హనుమాన్ అంశ్ (Hanuman Ansh)

Story :

కథ విషయానికి వస్తే... 19వ శతాబ్దం ఆరంభంలో భారత్ కు స్వాతంత్య్రం రాకముందు బ్రిటీష్ పాలన సమయంలో ఈ కథ నేపథ్యం నడుస్తుంది. ఆ కాలంలో బ్రిటిష్ వారికి వ్యతిరేకంగా స్వాతంత్ర పోరాటం చేస్తున్న వాళ్లలో డాక్టర్ రాం నందన్ భోంస్లే ( చందన్ కే ఆనంద్) కూడా ఒకరు. అయితే ఈ పోరాటంలో ఓ నాడు రాం నందన్ ఓ ఆశ్రమంలో తలదాచుకొంటాడు. అక్కడ జరిగిన కొన్ని అనూహ్య సంఘటనల వల్ల హనుమాన్ భక్తుడు లక్ష్మీ నారాయణ్ శర్మ (శోభినవ్ సత్య) తో పరిచయం అవుతుంది. ఆయన పరిచయంతో నాస్తికుడైన రాం నందన్‌ ఆస్తికుడిగా మారతాడు. ఆ లక్ష్మీ నారాయణ్ శర్మే "హనుమాన్ భక్తుడి"గా 'నీమ్ కరోలి బాబా' పేరుతో ప్రఖ్యాతి గాంచి తన ఆధ్యాత్మిక జీవిత ప్రయాణంలో ఎంతో మందికి జీవిత సారాన్ని, కనువిప్పును కలిగించి మార్గదర్శిగా నిలుస్తాడు. అసలు ఎవరు ఈ లక్ష్మీ నారాయణ్ శర్మ? రాజ్‌ కోట్‌ లోని వైష్ణవ ఆలయంలో జరిగిన సంఘటన లక్ష్మీ నారాయణ్ శర్మ జీవితాన్ని ఆధ్యాత్మికత వైపు మళ్లి, ఆయన హనుమాన్ భక్తుడిగా మారేలా చేసింది ఏంటి? తన జీవితంలో నీమ్ కరోలి బాబా చేసిన అద్భుతాలు ఏంటి? అనేది సినిమా చూసి తెలుసుకోవాలి.