Movie Reviews

సూపర్ స్టార్ రజనీకాంత్ - నెల్సన్ దిలీప్ కుమార్ కాంబినేషన్‌లో వచ్చిన ప్రతిష్టాత్మక చిత్రం 'జైలర్ 2'. మొదటి భాగం భారీ విజయాన్ని నమోదు చేయడంతో ఈ సీక్వెల్‌పై అంచనాలు ఆకాశాన్ని తాకాయి. ఇక ఈ సీక్వెల్ లో నెల్సన్ రాసిన కథ, కథనం, మరియు సంభాషణలు ప్రేక్షకాభిమానులను విశేషంగా ఆకట్టుకున్నాయి.

ఫస్ట్ హాఫ్ ని నెల్సన్ తన మార్క్ డార్క్ కామెడీ, ఎమోషన్స్, మరియు పవర్-ప్యాక్డ్ యాక్షన్‌తో ఎంతో ఆసక్తికరంగా మలిచారు. రజనీకాంత్ మాస్ ఇమేజ్‌కు తగ్గట్టుగా ఆయన పాత్రను డిజైన్ చేసిన తీరు మరియు ఇచ్చిన ఎలివేషన్లు థియేటర్లలో ఈలలు వేయించేలా ఉన్నాయి. ముఖ్యంగా సెకండ్ హాఫ్ లో కల్పక్ ఫ్యామిలీ ఎంట్రీతో కథ మరింత ఆసక్తికరంగా మారుతుంది.

ఇక బాలీవుడ్ స్టార్ హృతిక్ రోషన్ ఎంట్రీ, కన్నడ స్టార్ శివరాజ్ కుమార్, మోహన్ లాల్, విజయ్ సేతుపతిల క్యామియో పాత్రలు సినిమా స్థాయిని మరో ఎత్తుకు తీసుకెళ్లాయి. అనిరుధ్ అందించిన బ్యాక్‌గ్రౌండ్ స్కోర్ (BGM) ప్రతీ సన్నివేశానికి ప్రాణం పోసింది. ఫైనల్ గా ప్రథమార్థంలో కామెడీ, ద్వితీయార్థంలో డ్రామా మరియు యాక్షన్ ఈ చిత్రాన్ని సూపర్ హిట్ దిశగా నిలబెట్టాయి.

సూపర్ స్టార్ రజనీకాంత్, డైరెక్టర్ నెల్సన్ కాంబోలో వచ్చిన 'జైలర్ 2' బాక్సాఫీస్ వద్ద రచ్చ లేపుతోంది! ఫస్టాఫ్ అంతా మార్క్ కామెడీ, యాక్షన్, ఫ్యామిలీ ఎమోషన్స్‌తో నెల్సన్ నెక్స్ట్ లెవెల్ ఎలివేషన్స్ ఇవ్వగా, దిలీప్ క్యారెక్టర్‌తో వచ్చే ఇంటర్వెల్ బ్యాంగ్ దెబ్బకి సెకండాఫ్‌పై అంచనాలు ఆకాశాన్ని తాకాయి.

ఇక సెకండాఫ్‌లో కల్పక్ ఫ్యామిలీ ఎంట్రీ, ముత్తువేల్ పాండియన్ మైండ్ గేమ్స్ వర్కవుట్ అయ్యాయి. దీనికి తోడు హృతిక్ రోషన్, శివరాజ్ కుమార్, మోహన్ లాల్, కాంత కల్పక్, విజయ్ సేతుపతిల మాస్ కామియోలు థియేటర్లలో పూనకాలు తెప్పించగా, అనిరుధ్ బ్యాక్‌గ్రౌండ్ స్కోర్ మరో రేంజ్‌కి తీసుకెళ్ళింది. జైలర్ 3కి ఇచ్చిన క్రేజీ లీడ్ ఫ్యాన్స్‌కు ఫుల్ కిక్! దసరా హాలిడేస్‌కి ఫ్యామిలీతో కలిసి హ్యాపీగా ఎంజాయ్ చేసే పక్కా బ్లాక్‌బస్టర్ బొమ్మ! అయితే నిడివి ఇంకా తగ్గించాల్సింది. లొకేషన్స్ బాగున్నాయి. ఆర్ట్ వర్క్ కూడా బాగుంది. ఫైనల్ గా ఒక్క మాత్రలో చెప్పాలంటే రజిని మార్క్ ఎంటెర్టైనింగ్ జైలర్ 2 విత్ అనిరుద్ మ్యూజిక్

వెబ్ సిరీస్‌ లలో సైకో కిల్లర్ నేపథ్యంలో వచ్చే స్టోరీస్ మనం చాలానే చూస్తుంటాం. కానీ మన టాలీవుడ్‌లో మొదటిసారిగా ‘ఫ్రాంగింగ్’ అనే కొత్త పాయింట్ బేస్ చేసుకుని డైరెక్టర్ శ్రీతేజ్ మయూఖ చిత్రాన్ని తెరకెక్కించారు. ఎప్పుడో రాసుకున్న స్క్రిప్ట్ కు కాలానికి తగ్గట్టుగా చాలా మార్పులు చేసి ఈ సినిమాను రూపొందించారు. దీనికి న్యూయార్క్ ఫిల్మ్ ఫెస్టివల్ లో బెస్ట్ థ్రిల్లర్ అవార్డు కూడా రావడం విశేషం. ఇక ఈ మూవీలో వాడిన ‘ఫ్రాంగింగ్’ కాన్సెప్ట్ గురించి చెప్పాలంటే, చిన్నప్పటినుంచి వాసన తెలియని ఒక అబ్బాయి కోళ్ళను కాల్చినప్పుడు వచ్చే స్మెల్ కు అట్రాక్ట్ అవుతాడు. ఆ తరువాత మనుషులను కాల్చినప్పుడు వచ్చే వాసనకు మరింతగా ఎడిక్ట్ అయిపోయి, ఏకంగా కన్నతండ్రిని, సొంత చెల్లిని కూడా చంపే స్థాయికి వెళ్లడం అనే పాయింట్ చాలా కొత్తగా ఉంటుంది. 

అయితే ఇలాంటి సీన్స్ పిల్లల్లో వయొలెన్స్ ను ఎంకరేజ్ చేసేలా ఉన్నాయనే ఫీలింగ్ కలుగుతుంది. స్క్రీన్ ప్లే లో అక్కడక్కడా కొన్ని లాజిక్స్ మిస్ అయ్యాయి. ఫస్ట్ హాఫ్ కాస్త కన్ఫ్యూజింగ్ గా అనిపించినా, అసలు స్టోరీ అంతా సెకండ్ హాఫ్ లోనే ఉండటంతో అప్పటివరకు ఓపిక పట్టాలి. ఇన్ని మలుపుల తర్వాత అసలు ఆ సైకో కిల్లర్ ఎవరనేది క్లైమాక్స్ లో రివీల్ అయినప్పుడు మాత్రం ఆడియన్స్ కు ఒక సాలిడ్ థ్రిల్ దొరుకుతుంది. ఆ ఎండ్ సస్పెన్స్ ఏంటో తెలియాలంటే మాత్రం కచ్చితంగా స్క్రీన్ మీద చూడాల్సిందే. ప్రధాన పాత్ర పోషించిన పాయల్ చెంగప్ప తన అద్భుతమైన నటనతో సినిమా మొత్తాన్ని తన భుజాలపై మోసింది. ఫైనల్ గా మిస్టరీ అంశాలను ఎంజాయ్ చేసే వాళ్ళకి ఈ సినిమా ఒక మంచి ఆప్షన్ అని చెప్పొచ్చు. ఓవరాల్‌గా మయూఖ.. డీసెంట్ సస్పెన్స్ మర్డర్ మిస్టరీ..!

హర్రర్-థ్రిల్లర్ జోనర్స్ ను డీల్ చేయడం కత్తి మీద సాము వంటిది. దర్శకుడు శ్రీ తేజ్ ఒక మంచి డిఫరెంట్ పాయింట్ ను ఎంచుకున్నప్పటికీ మయూఖ ను తెరపై ఆవిష్కరించిన తీరులో కొంత రఫ్ నేచర్ కనిపిస్తుంది. ఫస్ట్ హాఫ్ లో కథలోకి వెళ్ళడానికి టైం ఎక్కువ తీసుకున్నాడు. ఇక హీరోయిన్ పాయల్ చెంగప్ప బాగా నటించింది. టెక్నికల్ గా దర్శకుడు మంచి స్టోరీ లైన్ తీసుకున్నా, స్క్రీన్ ప్లే సరిగా రాసుకోలేదు. అయితే సాంకేతికంగా, శిబి మాథ్య అలెక్స్ అందించిన సౌండ్ మిక్సింగ్, బ్యాక్‌గ్రౌండ్ స్కోర్ థియేటర్లలో అద్భుతమైన ఉత్కంటను రేకెత్తించాయి. కెమరా వర్క్ బాగుంది.

అలాగే పాయల్ చెంగప్ప సహా తారాగణం తమ పాత్రలకు న్యాయం చేశారు. ఫైనల్ గా దర్శకుడి ఈ కొత్త ప్రయత్నం అందరికీ నప్పదు. విపరీతమైన హింసను తట్టుకోలేని సున్నిత మనస్కులు థియేటర్లకు వెళ్లే సాహసం చేయకుండా ఉంటె బెటర్. ఇలాంటి క్రైమ్ థ్రిల్లర్స్ ను ఇష్టపడే ఆడియన్స్ కి మయూఖ బాగా నచ్చే అవకాశం ఉంది. సింగిల్ వర్డ్ లో మయూఖ వణికించేసింది. 

పాయల్ చెంగప్ప ప్రధాన పాత్రలో నటించిన సినిమా మయూఖ. ఈ మూవీకి శ్రీతేజ్ ఎస్కే దర్శకత్వం వహించాడు. తాజాగా థియేటర్లలో విడుదలై మిశ్రమ స్పందన తెచ్చుకుంది. జెనరల్ గా హరర్ థ్రిల్లర్ సినిమాలంటే ప్రేక్షకుల్లో ఎప్పుడూ ఉండే క్రేజ్ వేరు. అయితే ఈ సినిమా మాత్రం ఒక డిఫరెంట్, వైలెంట్ ఎక్స్‌పీరియన్స్‌ ను మిగిల్చింది. ఇక సైకోపాత్ జానర్‌ ను డీల్ చేయడంలో దర్శకుడు ప్రదర్శించిన తాపత్రయం, స్క్రీన్ మీద పడరాని పాట్లు పడేలా చేసింది. పన్నెండేళ్ళ పిల్లాడు తన సొంత చెల్లిని, తండ్రిని హతమార్చి కాల్చడం స్క్రీన్ మీద చూసేందుకు ఎబెట్టుగా ఉన్నాయి. 

అయితే, సాంకేతిక నిపుణుల పనితీరు మాత్రం సినిమాకు ప్రధాన హైలైట్‌గా నిలిచింది. సంగీత దర్శకుడు శిబి మాథ్య అలెక్స్ అందించిన సౌండ్ మిక్సింగ్, బ్యాక్‌గ్రౌండ్ స్కోర్ థియేటర్లలో ప్రేక్షకులకు వెన్నులో వణుకు పుట్టించాయి. నటి పాయల్ చెంగప్పతో పాటు ప్రధాన తారాగణం తమ పరిధి మేరకు చక్కటి నటన కనబరిచారు. నిర్మాణ విలువలు బాగున్నాయి. ఓవరాల్ గా కొత్తదనం పేరుతో తెరకెక్కించిన ఈ అరాచకత్వాన్ని థియేటర్ల వరకు వెళ్లి భరించడం కాస్త కష్టమే! థ్రిల్లర్ సినిమాలను ఇష్టపడే వారికి మాత్రమే నచ్చే అవకాశం ఉంది.

హనుమాన్ అంశ్ చిత్రం విశాల్ చతుర్వేది రాసిన ఒక పుస్తకం ఆధారంగా రూపొందింది. సినిమా మొదటి భాగం మొత్తం లక్ష్మీనారాయణ్ శర్మ ఆధ్యాత్మిక ప్రయాణం చుట్టూ చాలా ఆసక్తికరంగా సాగుతుంది. విరామం వరకు సినిమా చాలా పర్ఫెక్ట్ గా, ఒక దైవిక భావన కలిగించేలా ముందుకు వెళ్తుంది. అయితే సెకండాఫ్‌కు వచ్చేసరికి దర్శకుడు అసలు విషయాన్ని పక్కనపెట్టి బాబా మహిమలను హైలైట్ చేయడం మీద ఎక్కువ ఫోకస్ పెట్టాడు. అయితే ఒక్కటి మాత్రం నిజం.. ఈ సినిమాకు వెళ్తే కచ్చితంగా ఏదో గుళ్లో కూర్చున్నట్లు నాలుగు వైపులా రామ్ రామ్ అని వినిపిస్తూ ఉంటుంది. 

దేవుడి భక్తి కంటే ఒక వ్యక్తిని ఎక్కువగా కీర్తించడం లాంటివి సామాన్య ప్రేక్షకులకు కాస్త ఇబ్బందిగా అనిపించవచ్చు. ఆధ్యాత్మిక గురువులను, వాళ్ల మహిమలను బలంగా నమ్మే వాళ్లకు ఈ ద్వితీయార్థం బాగా నచ్చుతుంది. కానీ లాజిక్స్ వెతికే వాళ్లకు మాత్రం ఈ మహిమలన్నీ కాస్త అతిగా అనిపిస్తాయి. ఉత్తర భారతదేశంలో బాబాకు ఉన్న విపరీతమైన భక్తుల వల్లే ఈ సినిమా అక్కడ అంత పెద్ద విజయం సాధించింది. ఇక తెలుగు హక్కులను హోంబలే ఫిల్మ్స్ లాంటి పెద్ద సంస్థ తీసుకుని ప్రమోట్ చేసి రిలీజ్ చేయడంతో ఇక్కడ కూడా సినిమాపై మంచి ఆసక్తి ఏర్పడింది. ఓవరాల్ గా చూసుకుంటే భక్తి, ఆధ్యాత్మికతను ఇష్టపడే వాళ్లకు ఈ చిత్రం ఒక మంచి అనుభూతిని ఇస్తుంది. ఓవరాల్‌ గా హనుమాన్ అంశ్.. మంచి సినిమా..!

కేవలం రూ. 2 కోట్ల బడ్జెట్‌తో తెరకెక్కి, ప్రపంచవ్యాప్తంగా రూ. 430 కోట్లకు పైగా వసూళ్లతో సెన్సేషన్ క్రియేట్ చేసిన డివైన్ మూవీ ‘హనుమాన్ అంశ్’ తెలుగులో విడుదలైంది. నీమ్ కరోలీ బాబా జీవితం ఆధారంగా తెరకెక్కిన ఈ ఆధ్యాత్మిక చిత్రంలో శోభినవ్ సత్య బాబా పాత్రలో హుందాగా నటించి మెప్పించారు. ఎలాంటి అనవసర కమర్షియల్ హంగులు లేకుండా ప్యూర్ డివైన్ ఎమోషన్స్‌తో ఈ సినిమా సాగుతుంది. అయితే, సెకండాఫ్‌లో కథనం నెమ్మదిగా సాగడం కొద్దిగా ఓపికకు పరీక్ష పెడుతుంది.

ఓవరాల్ గా ఆధ్యాత్మిక భావోద్వేగాలతో నిండిన ఈ చిత్రం, ఈ వీకెండ్‌లో ఫ్యామిలీతో కలిసి చూడదగ్గ మంచి డివైన్ రికమండేషన్! అయితే చాలా సహజంగా ఉండే ఈ సినిమాలో ఎడిటింగ్ పై కాస్త శ్రద్ధ పెట్టి ఉంటే బోర్ ఫీల్ తగ్గేది. ఇక తెలుగు డబ్బింగ్ సంభాషణలు మూల భావాన్ని పాడు చేయకుండా నీట్ గా కుదిరాయి. ఫైనల్ గా హనుమాన్ అంశ్ హడావిడి లేకుండా హృదయానికి హత్తుకునే ఒక నిండైన ఆధ్యాత్మిక మూవీ. 

కేవలం రూ. 2 కోట్ల బడ్జెట్‌తో తెరకెక్కి, ప్రపంచవ్యాప్తంగా రూ. 430 కోట్లకు పైగా వసూళ్లతో హిందీ బాక్సాఫీస్ దగ్గర హిస్టరీ క్రియేట్ చేసిన డివైన్ బ్లాక్‌బస్టర్ ‘హనుమాన్ అంశ్’ ఇప్పుడు తెలుగు ముందుకు వచ్చింది. ఆధ్యాత్మిక గురువు నీమ్ కరోలీ బాబా జీవిత కథ ఆధారంగా వచ్చిన ఈ ఎమోషనల్ డ్రామా, ఎలాంటి కమర్షియల్ హంగులు లేకుండా ప్యూర్ డివైన్ వైబ్స్‌తో సాగుతుంది. శోభినవ్ సత్య బాబా పాత్రలో జీవించగా, అద్భుతమైన బిజీఎమ్ ఆడియన్స్‌ని ఒక దివ్యమైన అనుభూతికి గురిచేస్తుంది.

అయితే, సెకండాఫ్‌లో డ్రామా కాస్త నెమ్మదించి కథనం సాగదీతగా అనిపించడం, ఆడియన్స్ ఓపికకు చిన్న పరీక్షే! అయినప్పటికీ, హృదయాన్ని తాకే భావోద్వేగాలు ఈ లోపాన్ని కవర్ చేస్తాయి.

ఫైనల్ వర్డిక్ట్: బాక్సాఫీస్‌ను భక్తి పారవశ్యంలో ముంచెత్తిన ‘హనుమాన్ అంశ్’ సాధారణ ప్రేక్షకులకే కాక, ఆధ్యాత్మిక ప్రియులకు ఈ వికెండ్‌లో ఫ్యామిలీతో చూడదగ్గ ఒక పవర్‌ఫుల్ మస్ట్-వాచ్ డివైన్ రికమండేషన్!

పోలీసులు, నక్సలిజం, ప్రభుత్వ వ్యవస్థల చుట్టూ తిరిగే చాలా బరువైన పాయింట్‌ను తీసుకుని, దానికి పూర్తిగా ఎంటర్టైన్మెంట్ ముడిపెట్టి డైరెక్టర్ కామ్రేడ్ కళ్యాణ్ చిత్రాన్ని నడిపించాడు. ఇలాంటి సీరియస్ సబ్జెక్ట్‌ ను కామెడీ యాంగిల్‌లో చెప్పాలనుకోవడం సాహసమే. అయితే లాజిక్స్ పక్కనపెట్టి కేవలం వినోదం కోణంలో చూస్తే మాత్రం చాలా చోట్ల బాగా నవ్వులు పూస్తాయి. ఇక సినిమాలో కామెడీ సన్నివేశాలు బాగా పేలడంతో మొదటి భాగం ఎక్కడా బోర్ కొట్టదు. కానీ ద్వితీయార్థం మొదలయ్యాక అడవి నేపథ్యంలో సీన్స్ ఉండటంతో నవ్వించే స్కోప్ బాగా తగ్గిపోయింది. 

చుట్టూ తుపాకులు పట్టుకున్న వాళ్ల మధ్య ఫన్ క్రియేట్ చేయడం కష్టంగా మారడంతో ఇక్కడి నుంచి సినిమా కాస్త నెమ్మదిస్తుంది. మధ్యలో రాజకీయ నాయకుడి కిడ్నాప్ ఎపిసోడ్ ద్వారా మళ్లీ కొంత వినోదాన్ని రాబట్టే ప్రయత్నం చేసినా అది అప్పటికే చాలా సినిమాల్లో చూసేసిన ఫీలింగ్ కలుగుతుంది. పైగా హీరో మార్క్ కామెడీని పక్కనపెట్టి, పతాక సన్నివేశాల్లో భారీగా సందేశాలు ఇవ్వడం కొంత ఇబ్బందిగా మారుతుంది. సినిమాను మెసేజ్‌లతో కాకుండా సరదాగా ఎండ్ చేసి ఉంటే రిజల్ట్ ఇంకాస్త బెటర్‌గా ఉండేది. ఇక శ్రీవిష్ణు వన్ మ్యాన్ షోగా సినిమాలో అలరించాడు. అయితే మాటల రచయితలు రాసిన ట్రెండీ డైలాగ్స్ చాలా చోట్ల బాగా వర్కవుట్ అయ్యాయి. పోటీగా వేరే సినిమాలు లేకపోవడం, వరుస సెలవులు రావడం ఈ చిత్రానికి బాక్సాఫీస్ దగ్గర బాగా కలిసిరానుంది. ఓవరాల్ గా కామ్రేడ్ కళ్యాణ్.. కామెడీ కళ్యాణ్..!

శ్రీవిష్ణు, మహిమా నంబియార్ జంటగా జానకి రామ్ మారెళ్ల దర్శకత్వంలో తెరకెక్కిన చిత్రం ‘కామ్రేడ్ కళ్యాణ్’. 90ల నాటి ఆంధ్ర-ఒరిస్సా సరిహద్దు నేపథ్యంలో నక్సలిజం బ్యాక్‌డ్రాప్‌ను ఎంచుకున్నప్పటికీ, పూర్తిస్థాయి వినోదాత్మకంగా మలచడం విశేషం. శ్రీవిష్ణు తనదైన కామెడీ టైమింగ్‌తో ఆకట్టుకోగా, కపటం లేని నటనతో కమెడియన్ సత్య థియేటర్లలో నవ్వులు పూయించారు. సాయి శ్రీరామ్ ఛాయాగ్రహణం, నిర్మాణ విలువలు సినిమాకు అదనపు బలాన్ని చేకూర్చాయి.

అయితే, కంటెంట్ పరంగా పెద్దగా లోపాలు లేకపోయినా, సెకండాఫ్‌లో కామెడీని దాటి యాక్షన్, సెంటిమెంట్, సంస్కరణల మోతాదు పెరగడంతో సినిమా వేగం తగ్గింది. దీంతో పక్కా కామెడీ చిత్రంగా ఆశించిన స్థాయి అనుభూతి లభించదు. క్లైమాక్స్ ఇంకాస్త బలంగా ఉంటే బాగుండేది. ఇక ఓవరాల్‌ గా ఈ "కామ్రేడ్ కళ్యాణ్" చూసి "లాల్ సలాం" అని పై శృతిలో అరవలేం కానీ, అనకుండా ఉండలేం! శ్రీవిష్ణు అభిమానులకు, కామెడీ కోరుకునేవారికి ఇది ఒక మంచి చాయిస్.

శ్రీ విష్ణు టైటిల్ రోల్‌ లో మహిమా నంబియార్ కథానాయికగా, జానకి రామ్ మారెళ్ల దర్శకత్వంలో తెరకెక్కిన లేటెస్ట్ కామెడీ యాక్షన్ డ్రామా ‘కామ్రేడ్ కళ్యాణ్’. 90ల నాటి ఆంధ్ర-ఒరిస్సా బోర్డర్ మాడగుల నేపథ్యంలో నక్సలిజం బ్యాక్‌డ్రాప్‌ ను ఎంచుకున్నప్పటికీ, దర్శకుడు దీనిని సీరియస్ డ్రామాగా కాకుండా ఫుల్ లెంగ్త్ ఫన్ అండ్ ఎంటర్‌టైనింగ్ వేలో ఆవిష్కరించారు. శ్రీవిష్ణు తన మార్క్ కామెడీ టైమింగ్‌తో వన్ మ్యాన్ షో చేయగా, కమెడియన్ సత్య కామెడీ టైమింగ్ సినిమాకు బిగ్గెస్ట్ ప్లస్ పాయింట్‌గా నిలిచింది. అడవిలో కామ్రేడ్ ట్రాక్, ఎంటర్‌టైనింగ్ లవ్ అండ్ ఫ్రెండ్‌షిప్ ఎపిసోడ్స్ థియేటర్లలో నవ్వులు పూయిస్తాయి.

అయితే కథలోకి వెళ్లడానికి ఎక్కువ సమయం తీసుకోవడం, ప్రారంభంలో కథనం కాస్త స్లోగా సాగడం చిన్న మైనస్. కొన్ని డబ్బింగ్ సమస్యలు మరియు క్లైమాక్స్ ఇంకాస్త ఇంపాక్ట్‌ ఫుల్‌గా ఉంటే బాగుండేది అనిపిస్తుంది. విజయ్ బుల్గానిన్ మ్యూజిక్, సాయి శ్రీరామ్ కెమెరా వర్క్ డీసెంట్‌గా ఉన్నాయి. ఓవరాల్ గా కథనంలో కొత్తదనం పెద్దగా లేకపోయినా... శ్రీవిష్ణు-సత్య కాంబో అందించే నాన్‌స్టాప్ ఫన్ అండ్ కామెడీ ఎంటర్‌టైన్మెంట్ కోసం ‘కామ్రేడ్ కళ్యాణ్’ నిష్ఫలంగా ఒకసారి నవ్వుకోవడానికి హ్యాపీగా చూడదగ్గ డీసెంట్ మూవీ. ఫైనల్లీ కామ్రేడ్ కళ్యాణ్ కామెడీ కళ్యాణే కానీ..!

విక్రమ్ సహిదేవ్ హీరోగా, సంధ్య వశిష్ట కథానాయికగా దర్శకుడు ఖగేష్ తమ్మినేని తెరకెక్కించిన లేటెస్ట్ మాస్ క్రైమ్ లవ్ డ్రామా ‘అనకాపల్లి’ ఈ వారం థియేటర్లలోకి వచ్చి ఆడియన్స్ దృష్టిని ఆకర్షిస్తోంది. ఊర్లో గూండా బుల్లెట్ (తారక్ పొన్నప్ప)ను రోల్ మోడల్‌గా తీసుకుని క్రైమ్ ప్రపంచంలోకి దిగిన సూర్య, తన లైఫ్‌లోకి అమృత అనే అమ్మాయి వచ్చాక ఎలాంటి ఎమోషనల్ అండ్ డ్రమటిక్ టర్న్స్ తీసుకున్నాడనే పాయింట్‌తో ఈ సినిమా నడుస్తుంది.

విక్రమ్ సహిదేవ్ మాస్ మేకోవర్, సంధ్య క్యూట్ పర్ఫార్మెన్స్, అండ్ తారక్ పొన్నప్ప డిఫరెంట్ విలనిజం సినిమాకి మేజర్ హైలైట్స్! ఇంటర్వెల్ బ్యాంగ్, ప్రీ-క్లైమాక్స్ డ్రామా, అండ్ ఫ్యామిలీ ఎమోషన్స్ గట్టిగానే వర్కౌట్ అయ్యాయి. కానీ, దశాబ్దాలుగా నలిగిపోయిన "రౌడీ కుర్రాడు - పద్ధతిగల పిల్ల" అనే పాతకాన్సెప్ట్ కావడం, ఫ్లాట్ స్క్రీన్‌ప్లే వల్ల సెకండ్ హాఫ్‌లో ల్యాగ్ కావడం సినిమా పేస్‌ని తగ్గించేసింది. అయితే కొన్ని రొటీన్ అంశాలు ఉన్నప్పటికీ రా అండ్ రస్టిక్ తరహా క్రైమ్ డ్రామాలను, తీవ్ర భావోద్వేగాలతో కూడిన ముగింపులను ఇష్టపడే ప్రేక్షకులకు అనకాపల్లి వన్ టైం వాచబుల్.