Movie Reviews

టెక్నాలజీతో ముడిపడి ఉన్న భవిష్యత్తులో ప్రేమ అనే కాన్సెప్ట్ వినడానికి చాలా కొత్తగా, ఆసక్తికరంగా ఉంది. కానీ, దర్శకుడు దాన్ని పైపైన మాత్రమే టచ్ చేశాడు తప్ప, డెప్త్‌లోకి వెళ్లలేదు. 2040 నాటి ఫ్యూచరిస్టిక్ సెటప్ ప్రస్తుత సమాజానికే అద్దం పట్టినట్లు ఉంటుంది కానీ, భవిష్యత్తును చూస్తున్నామనే ఫీలింగ్ కలగదు. అలాగే ఆర్గానిక్ వరల్డ్ అనే కాన్సెప్ట్ కూడా కృత్రిమంగా అనిపిస్తుందే తప్ప కన్విన్సింగ్‌గా లేదు. లీడ్ పెయిర్ మధ్య ఎమోషనల్ కనెక్షన్, సరైన కాన్ఫ్లిక్ట్ లేకపోవడం వల్ల కథనం వీక్ అయిపోయింది. ఒక ఫ్యూచరిస్టిక్ లవ్ స్టోరీకి ఎమోషనల్ డెప్త్ చాలా అవసరం.

యోగి బాబు లాంటి కమెడియన్ ఉన్నా, కామెడీ పెద్దగా వర్కౌట్ కాలేదు. ప్రేక్షకులను కట్టిపడేసేలా ఒక్క బలమైన సన్నివేశం కూడా లేకపోవడం, ఫీల్ గుడ్ ఎమోషన్స్ మిస్ అవ్వడం కథనంలోని అతిపెద్ద లోపం. ఇక టెక్నికల్ గా అనిరుధ్ రవిచందర్ మ్యూజిక్ పెద్దగా ఎక్కలేదు. ప్రదీప్ ఇ రాఘవ్ ఎడిటింగ్ ఇంకాస్త షార్ప్‌గా ఉండాల్సింది. రవి వర్మన్ సినిమాటోగ్రఫీ, విజువల్స్ పర్వాలేదనిపించినా, దర్శకుడు విఘ్నేష్ శివన్ ఎంచుకున్న పాయింట్ బాగున్నా, దాన్ని ఎంగేజింగ్‌గా తెరకెక్కించడంలో విఫలమయ్యాడు. స్క్రీన్ ప్లే ప్రేక్షకులను కుర్చీలకు కట్టిపడేయలేకపోయింది. ఓవరాల్ గా LIK.. నైస్ కాన్సెప్ట్.. వీక్ ఎగ్జిక్యూషన్..!

LIK సినిమా విషయానికి వస్తే... 2040 నాటికి టెక్నాలజీ పీక్స్ లోకి వెళ్తుంది. మొబైల్ కు అడిక్ట్ అయిన ఓ అమ్మాయి.. యాప్స్ ను పిచ్చి పిచ్చిగా వాడేస్తూ ఉంటుంది. అయితే ఆ అమ్మాయిని చూసి ఓ కుర్రాడు తొలిచూపులోనే ప్రేమలో పడిపోతాడు. అయితే ప్రతీ ముఖ్యమైన విషయానికి ఇన్సూరెన్స్ చేసుకునే ప్రజలు.. ప్రేమకు ఇన్సూరెన్స్ ఎందుకు చేసుకోరు.. ప్రేమకు కూడా ఇన్సూరెన్స్ ఉండాలని LIK అనే యాప్ ను సృష్టిస్తాడు ఓ ప్రముఖ వ్యక్తి. హీరోయిన్ కూడా ఈ యాప్ ద్వారానే హీరోతో కనెక్ట్ అవుతుంది. అయితే ఓ రోజు హీరోయిన్ కు ఈ యాప్ లో హీరో మోసం చేశాడని చూపిస్తుంది. దాంతో ఇద్దరి మధ్య బ్రేకప్ అవుతుంది. ఆ తర్వాత ఏం జరిగిందనేదే ఈ మూవీ స్టోరీ లైన్.

అయితే స్టోరీ లైన్ బానే ఉన్నా, స్క్రీన్ ప్లే తో ఏమాత్రం మెప్పించలేదు దర్శకుడు విగ్నేష్ శివన్. పైగా చాలా రొటీన్ సీన్లతో ఫ్రెష్ సీన్లు లేకుండా ఆడియన్స్ కి బోర్ ఫీల్ వస్తుంది. సాంగ్స్ కూడా పెద్దగా ప్రభావం చూపకపోగా, ప్రదీప్ మార్క్ సినిమా అయితే కాదని చెప్పొచ్చు. ఎలాంటి అంచనాలు లేకుండా ఒకసారి చూడాలనుకుంటే ట్రై చేయొచ్చు. లేదంటే నిరాశ తప్పదు. 

సాధారణంగా ప్రదీప్ రంగనాథన్ సినిమాలు యూత్ కి ఎక్కువగా కనెక్ట్ అవుతూ ఉంటాయి. ‘లవ్ టుడే’ వంటి బ్లాక్ బస్టర్ చూసిన తర్వాత ‘డ్రాగన్’ చూస్తున్నామని, ఒక నిరీక్షణతో అంచనాలు పెంచుకుని ఈ సినిమా చూస్తారు. దాదాపుగా LIK లవ్ ఇన్సూరెన్స్ కంపెనీ సినిమా కూడా అలాంటి స్టోరీనే. అయితే ఈ సినిమా కథలో ప్రదీప్ ఇన్వాల్వ్మెంట్ ఎంత ఉందో తెలియదు కానీ, విఘ్నేష్ శివన్ రాసుకున్న కథ కొంత రిలేటబుల్ గానే అనిపించింది. సినిమా మొదలు 2040లో జరుగుతున్నట్టు చూపించినా కూడా, ఇప్పటి యూత్ సమస్యలను ఎత్తి చూపించేలా ఈ కథ ఉంటుంది.

నిజానికి ఫోన్ హీరోలా నిలబడిన మనిషి అనిపించినా, అతనికి ఫోన్ తోనే ఎన్నో ఇబ్బందులు ఎదురవుతాయి కూడా ఉంటాయి. అలాగే ఫోన్ మనుషుల్ని కంట్రోల్ చేసే పరిస్థితులు కూడా ఈరోజుల్లో కనిపిస్తున్నాయి అని ఆలోచన ఎక్కడో ఉంటుంది, బహుశా దాన్ని ఒక ఆసక్తికరమైన లైన్ గా రాసుకున్నట్లున్నారు దర్శకుడు. ఓవరాల్ గా LIK ప్రదీప్ రంగనాథన్, విగ్నేష్ శివన్ మార్క్ సినిమా అయితే కాదు. ఎలాంటి అంచనాలు లేకుండా ఒకసారి థియేటర్లలో ట్రై చేయొచ్చు. 

లవ్ ఎట్ ఫస్ట్ సైట్ కాన్సెప్ట్‌ కి సోషల్ మీడియా యాంగిల్ జోడిస్తూ వచ్చిన ఈ సినిమా… ఆలోచన స్థాయిలో బాగానే అనిపించినా, అమలులో మాత్రం బలహీనంగా మారింది. కథ మొదట్లో కొంత ఆసక్తి కలిగించినా, హీరో ప్రేమలో పడిన తర్వాత నరేషన్ నెమ్మదిగా సాగుతూ ఎంగేజ్ చేయలేకపోయింది. కథ పాయింట్ ని కూడా బలంగా డెవలప్ చేయకపోవడంతో సినిమా మోనోటనీకి గురైంది. క్యారెక్టర్స్ డిజైన్ కూడా పూర్తిగా రొటీన్‌ గా ఉండటం ప్రధాన లోపం. పలు సన్నివేశాలు ఇప్పటికే చూసిన సినిమాలను గుర్తు చేస్తాయి.

కామెడీ కూడా ఎక్కువగా వర్కౌట్ కాలేదు. యోగిబాబు ఉన్నప్పటికీ, డబుల్ మీనింగ్ డైలాగ్స్ మీదే ఆధారపడటం వల్ల నవ్వులు సహజంగా రాలేదు. క్లైమాక్స్ భాగం అనవసరంగా లాగడం వల్ల సినిమా మీద ఉన్న ఆసక్తి మరింత తగ్గుతుంది. సంగీత దర్శకుడు అనిరుధ్ ఇచ్చిన బ్యాక్‌గ్రౌండ్ స్కోర్ కొన్ని చోట్ల బాగున్నా, మొత్తం సినిమాను నిలబెట్టే స్థాయిలో లేదు. మొత్తంగా చెప్పాలంటే, మంచి కాన్సెప్ట్‌ను రొటీన్ ట్రీట్‌మెంట్‌తో తీసిన ఈ సినిమా ఆశించిన స్థాయిలో మెప్పించలేకపోయింది.

LIK అంటూ ఈ వారం విడుదలైన తమిళ్ డబ్బడ్ మూవీ ఆడియన్స్ నుండి బీలో యావరేజ్ పార్ రెస్పాన్స్ తెచ్చుకుంది. సినిమాలో ప్రదీప్ రంగనాథన్, కృతి శెట్టి, ఎస్‌జే సూర్య బాగా ఎంటర్టైన్ చేసారు. కథ పరంగా రొటీన్ గానే ఉండగా, దర్శకుడు విగ్నేష్ శివన్ వీలైనంత ఎంటర్తైనింగ్ గా సినిమాను తెరకెక్కించడానికి ట్రై చేసాడు. ఇక సాంకేతిక అంశాల విషయానికి వస్తే.. ఈ సినిమాకు అనిరుధ్ మ్యూజిక్ స్పెషల్ ఎట్రాక్షన్. బ్యాక్ గ్రౌండ్ స్కోర్‌ తో కొన్ని సీన్లలో కేక పెట్టించాడు. రవివర్మన్ ఫోటోగ్రఫి, ఫ్యూచర్ వరల్డ్‌ను సృష్టించిన విధానం బాగుంది. గ్రాఫిక్స్, విజువల్ ఎఫెక్ట్స్ టీమ్ వర్క్ హైలెట్‌గా అనిపిస్తాయి. 

ఓవరాల్ గా మొబైల్ ఫోన్లు చేస్తున్న జీవన విధ్వంసాన్ని కథగా రూపొందించిన లవ్, రొమాంటిక్, ఫూచరిస్టిక్ సినిమా ఈ LIK. భవిష్యత్‌ను దృష్టిలో పెట్టుకొని త్రివిక్రమ్ కొడుకు డైరెక్టర్‌గా అల్లు అర్జున్ సినిమా అంటూ.. చిరంజీవి మనవడు హీరోగా సినిమా అంటూ కొన్ని రెఫరెన్స్‌ లు తెలుగు ఆడియెన్స్‌ను కనెక్ట్ చేసేలా ఉంటాయి. సోషల్ మీడియాలో వాడే భాషను డైలాగ్స్‌ గా మలిచిన విధానం యూత్‌ఫుల్‌ గా ఉన్నాయి. మొబైల్ ఫోన్ల వాడకాన్ని వ్యతిరేకించే వారు, సోషల్ మీడియాలో యాక్టివ్‌ గా ఉంటూ యాప్‌ లను వాడే యూత్‌ కు ఈ సినిమా నచ్చడానికి చాలా అంశాలు ఉన్నాయి. ప్రొడక్షన్ పరంగా రిచ్, క్లాస్, డీసెంట్ మేకింగ్ వాల్యూస్ ఉన్నాయి. ఫన్‌ తో సాగే ఈ సినిమాను చక్కగా ఎంజాయ్ చేయవచ్చు.

ప్రదీప్ రంగనాథన్ మెయిన్ లీడ్ లో నటించిన LIK థియేటర్లలో మిక్స్డ్ రెస్పాన్స్ తెచ్చుకోగా, రివ్యూ విషయానికి వస్తే... మొబైల్ యాప్ మీద ఆధారపడే ఈ కథలో హీరో హీరోయిన్ల రోల్స్ అంత సరిగా రాసుకోలేదు. వాళ్ళ పెర్ఫార్మన్స్ బాగానే ఉన్నా, మరింత బలంగా ఉండాల్సిందని అనిపిస్తుంది. విలన్ పాత్రలో ఎస్.జె.సూర్య మెప్పించాడు. తన పాత్ర వినోదాత్మకంగా సాగుతుంది, మిగతా ఆర్టిస్టులు ఓకే.

 సాంకేతిక పరంగా, అనిరుధ్ రవిచందర్ తన పాటలు.. నేపథ్య సంగీతంతో సినిమాకు తన వంతుగా ఏం చెయ్యాలో అదంతా చేశాడు. రవివర్మన్ ఛాయాగ్రహణం కలర్ ఫుల్ గా సాగింది. నిర్మాణ విలువలు చాలా బావున్నాయి. ఇక రైటర్ కమ్ డైరెక్టర్ విఘ్నేష్ శివన్.. ఒక భిన్నమైన కథను ఎంచుకుని ప్రయోగం చేయడం వరకు బాగుంది. ఈ కొత్త ఐడియాను ఒక దశ వరకు బాగానే నడిపించాడు. కామెడీ సీన్స్ విషయంలో తన ప్రత్యేకతను చాటుకున్నాడు. కానీ కాన్ఫ్లిక్ట్ తర్వాత మాత్రం సినిమాను సరిగా ముందుకు తీసుకెళ్లలేకపోయాడు. ద్వితీయార్ధంలో ఏం చేయలేని అశక్తుడు అయిపోయాడు. సినిమాను సగం వండిన వంటకంలా తయారు చేశాడు.

ప్రదీప్ రంగనాథన్ హీరోగా నటించిన LIK తాజాగా థియేటర్లలో విడుదలై బీలో యావరేజ్ టాక్ తెచ్చుకుంది. లవ్ ఎట్ ఫస్ట్ సైట్ + సోషల్ మీడియా కాన్సెప్ట్‌ తో స్టార్ట్ అయిన ఈ సినిమా మొదట్లో కొంచెం ఇంట్రెస్ట్ కలిగించినా… మెల్లిగా ట్రాక్ తప్పుతుంది. ఐడియా బాగున్నా, దాన్ని స్క్రీన్‌పై చూపించిన విధానం మాత్రం చాలా వీక్‌గా అనిపిస్తుంది. స్టోరీ ముందుకు వెళ్లే కొద్దీ నెమ్మదిగా మారి, చివరకు లాగ్ అయ్యే ఫీలింగ్ ఇస్తుంది. ప్రదీప్ రంగనాథన్ – ఎస్‌జే సూర్య మధ్య వచ్చే ఛాలెంజ్ ట్రాక్ కూడా బాగానే స్టార్ట్ అవుతుంది కానీ దాన్ని సరిగా యూజ్ చేయలేదు. మధ్యలో వచ్చే సన్నివేశాలు చాలావరకు రొటీన్‌గా, ముందే ఊహించగలిగేలా ఉంటాయి. 

కొత్త కాన్సెప్ట్ తీసుకున్నా… ప్రెజెంటేషన్ మాత్రం పాత స్టైల్‌లోనే ఉండటం పెద్ద మైనస్. కామెడీ కూడా పూర్తిగా వర్కౌట్ కాలేదు. యోగిబాబు ఉన్నా, ఎక్కువగా డబుల్ మీనింగ్ డైలాగ్స్ మీదే డిపెండ్ అవ్వడం వల్ల నేచురల్ ఫన్ మిస్సైంది. క్లైమాక్స్ అయితే పూర్తిగా స్ట్రెచ్ చేసి, మరింత బోర్ ఫీల్ ఇస్తుంది. పెర్ఫార్మెన్స్ పరంగా ప్రదీప్ రంగనాథన్ తన స్టైల్‌ లో చేశాడు. కానీ కథ బలహీనంగా ఉండటం వల్ల అతని ఎఫర్ట్ కూడా పెద్దగా ఉపయోగపడలేదు. కృతి శెట్టి ఓకే… ఎస్‌జే సూర్య మాత్రం మళ్లీ అదే స్టైల్‌తో రిపీట్ ఫీల్ ఇస్తాడు. అనిరుధ్ మ్యూజిక్ కొంతవరకు హెల్ప్ చేసినా… సినిమాను సేవ్ చేయలేకపోయింది. మొత్తానికి… మంచి ఐడియాను సరైన విధంగా హ్యాండిల్ చేయకపోవడం వల్ల ఈ సినిమా పూర్తిగా నిరాశపరుస్తుంది. 

ప్రదీప్ రంగనాథన్ హీరోగా నటించిన LIK (Love Insurance Kompany) లవ్ ఇన్సూరెన్స్ కంపెనీ మూవీ తాజాగా థియేటర్లలో విడుదలై డీసెంట్ రెస్పాన్స్ అందుకుంది. కథ పరంగా ఫ్యూచర్ లో నడుస్తుండగా, లవ్ ని కూడా నిజమా? ఫేక్ ఆ అని యాప్ డిసైడ్ చేస్తే ఏంటి అన్న నేపథ్యంలో తెరకెక్కిన ఈ మూవీ కాన్సెప్ట్ బానే ఉన్నా, స్క్రీన్ ప్లే అంతగా లేదు. కొన్ని సీన్స్ డల్ గా సాగుతాయి. ఎంటర్టైన్మెంట్ ఉన్నా కొత్తదనం ఉండదు.

డల్ గా సాగే ఫ్యూచరిస్టిక్ లవ్ డ్రామా అని చెప్పొచ్చు. ఇందులో మెప్పించే అంశాలు కంటే వీక్ గా అనిపించే అంశాలే ఎక్కువ కనిపిస్తాయి. దర్శకుడు ప్లాన్ చేసుకున్న లవ్ ట్రాక్ ఇందులో మిస్ ఫైర్ అయ్యింది. సో ఈ లవ్ అండ్ ఇన్సూరెన్స్ సినిమా ఆడియెన్స్ ని అంతగా మెప్పించదు.

ప్రదీప్ రంగనాథన్ హీరోగా నటించిన LIK తాజాగా థియేటర్లలో విడుదలై బీలో యావరేజ్ టాక్ తెచ్చుకుంది. సినిమా గురించి సింపుల్ గా చెప్పాలంటే.. అబ్బాయికి లవ్ ఎట్ ఫస్ట్ సైట్… అమ్మాయి సోషల్ మీడియా ఎడిక్ట్ అనే పాయింట్ తో ఇంట్రెస్టింగ్‌ గా మొదలవుతుంది. అక్కడ్నుంచి హీరో హీరోయిన్ దక్కించుకోవడానికి ఎలాంటి ప్రయత్నాలు చేసాడనేది కథ. కానీ ఆ ఐడియాకు తగ్గ సీన్స్ మాత్రం పడలేదు. సినిమా స్టార్ట్‌లో బాగానే పికప్ ఉన్నా, తర్వాత నెమ్మదిగా సాగుతుంది. ప్రదీప్ రంగనాథన్ – ఎస్‌జే సూర్య మధ్య ఛాలెంజ్ ట్రాక్ బాగున్నా, అక్కడి నుంచి ఎండింగ్ వరకు స్టోరీ లాగ్ అవుతుంది. కొత్త కాన్సెప్ట్ తీసుకున్నా, ట్రీట్‌మెంట్ మాత్రం ఓల్డ్ ప్యాటర్న్‌ లోనే ఉంది.

కామెడీ విషయంలో యోగిబాబు కొన్ని చోట్ల నవ్వించినా, ఎక్కువగా డబుల్ మీనింగ్ డైలాగ్స్‌పై ఆధారపడ్డారు. క్లైమాక్స్ కూడా సాగదీసిన ఫీలింగ్ ఇస్తుంది. పెర్ఫార్మెన్స్ విషయానికి వస్తే ప్రదీప్ రంగనాథన్ తన స్టైల్‌లో బాగానే చేశాడు. కృతి శెట్టి క్యూట్‌గా కనిపించి ఓకే అనిపించింది. ఎస్‌జే సూర్య పాత్ర మాత్రం రిపిటేటివ్‌గా అనిపిస్తుంది. అనిరుధ్ మ్యూజిక్ మాత్రం ప్లస్. ఓవరాల్‌గా “లైక్”లో కాన్సెప్ట్ బాగున్నా… ఎగ్జిక్యూషన్ వీక్. కొంత కామెడీ తప్ప సినిమా పూర్తిగా ఎంగేజ్ చేయదు. 

"డెకాయిట్" సినిమా గురించి మాట్లాడితే… ఇది ఓ స్టైలిష్ యాక్షన్ లవ్ స్టోరీగా మంచి ఎఫర్ట్ అని చెప్పాలి. ముందుగా చెప్పుకోవాల్సింది టెక్నికల్ పార్ట్ గురించే. విజువల్స్ చాలా రిచ్‌గా ఉన్నాయి, బ్యాక్‌గ్రౌండ్ స్కోర్ సీన్స్‌కి మంచి ఎలివేషన్ ఇస్తుంది. మేకింగ్ పరంగా సినిమా ఎక్కడా కాంప్రమైజ్ కాలేదనిపిస్తుంది. ఈ విషయంలో టీమ్ మంచి వర్క్ చేసింది.

అడివి శేషు మరోసారి తన స్టైల్‌లోనే సెటిల్డ్ పెర్ఫార్మెన్స్ ఇచ్చాడు. యాక్షన్, ఎమోషన్ రెండింటినీ బ్యాలెన్స్ చేయడానికి ట్రై చేశాడు. మృణాల్ ఠాకూర్ కూడా స్క్రీన్‌పై మంచి ప్రెజెన్స్ చూపించింది. ఇద్దరి మధ్య కెమిస్ట్రీ కొన్ని చోట్ల బాగా వర్కౌట్ అవుతుంది. సినిమాలో కొన్ని ట్విస్టులు, ఎమోషనల్ మోమెంట్స్ బాగానే కనెక్ట్ అవుతాయి. ముఖ్యంగా క్లైమాక్స్ ఎమోషనల్‌గా టచ్ చేస్తుంది. స్టోరీ రొటీన్ లైన్‌లో ఉన్నప్పటికీ, ప్రెజెంటేషన్ వల్ల సినిమా ఎంగేజ్ చేసే ప్రయత్నం చేస్తుంది. కొన్ని చోట్ల స్క్రీన్‌ప్లే మరింత గ్రిప్‌గా ఉండి ఉంటే ఇంకా బెటర్ అయ్యేది. అయినా కూడా ఓవరాల్‌గా సినిమా ఒక డీసెంట్ ఎంటర్‌టైనర్‌గా నిలుస్తుంది.

"డెకాయిట్" గురించి మాట్లాడితే… ఇది ఒక యాక్షన్ లవ్ స్టోరీగా ప్యాకేజ్ చేసిన సినిమా. కానీ ఆ ప్యాకేజింగ్ లోపల ఉన్న కంటెంట్ మాత్రం అంతగా ఎగ్జైట్ చేయదు. సినిమా టెక్నికల్‌గా స్ట్రాంగ్‌గా ఉంటుంది. విజువల్స్, బ్యాక్‌గ్రౌండ్ స్కోర్, మేకింగ్ అన్ని ఇంప్రెస్ చేస్తాయి. బట్ ఏదో తక్కువైంది అన్న ఫీల్ వస్తుంది. కంటెంట్, రైటింగ్, స్క్రీన్‌ ప్లే కూడా అంతే ముఖ్యమైనవి. అక్కడికే ఈ సినిమా కొంచెం తగ్గిపోతుంది. స్క్రీన్‌ ప్లే లో కొన్ని ఆసక్తికరమైన ఐడియాస్ ఉన్నప్పటికీ, అవి పూర్తిగా ఎఫెక్టివ్‌ గా ఎగ్జిక్యూట్ కాలేదు. 

పైగా ట్విస్టులు ఉన్నా, అవి మనల్ని సర్ప్రైజ్ చేయవు. బట్ పెర్ఫార్మన్స్ వైస్ గా అడివి శేష్ తన పాత్రలో బెస్ట్ అండ్ సెటిల్డ్ పెర్ఫార్మన్స్ ఇచ్చాడు. కానీ అతను ఎంచుకునే కథల మీద ఉన్న ఎక్స్‌పెక్టేషన్‌ ను ఈ సినిమా పూర్తిగా మీట్ చేయలేదు. మృణాల్ ఠాకూర్ కూడా తన రోల్ కి సరిపడేలా నటించింది కానీ ఆమె పాత్రలో మరింత డెప్త్ ఉండాల్సింది. క్లైమాక్స్ భావోద్వేగంగా కనెక్ట్ అవ్వాలనుకుంటుంది. కానీ ముందు వచ్చిన నరేషన్ దానికి సరైన బిల్డ్ ఇవ్వలేదు. అందుకే ఆ ఎమోషన్ కూడా పూర్తిగా హిట్ అవ్వదు. మొత్తానికి “డెకాయిట్” ఒక మిడ్-లెవల్ ఎఫర్ట్. ఐడియా ఉంది, టెక్నికల్ స్ట్రెంగ్త్ ఉంది… కానీ వాటిని కలిపే రైటింగ్ లోపించడం వల్ల సినిమా తన పూర్తి సామర్థ్యాన్ని అందుకోలేకపోయింది. 

డెకాయిట్” మూవీ గురించి షార్ట్ గా రివ్యూ చెప్పాలంటే... మనమే డైరెక్టర్ అన్న లెక్కలో మాట్లాడుకుంటే.. “సర్… మనం ఓ యాక్షన్ లవ్ స్టోరీ తీస్తాం… కానీ స్టోరీ మాత్రం కొత్తగా ఉండదు… పర్లేదు కదా?” “పర్లేదు… టెక్నికల్‌ గా స్ట్రాంగ్‌గా చేస్తే చాలు!” అన్నట్టుగా ఉంది ఈ సినిమా. మూవీ స్టార్ట్ అవుతూనే మీరనుకుంటారు “ఇంకా ఏదో ఇంట్రెస్టింగ్ సీన్ వస్తుందని.. కానీ కొంచెం టైమ్ తర్వాతే అర్థమవుతుంది—“అరే ఇది ఎక్కడో చూసినట్టే ఉందే!” అని. 

అలాగే మూవీ లో ట్విస్టులు ఉంటాయి… కానీ అవి “వావ్” అనిపించవు. “ఓకే… ఇది కూడా ఊహించాం” అనిపించే రేంజ్‌ లోనే ఉంటాయి. స్క్రీన్‌ ప్లే మాత్రం “సర్… కొంచెం స్లోగా తీసుకెళ్దామా?” అన్నట్టుగా సాగుతుంది. మధ్యలో కొంత యాక్షన్, కొంత లవ్… కానీ ఏదీ పూర్తిగా ఎంగేజ్ చేయదు. ఇక క్లైమాక్స్ వస్తుంది… “ఇప్పుడు పెద్ద ట్విస్ట్ వస్తుంది!” అనిపిస్తుంది. ట్విస్ట్ వస్తుంది కూడా… కానీ అది చూసాక “ఇదేనా?” అనే ఫీలింగ్ మాత్రమే మిగులుతుంది. కొంచెం ఓవర్ ది టాప్‌గా కూడా అనిపిస్తుంది. ఫైనల్‌గా చెప్పాలంటే… “డెకాయిట్” అంటే టెక్నికల్‌గా బాగున్న, కానీ కంటెంట్ పరంగా చాలా సాధారణమైన సినిమా. హై ఎక్స్‌పెక్టేషన్స్‌తో వెళ్తే డెఫినిట్‌గా డిసప్పాయింట్. అంచనాలు చాలా తగ్గించుకుంటే… “సరే చూసాం” అనిపించేంత మాత్రమే.