Vishnu Vinyasam movie Review
శ్రీవిష్ణు సినిమా అంటే ఫుల్ గా నవ్విస్తారని ప్రేక్షకులు ఫిక్స్ అయిపోయారు. విష్ణు విన్యాసం సినిమా కూడా కామెడీ ఎంటెర్టైనర్ గానే తెరకెక్కించి చివర్లో ఎమోషన్ ని పండించారు. మనీష బాధతో ఓపెన్ అయిన సినిమా ఫస్ట్ హాఫ్ అంతా శ్రీ విష్ణు వాస్తు, జాతకాల పిచ్చి, సత్య – శ్రీవిష్ణు కామెడీ, మనీష పరిచయం ఆమెతో విష్ణు ప్రేమాయణంతో మొత్తం కామెడీగానే సాగుతుంది. ఫస్ట్ హాఫ్ ఫుల్ గా నవ్వుకుంటారు. ఇంటర్వెల్ కి మనీష తన జాతక దోషం చెప్పడంతో విష్ణు షాక్ అవుతాడు. దాంతో నెక్స్ట్ విష్ణు ఏం చేస్తాడు అనే ఆసక్తి నెలకొంటుంది. సెకండ్ హాఫ్ లో పెళ్లి రిలేటెడ్ సీన్స్ బాగా సాగదీశారు. హీరోకి ఫ్లాష్ కట్స్ కోసం రిపీటెడ్ సీన్స్ చాలా సార్లు వాడారు. దీంతో సెకండ్ హాఫ్ కాస్త బోరింగ్ అనిపిస్తుంది. క్లైమాక్స్ ట్విస్ట్ అయితే ఊహించడం కష్టమే. వాస్తు, జాతకాలు, మూఢ నమ్మకాల విషయంలో డైరెక్ట్ గా చెప్పకపోయినా ఓ మెసేజ్ అయితే ఇచ్చారు. అలాగే సినిమా చూడ్డానికి రొటీన్ గానే ఉన్నా, బాగానే నవ్విస్తుంది. ఇక పాత పాటలు, వేరే హీరోల రిఫరెన్స్ లు బాగానే వాడారు. ఈ సినిమా నిడివి 2 గంటలే కావడం ప్లస్ అయింది. సినిమాటోగ్రఫీ విజువల్స్ అయితే కలర్ ఫుల్ గా బాగున్నాయి. పాటలు యావరేజ్. బ్యాక్ గ్రౌండ్ మ్యూజిక్ బాగుంది. సెకండాఫ్ ని కొంత ట్రిమ్ చేయాల్సింది. పాత కథే అయినా కొత్త స్క్రీన్ ప్లేతో కామెడీ ఎంటర్టైనర్ గా నవ్వించడానికి తెరకెక్కించాడు దర్శకుడు. ఓవరాల్ గా ‘విష్ణు విన్యాసం’ సినిమా శ్రీవిష్ణు మార్క్ కామెడీతో నవ్వుకోడానికి చూసేయొచ్చు. ఈ సినిమాకు 3 రేటింగ్ ఇవ్వొచ్చు.
Average