాతి కక్షలతో కొట్టుమిట్టాడుతున్న కొందరు ప్రజలకు అవి ఎక్కడ మొదలయ్యాయనేది (మూలం) తెలియదని... కక్షలకు కేంద్ర బిందువుగా నిలిచిన వ్యక్తులకు బయటకు రావాలని ఉన్నా, మార్పు కోరుకున్నా... అది సాధ్యపడటం అంత సులభం కాదని చెప్పే సినిమా 'బైసన్'. అయితే తమిళ నేటివిటీ - దర్శకుడి డీటైలింగ్ వల్ల తెలుగు ప్రేక్షకులకు సాగదీసిన ఫీలింగ్ కలగడం సహజం. అయితే... ధృవ్ విక్రమ్ నటనకు తెలుగులో ఇదొక విజిటింగ్ కార్డు అవుతుంది. పశుపతి నటన అందరికీ నచ్చుతుంది. అయితే తెలుగు ప్రేక్షకులు అందరికీ సినిమా నచ్చడం కష్టం.

Telusu kada movie Review

స్టార్ బాయ్ సిద్ధూ జొన్నలగడ్డ హీరోగా నటించిన 'తెలుసు కదా'... మంచి పాయింట్ ఉన్న సినిమా. కానీ, స్క్రీన్ మీదకు అంతే మంచిగా రాలేదు. సిద్ధూ జొన్నలగడ్డ ఎప్పటిలా క్యారెక్టర్ మీద కమాండ్ చూపించారు. నటనతో ఇంప్రెస్ చేశారు. కానీ, కథనంలో లోపాలు ముందు అతని కష్టం వృథా అయ్యింది. సీన్స్‌ కొన్ని బావున్నాయి. హీరోయిన్లు రాశి ఖన్నా, శ్రీనిధి శెట్టి రోల్స్ అండ్ వాళ్ళ పెర్ఫార్మన్స్ బాగున్నా, ఆడియన్స్ కి ఆ పాత్రలతో అంతగా కనెక్ట్ అవ్వలేరు. వాళ్ళ రోల్స్ ని దర్శకురాలు నీరజ ఇంకాస్త బలంగా రాసుకొని ఉండాల్సింది. ఇక వినోదం విషయంలో కొన్ని చోట్ల హద్దులు దాటినప్పటికీ... హర్ష చెముడు కొంత నవ్వించారు. ఎటువంటి అంచనాలు పెట్టుకోకుండా వెళితే థియేటర్లలో చివరి వరకూ కూర్చొవచ్చు. మోస్తరుగా శాటిస్‌ఫై చేస్తుంది. లేదంటే కష్టం.