Tupaki

Vishnu Vinyasam movie Review

కింగ్ ఆఫ్ ఎంటర్టైన్మెంట్’ అనే ట్యాగ్‌కు తగ్గట్టుగా ఈ సినిమాలో శ్రీ విష్ణు పూర్తిగా వన్ మ్యాన్ షో ఇచ్చాడు. ప్రతి సీన్‌లో తన కామెడీ టైమింగ్‌తో ఆకట్టుకుంటూ, ముఖ్యంగా తన రన్నింగ్ కామెంట్రీతో మంచి నవ్వులు పంచాడు. న్యూ జనరేషన్ ఆడియన్స్‌ని టార్గెట్ చేస్తూ తన స్టైల్ హ్యూమర్‌తో సినిమాను మోసే ప్రయత్నం చేశాడు. హీరోయిన్ నయన్ సారిక స్క్రీన్ ప్రెజెన్స్ బాగున్నా, ఆమె పాత్రను డైరెక్టర్ సరిగా డిజైన్ చేయలేదు. కాన్సెప్ట్ ఉన్నా, దాన్ని కన్విన్సింగ్‌గా చూపించలేకపోవడం మైనస్. సత్య కొన్ని చోట్ల నవ్వించినా, అతనివద్ద నుంచి ఇంకాస్త ఎక్స్‌పెక్ట్ చేస్తాం. బ్రహ్మాజీ, ప్రవీణ్ ప్రభావం చూపలేకపోయారు. శ్రీనివాస రెడ్డి ఓకే, గోపరాజు రమణ, మురళీ శర్మల్ని సరిగా ఉపయోగించలేదు. శ్రీకాంత్ అయ్యంగార్ పర్వాలేదు అనిపిస్తాడు. టెక్నికల్‌గా చూస్తే రధన్ మ్యూజిక్ పెద్దగా వర్కవుట్ కాలేదు. పాటలు గుర్తుండిపోయేలా లేవు, బీజీఎం కూడా కొన్ని చోట్ల లౌడ్‌గా అనిపిస్తుంది. సాయి శ్రీరామ్ సినిమాటోగ్రఫీ ఓకే. ప్రొడక్షన్ విల్యూస్ డీసెంట్‌గా ఉన్నాయి. డైరెక్టర్ యధునాథ్ మారుతీరావు మంచి కామెడీ కాన్సెప్ట్ ఎంచుకున్నా, దాన్ని స్క్రీన్‌పై పూర్తి స్థాయిలో ఎగ్జిక్యూట్ చేయలేకపోయాడు. కొన్ని వన్ లైనర్స్, కామెడీ సీన్స్ పనిచేసినా, లాజిక్ లేని సన్నివేశాలు సినిమాను వీక్ చేశాయి. మొత్తంగా చూస్తే, శ్రీ విష్ణు పెర్ఫార్మెన్స్ హైలైట్ అయినా, కంటెంట్ మాత్రం అంచనాలను అందుకోలేకపోయింది.

Hey Balwanth Movie Review

పూర్తిగా కామెడీ కంటెంట్ తో తెరకెక్కిన "హే బలవంత్" సినిమా ఒక డిఫరెంట్ స్టోరీ పాయింట్ తో తెరకెక్కింది. స్టోరీ, స్క్రీన్ ప్లే పరంగా దర్శకుడు కాస్త తడబడ్డాడు. ఇక టెక్నికల్ గా ‘హే బల్వంత్’ పర్వాలేదనిపిస్తుంది. వివేక్ సాగర్ నేపథ్య సంగీతం ఉత్సాహభరితంగా సాగింది. పాటలు పెద్దగా ప్రభావం చూపలేకపోయాయి. మహిరెడ్డి ఛాయాగ్రహణం బాగుంది. నిర్మాణ విలువలు సినిమాకు సరిపడా స్థాయిలో ఉన్నాయి. రైటర్ కమ్ డైరెక్టర్ గోపి ఆచార కామెడీ మీద మంచి పట్టున్న సంగతి అర్థమవుతుంది. తన డెబ్యూ మూవీ కోసం అతను చాలా రిస్కీ సబ్జెక్టును ఎంచుకున్నాడు. ఆ పాయింట్ మీద సినిమాలో సస్పెన్స్ మెయింటైన్ చేసిన తీరు.. రెండు ముఖ్యమైన ట్విస్టులతో ప్రేక్షకులను ఎంగేజ్ చేసిన తీరు బాగుంది. కానీ దీని మీద ఎమోషన్లను వర్కవుట్ చేయాలనుకోవడం.. సమాజానికి ఏదో సందేశం ఇవ్వాలనుకోవడం మాత్రం మిశ్రమానుభూతిని కలిగిస్తుంది. అక్కడే దర్శకుడు తడబడ్డాడు అనిపిస్తుంది. దర్శకుడు ఈ పాయింట్ తీసుకోవడం తప్పని అనలేం కానీ.. దాని మీద కామెడీని.. ఎమోషన్ ను కలపాలన్న ప్రయత్నమే పెద్దగా ఫలించలేదు.

Cheekatilo movie Review

అమెజాన్ ప్రైమ్ లో రిలీజ్ అయిన చీకటిలో మూవీ లో శోభిత ధూళిపాళ మెయిన్ లీడ్ లో నటించింది. కథంతా తన చుట్టూనే తిరిగే సినిమాలో ఆమె తన నటనతో ఆకట్టుకుంది. అమ్మాయి కావడం వల్ల అనేక ఆంక్షలతో పెరిగి.. అనేక సందర్భాల్లో నోరు కట్టేసుకుని.. తన వాయిస్ బలంగా వినిపించే అవకాశం వచ్చినపుడు విజృంభించే పాత్రకు శోభిత న్యాయం చేసింది. పాత్రకు తగ్గట్లు సింపుల్ లుక్స్.. సటిల్ యాక్టింగ్ తో శోభిత మెప్పించింది. ఆమెకు జోడీగా నటించిన విశ్వదేవ్ రాచకొండ జస్ట్ ఓకే అనిపించాడు. కృష్ణచైతన్య పోలీస్ పాత్రకు న్యాయం చేశాడు. చాన్నాళ్ల తర్వాత తెలుగు తెరపై కనిపించిన సీనయిర్ నటుడు సురేష్.. ఈషా చావ్లాల గురించి ప్రత్యేకంగా చెప్పుకునేలా ఏమీ లేదు. వాళ్ల పాత్రలు అంతగా ఇంపాక్ట్ వేయలేకపోయాయి. రవీంద్ర విజయ్ క్యారెక్టర్ కూడా అంతే. వడ్లమాని శ్రీనివాస్ బాగా చేశాడు. అయితే ఓవరాల్ గా యావరేజ్ కంటెంట్ గా చీకటిలో ఒకసారి ట్రై చేయొచ్చు.

Nari Nari Naduma Murari Movie Review

ఏకే ఎంటర్టైన్మెంట్స్ బ్యానర్ లో శర్వానంద్ హీరోగా నటించిన "నారీ నారీ నడుమ మురారి" ఆడియన్స్ ని ఆకట్టుకుంది. ప్లెజెంట్ టేకింగ్ తో రామ్ అబ్బరాజు మరోసారి మంచి మార్కులు కొట్టేశాడు. చాలా వరకు కామెడీ ప్రధానంగా సాగే ఈ కథకు ఇచ్చిన ఎమోషనల్ టచ్ కూడా ఆకట్టుకుంటుంది.

Mana shankara vara prasad garu movie review

భోళా శంకర్ ప్లాప్ తర్వాత చిరంజీవి సూపర్ హిట్ కొట్టాలని హిట్ డైరెక్టర్ అనిల్ రావిపూడితో "మన శంకర వర ప్రసాద్ గారు" అంటూ వచ్చేసారు. సంక్రాంతి కానుకగా విడుదలైన ఈ సినిమా ఆడియన్స్ కి రెండున్నర గంటల పాటు ఏ ఢోకా లేకుండా నవ్వుకోవడానికి సరైన మూవీగా నిలిచింది.

The RajaSaab Move review

ప్రభాస్ నటించిన The Rajasaab సినిమా పొంగల్ స్పెషల్ గా రిలీజ్ కాగా, ఫ్యాన్స్ ని తప్ప కామన్ ఆడియన్స్ ని ఏమాత్రం మెప్పించడం లేదు.

Champion Movie Review

రోషన్ హీరోగా బైరాన్ పల్లి పోరాట నేపథ్యంలో తెరకెక్కిన ఛాంపియన్ థియేటర్లలో విడుదలై మిక్స్డ్ రెస్పాన్స్ తెచ్చుకుంది.

Premante Movie Review

కమెడియన్ కం హీరో ప్రియదర్శి హీరోగా ఆనంది హీరోయిన్ గా నటించిన ప్రేమంటే రీసెంట్ గా థియేటర్లలో విడుదలై అంతగా ఆకట్టుకోలేకపోయింది. పెర్ఫామెన్స్ పరంగా ప్రియదర్శి ఆకట్టుకున్నప్పటికీ, ఇంపాక్ట్ అంతగా లేదు. అలాగే ఆనంది కూడా తన వరకూ బాగానే నటించినా ఎక్కడో ఏదో మిస్ అయిందనిపిస్తుంది. వీళ్ళ తర్వాత కీలక పాత్రలో నటించిన సుమ పాత్ర కూడా చాలా తేలిపోయింది. చాలా వరకు ఆ పాత్ర విసిగిస్తుంది. ఇక టెక్నికల్ గా కూడా "ప్రేమంటే" బీలో యావరేజ్ గా కనిపిస్తుంది. మ్యూజిక్ డైరెక్టర్ లియోన్ జేమ్స్ పాటలు బాగా లేకున్నా, బీజీఎమ్ పర్లేదు. నవనీత్ శ్రీరామ్.. క్రేజీగా ఉండే కథను సెలెస్ట్ చేసుకున్నా, స్క్రీన్ ప్లే బాగా రాసుకోవడంలో తడబడ్డాడు. ప్రతివారం రెగ్యులర్ గా సినిమాలు చూసేవారు, కామెడీ సినిమాలు ఇష్టపడే వారు ఒక్కసారి ట్రై చేయొచ్చు.

The Girl Friend movie Review

రష్మిక మందన్న హీరోయిన్ గా నటించిన ‘ది గర్ల్ ఫ్రెండ్’ మూవీ రాహుల్ రవీంద్రన్ డైరెక్ట్ చేయగా, డిఫరెంట్ లవ్ అండ్ ఎమోషనల్ లవ్ స్టోరీగా తెరకెక్కిన ఈ సినిమా ఆడియన్స్ నుండి మిక్స్డ్ రెస్పాన్స్ తెచ్చుకుంది. టెక్నికల్ గా సినిమా గురించి చెప్పాలంటే రాహుల్ రవీంద్రన్ మంచి టెక్నిషియన్స్ ని పట్టుకున్నాడు. అలాగే స్టోరీ లైన్ కూడా బాగానే రాసుకున్నా, స్క్రీన్ ప్లే పరంగా తడబడ్డాడు. కాస్త ల్యాగ్ ఫీల్ ఇస్తుంది. ఇక హేషమ్ అబ్దుల్ సినిమాకు బలం చేకూర్చే పాటలు ఇచ్చాడు గాని, అవి మరీ వినసొంపుగా లేవు. కృష్ణన్ వసంత్ విజువల్స్ బాగున్నాయి. ఇక రచయిత-దర్శకుడు రాహుల్ రవీంద్రన్.. మన్మథుడు-2 తర్వాత మళ్లీ తన మార్కు చూపించాడు. రిలేషన్‌ షిప్ విషయంలో అతను ఒక సైడ్ తీసుకున్నట్లు అనిపిస్తుంది. కానీ.. చెప్పాలనుకున్న కథను మాత్రం బలంగానే చెప్పాడు. కథ కొత్తది కాకపోయినా, కొంచెం కొత్తగా దాన్ని నరేట్ చేసే ప్రయత్నం చేశాడు. ఓవరాల్ గా ఒక వర్గం ఆడియన్స్ ఈ సినిమాకు కనెక్ట్ అయ్యే ఛాన్స్ ఉంది.

Bison Movie Review

బైసన్ సినిమా విషయానికి వస్తే మేకర్స్ మంచి క్వాలిటీతో సినిమా తీశారు. నివాస్ ప్రసన్న నేపథ్య సంగీతం సినిమాను డ్రైవ్ చేయడంలో ఉపయోగపడింది. తన పాటలు ఓ మోస్తరుగా అనిపిస్తాయి. ఎలిల్ అరసు ఛాయాగ్రహణం సినిమాలో మేజర్ హైలైట్. విజువల్స్ చాలా బాగున్నాయి. ఇక రైటర్ కమ్ డైరెక్టర్ మారి సెల్వరాజ్.. ఇంతకుముందు తీసిన నాలుగు సినిమాలతో పోలిస్తే ‘బైసన్’ సాధారణంగా అనిపిస్తుంది. తన సినిమాల్లో బలమైన ఎమోషన్ ఉంటుంది. ఇందులో అది మిస్ అయింది. సాధారణమైన పాత్రలు.. సన్నివేశాలతో తన మీద ఉన్న అంచనాలను అతను అందుకోలేకపోయాడు. కుల కోణాన్ని అతను ఈసారి సరిగా ఎలివేట్ చేయకపోవడమే సినిమాకు సమస్యగా మారింది