Movie Reviews

People Media Factory has produced Garividi Lakshmi, a Biopic based on the life of Legendary Folk Singer from Uttarandhra. The idea of making a Biopic of a Burra Katha artist itself has instilled curiosity factor on the film and Anandhi’s Live Performance of a Song created buzz for the movie.

Positives:

1.⁠ ⁠Garividi Lakshmi’s Life & Times

2.⁠ ⁠Pre-Climax & Climax Portions

3.⁠ ⁠Anandhi’s Performance

Negatives:

1.⁠ ⁠Mahanati’s storytelling pattern

2.⁠ ⁠Not so engaging first half

Finally, Garividi Lakshmi has an engaging pre-climax, climax and a few other good moments here and there. However, the not-so-engaging first half worked against the film’s overall graph. A bit more care in writing and screenplay, would have made the film great. That said, the film and the makers of it deserve our respect for their attempt to tell us the story of Garividi Lakshmi.

Bottom line: Final Act Worked. Other Two Acts, Arent

Garividi Lakshmi movie review

Highlights

Anandhi’s performance

Folk music

Drawbacks

Slow-paced narrative

Dull first half

Lack of a contemporary storytelling approach

On the whole, Garividi Lakshmi is a sincere attempt to document the life and contribution of a folk artist. However, its sluggish narrative and lack of dramatic engagement undermine the effort. Despite Anandhi’s strong performance and the effective use of folk music, the film makes for a largely tedious watch.

Bottom Line: Honest, but Boring

1990 వ దశకంలో ఉత్తరాంధ్ర ప్రాంతంలో ప్రతి ఇంటా మార్మోగిన పేరు రెడ్డి విజయలక్ష్మి అలియాస్ గరివిడి లక్ష్మి.. అలా ఓ దశాబ్దం పాటు తన జానపద గేయాలతో అలరించిన కళాకారిణి గరివిడి లక్ష్మి. అయితే తాజాగా ఆమె జీవిత కథ ఆధారంగా తెరకెక్కిన చిత్రం గరివిడి లక్ష్మి. దర్శకుడు గౌరీ నాయుడు జమ్ము తెరకెక్కించిన ఈ సినిమాలో ఆనంది హీరోయిన్ గా నటించారు.

ఇక హీరోయిన్ ఆనంది.. గరివిడి లక్ష్మి పాత్రలో జీవించిందనే చెప్పాలి. భావోద్వేగ సన్నివేశాల్లో తన నటనతో ఆకట్టుకుంది ఆనంది. ఆమెతోపాటు సీనియర్ నటుడు నరేష్, యంగ్ హీరో రాగ్ మయూర్ తమ పాత్రలకు పూర్తి న్యాయం చేశారు. అలాగే రాశి, శరణ్య ప్రదీప్ తదితరులు తమ పరిధి మేరకు మెప్పించారు. ఇక ఫస్టాఫ్ నెమ్మదిగా సాగుతుంది. అలాగే కమర్షియల్ ఎలిమెంట్స్ సినిమాలో లేకపోవడం కొంత వెలితిగా అనిపిస్తుంది. కానీ రియల్ స్టోరీస్ ఇష్టపడే వారికి ఈ మూవీ నచ్చే అవకాశం ఉంది.

సినిమాలందు బయోపిక్స్ ప్రత్యేకత వేరు. ఒక మనిషి వాస్తవ జీవితాన్ని ప్రభావవంతంగా తెరపైకి తీసుకొస్తే ఎంత గొప్ప ఫలితం వస్తుందో మహానటి లాంటి సినిమాలు రుజువు. అలా అని ప్రతి బయోపిక్ ‘మహానటి’ అయిపోదు. ప్రేక్షకులను ఆకట్టుకోదు. ఐతే సావిత్రి స్థాయిలో కాకపోయినా.. బుర్రకథ కళాకారిణి గరివిడి లక్ష్మి జీవితంలో సినిమాకు అవసరమైన నాటకీయత ఉంది. చాలామంది కళాకారులు జీవితంలో ఎంత ఎత్తు చూస్తారో.. అంత లోతుకు పడిపోతారు. దానికి గల సంఘటనలు ఏంటి? చుట్టూ ఉన్న జనాలు ఎలా మోసం చేస్తారు అని.. గరివిడి లక్ష్మి జీవితంలో జరిగిన అనేక ఉదంతాల ఆధారంగా పాటలతో, ఎమోషన్లతో ఈ సినిమాని బాగానే తెరకెక్కించారు. కథ పరంగా ‘మహానటి’ని తలపించే ‘గరివిడి లక్ష్మి’లో విషయానికేమీ లోటు లేదు. కాకపోతే కొంచెం ఓపిక చేసుకుని చూడాల్సిన సినిమా ఇది.

ఈ సినిమా స్క్రీన్ ప్లే చాలా వరకు ‘మహానటి’లాగే రాసుకున్నారు. గరివిడి లక్ష్మి కథ కూడా ఆల్మోస్ట్ సావిత్రి స్టోరీలాగే అనిపిస్తుంది. లక్ష్మి బాల్యం.. కళాకారిణిగా ఎదగడం.. తన ప్రేమ.. జీవితంలో మోసాలు.. ఇవన్నీ ‘మహానటి’ని గుర్తుకు తెస్తాయి. గరివిడి లక్ష్మి’కి ఎమోషనల్ సీన్లే ఆయువుపట్టు. పాటలు, బుర్రకథలు సింగిల్ స్క్రీన్లలో ప్రేక్షకులు బాగా ఎంజాయ్ చేస్తారు. ముఖ్యంగా ఉత్తరాంధ్ర ప్రేక్షకులు ఈ సినిమాతో బాగా రిలేటయ్యే అవకాశముంది. ఈ కథతో అందరూ కనెక్టవుతారని చెప్పలేం కానీ.. నచ్చేవాళ్లకు మాత్రం ఇది బాగా ఎమోషనల్ గా అనిపిస్తుంది.

బుర్రకథకు జన పదాలను జోడించిన లక్ష్మీ జీవితాన్ని ప్రజలకు చెప్పాలని దర్శకుడు గౌరీ నాయకుడు, నిర్మాత టీజీ విశ్వప్రసాద్, కృతి ప్రసాద్ చేసిన ప్రయత్నం బాగుంది. ఆ ప్రయత్నానికి వారు చేసిన రీసెర్చ్, కథను రూపొందించిన తీరు, తెరపైన ఎమోషనల్‌గా సన్నివేశాలను నడిపించడానికి అనుసరించిన స్క్రీన్ ప్లే ఈ సినిమాకు అత్యంత బలంగా మారింది. వీటన్నిటికి తోడు పాత్రను తెర మీద సజీవంగా పండించడంలో ఆనందిని నుంచి పెర్ఫార్మెన్స్‌ను రాబట్టుకొన్న విధానానికి దర్శకుడిని ఎంత అభినందించినా తక్కువే.

ఇక ఈ సినిమా కథ ప్రవాహాన్ని చూస్తే మహానటి సినిమా ఫార్మాట్ అనుక్షణం గుర్తుకు వస్తుంది. మరుగున పడిన అద్బుతమైన కళాకారిణి జీవితాన్ని తెరపైన ఆవిష్కరించాలనే నిర్మాతల అభిరుచి, ఈ సినిమా కోసం వారు చేసిన కృషి తెరపైన ప్రతీ సీన్‌లో కనిపిస్తుంది. ఈ సినిమా చూస్తున్న సేపు ఎమోషన్స్, జాయ్ వెంటాడుతూనే ఉంటుంది. ప్రతీ సన్నివేశంలో అభినయంతోపాటు డ్యాన్సులు, హావభావాలు, పాత్రకు తగ్గిన యాటిట్యూడ్‌ తో అదరగొట్టింది. ప్రత్యేకమైన బాడీ లాంగ్వేజ్‌ తో మెప్పించింది. ఓవరాల్ గా ఓ మంచి అనుభూతిని అందించిన సినిమాను చూశామనే సంతృప్తి కలుగుతుంది.

చిన్న స్థాయి నుంచి ఉత్తరాంధ్రను ఊపేసే స్థాయికి వెళ్లడం.. నమ్మిన వాళ్ల చేతిలోనే మోసపోవడం.. అందరూ తన పేరుని వాడుకుని చివరకు తననే అనాథలా మూలకు వదిలేయడం.. ఇలా గరివిడి లక్ష్మీలో కావాల్సినంత డ్రామా ఉంది. మామూలుగానే బయోపిక్ అంటే ఇప్పుడు అంతా కూడా ‘మహానటి’ మూవీతో పోల్చుతారు. ఈ సినిమాలోనూ అదే టెంప్లెట్ వాడుతారు. ఫస్ట్ హాఫ్ అంతా కూడా లక్ష్మి ప్రయాణమే కనిపిస్తుంది. లక్ష్మి జీవితంలోకి బుర్ర కథ ఎంట్రీ ఇవ్వడం, నేర్చుకోవడం, స్టేజ్ మీద మొదటి పర్ఫామెన్స్ ఇవ్వడం, అవమానాలు ఇలా అన్నీ ముందుకు సాగుతుంటాయి.

ఇక సెకండాఫ్‌లో గరివిడిలక్ష్మి వైభవాన్ని చూపించే ప్రయత్నం చేశాడు. ఆమె పేరుని, గాత్రాన్ని చివరకు సినీ ప్రముఖులు కూడా ఎంతలా వాడుకున్నారు.. తన పేరు చెప్పుకుని ఎవరెవరికో స్టేజ్ మీదే ప్రభుత్వ పురస్కారాలు అందుకోవడం ఇవన్నీ మనసుని కదిలిస్తుంటాయి. నమ్మిన వారే మోసం చేయడం, చివరకు అన్నీ కోల్పోయి అనాథగా మిగలడం ఇవన్నీ కూడా ప్రేక్షకుల్ని కంటతడి పెట్టించేలా ఉంటాయి. పాటలు మాత్రం థియేటర్లో ఊపును తీసుకు వస్తాయి. మాటలు అంత గొప్పగా అనిపించవు. చివరగా ‘గరివిడి లక్ష్మి’ చిత్రం ఉత్తరాంధ్ర ప్రేక్షకులకు ఎక్కువగా కనెక్ట్ అయ్యే అవకాశం ఉంది. గరివిడిలక్ష్మికి నివాళిలా అనిపించే రేంజ్‌లో సినిమా లేకపోయినా.. ఆమెకి ఇన్నేళ్లు రాని గుర్తింపుని తీసుకు వచ్చే చిత్రంగా నిలిచే అవకాశం ఉంది.

ఈ వారం థియేటర్స్ లో సందడి చేసేందుకు వచ్చిన చిత్రాల్లో ఒక ఫోక్ ఎంటర్టైనర్ గా వచ్చిన సినిమా ‘గరివిడి లక్ష్మి’ కూడా ఒకటి. టాలెంటెడ్ నటీనటులు ఆనంది, రాగ్ మయూర్, షకలక శంకర్ లు ప్రధాన పాత్రల్లో నటించిన ఈ సినిమా డీసెంట్ రెస్పాన్స్ అందుకుంది.

ఇందులో గరివిడి లక్ష్మి జీవితంలో చూసిన పతనం మంచి ప్రభావవంతంగా ఇందులో కనిపిస్తాయి. బుఱ్ఱకథ అనే కళని ఆమె తనదైన శైలిలో మార్చి తనకి తెలియకుండానే ఎలా కమిలిపోయారు అనే ఎమోషనల్ పార్ట్ ఇందులో వర్క్ అవుతుంది. ముఖ్యంగా కొన్ని ఫోక్ సాంగ్స్ థియేటర్స్ లో మాస్ ఆడియెన్స్ ని ఊగేలా చేస్తాయి. ఇక సెకండాఫ్ లో చివరి 30 నిమిషాలు చూసే ఆడియెన్ ని అలా హుక్ చేసి ఉంచుతాయి. ఈ పార్ట్ అంతా సినిమాకి, గరివిడి లక్ష్మికి న్యాయం చేసినట్టు అనిపించింది.

అయితే ఏ బయోపిక్ చూసినా సరే సాలిడ్ ఎలివేషన్స్ ఆ పాత్రకి ఉంటాయి కానీ అలాంటి సన్నివేశాలు ఇందులో డిజైన్ చేసుకోలేకపోవడం డిజప్పాయింట్ చేస్తుంది. అలాగే సినిమాలో ఫస్టాఫ్ కూడా ఏమంత ఇంపాక్ట్ కలిగించేలా లేదు. నెమ్మదిగా కథనం పికప్ అవుతూ వెళుతుంది. దీనితో చూసే ఆడియెన్ కి ఒక బయోపిక్ ఇవ్వాల్సిన హై ని ఈ చిత్రం అందించలేదు. ఇక సెకండాఫ్ లో కూడా కొంతమేర ఇదే పరిస్థితి కొనసాగుతుంది.

ఇక మొత్తంగా చూసుకుంటే ఈ ‘గరివిడి లక్ష్మి’ ప్రతీ ఒకరూ తప్పకుండా తెలుసుకోవాల్సిన ఒక చారిత్రక వ్యక్తుల కథల్లో ఒకటిగా కనిపిస్తుంది. ఒకప్పుడు తెలుగు ప్రేక్షకులని ఉర్రూతలు ఊగించిన గరివిడి లక్ష్మి కోసం ఒకప్పుడు ఉన్న సాధనాలు రీత్యా చాలామందికి తెలియకపోవచ్చు, కానీ ఆమె ‘ఎవరు’ అని ప్రపంచానికి చూపించిన సినిమా ఇది. అయితే ఈ క్రమంలో సెకండాఫ్ లో ఎమోషనల్ పార్ట్ బాగా వర్క్ అవుతుంది. పాటలు, సంగీతం, ఆనంది సాలిడ్ పెర్ఫామెన్స్, ఇతర నటీనటుల దన్ను కూడా బాగుంది కానీ ఈ తరహా బయోపిక్ లకి కావాల్సిన హై మూమెంట్స్ ఇందులో మిస్ అయ్యాయి. పైగా ఒక స్లో ఫస్టాఫ్ కూడా డల్ గా అనిపిస్తుంది. వీటిని పక్కన పెడితే ఈ తరహా బయోపిక్ లు ఇష్టపడేవారిని ఈ చిత్రం మెప్పిస్తుంది. మిగతా ఆడియెన్స్ తక్కువ అంచనాలు పెట్టుకొని ట్రై చెయ్యండి.

అసలు ‘రణబాలి’ చూశాక అర్థమైంది ఏంటంటే.. సినిమాలో విషయం ఉంది, టీమ్ పడ్డ కష్టం కనిపిస్తోంది, కానీ థియేటర్లో కూర్చున్న ప్రేక్షకుల సహనానికి మాత్రం గట్టి రోప్‌వాక్ టెస్ట్ పెట్టేశారు! 1900ల నాటి కరవు కథ అని చెప్పారు కానీ, ఆ సీన్ల కన్నా స్క్రీన్ ప్లే చూస్తూ ఉంటేనే మనకి ఆకలి, నిద్ర ఎక్కువైపోతాయి. రాజమౌళి రేంజ్‌లో రచ్చ లేపాల్సిన 'బ్రిటిషర్ల ప్యాంట్లు విప్పి కారం కూరే సీన్' ని కూడా ఏదో సీరియల్‌లో ఊరగాయ నూరినంత కూల్‌గా లాగించేశారు రాహుల్ సంకృత్యన్ సర్!

ఇక విజయ్ దేవరకొండ రాయలసీమ యాసలో రణరంగం సృష్టిస్తే, బ్యాక్‌గ్రౌండ్ మ్యూజిక్ మాత్రం సైలెంట్‌గా మెడిటేషన్ చేయిస్తుంది.రష్మిక లుక్స్, గుహ యాక్షన్ సీన్, క్లైమాక్స్ బాగున్నా.. ఆ స్లో నరేషన్ దెబ్బకి క్లైమాక్స్ వచ్చేసరికి ఆడియెన్స్ ఆల్రెడీ మైండ్ బ్లాంక్ అయిపోతారు. మొత్తానికి 'రణబాలి' ఒక మంచి ఆర్ట్ ఫిలిం విత్ ఆస్కార్ రేంజ్ ఓపిక పరీక్ష! ఫైనల్ గా తెరమీద చేసిన వాళ్ళ కష్టం పనబడింది కానీ, కూర్చోడానికి కూడా కష్టం గానే ఉంది.

రణబాలి సినిమాలో ఫస్టాఫ్‌ లో దర్శకుడు కథకు అవసరమైన నేపథ్యాన్ని ఏర్పాటు చేశాడు. రణబాలి ఎవరు, అతడి చుట్టూ ఎలాంటి పరిస్థితులు ఉన్నాయి, బ్రిటిష్ పాలనలో ప్రజలు ఎలాంటి ఇబ్బందులు ఎదుర్కొంటున్నారు అనే విషయాలను పరిచయం చేస్తూ కథను ముందుకు తీసుకెళ్లాడు. అయితే ఇక్కడే సినిమా కాస్త నెమ్మదిస్తుంది. విజయ్, రష్మిక సన్నివేశాలు, పీరియడ్ బ్యాక్‌డ్రాప్ ఆసక్తిని నిలబెట్టినా.. ఫస్టాఫ్‌ను ఇంకాస్త క్రిస్ప్‌గా ఎడిట్ చేసి ఉంటే సినిమా మరింత ప్రభావవంతంగా ఉండేది. సెకండాఫ్‌లో రణబాలి పోరాటం మరింత తీవ్రంగా మారుతుంది. దాదాపు మూడు గంటల రన్‌టైమ్ కారణంగా కొన్ని చోట్ల సినిమా సాగదీసిన భావన కలుగుతుంది. అయితే క్లైమాక్స్‌కు చేరుకునే కొద్దీ కథలో వేగం పెరుగుతుంది. విజయ్, రష్మిక పెర్ఫార్మెన్స్, యాక్షన్ ఎపిసోడ్స్, ఎమోషన్ కలిసి సినిమాను మంచి స్థాయిలో ముగిస్తాయి.

ఇక సినిమాలో 19వ శతాబ్దపు రాయలసీమ నేపథ్యాన్ని తెరపై చూపించిన విధానం, ప్రొడక్షన్ డిజైన్, సినిమాటోగ్రఫీ, వార్ సీన్స్ కూడా సినిమాకు ప్లస్ పాయింట్స్‌ గా నిలిచాయి. కథలో పెద్దగా అవసరం లేని కొన్ని సన్నివేశాలను తగ్గించి ఉంటే సినిమా మరింత క్రిస్ప్‌గా ఉండేది. స్క్రీన్‌ప్లే కూడా కొన్ని చోట్ల నెమ్మదిగా సాగుతుంది. ఫైనల్‌ గా.. భారీ అంచనాలతో వచ్చే మాస్ కమర్షియల్ ఎంటర్‌టైనర్ కంటే రణబాలి ఒక నెమ్మదిగా సాగే పీరియడ్ యాక్షన్ డ్రామా. విజయ్ దేవరకొండ పెర్ఫార్మెన్స్, విజువల్స్, ఇంటర్వెల్, క్లైమాక్స్ కోసం ఒకసారి థియేటర్‌లో చూడొచ్చు.

ఎంతో మంది ఆకలి తీర్చినది భారతదేశం. అన్నపూర్ణ లాంటి దేశంలో కరువుకు కారణమైన బ్రిటీషర్ల మీద రణబాలి ఎటువంటి యుద్ధం చేశాడు? అనేది క్లుప్తంగా చిత్రకథ. అయితే... ఆ యుద్ధం, బ్రిటీషర్లపై రణబాలి చేసిన పోరాటం, సినిమా ముందుకు వెళ్ళిన విధానం కొత్తగా అనిపించవు. అందుకు కారణం బ్రిటీషర్లపై పోరాటం చేసిన భారతీయ యోధుల కథను గతంలో తెరపై చూడటమే. ముఖ్యంగా రాయలసీమ నేపథ్యంలో 'సైరా నరసింహారెడ్డి' రావడం కూడా 'రణబాలి'కి కొంత మైనస్ అని చెప్పాలి. కథ పరంగా 'సైరా', 'రణబాలి' మధ్య వ్యత్యాసం ఉంది. ఈ సినిమాలో కరువుపై ఎక్కువ ఫోకస్ చేశారు దర్శకుడు రాహుల్ సాంకృత్యాన్. కానీ పోరాటం చేసినది మాత్రం బ్రిటీషర్లపైనే.

'రణబాలి'గా విజయ్ దేవరకొండ, జయమ్మగా రష్మిక పాత్రలను... వాళ్ళిద్దరి మధ్య సన్నివేశాలను దర్శకుడు రాహుల్ సాంకృత్యాన్ చాలా బాగా రాశారు. క్యారెక్టర్, క్యారెక్టరైజేషన్ అంటే జస్ట్ సీన్లు, డైలాగులు మాత్రమే కాదు... ఎక్స్‌ప్రెషన్స్ నుంచి బిహేవియర్ వరకు ఎలా ఉండాలో డిసైడ్ చేయడంలో రాహుల్ సాంకృత్యాన్ తన ట్యాలెంట్ చూపించారు. అయితే... నిడివి విషయంలో కాస్త తప్పటడుగు వేశారు. ఫస్టాఫ్ డీసెంట్ అనిపించినా... సెకండాఫ్ లెంగ్త్ ఎక్కువ అయ్యింది. ముఖ్యంగా నేపథ్య సంగీతం పేలవంగా సాగింది. అజయ్ - అతుల్ సంగీతంలో పాటలు బావున్నాయి. కానీ, ఆర్ఆర్ మాత్రం సినిమాను ఎలివేట్ చేయడంలో ఫెయిల్ అయ్యింది. ఇక విజయ్ దేవరకొండ నట విశ్వరూపాన్ని 'రణబాలి'లో చూడొచ్చు. విజయ్ దేవరకొండ, రష్మిక జోడీతో పాటు వాళ్ళిద్దరి సన్నివేశాలూ బావున్నాయి. దర్శకుడు రాహుల్ సాంకృత్యాన్ కథలో కొత్తదనం లేదు. కానీ, కథనంలో కొన్ని 'హై' మూమెంట్స్, గూస్ బంప్స్ వచ్చే మూమెంట్స్ ఉన్నాయి. ఈ సినిమాను మరీ తీసిపారేయలేం. అంచనాలు తక్కువ పెట్టుకుని వెళితే విజయ్ దేవరకొండ నటన నచ్చుతుంది.

1870-80 ప్రాంతంలో మద్రాస్‌, రాయలసీమ, కర్నూల్‌.. వంటి ప్రాంతాల్లో తీవ్రమైన కరువు ఓ వైపు, బ్రిటీష్‌ వాళ్లు ధాన్యాన్ని దోచుకొని వెళ్లి క్రియేట్‌ చేసిన కృత్రిమ కరువు మరోవైపు. ఇలా కొన్ని లక్షల(సుమారు 80 లక్షల) మంది ప్రజలు తిండిలేకచనిపోతారు. మరోవైపు బ్రిటీష్‌ వారిచేత చంపబడతారు. అలాంటి పరిస్థితుల్లో సింగనమల ప్రాంతంలో బ్రిటీష్‌ వారిపై రణబాలి చేసిన పోరాటమే ఈ చిత్రం అని చెప్పొచ్చు. ఇక రణబాలిగా విజయ్‌ దేవరకొండ చేసే ఫస్ట్ యాక్షన్‌ బాగుంది. విజయ్‌ పాత్ర చేసే యాక్షన్‌ కొత్తగా ఉంటుంది. అది కొంత ఓవర్‌ అనే ఫీలింగ్‌ కలుగుతుంది. క్యాంప్‌లో బ్రిటీష్‌ వారిపై రణబాలి చేసే పోరాటం గూస్‌బంమ్స్ తెప్పిస్తుంది.  

అయితే సెకండాఫ్‌ ఫ్యామిలీ ఎమోషన్స్, కరువుతో ప్రజలు అల్లాడిపోయిన పరిస్థితి, కరువు రక్షసుడికి ప్రజలు కుప్పలు తెప్పలుగా చనిపోవడం వంటి సీన్లు హృదయాన్ని కదిలిస్తాయి. జయమ్మ పాత్రకి సంబంధించిన సీన్ ఎమోషనల్‌గా ఉంటుంది. ప్రీ క్లైమాక్స్ నుంచి, క్లైమాక్స్ వరకు సినిమా మరో స్థాయికి వెళ్తుంది. క్లైమాక్స్ లో ట్విస్ట్ అదిరిపోయింది. అక్కడ పూనకాలు తెప్పిస్తుంది. బీజీఎం అదిరిపోయింది. విజయ్‌ దేవరకొండ విశ్వరూపం చూపించాడు. ఎండ్‌లో మాత్రం వాహ్‌ ఫీలింగ్‌ తెప్పిస్తాడు. కొంత కమర్షియాలిటీకి దూరంగా ఉన్నా, చివర్లో దాన్ని బ్యాలెన్స్ చేశారు. ఫైనల్‌గా.. రణబాలి మూవీ థియేటర్‌లో సర్‌ప్రైజ్‌ చేస్తుంది. నెగటివ్‌ టాక్‌ ఎక్కువగా ఉన్న నేపథ్యంలో అంచనాలు లేకుండా చూస్తే నచ్చుతుంది. విజయ్‌ ఆకట్టుకుంటాడు. ఓవరాల్‌గా ఒక పీరియాడికల్‌ ఎమోషనల్‌ యాక్షన్‌ డ్రామా `రణబాలి`. అప్పటి కరువు పరిస్థితులు మాత్రం హార్ట్ ని టచ్‌ చేస్తాయని చెప్పొచ్చు.

బ్రిటీష్‌ వారికి సింహస్వప్నంగా నిలిచిన ఉయ్యాలవాడ నరసింహారెడ్డి వీరమరణం పొందిన మూడు దశాబ్దాలకు శింగనమల బెబ్బులి రణబాలి ఆంగ్లేయులపై జరిగే అలుపెరుగని పోరాటం చేశాడు. రాయలసీమలో రణబాలి గురించి కథలు కథలుగా చెప్పుకుంటారు. అయినవారి కుట్ర కారణంగా అసువులు బాసిన రణబాలి ఆ తర్వాత భద్ర మల్లన్న రూపంలో ప్రజలకు అండగా నిలిచాడని అక్కడి వారు నమ్ముతారు. దర్శకుడు రాహుల్ సాంకృత్యన్ ఈ వీర గాథను లార్టర్ దాన్‌ లైఫ్‌ తరహాలో వెండితెరపై ఆవిష్కరించాడు. బ్రిటిషర్స్... భారతీయులను బానిసలుగా చూసిన నిజాన్ని విస్మరించి, వారు ఈ దేశంలో రైలు మార్గాలు వేశారు, విద్యాబోధనలు చేశారు అని గొప్పలు చెప్పుకొనే వారికి ఈ సినిమా ఓ చెంపపెట్టు. 

1840 నుంచి 1880 మధ్య కాలంలో భారతదేశాన్ని కృత్రిమ కరువు రక్కసి నోట్లోకి నెట్టేసి, కోట్లాది మంది భారతీయుల అకాల మరణానికి కారణం అయిన వారు ఆంగ్లేయులనే కఠోర నిజాన్ని ఆధారాలతో దర్శకుడు రాహుల్‌ ఈ సినిమాలో చూపించాడు. అయితే అదే స్థాయిలో భావోద్వేగ సన్నివేశాలను మనసు ద్రవించేలా చూపించడంలో రాహుల్ తడబడ్డాడు. దానికి తోడు కథనం చాలా నిదానంగా నడవడం కూడా కాస్తంత ఇబ్బందిని కలిగిస్తుంది. రొటీన్ ఫార్ములా జోలికి పోకుండా... ఈ దేశాన్ని పాలించిన ఆంగ్లేయుల అకృత్యాలను కళ్ళకు కట్టినట్టుగా చూపిన ఇలాంటి చిత్రాలను ప్రేక్షకులు ఆదరించాలి. అయితే చిరంజీవి నటించిన స్వాతంత్ర సమరయోధుడు 'సైరా నరసింహారెడ్డి' చిత్రం కమర్షియల్‌గా సక్సెస్ కాలేదు. ఈ పరిస్థితిలో అదే నేపథ్యంలో రూపుదిద్దుకున్న 'రణబాలి' పరిస్థితి ఏమిటనే ప్రశ్న ఉద్భవిస్తుంది. కానీ జయాపజయాలను బేరీజు వేసుకోకుండా మైత్రీ మూవీ మేకర్స్ చేసిన గొప్ప ప్రయత్నంగా 'రణబాలి'ని చూడాల్సి ఉంటుంది. మేకర్స్ పడిన కష్టానికి తగ్గ ప్రతిఫలాన్ని అందించాల్సిన బాధ్యత ప్రేక్షకుల మీద ఉంది.