Movie Reviews

‘దృశ్యం’, ‘దృశ్యం-2’ సినిమాలతో ప్రేక్షకులను థ్రిల్ చేసిన జీతు జోసెఫ్ ఈసారి ‘దృశ్యం-3’తో మరోసారి ఆడియన్స్ ముందుకొచ్చాడు. తెలుగులో వెంకటేష్ మొదటి రెండు పార్ట్స్ ని రీమేక్ చేయగా, మూడో పార్ట్ రీమేక్ చేయలేదు. మలయాళ వెర్షన్ నే తెలుగులో నేరుగా రిలీజ్ చేసారు. ఒరిజినల్ వెర్షన్ దృశ్యం 3 లో జార్జ్‌ కుట్టి పాత్రలో మోహన్‌లాల్ తన అనుభవంతో ఆకట్టుకున్నా… కథలో కొత్తదనం మాత్రం పెద్దగా కనిపించదు. గత భాగాలతో పోలిస్తే ఈ సినిమాలో థ్రిల్, టెన్షన్ తగ్గిన ఫీలింగ్ వస్తుంది. ప్రేక్షకుల్ని ఆశ్చర్యపరిచే ట్విస్టులు కూడా అంతగా పని చేయలేదు.

ఇక తెలుగు డబ్బింగ్ పర్లేదు గాని, కొన్ని చోట్ల డబ్బింగ్ నేచురల్‌ గా అనిపించదు. పైగా తెలుగు ప్రేక్షకులకు వెంకటేష్ చేసిన ‘దృశ్యం’ బాగా కనెక్ట్ కావడంతో మోహన్‌లాల్ వెర్షన్ అందరికీ అంతగా దగ్గర కావడం కష్టమే. దర్శకుడిగా, రచయితగా జీతు జోసెఫ్ ఈసారి తన స్థాయి స్క్రీన్‌ప్లే చూపించలేకపోయాడు. బీజీఎమ్ పర్వాలేదు. ప్రొడక్షన్ వాల్యూస్ బాగున్నాయి. అయితే ఓవరాల్‌గా మొదటి రెండు భాగాలతో కంపేర్ చేస్తే... ‘దృశ్యం-3’ ఒక యావరేజ్ థ్రిల్లర్‌గా మాత్రమే మిగిలిపోయింది. 

దృశ్యం’ఫ్రాంచైజ్‌లలో భాగంగా తాజాగా దృశ్యం 3 మూవీ మలయాళం, తెలుగులో విడుదల కాగా మోహన్ లాల్, మీనా మెయిన్ లీడ్స్ లో నటించిన ఈ మూవీ ఆశించిన రెస్పాన్స్ అందుకోలేదు. మొదటి రెండు పార్ట్స్ తో ఆకట్టుకున్న దర్శకుడు జీతు జోసెఫ్ మ్యాజిక్ ఈసారి పూర్తిగా వర్కౌట్ కాలేదనే ఫీలింగ్ కలుగుతుంది. జార్జ్‌ కుట్టి పాత్రలో మోహన్‌ లాల్ మరోసారి తన సెటిల్డ్ పెర్ఫార్మెన్స్‌తో ఆకట్టుకున్నా… కథలో మాత్రం ఆ పాత థ్రిల్, టెన్షన్ పెద్దగా కనిపించదు. ముఖ్యంగా ‘దృశ్యం’, ‘దృశ్యం-2’ చూసిన ప్రేక్షకులకు ఈసారి కొత్తదనం మిస్సైన ఫీలింగ్ బలంగా వస్తుంది. 

ఇక తెలుగు డబ్బింగ్ కూడా సినిమాకి పెద్ద మైనస్‌గా మారింది. చాలా చోట్ల డబ్బింగ్ artificial‌గా అనిపిస్తుంది. రచయితగా, దర్శకుడిగా జీతు జోసెఫ్ ఈసారి తన mark screenplay magic చూపించలేకపోయాడు. గత భాగాల్లో ఉన్న mind-blowing twists, edge-of-the-seat narration ఈ పార్ట్‌లో మిస్ అయ్యాయి. కొన్ని ల్యాగ్ సీన్స్ ని ట్రిమ్ చేసి ఉండాల్సింది. ఓవరాల్ గా దృశ్యం 3 కొంతవరకు ఎంగేజింగ్ థ్రిల్లరే. కానీ మొదటి రెండు భాగాలను దృష్టిలో పెట్టుకుని భారీ అంచనాలతో థియేటర్లకు వెళితే నిరాశ తప్పదు. 

సూర్య హీరోగా నటించిన ‘వీరభద్రుడు’ భారీ అంచనాల మధ్య ప్రేక్షకుల ముందుకు వచ్చి… ఫైనల్‌గా మిక్స్డ్ టాక్‌తో సరిపెట్టుకుంది. “ఈ సమాజాన్ని దేవుడు వచ్చినా మార్చలేడు” అనే లైన్‌తో దర్శకుడు RJ Balaji కథను నడిపించినా… స్క్రీన్‌పైన ఆ ఎమోషన్ అంతగా కనెక్ట్ కాలేదు. కోర్ట్ డ్రామా బ్యాక్‌డ్రాప్‌లో చెప్పిన ఈ కథ రొటీన్ ట్రాక్‌లో పడిపోయింది. సూర్య ఫ్యాన్స్‌కు మాత్రం కొన్ని సీన్స్‌లో గూస్‌బంప్స్ వస్తాయి. కానీ అదే సమయంలో సినిమాలో ఫాంటసీ ఎలిమెంట్స్ ఆకట్టుకోకపోగా, కొన్ని సీన్లు చికాకు తెప్పిస్తాయి. సూర్య పాత్ర కంటే ఆర్జే బాలాజీ పాత్రే ఎక్కువగా కనిపించడం మరో మైనస్. 

దర్శకుడిగా ఓకే అనిపించిన బాలాజీ… నటుడిగా మాత్రం సూర్య ముందు నిలబడలేకపోయాడు. త్రిష పాత్ర కూడా పేరుకే ఉన్నట్టుగా అనిపిస్తుంది. ఫస్ట్ హాఫ్ బాగానే నడిచినా… సెకండాఫ్ పూర్తిగా నీరసంగా మారింది. ముఖ్యంగా కోర్ట్ సీన్స్ ఇంకాస్త ఎమోషనల్‌గా, పవర్‌ఫుల్‌గా రాసి ఉంటే సినిమా మరో లెవెల్‌లో ఉండేది. మొత్తంగా ‘వీరభద్రుడు’లో మెసేజ్ ఉంది… సూర్య పెర్ఫార్మెన్స్ ఉంది… కానీ స్క్రీన్ స్పేస్ తక్కువ ఉంది. స్ట్రాంగ్ స్క్రీన్‌ ప్లే కూడా ఉండాల్సింది. ప్రొడక్షన్ వాల్యూస్ బాగున్నాయి. ఓవరాల్ గా వీరభద్రుడు మూవీ పూర్తి స్థాయిలో ఆకట్టుకోలేకపోయింది.  

సూర్య గత కొన్నాళ్లుగా ఫ్లాప్స్ లో ఉండటంతో ఫ్యాన్స్ ఏ రేంజ్ లో డిస్సపాయింట్ లో ఉన్నారో తెలిసిందే. ఈ క్రమంలో భారీ అంచనాలతో వీరభద్రుడు తాజాగా విడుదలైంది. మిక్స్డ్ రెస్పాన్స్ అందుకున్న ఈ సినిమాలో సూర్య దేవుడిగా కనపడటం విశేషం.

అయితే ఫస్ట్ హాఫ్ ఇంట్రెస్ట్ గా సాగితే సెకండ్ హాఫ్ మాత్రం తల తోక లేకుండా కేసుల గురించి కాకుండా లాయర్లు, కోర్టు చుట్టూ, దేవుడు వీరభద్రుడు మీదే బేబీ కృష్ణ రివెంజ్ అన్నట్టు రొటీన్ డ్రామాగా తెరకెక్కించాడు దర్శకుడు. 

పైగా సినిమాలో హీరో సూర్య అయినా కథ మొత్తం నడిచేది ఆర్జే బాలాజీ చుట్టూనే. అసలు హీరో సూర్యనా, ఆర్జే బాలాజీనా అనే సందేహం రాక మానదు. ఈ విషయంలో ఫ్యాన్స్ డిస్సపాయింట్ అవుతారు. ఎమోషన్స్ మాత్రం బాగా వర్కౌట్ అయ్యాయి. కోర్టులో కేసు తేలక బాధ పడే పేదవాళ్ళు, తండ్రి ఎమోషన్, దేవుడి ఎమోషన్.. ఇవన్నీ బాగా వర్కౌట్ అయ్యాయి. మొత్తంగా దేవుడే దిగివచ్చినా ఇక్కడ సమాజంలో, కోర్టు, లాయర్లలో ఉన్న అవినీతిని, చెడుని తీసేయడం కష్టం, ఒక కోర్టు మారిస్తే సరిపోదు దేశంలో చాలా కోర్టుల్లో ఇదే పరిస్థితి అని చెప్పే ప్రయత్నం ఈ సినిమాతో చేసారు. మొత్తంగా ‘వీరభద్రుడు’ సినిమా కోర్టుల్లో జరిగే అవినీతిని అంతం చేయడానికి దేవుడే దిగి వస్తే ఏం జరిగింది, అని రెగ్యులర్ కమర్షియల్ సినిమాగా తెరకెక్కించారు. 

కొన్నేళ్లుగా సూర్య నుంచి సరిగ్గా కోరుకున్న సినిమా అయితే రావడం లేదు. చాలా సినిమాలు చేస్తున్నా కూడా కోరుకున్న ఫలితం లేదు. ఇలాంటి సమయంలో ఆయన నుంచి వచ్చిన రూరల్ డివోషనల్ డ్రామా వీరభద్రుడు. ఫైనల్ గా థియేటర్లలో విడుదలయింది. దేవుడే దిగివచ్చినా కూడా ఇప్పుడున్న న్యాయవ్యవస్థను బాగు చేయలేరు పాయింట్ తో... అలాగే న్యాయం జరగడంలో అయ్యే ఆలస్యం, సామాన్యులను వ్యవస్థ ఎలా పీల్చి పిప్పిచేస్తుంది.. అనే పాయింట్ తో ఈ సినిమాను తెరకెక్కించాడు దర్శకుడు ఆర్జే బాలాజీ. 

ఇక సూర్య వీరభద్రుడి పాత్రను కేవలం ఒక కమర్షియల్ మాస్ హీరోలా కాకుండా, వ్యవస్థ చేతిలో మోసపోయిన సామాన్యుడి కోపానికి ప్రతీకగా మలచడం బాగుంది. సూర్య తన రెండు షేడ్స్ ఉన్న రోల్ లో అద్భుతంగా నటించాడు. కానీ తన రోల్ ముందు అటుడిగా ఆర్జే బాలాజీ తేలిపోతాడు. అందువల్ల బలమైన ప్రతినాయకుడు ఉండడు. ఇక మ్యూజిక్ కూడా డిస్సపాయింట్ చేసింది. బీజీఎమ్ బాగుంది. కొన్ని కీలకమైన సన్నివేశాల్లో వీఎఫ్‌ఎక్స్ క్వాలిటీ బాలేదు. ఎడిటింగ్ ఓకే, అయితే ఇప్పటి ఆడియన్స్ కమర్షియల్ ఎంటర్‌టైనర్ నుంచి ఏం ఆశిస్తున్నారు అనేది తెలుసుకుంటూనే, కథలోని ఎమోషనల్ డెప్త్ మిస్ అవ్వకుండా చూసుకున్నాడు దర్శకుడు... ఓవరాల్ గా తక్కువ అంచనాలతో రెగ్యులర్ మూవీ లవర్స్ ని బాగానే అలరిస్తుంది సినిమా. సూర్య ఫాన్స్ కి మాత్రం ఐ ఫీస్ట్.

కోలీవుడ్ స్టార్ Suriya నటించిన ‘వీరభద్రుడు’ ఫైనల్ గా థియేటర్లలోకి వచ్చింది. రిలీజ్‌కి ముందు నుంచే మంచి బజ్ క్రియేట్ చేసిన థియేటర్లలో ఫ్యాన్స్ ని ఆకట్టుకున్నా, టాక్ పరంగా మిక్స్డ్ రెస్పాన్స్ అందుకుంది. స్టోరీ పాయింట్ కొస్తే... సమాజంలో పెరిగిపోతున్న అన్యాయాలు, మనుషుల ఆలోచనా విధానం చూసి “దేవుడు వచ్చినా మార్చలేడు” అనే పాయింట్‌తో దర్శకుడు RJ Balaji వీరభద్రుడుని తెరకెక్కించాడు. పైగా ఈ బ్యాక్ డ్రాప్ లో చాలా సినిమాలొచ్చాయి, కాకపోతే దీన్ని కోర్ట్ డ్రామా బ్యాక్‌డ్రాప్‌ లో చెప్పడానికి ట్రై చేశాడు.

ఫస్ట్ హాఫ్ వరకు కథ ఓకే అనిపించినా… సెకండాఫ్‌లో మాత్రం సినిమా కాస్త ట్రాక్ తప్పినట్టే అనిపిస్తుంది. ముఖ్యంగా కోర్ట్ సీన్స్ ఇంకాస్త పవర్‌ఫుల్‌గా ఉండాల్సింది. ఇక సూర్య ఫ్యాన్స్ కోసం పెట్టిన ఎలివేషన్స్ మాత్రం బాగానే వర్కౌట్ అయ్యాయి. Trisha Krishnan పాత్రకు పెద్దగా స్కోప్ లేకపోవడం మైనస్ కాగా… ఆర్జే బాలాజీ మాత్రం హీరో కంటే తన పాత్రకే ఎక్కువ ఇంపార్టెన్స్ ఇచ్చుకున్నట్టుగా కనిపించాడు. ఓవరాల్ గా సూర్య నటన కోసం వీరభద్రుడు ఒక్కసారి చూసేయొచ్చు అనే ఫీలింగ్ మాత్రం ఇస్తుంది. ఫైనల్ గా వీరభద్రుడు మూవీ సూర్య అభిమానులకు పండగ లాంటి మూవీ అయినా, పెద్దగా అంచనాలు లేకుండా అయితే మెప్పించే అవకాశం ఉంది. 

సుమంత్ ప్రభాస్, నిధి ప్రదీప్ జంటగా తెరకెక్కిన సినిమా గోదారి గట్టుపైన. రెడ్ పప్పెట్ ప్రొడక్షన్స్ బ్యానర్ పై అభినవ్ రావు నిర్మాణంలో సుభాష్ చంద్ర దర్శకత్వంలో ఈ సినిమా తెరకెక్కింది. తాజాగా థియేటర్లలో విడుదలైన ఈ సినిమా డీసెంట్ టాక్ తెచ్చుకుంది. కథ పరంగా పెద్దగా చెప్పుకొనేలా లేకపోయినా, గోదావరి అందాలు, నేటివిటీ ఆకట్టుకునేలా ఉన్నాయి. సినిమాటోగ్రఫీ విజువల్స్ చాలా అందంగా ఉన్నాయి. పాటలు పర్వాలేదనిపిస్తాయి. బ్యాక్ గ్రౌండ్ మ్యూజిక్ కూడా బాగుంది. 

మొత్తంగా ‘గోదారి గట్టుపైన’ సినిమా చుట్టుపక్కల జరిగే ఓ ఆటో డ్రైవర్ – కాలేజీ స్టూడెంట్ ప్రేమకథకి తండ్రి ఎమోషన్ జోడించి తెరకెక్కిన సినిమాగా ఒక వర్గం ఆడియన్స్ కి కనెక్ట్ అవచ్చు. అయితే రెగ్యులర్ మూవీ లవర్స్ ని ఆకట్టుకోవచ్చు గాని, కొత్తదనం కోరుకునే ఆడియన్స్ ని నిరాశపరచవచ్చు.

గోదావరి తీరం… పల్లెటూరి ప్రేమ… అందమైన విజువల్స్… ఇలా చూసుకుంటే ‘గోదారి గట్టుపైన’ మంచి ఫీల్ గుడ్ లవ్ స్టోరీలా అనిపిస్తుంది. కానీ థియేటర్లో సినిమా చూసిన తర్వాత మాత్రం ఆ ఫీల్ ఎక్కువసేపు నిలబడదు. దర్శకుడు సుభాష్ చంద్ర మంచి వాతావరణాన్ని క్రియేట్ చేసినా… దానికి సరిపోయే బలమైన కథనాన్ని ఇవ్వలేకపోయాడు. సుమంత్ ప్రభాస్, నిధి ప్రదీప్ తమ పాత్రల్లో ఓకే అనిపిస్తారు. జగపతిబాబు పాత్రకు కథలో మంచి వెయిట్ ఉంది. 

సినిమాలో గోదావరి విజువల్స్ చాలా బాగున్నయి. అయితే బాగున్నంత మాత్రాన ప్రేక్షకుడు కనెక్ట్ అవ్వడు. కథలో కొత్తదనం, స్క్రీన్‌ప్లే లో గ్రిప్ లేకపోవడం సినిమాను వెనక్కి లాగాయి.

మొత్తంగా ‘గోదారి గట్టుపైన’ ఓ అందమైన గ్రామీణ ప్రేమకథలా కనిపించినా… థియేటర్లో మాత్రం ఆ మ్యాజిక్ పూర్తిగా వర్కౌట్ కాలేదు. ప్రేమకథలు ఇష్టపడే వారికి కొంతవరకు నచ్చొచ్చు గానీ, మిగతా ఆడియెన్స్‌ కు మాత్రం ఇది ఓ స్లో అండ్ రొటీన్ ఎక్స్‌పీరియెన్స్‌లా అనిపించే ఛాన్స్ ఉంది.

లావణ్య త్రిపాఠి నటించిన సతీ లీలావతి సినిమా తాజాగా థియేటర్లలో విడుదలై మిశ్రమ స్పందన తెచ్చుకుంది. సినిమా ప్రారంభం కాస్త ఆసక్తికరంగానే అనిపిస్తుంది. భార్యాభర్తల మధ్య గొడవ, హీరోని ఇంట్లో బంధించడం వంటివి ప్రేక్షకుల్లో క్యూరియాసిటీని పెంచుతాయి. కానీ ఆ తర్వాత కథ మొత్తం దాదాపుగా ఒకే గదిలో సాగడం ప్రేక్షకులకు కాస్త విసుగు తెప్పిస్తుంది. మధ్యలో వచ్చే లాయర్ కామెడీ కూడా అంతగా పండలేదు. ఇంటర్వెల్ సమయానికి కథ కాస్త వేగవంతం అయినట్లు అనిపించినా అందులో ఎలాంటి ఉత్కంఠ ఉండదు. 

ఇక ద్వితీయార్థం అయితే మరీ గందరగోళంగా సాగుతుంది. దొంగ ట్రాక్, హీరో తప్పించుకునే ప్రయత్నాలు చాలా సిల్లీగా అనిపిస్తాయి. యాక్షన్ సన్నివేశాలు కేవలం టైమ్ పాస్ కోసం ఇరికించినట్లు ఉంటాయి. క్లైమాక్స్‌ను ఒక గేమ్ లాగా వెరైటీగా ప్లాన్ చేసినా అది ప్రేక్షకులను మెప్పించడంలో విఫలమైంది. దర్శకుడు తీసుకున్న పాయింట్ బాగున్నా, దాన్ని తెరపై ఆసక్తికరంగా మలచలేకపోయారు. కథనాన్ని అనవసరంగా సాగదీయడం వల్ల సినిమా కూడా నీరసంగా సాగింది. నిర్మాణ విలువలు కథకు సరిపోయేలా ఉన్నాయి. ఓవరాల్‌ గా సతీ లీలావతి.. ఆకట్టుకోని ఫ్యామిలీ ఎంటర్‌టైనర్..!

గోదావరి అందాల నేపథ్యంలో తెరకెక్కిన ప్రేమకథా చిత్రం ‘గోదారి గట్టుపైన’. సుమంత్ ప్రభాస్, నిధి ప్రదీప్ జంటగా నటించిన ఈ సినిమాకు సుభాష్ చంద్ర దర్శకత్వం వహించారు. అయితే మంచి లొకేషన్స్, సహజమైన వాతావరణం ఉన్నప్పటికీ సినిమా మాత్రం ప్రేక్షకులను పూర్తిస్థాయిలో ఆకట్టుకోలేకపోయింది. కథ పరంగా చూస్తే కొత్తదనం కనిపించదు. కానీ కథనాన్ని ఆసక్తికరంగా మలచడంలో తడబాటు కనిపిస్తుంది. ముఖ్యంగా తొలి భాగంలో సన్నివేశాలు నెమ్మదిగా సాగుతూ బోర్ ఫీలింగ్ తెప్పిస్తాయి. 

నటీనటుల విషయానికి వస్తే సుమంత్ ప్రభాస్, నిధి ప్రదీప్ తమ పాత్రలకు న్యాయం చేశారు. జగపతిబాబు పాత్రకు సినిమాలో మంచి ప్రాధాన్యం ఉంది. అయితే పాత్రల ఎమోషన్స్‌ను బలంగా ఎలివేట్ చేయడంలో దర్శకుడు పూర్తిగా సక్సెస్ కాలేకపోయాడు. టెక్నికల్‌ గా సాయి సంతోష్ సినిమాటోగ్రఫీ సినిమాకు హైలైట్‌గా నిలిచింది. గోదావరి అందాలను తెరపై ఎంతో సహజంగా చూపించారు. కానీ విజువల్స్ మాత్రమే సినిమాను నిలబెట్టలేకపోయాయి. టైటిల్‌ కు తగ్గ బలమైన భావోద్వేగం కూడా సినిమాలో కనిపించదు. ఓవరాల్‌గా ‘గోదారి గట్టుపైన’ మంచి విజువల్స్‌తో వచ్చినా… బలమైన కథనం, ఎంగేజింగ్ ట్రీట్‌మెంట్ లేక ఆకట్టుకోలేకపోయింది. 

పెళ్లైన జంటల మధ్య చిన్న చిన్న ఈగోలు, అనుమానాలు ఎలా పెద్ద సమస్యలుగా మారతాయో చూపించే ప్రయత్నమే ‘సతీ లీలావతి’. కానీ మంచి పాయింట్ తీసుకున్న దర్శకుడు సత్య… దాన్ని ఆసక్తికరంగా చెప్పడంలో మాత్రం పూర్తిగా తడబడ్డాడు. భర్తను ఇంట్లోనే బంధించడం, దాని చుట్టూ నడిచే కామెడీ ట్రాక్‌లు లాజిక్‌కి దూరంగా అనిపిస్తాయి. నవ్వించాల్సిన సన్నివేశాలు చాలా చోట్ల బలవంతంగా పెట్టినట్టుగా కనిపిస్తాయి.

లావణ్య త్రిపాఠి, దేవ్ మోహన్ తమ పాత్రలకు న్యాయం చేయడానికి ప్రయత్నించారు. ముఖ్యంగా లావణ్య ఎమోషనల్ సీన్స్‌లో మెప్పిస్తుంది. కానీ పాత్రల లోతు, భావోద్వేగాల బలం లేకపోవడంతో ఆ పెర్ఫార్మెన్స్ కూడా పెద్దగా ఎలివేట్ కాలేదు. ఉదయ్ పొట్టిపాడు రాసిన కొన్ని డైలాగ్స్ మాత్రం ఆకట్టుకుంటాయి. బినేంద్ర మీనన్ సినిమాటోగ్రఫీ కూడా సినిమాకు ప్లస్ అయ్యింది.

అయితే కథనం నెమ్మదిగా సాగడం, సీన్స్ రిపీటివ్‌గా అనిపించడం సినిమాకు పెద్ద మైనస్. థియేటర్ నుంచి బయటకు వచ్చాక గుర్తుండిపోయే అంశాలు కూడా చాలా తక్కువ. నిర్మాత నాగమోహన్‌కు తొలి ప్రయత్నంగా వచ్చిన ఈ సినిమా ఆశించిన ఫలితాన్ని ఇవ్వకపోవచ్చు. మొత్తంగా ‘సతీ లీలావతి’ మంచి కాన్సెప్ట్‌తో వచ్చినా… సరైన ట్రీట్‌మెంట్ లేక ఆడియెన్స్‌ను పూర్తిగా మెప్పించలేకపోయింది.

గాయపడ్డ సింహం అంటూ ఆడియన్స్ ముందుకు వచ్చిన తరుణ్ భాస్కర్ ఈ సినిమాతో తన ఫ్యాన్స్ ని బానే మెప్పించడని చెప్పాలి. ఇక సినిమా ఫస్ట్ హాఫ్ అంతా ధరహాస్ ప్రేమకథ, అమెరికా ప్రయాణం, ట్రంప్ మీద రివెంజ్, భైరవ్ దాస్ కథతో సాగుతుంది. సెకండ్ హాఫ్ అంతా ధరహాస్ జీవితంలోకి పోలీసులు, ధర్మ ఎలా వచ్చాడు, భైరవ్ దాస్ కథతో సాగుతుంది. ఈ మధ్యలో శ్రీ విష్ణు పాత్ర భైరవ్ దాస్ ని గెస్ట్ అప్పీరెన్స్ లా కాకుండా, సెకండ్ హీరోలా దానికి ఇంకో కథ రాసుకొని, అతని ఫ్యామిలీ, అతని కథ చెప్పడం గమనార్హం. 

అంతే కాదు క్లైమాక్స్ లో శ్రీవిష్ణు, జెడి చక్రవర్తి పాత్రలని చూపించడంతో పాటు పార్ట్ 2 అని ‘పోరాట సింహం’ టైటిల్ అనౌన్స్ చేసారు కాబట్టి అది శ్రీవిష్ణు మీదే ఫుల్ సినిమా ఉండొచ్చు అని తెలుస్తుంది. ఇక ఈ సినిమా గురించి ఓవరాల్ గా సింపుల్ గా చెప్పాలంటే... ఓవరాల్ గా ‘గాయపడ్డ సింహం’ సినిమా అమెరికా వెళ్లాలన్న ఓ వ్యక్తి కల ఆగిపోవడంతో ట్రంప్ మీద కోపంతో ఏం చేసాడు, దాంతో అతని చుట్టూ ఏం జరిగింది అని కామెడీగా తెరకెక్కించారు. ఫ్రెష్ స్టోరీ ఎక్స్పెక్ట్ చేస్తే నిరాశ చెందొచ్చుగాని, తక్కువ అంచనాలతో సినిమాకి వెళ్తే ఓ మోస్తరు ఎంజాయ్ చేయొచ్చు.