NTV Telugu

Vishnu Vinyasam movie Review

విష్ణు విన్యాసం థియేటర్లలో మిక్స్డ్ టాక్‌తో కొనసాగుతున్నా, ఈ సినిమాను పూర్తిగా తన భుజాలపై మోసింది మాత్రం శ్రీ విష్ణు. ఇది నిజంగా ఆయన వన్ మ్యాన్ షో అని చెప్పాలి. కథ, కథనం యావరేజ్‌గా ఉన్నప్పటికీ, తన కామెడీ టైమింగ్, డైలాగ్ డెలివరీతో ప్రతి సీన్‌ను లైవ్‌గా మార్చేశాడు. ఎక్కడా కంటెంట్ తగ్గినా, తన హ్యూమర్‌తో సినిమా నిలబడేలా చేశాడు. హీరోయిన్ నయన్ సారిక స్క్రీన్‌పై ఆకట్టుకుంది. సత్య తన కామెడీతో మంచి సపోర్ట్ ఇచ్చాడు. మిగిలిన నటులు బ్రహ్మాజీ, ప్రవీణ్, మురళీ శర్మ, శ్రీకాంత్ అయ్యంగార్, సత్యం రాజేష్, శ్రీనివాస రెడ్డి, గోపరాజు రమణ తమ పాత్రలకు సరిపడా నటించారు. టెక్నికల్‌గా చూస్తే రధన్ మ్యూజిక్ మాత్రం నిరాశపరిచింది. పాటలు, బ్యాక్‌గ్రౌండ్ స్కోర్ రొటీన్‌గా ఉన్నాయి. కానీ సాయి శ్రీరామ్ సినిమాటోగ్రఫీ సినిమాకు పెద్ద ప్లస్‌గా నిలిచింది. విజువల్స్ కలర్‌ఫుల్‌గా, రిచ్‌గా కనిపిస్తాయి. ఎడిటింగ్ క్రిస్ప్‌గా ఉన్నా, కొన్ని సీన్స్ రిపీట్ ఫీల్ ఇస్తాయి. నిర్మాణ విలువలు డీసెంట్‌గా ఉన్నాయి. మొత్తంగా చెప్పాలంటే, బలహీనమైన కథనాన్ని కూడా శ్రీ విష్ణు తన పెర్ఫార్మెన్స్‌తో మేనేజ్ చేసిన సినిమా ఇది. స్ట్రాంగ్ సెకండాఫ్ ఉండి ఉంటే విష్ణు విన్యాసం ఇంకో లెవెల్‌కి వెళ్లేది. ఇప్పటికైతే ఇది శ్రీ విష్ణు వన్ మ్యాన్ షోగా నిలిచిపోయింది.

Cheekatilo Movie Review

శోభిత ధూళిపాళ మెయిన్ లీడ్ లో నటించిన చీకటిలో (Cheekatilo) సినిమా కథ పరంగా ఆసక్తికరమైన కాన్సెప్ట్‌ను ఎంచుకుంది. క్రైమ్ నేపథ్యంలో వ్యక్తిగత భావోద్వేగాలను మిళితం చేయడం మంచి ఆలోచన. దర్శకుడు Sharan Koppisetty సస్పెన్స్‌ను నిలబెట్టడానికి ప్రయత్నించారు. కొన్ని ట్విస్టులు బాగున్నప్పటికీ అవి పూర్తిగా షాక్ ఇవ్వలేవు. అయితే శోభిత ధూళిపాళ తన పాత్రను చాలా నమ్మకంగా పోషించారు. ఆమె డైలాగ్ డెలివరీ, బాడీ లాంగ్వేజ్ కథకు సరిపోయాయి. కానీ కథలో కొన్ని లాజికల్ లోపాలు కనిపిస్తాయి. బ్యాక్‌గ్రౌండ్ స్కోర్ మంచి వాతావరణం సృష్టించినా కథన వేగం తగ్గడం వల్ల ప్రభావం కొంచెం తగ్గింది. ఒకసారి చూడదగ్గ ప్రయత్నంగా చెప్పొచ్చు.

Revolver Rita Movie Review

చాలా రోజులుగా సరైన సక్సెస్ కోసం ఎదురుచూస్తున్న కీర్తి సురేష్ ఈసారి ‘రివాల్వర్ రీటా’ అంటూ క్రైమ్ థ్రిల్లర్ తో ఆడియన్స్ ముందుకు వచ్చింది. రివాల్వర్ అయితే బాగుంది కానీ, అందులో తూటాలే పేలలేదు.

Nari Nari Naduma Murari

శర్వానంద్ హీరోగా రామ్ అబ్బరాజు దర్శకత్వం వహించిన "నారి నారి నడుమ మురారి" సినిమా సంక్రాంతికి ఫ్యామిలీతో చూసే చక్కగా చూడొచ్చు. కానీ మూవీలో కొన్ని సీన్స్ ఎడిట్ చేయాల్సింది, అలాగే పాటల ప్లేస్మెంట్ కూడా ఎక్కడా సెట్ అవలేదు. యనానిమస్ ఫ్యామిలీ ఎంటర్టైనర్ అని చెప్పలేం గాని, ఓవరాల్ గా మేకర్స్ సేఫ్ అవ్వొచ్చు.

Anaganaga Oka Raju Movie Review

నవీన్ పోలిశెట్టి నటించిన అనగనగా ఒకరాజు సినిమా కథలో కొత్తదనం లేకపోయినా, అక్కడక్కడా బాగా నవ్విస్తాడు.

Bhartha Mahasayulaku Wignapthi

రవితేజ హీరోగా నటించిన భర్త మహాశయులకు విజ్ఞప్తి సినిమా కథ, కథనాల పరంగా అంతగా ఆకట్టుకోలేకపోయినా, కామెడీ పరంగా కాస్త మెప్పిస్తుంది.

Mowgli Movie Review

సందీప్ రాజ్ దర్శకత్వంలో రోషన్ కనకాల హీరోగా నటించిన మోగ్లీ సినిమా రొటీన్ లవ్ స్టోరీ గా టాక్ తెచ్చుకొని మెప్పించలేకపోయింది.

Premante Movie Review

నవనీత్ శ్రీరామ్ దర్శకత్వం వహించిన కొత్త సినిమా ప్రేమంటే. ప్రియదర్శి, ఆనంది హీరోహీరోయిన్లుగా నటించిన ఈ సినిమా, ఒక క్రైమ్ రోమ్ కామ్ డ్రామాగా తెరకెక్కింది. అయితే ప్రేమ పెళ్లి కథ గా మొదలైన ఈ సినిమా క్లైమాక్స్ కి వచ్చే సరికి ఒక క్రైమ్ డ్రామాగా మారిపోతుంది. నటీనటులు మంచి పెర్ఫెర్మన్స్ చూపించినా, నాచురాలిటీ మిస్ అయింది. కమెడియన్స్ సుమ, వెన్నెల కిషోర్, హైపర్ ఆది, రామ్ ప్రసాద్ ఫన్ జెనరేట్ చేయడానికి బాగానే కష్టపడ్డారు, కానీ అంతగా ఆకట్టుకోలేదు. దర్శకుడు నవనీత్ బోరింగ్ స్క్రీన్ ప్లే తో ఆడియన్స్ కి ల్యాగ్ ఫీల్ అయ్యేలా చేసాడు. అయితే క్వాలిటీ విషయంలో మేకర్స్ బానే కష్టపడ్డారు. నిర్మాణ విలువలు బాగున్నాయి. లవర్ స్టోరీస్ ఇష్టపడే వాళ్ళు, రెగ్యులర్ మూవీస్ చూసే వారు ఒక్కసారి ట్రై చేయొచ్చు.

Kaantha Movie Review

దుల్కర్ సల్మాన్, భాగ్యశ్రీ బోర్సే జంటగా మరియు రానా, సముద్రఖని కీలక పాత్రల్లో తెరకెక్కిన సినిమా "కాంత". సెల్వమణి సెల్వరాజ్ దర్శకత్వం వహించిన ఈ సినిమా ఆడియన్స్ నుండి మిక్స్డ్ రెస్పాన్స్ తెచ్చుకుంది. కానీ ట్రేడ్ విశ్లేషకులు మంచి స్పందన కనబరిచారు. కథ పరంగా దర్శకుడు బలమైన సబ్జెక్టు తీసుకోగా, అంత బలంగా ఆయా పాత్రధారులు అద్భుతంగా నటించారని చెప్పాలి. అయితే స్క్రీన్ ప్లే పరంగా కాస్త వీక్ అయింది. కానీ సినిమాటోగ్రఫి చాలా బాగుంది. ఆడియన్స్ ని కాంత ఇట్టే 1950 లోకి తీసుకెళ్లిపోతుందనడంలో సందేహం లేదు. కమర్షియల్ సినిమాలే కాదు, నటనకు ప్రాధాన్యమున్న సినిమాలు, ఆడియన్స్ చూస్తారని అలాంటివాటికే మేకర్స్ కూడా ప్రాధాన్యం ఇవ్వాలని ఈ సినిమా కథ చెప్తుంది. రెగ్యులర్ మూవీ లవర్స్ కి ఈ కథ ఇంప్రెస్ చేయలేకపోయినా, పీరియాడికల్ సినిమాలు, నటనా ప్రాధాన్యం ఉన్న సినిమాలను ఇష్టపడే వారికి ఈ సినిమా బాగా నచ్చుతుంది.

The Great Pre Wedding Show movie Review

చిన్న సినిమాగా తెరకెక్కిన 'ది గ్రేట్ ప్రీ వెడ్డింగ్ షో' విలేజ్ కామెడీ డ్రామాగా, న్యాచురల్ కామెడీతో క్రిటిక్స్ నుండి కూడా మంచి రెస్పాన్స్ తెచ్చుకుంది.

Mass jathara movie Review

'భానుభోగవరపు డైరెక్షన్ లో మాస్ మహారాజ్ రవితేజ నటించిన "మాస్ జాతర" సినిమా నవంబర్ లో థియేటర్లో రిలీజ్ అయింది. రవితేజ తనకు కలిసొచ్చిన మాస్ జోనర్ లో పవర్ ఫుల్ యాక్షన్ ఎంటర్టైనర్ గా తెరకెక్కిన ఈ సినిమా ఆడియన్స్ నుండి మిశ్రమ స్పందన తెచ్చుకుంది. రవితేజ వన్ మ్యాన్ షో తో ఈ సినిమాని నడిపించాడు. మాస్ మహారాజ్ ఫ్యాన్స్ కి మంచి కిక్ ఇస్తుంది ఈ సినిమా. కానీ కొత్తదనం లేని కథ, కథనాలతో డైరెక్టర్ ఆడియన్స్ ని ఎంటర్టైన్ చేయలేకపోయాడు. సినిమాలో భారీ కాస్టింగ్ తో నింపినా రవితేజకి మినహా ఎవరికీ బలమైన పాత్ర లభించలేదు. అన్ని సన్నివేశాలు కూడా ఊహాజనితంగా ఉండడం వల్ల సామాన్య ప్రేక్షకులకి ఎంజాయ్ చేసిన ఫీలింగ్ ఉండదు. కానీ ఓటిటి లో మంచి రెస్పాన్స్ తెచ్చుకుంటుంది. ఓవరాల్ గా స్క్రీన్ ప్లే లోపం వల్ల, రొటీన్ కథ వల్ల అంతగా ఇంప్రెస్ చేయలేదు, కానీ రవితేజ కోసం రెగ్యులర్ ఆడియన్స్ ఒకసారి మాస్ జాతరని చూడొచ్చు.

Bison movie Review

Bison సినిమాలో హీరోగా Dhruv Vikram అద్భుతమైన నటన ప్రదర్శించాడు. దర్శకుడు Mari Selvaraj తనదైన శైలిలో ఈ చిత్రాన్ని తీర్చిదిద్దారు. సామాజిక అంశాలను స్పృశిస్తూ, ఒక సాధారణ యువకుడి పోరాటాన్ని భావోద్వేగంగా చూపించారు. ధృవ్ విక్రమ్ పాత్రలోని తీవ్రత, శారీరక భాష, డైలాగ్ డెలివరీ సినిమాకు ప్రధాన బలం. హీరోయిన్ పాత్ర కూడా కథకు బలాన్నిచ్చింది. సాంకేతికంగా చూస్తే సినిమాటోగ్రఫీ అద్భుతంగా ఉంది. ప్రతి ఫ్రేమ్ రియలిస్టిక్‌గా కనిపిస్తుంది. బ్యాక్‌గ్రౌండ్ స్కోర్ కథనాన్ని మరింత బలపరిచింది. ఫస్ట్ హాఫ్ నెమ్మదిగా సాగినప్పటికీ, సెకండ్ హాఫ్‌లో భావోద్వేగాలు గట్టిగా తాకుతాయి. క్లైమాక్స్ ప్రేక్షకుల మనసును కదిలిస్తుంది. మొత్తం మీద “Bison” ఒక గాఢమైన సామాజిక సందేశంతో కూడిన ప్రభావవంతమైన చిత్రం.

OG movie Review

పవర్ స్టార్ పవన్ కళ్యాణ్ హీరోగా నటించిన ఓజి సినిమా థియేటర్లో మంచి రెస్పాన్స్ తెచ్చుకోగా, కలెక్షన్ల పరంగా ఇతర భాషల్లో మాత్రం అంతగా రాణించలేదు. అయితే పవన్ ఫ్యాన్స్ కి మాత్రం ఓజి ఫుల్ మీల్స్ అని చెప్పాలి.