Movie Reviews

ఒక మంచి హిట్టు కోసం చాలా కాలంగా ఎదురు చూస్తున్నాడు మెగా కుర్రాడు వరుణ్ తేజ్. దర్శకుడు మేర్లపాక గాంధీది కూడా అదే పరిస్థితి. వీళ్లిద్దరూ కలిసి చేసిన సినిమా.. కొరియన్ కనకరాజు. క్రేజీ ప్రోమోలతో ప్రేక్షకుల్లో ఆసక్తి రేకెత్తించిన ఈ చిత్రం ఇప్పుడు థియేటర్లలో మిక్స్డ్ రెస్పాన్స్ అందుకుంది. తెలుగులో చాలా త్వరగా ప్రేక్షకులకు మొనాటనీ తెప్పించేసిన జానర్లలో ‘హార్రర్ కామెడీ’ ఒకటి. లీడ్ క్యారెక్టర్లోకి దయ్యం దూరి.. అందరినీ ఒక ఆటాడుకునే కథలకు తెలుగులో లెక్కే లేదు. ‘కొరియన్ కనకరాజు’ కూడా ఇలాంటి సగటు హార్రర్ స్టోరీనే. అయితే దీన్ని జనరంజకంగా మలచడంలో దర్శకుడు మేర్లపాక గాంధీ సక్సెస్ అయ్యాడు. 

అయితే తన తొలి రెండు చిత్రాల స్థాయిలో కాకపోయినా మంచి ఎంటర్టైనరే తీశాడు దర్శకుడు. అతను ఎంచుకున్న కాన్సెప్ట్ బాగుంది. కొన్ని కామెడీ ఎపిసోడ్లను భలేగా తీశాడు. ఉదాహరణకి SR ఎన్టీఆర్ ‘అమెచ్యూరిష్ పంచ్’ డైలాగ్ మీదా పంచ్ పేల్చడం తన సెన్సాఫ్ హ్యూమర్ కు నిదర్శనం. తన రాతలో-తీతలో కొన్ని లోపాలున్నప్పటికీ.. ఒక కంప్లీట్ ఫిల్మ్ తీయకపోయినప్పటికీ.. గత రెండు సినిమాల్లా ఈసారి బోర్ అయితే కొట్టించలేదు. చివరగా కొరియన్ కనకరాజు.. నవ్వించే ఫారిన్ దయ్యం. 

కొరియన్ కనకరాజు సినిమాతో వరుణ్ తేజ్, రితికా నాయక్, సత్య ఆగస్ట్ 7న ఆడియెన్స్ ముందుకు వచ్చారు. ప్రీమియర్లు వేయడంతో ఒక రోజు ముందుగానే సందడి మొదలైంది. ఆల్రెడీ సోషల్ మీడియాలో వరుణ్ తేజ్ కొత్త చిత్రం హవా మొదలైంది. సత్య కామెడీ సీన్లు సోషల్ మీడియాలో వైరల్ అవుతూనే ఉన్నాయి. ఇక కొరియన్ కనకరాజు సినిమాలోని కథ కొత్తదేమీ కాదు. మనం ఎన్నో సార్లు చూసిన కథకే.. కొత్తగా కొరియన్ టచ్ ఇచ్చి.. ఫుల్ ఎంటర్టైనింగ్‌గా చెప్పే ప్రయత్నం చేశాడు దర్శకుడు మేర్లపాక గాంధీ. ఈ సారి కూడా తన కామెడీ ఫార్మాట్‌ను నమ్ముకుని కామెడీ, యాక్షన్ మూవీని తీశాడు. 

ఓవరాల్‌గా ‘కొరియన్ కనకరాజు’ నవ్విస్తాడు. లాజిక్స్‌తో చూస్తే మాత్రం కొన్ని చోట్ల నిరాశపర్చే అవకాశం ఉంటుంది. రొటీన్, రెగ్యులర్, ప్రెడిక్టబుల్ స్టోరీనే అయినా కామెడీ మాత్రం వర్కౌట్ అయిందని చెప్పుకోవచ్చు. పాటలు, ఫైట్స్, కడుపుబ్బా నవ్వుకునేలా కామెడీ ఉంటే చాలు అని అనుకునే వారికి మాత్రం ‘కొరియన్ కనకరాజు’ బెస్ట్ ఆప్షన్. ఈ మూవీ కమర్షియల్ సక్సెస్ రేంజ్ ఎలా ఉంటుందో తెలియాలంటే ఇంకొన్ని రోజులు వేచి చూడాల్సిందే.

వరుణ్ తేజ్ హీరోగా నటించిన ‘కొరియన్ కనకరాజు’ సినిమా థియేటర్లలో మంచి రెస్పాన్స్ అందుకోగా, హారర్ అండ్ కామెడీ డ్రామాగా తెరకెక్కిన ఈ మూవీలో, ఫుల్ ఫన్ అండ్ ఆక్షన్ ఎలిమెంట్స్ తో పాటు పాత్రల తీరు, అలాగే వాటి ఎమోషన్స్ కూడా బాగున్నాయి. వరుణ్ తేజ్, సత్యల నటన కూడా సినిమా స్థాయిని పెంచింది. అలాగే రితికా నాయక్ కూడా తన పెర్ఫార్మన్స్ తో మెప్పించింది.

ఐతే, స్క్రీన్ ప్లే లో కొన్ని చోట్ల లాజిక్ మిస్ కావడం, కొన్ని చోట్ల ప్లే స్లో కావడం వంటి అంశాలు మైనస్ అయ్యాయి. ఓవరాల్ గా ఈ సినిమా మాత్రం ఆడియన్స్ ని బాగానే ఆకట్టుకుంది. ఈ మూవీతో వరుణ్ తేజ్ కం బ్యాక్ ఇచ్చే అవకాశం ఉంది. 

ఆహార పదార్థాల్లో కల్తీ, పంట పొలాల్లో పరిమితికి మించి క్రిమిసంహారకాల వాడకం.. ప్రస్తుతం సమాజాన్ని వేధిస్తున్న తీవ్రమైన సమస్యల్లో ఇది ఒకటి. ఇలాంటి సామాజిక ప్రాధాన్యత ఉన్న అంశంతో తెరకెక్కిన సినిమా 'ది ఇండియా స్టోరీ'. అయితే "సమాజానికి అత్యంత కీలకమైన అంశాన్ని ఎంచుకున్నప్పటికీ, కేవలం ఉద్వేగాలను వాడుకోవాలనే తాపత్రయంలో దర్శకుడు కథనాన్ని దారితప్పించారు" అని విశ్లేషకులు అభిప్రాయపడుతున్నారు.

అయితే ఈ సినిమాను చూడటం అంత సులభం కాదు. థియేటర్ నుంచి బయటకు వచ్చేటప్పుడు మనసు భారంగా ఉంటుంది. ఎన్నో ప్రశ్నలు మదిలో మెదులుతుంటాయి. బహుశా మీరు తీసుకునే ఆహారం పట్ల మీ ఆలోచన కూడా మారుతుంది. ఓవరాల్‌గా చెప్పాలంటే ది ఇండియా స్టోరీ అనేది నిజాయితీతో కూడిన ఆలోచింపజేసే కోర్ట్ డ్రామా అని నెటిజన్ రివ్యూ ఇచ్చారు.

హారర్ చిత్రాలు, హారర్ కామెడీ చిత్రాలకు తెలుగులో కొదవలేదు. అదే తరహాలో కొంతకాలంగా తాంత్రిక పూజల నేపథ్యంలోనూ కొన్ని సినిమాలు వచ్చాయి. ఆ కోవలో నరబలిని బేస్ చేసుకుని వచ్చిన చిత్రాలూ ఉన్నాయి. ఈ కర్మాఖ్య కూడా అదే తరహా సినిమా. చనిపోయిన వ్యక్తులు తాంత్రిక పూజలతో తిరిగి బ్రతుకుతారనే పిచ్చి నమ్మకంతో కొందరు శవాన్ని దహనం చేయకుండా రోజుల తరబడి ఇంటిలోనే దాచిన సంఘటనలు మనం చూస్తూనే ఉన్నాం. అలాంటి ఓ ప్రయత్నం చేయాలనుకున్న కుటుంబానికి ఎలాంటి శాస్తి జరిగిందన్నది 'కర్మాఖ్య'లో చూపించారు.

అయితే సినిమాలో చాలా సన్నివేశాలూ ఏమంత ఆసక్తిని కలిగించవు. సినిమా కథంతా ఒక ఇంటి దగ్గర అక్కడక్కడే తిరగడంతో ప్రేక్షకులలో చిన్నపాటి అసహనం మొదలవుతుంది. కానీ చివరిలోని నరబలి ట్విస్ట్ ఎవ్వరూ ఊహించనిది. ఆ సన్నివేశంతో సినిమా గ్రాఫ్ అమాంతంగా పెరిగిపోతుంది. ఈ సినిమాకు 'కర్మాఖ్య' అనే టైటిల్ పెట్టడాన్ని ఆ సన్నివేశంతో జస్టిఫై చేసినట్టు అయ్యింది. చనిపోయిన వారు తిరిగి రారనే విషయాన్ని జీర్ణం చేసుకోవడం తప్ప మరో ఆప్షన్ లేదని దర్శకుడు చూపించినా... చివరలో సినిమాటిక్‌ ట్విస్ట్ తో శుభం కార్డు వేశారు. అయితే ఇలాంటి కాన్సెప్ట్ ఓరియంటెడ్‌ మూవీస్‌ ను థియేటర్లలో కంటే ఓటీటీలో చూసినప్పుడు బెటర్‌గా అనిపిస్తాయి

కామాఖ్య దేవి నేపథ్యం, మూఢనమ్మకాలు, సస్పెన్స్, క్రైమ్, ఎమోషన్స్‌ను మిళితం చేస్తూ ఈ మూవీ తెరకెక్కింది. ఈ సినిమాకు జబర్దస్త్ షో తో పాపులర్ అయిన అదిరే అభి దర్శకత్వం వహించారు.

ఓవరాల్ గా కర్మాఖ్య మూవీ ఒక మంచి కాన్సెప్ట్‌ తో వచ్చిన మిస్టరీ థ్రిల్లర్ అని చెప్పొచ్చు. మూఢనమ్మకాలపై దర్శకుడు చెప్పాలనుకున్న సందేశం ప్రశంసనీయమే.. కానీ కథనం మరింత ఆసక్తికరంగా, భావోద్వేగాలు మరింత బలంగా ఉండి ఉంటే సినిమా మరో స్థాయికి వెళ్లేదని టాక్ వినిపిస్తోంది.

అదిరే అభి(అభినయ కృష్ణ) జబర్దస్త్ వదిలేసిన తర్వాత దర్శకుడిగా నిరూపించుకునే ప్రయత్నం చేస్తున్నాడు. అంతకు ముందు `చిరంజీవ` చిత్రంతో ఆకట్టుకున్నాడు. ఇప్పుడు `కర్మాఖ్య` అనే చిత్రాన్ని రూపొందించాడు. దీని అసలు పేరు `కామాఖ్య`. కానీ సెన్సార్‌, లీగల్ ఇబ్బందుల కారణంగా `కర్మాఖ్య`గా పేరు మార్చారు. దర్శకుడు అదిరే అభి ఈ మూవీని మిస్టీరియస్‌, సూపర్‌ నేచురల్‌ థ్రిల్లర్‌గా రూపొందించారు. కామాఖ్య దేవత శక్తిని ఆధారంగా చేసుకుని, సస్పెన్స్ థ్రిల్లర్‌గా మలిచారు. అయితే బయటకు ఇది హర్రర్‌ థ్రిల్లర్‌గా కనిపించినా, హర్రర్‌ అంశాలు లేవు. అదే సమయంలో సూపర్‌ నేచురల్‌ అంశాలు కూడా లేవు. 

ట్విస్ట్ లు కూడా పెద్దగా ఇంపాక్ట్ చూపించలేదు. కాకపోతే ఇటీవల వస్తోన్న థ్రిల్లర్‌ చిత్రాలతో పోల్చితే బెటర్‌ గానే ఉంది. కొత్తరకమైన థ్రిల్లింగ్‌ ఎక్స్ పీరియెన్స్ ని ఇచ్చే ప్రయత్నం చేశారని చెప్పొచ్చు. ఓవరాల్ గా చెప్పాలంటే సరికొత్త థ్రిల్లింగ్‌ ఎక్స్ పీరియెన్స్ ని అందించే మిస్టీరియల్‌ సస్పెన్స్ థ్రిల్లర్‌ `కర్మాఖ్య`. అంచనాలు లేకుండా చూస్తే ఆకట్టుకుంటుంది. థ్రిల్‌ నిస్తుంది.

జబర్దస్త్ నటుడు (అదిరే అభి) అభినయ కృష్ణ దర్శకుడిగా తెరకెక్కించిన లేటెస్ట్ మూవీ "కర్మాఖ్య". ఈ సినిమా గురించి చెప్పుకుంటే మంచి అంచనాలతో తెరకెక్కిన ఈ మూవీ మూఢ నమ్మకాల కారణంగా జీవితాలు ఎలా నాశనం అవుతున్నాయనే పాయింట్‌ ను ఈ సినిమాలో ప్రధానంగా చెప్పడం జరిగింది. కానీ ఆడియెన్స్‌ పై ముద్ర వేసే విధంగా ముగింపు లేకపోవడం ఈ సినిమాకి మైనస్ పాయింట్. 

నటీనటులు అభిరామి, ఆనంద్, సముద్రఖని అలాగే సమైరా కొత్త అమ్మాయి అయినప్పటికీ.. కథను తన భుజాల మీద మోసింది. శరణ్య ప్రదీప్ సపోర్టింగ్‌గా నిలిచింది. నిర్మాణ విలువలు బాగున్నాయి. అయితే కథ, సన్నివేశాలపై ఇంకా బెటర్‌గా ఆలోచించి ఉంటే మంచి డివోషనల్ మిస్టరీ థ్రిల్లర్ అయి ఉండేది. జబర్దస్త్ అభి తనదైన శైలిలో వినోధభరితంగా ఈ ఎమోషనల్ సబ్జెక్ట్‌ ను చెప్పి ఉంటే.. ఆడియెన్స్‌ కు బాగా కనెక్ట్ అయి ఉండేదనిపిస్తుంది. ఎంచుకొన్న పాయింట్ బాగుంది. కానీ పూర్తి స్థాయిలో చెప్పలేకపోయారని అనడానికి పార్ట్ 2 ఉండటమే కారణంగా భావించాలి.

జబర్దస్త్ నటుడు (అదిరే అభి) అభినయ కృష్ణ దర్శకుడిగా తెరకెక్కించిన లేటెస్ట్ మూవీ "కర్మాఖ్య", థియేటర్లలో మిశ్రమ స్పందన తెచ్చుకుంది. థ్రిల్లర్ జోనర్ లో తెరకెక్కిన ఈ మూవీ డీసెంట్ అన్న రేంజ్ లోనే ఉంది. ఓవరాల్ గా చూసుకున్నట్టైతే ఈ ‘కర్మాఖ్య’ సినిమాలో అక్కడక్కడా ఎంగేజ్ చేసే థ్రిల్ ఎలిమెంట్స్ బాగా ఆకట్టుకుంటాయి.

నటీనటుల పెర్ఫామెన్స్ లను దర్శకుడు అభినయ కృష్ణ బాగా రాబట్టారు. అలానే సెకండాఫ్ ని కూడా బాగా హ్యాండిల్ చేశారు. కానీ ఫస్టాఫ్ లో కూడా ఈ మూమెంటం పూర్తి స్థాయిలో ఉంటే బాగుండేది. ఇవి పక్కన పెడితే ఈ మిస్టిక్ థ్రిల్లర్ ఈ జానర్ సినిమాలని ఇష్టపడేవారికి నచ్చుతుంది.

విష్ణు విశాల్, ఐశ్వర్య లక్ష్మీ జంటగా నటించిన 'గట్టా కుస్తీ 2' తమిళంలో థియేటర్లలో విడుదలై డీసెంట్ సక్సెస్ అవగా, తెలుగులో మాత్రం డైరెక్ట్ గా ఓటిటి లో స్ట్రీమింగ్ కి వచ్చింది. నెట్ ఫ్లిక్స్ లో విడుదలైన ఈ మూవీ మిక్స్డ్ రెస్పాన్స్ అందుకుంది. సినిమా గురించి ఓవరాల్ గా చెప్పాలంటే.. రొటీన్ ఫ్యామిలీ డ్రామాగా వచ్చిన ‘గట్టా కుస్తీ 2’ మూవీ పూర్తిస్థాయిలో మెప్పించలేకపోయింది. స్పోర్ట్స్ నేపథ్యం ఉన్నా, వీక్ రైటింగ్‌తో కథను ట్రాక్ తప్పించారు. విష్ణు విశాల్-ఐశ్వర్య లక్ష్మిల పర్ఫార్మెన్స్, కొన్ని కామెడీ సీన్స్ వర్కవుట్ అయ్యాయి. అయితే, రొటీన్ కథ, సాగదీసిన రన్‌టైమ్ ఈ చిత్రానికి మైనస్. టైమ్ పాస్ కోసం ఫ్యామిలీ ఎంటర్‌టైనర్ చూడాలనుకునే వారు ఈ చిత్రాన్ని ఓసారి ట్రై చేయవచ్చు. మిగతా వారు ఈ సినిమాను స్కిప్ చేయడం బెటర్.

కెరీర్ ని ఎప్పుడో 2015 టైంలో మొదలు పెట్టినా కూడా ఆశించిన మేర కమర్షియల్ సక్సెస్ ను అందుకోలేక పోయిన అఖిల్ అక్కినేని(Akhil Akkineni) ఎన్ని ప్రయత్నాలు చేసినా సరైనా కమర్షియల్ హిట్ ను అందుకోలేకపోయాడు…కొంత గ్యాప్ తర్వాత ఇప్పుడు కొత్త సినిమా లెనిన్(Lenin Movie)తో ఆడియన్స్ ముందుకు వచ్చాడు. ఇక సినిమా గురించి చెప్పాలంటే.. ముందుగా ఇది ఎదో రెగ్యులర్ గా సాగే కమర్షియల్ డ్రామా మూవీ కాదు. ఒక సీరియస్ రూలర్ మాస్ డ్రామా గా తెరకెక్కిన సినిమా. ఇందులో హీరో హీరోయిన్ లవ్ స్టోరీ మెయిన్ గా చెప్పినా ఊరిలో అనేక పాత్రలు, ఆ పాత్రలకు ఊహించని కొన్ని ట్విస్ట్ లు ఉంటాయి. 

వాటిని డైరెక్టర్ చాలా వరకు బాలెన్స్ చేస్తూ ఒక డీసెంట్ ఔట్ పుట్ ఇచ్చాడు. పెర్ఫార్మెన్స్ పరంగా అఖిల్ కెరీర్ లోనే ది బెస్ట్ అనిపించే రేంజ్ లో పెర్ఫార్మెన్స్ తో ఆకట్టుకున్నాడు. యాక్షన్ సీన్స్ లో కుమ్మేశాడు. హీరోయిన్ భాగ్య శ్రీ బాగానే నటించి మెప్పించింది. మిగిలిన రోల్స్ అందరూ బాగానే నటించారు. అయితే క్లైమాక్స్ ముగింపు విషాదాంతంగా ఉండడం వల్ల ఈ క్లైమాక్స్ ను ఆడియన్స్ ఎలా రిసీవ్ చేసుకుంటారు అన్నది ఇప్పుడు ఆసక్తికరం అని చెప్పాలి. ఓవరాల్ గా సినిమాలో అప్ అండ్ డౌన్స్ ఉన్నా కూడా అఖిల్ నుండి ఇది వరకు వచ్చిన మూవీస్ తో పోల్చితే మాత్రం, కచ్చితంగా లెనిన్ పెర్ఫార్మెన్స్ పరంగా టాప్ లో ఉంటుంది అని చెప్పాలి. అదే టైంలో ఆడియన్స్ మరీ ఎక్స్ పెర్టేషన్స్ ఎక్కువగా పెట్టుకోకుండా థియేటర్ కి వెళితే అఖిల్ పెద్దగా నిరాశ పరచకుండా ఆకట్టుకునే ఔట్ పుట్ తో మెప్పించే అవకాశం ఉంటుంది. 

నాగార్జున నట వారసుడిగా ఎంట్రీ ఇచ్చాడు అఖిల్‌. ఇప్పటి వరకు ఐదు సినిమాలు చేశాడు. కానీ చెప్పుకోదగ్గ హిట్‌ ఒక్కటి కూడా లేదు. దీంతో ఇప్పుడు ఎలాగైనా హిట్‌ కొట్టాలని `లెనిన్‌` మూవీ చేశాడు. ఈ చిత్రానికి మురళీ కిశోర్ అబ్బూరు దర్శకత్వం వహించారు. ఇందులో అఖిల్‌కి జోడీగా భాగ్యశ్రీ బోర్సే హీరోయిన్‌గా నటించింది. ఈ చిత్రం నేడు శుక్రవారం(జులై 10) విడుదలైంది. 

ఇక సినిమా విషయానికి వస్తే... లెనిన్‌ ఒక ఫక్తూ కమర్షియల్‌ మూవీ. మంచి డ్రామా, యాక్షన్‌, లవ్‌ స్టోరీ, ఊరి జాతర అనే సెంటిమెంట్‌, స్నేహం ఇలా అన్ని అంశాలను మేళవించి రూపొందించారు. అఖిల్‌ అక్కినేనికి ఎలాగైనా హిట్‌ ఇవ్వాలని లక్ష్యంతో నాగార్జున చేసిన ప్రయత్నం `లెనిన్‌` మూవీ అని చెప్పొచ్చు. 

సినిమాలో డ్రామా బాగా వర్కౌట్‌ అయ్యింది. ట్విస్ట్ లు బాగున్నాయి. యాక్షన్‌ ఎపిసోడ్లు అదిరిపోయాయి. బీజీఎం బాగుంది. మరోవైపు హీరోహీరోయిన్ల మధ్య వచ్చే సీన్లు కొంత వరకు ఆకట్టుకుంటాయి. కానీ చాలా వరకు స్టోరీ రొటీన్‌ గా ఉంటుంది. కథనం రెగ్యూలర్‌గానే ఉంటుంది. చాలా లాజిక్ లు మిస్‌ అయ్యారు. ట్విస్ట్ లు చాలా పెట్టినా అవి చాలా వరకు తేలిపోయాయి. అంతగా కిక్‌ ఇవ్వలేదు. దీనికితోడు ఆ ట్విస్ట్ లకు సంబంధించి ముందే హింట్‌ ఇవ్వడం కొంత మైనస్‌గా చెప్పొచ్చు. కాకపోతే కమర్షియల్‌ యాంగిల్‌లో సినిమాని నడిపించిన తీరు మాత్రం మాస్‌ లవర్స్ కి బాగా నచ్చుతుందని చెప్పొచ్చు.

అఖిల్‌ని కమర్షియల్‌ గా నిలబెట్టే మూవీ అవుతుంది. నటుడిగానూ తనని కొత్తగా ఆవిష్కరించే చిత్రమవుతుంది. మాస్‌ కమర్షియల్‌ సినిమాలను ఇష్టపడే వారికి నచ్చే చిత్రమవుతుంది. కమర్షియల్‌ గా ఎలా మెప్పిస్తుందనేది ప్రశ్న.