Movie Reviews

మోహిత్ పెదడ, లావణ్య సాహుకార జంటగా 321 (లవ్ మ్యారేజ్ వర్సెస్ అరేంజ్డ్) మూవీ అక్టోబర్ 23న థియేటర్లలో విడుదలై యావరేజ్ రెస్పాన్స్ అందుకుంది. లవ్ మ్యారేజ్ వర్సెస్ అరేంజ్డ్ మ్యారేజ్ అనే కాన్సె్ప్ట్‌తో గతంలో చాలా చిత్రాలు వచ్చాయి. అయితే, ఒకరి అభిప్రాయాన్ని మరొకరు గౌరవిస్తూ ఈ కథను ముందుకు తీసుకెళ్లిన తీరు బాగుంది. సింపుల్ కథకు ఎంటర్‌టైన్‌మెంట్‌ను యాడ్ చేసి విధానం బాగుంది. ఈ సినిమాలో నటీనటులు కొత్తవారే అయినా, వారు మంచి ప్రతిభను కనబరిచారు. ముఖ్యంగా హీరో మోహిత్ పెడద తన పర్ఫార్మెన్స్‌తో ఆకట్టుకుంటాడు. హీరోయిన్ లావణ్య సాహుకార కూడా బబ్లీ పర్ఫార్మెన్స్‌తో ఇంప్రెస్ చేస్తుంది. 

ఈ సినిమాకు మేజర్ డ్రాబ్యాక్ ఇందులోని రొటీన్ టెంప్లేట్ కథ. ఇలాంటి కథలు చాలా సినిమాల్లో చూసిన భావన ప్రేక్షకులకు కలుగుతుంది. ఇక ఫస్ట్ హాఫ్‌లో హీరోకు లవ్ మ్యారేజ్ పై ఉన్న అభిప్రాయాన్ని వ్యక్త పరచడం.. దానికోసం హీరో, అతడి స్నేహితులు ప్రయత్నించడం వంటి సీన్స్ చాలా సాగదీతగా అనిపిస్తాయి. ఓవరాల్‌గా చూస్తే, ‘321 (లవ్ మ్యారేజ్ వర్సెస్ అరేంజ్డ్)’ అంటూ వచ్చిన ఈ చిత్రం రొటీన్ టెంప్లేట్‌తో కొంత వరకే వర్కవుట్ అయ్యే ఫ్యామిలీ ఎంటర్‌టైనర్‌గా నిలిచింది. నటీనటులు పర్ఫార్మెన్స్, ఫ్యామిలీ ఎమోషనల్ సీన్స్ ఈ సినిమాకు ప్లస్ అయ్యాయి. అయితే, స్లో గా సాగే నెరేషన్, సాగదీత సీన్స్, ఆకట్టుకోని మ్యూజిక్ ఈ చిత్రానికి మైనస్. యూత్ అండ్ ఫ్యామిలీ ఎంటర్‌టైనర్ చిత్రాలను ఇష్టపడేవారు ఈ చిత్రాన్ని చాలా తక్కువ అంచనాలతో చూడడం బెటర్.

జీవితం పట్ల సరైన అవగాహన లేని సమయంలో యువతి యువకులు ప్రేమించుకోవడం సహజం. ఒక్కోసారి వీరు హద్దులు మీరుతున్న ఉదాహరణలు ఎన్నో ఉన్నాయి. ఈ నేపథ్యంలో కథను నడిపి, చేసిన తప్పును సరిచేసుకునే యువతిగా స్వప్న పాత్రను మలిచారు కథా రచయత్రి అనురాధ ఉమర్జీ. దానిని అంతే అర్థవంతంగా తెరకెక్కించారు దర్శకురాలి స్వాతి ప్రకాశ్‌. స్వప్న మిస్‌ అయిన విషయాన్ని రెండు మూడు వర్షన్స్ గా చూపించడంతో తొలుత వ్యూవర్స్ ఏది నిజం? ఏది అబద్దం అనే విషయంలో కన్ ఫ్యూజన్‌ కు గురౌతారు. 

అయితే ద్వితీయార్థంలో విడమర్చి చూపించి అలరించేలా చేశారు. ఇక కథ ఊహించని మలుపులు తిరగడం కుతూహలాన్ని కలిగించేదే అయినా... స్లో నెరేషన్ తో అక్కడక్కడ బోర్‌ కొడుతుంది. ఇక కొత్తబంగారులోకం తర్వాత వరుణ్‌ సందేశ్‌, శ్వేతా బసు ప్రసాద్ జంటగా నటించడం ఈ సినిమాకు స్పెషల్ అట్రాక్షన్. థ్రిల్లర్ మూవీస్‌ను ఇష్టపడేవారు ఎక్కువ అంచనాలు పెట్టుకోకుండా ఒకసారి చూడొచ్చు!

మిస్టరీ థ్రిల్లర్‌ సినిమాలకు ప్రధాన బలం కథలోని అనుమానాలు, ప్రేక్షకులను తప్పుదోవ పట్టించే సన్నివేశాలు, చివర్లో వచ్చే ఊహించని మలుపులు. ‘నా వైఫ్ మిస్సింగ్‌’ కూడా ఇదే ఫార్ములాలో సాగుతుంది. భార్య కనిపించకుండా పోయిన ఘటనను కేంద్రంగా తీసుకుని, భార్యాభర్తల మధ్య ఉన్న సమస్యలను, గత ప్రేమ వ్యవహారాన్ని, పోలీసుల దర్యాప్తును మేళవింపుగా ఈ కథ నడుస్తుంది. ఫస్టాఫ్‌ లో బాలు, స్వప్నల వైవాహిక జీవితాన్ని పరిచయం చేస్తూ వారి మధ్య ఉన్న విభేదాలను చూపించారు. స్వప్న కనిపించకుండా పోయిన తర్వాత కథలో అసలు ఉత్కంఠ మొదలవుతుంది. కొన్ని సందేహాలను ప్రేక్షకుల్లో కలిగించడంలో కొన్ని సన్నివేశాలు పనిచేస్తాయి.  

సెకండాఫ్‌లో స్వప్న ఆచూకీ కోసం జరిగే ప్రయత్నాలు, పోలీసుల విచారణ, అనుమానితుల చుట్టూ తిరిగే కథనం ఇంట్రెస్టింగ్‌గా, ఉత్కంఠభరితంగా సాగుతుంది. కథలోని రెండు కీలక ట్విస్టులు ఆసక్తిని కలిగిస్తాయి. అయితే, వాటిని ప్రేక్షకులకు మరింత ప్రభావవంతంగా అందించడంలో దర్శకురాలు పూర్తిస్థాయిలో విజయం సాధించలేకపోయారు. క్లైమాక్స్‌ వేగంగా ముగియడంతో సస్పెన్స్‌ అంశాల్లోని కిక్‌ మిస్‌ అయిన ఫీలింగ్ కలుగుతుంది. అయినప్పటికీ, తరువాత ఏం జరుగుతుందనే ఆసక్తితో సినిమాను చివరి వరకు చూడవచ్చు. ఫైనల్ గా ‘నా వైఫ్ మిస్సింగ్‌’లో ఆసక్తికరమైన కథా పాయింట్‌, రెండు కీలక మలుపులు, వరుణ్ సందేశ్‌, శ్వేతా బసు ప్రసాద్‌ నటన ప్రధాన బలాలు. అంచనాలు లేకుండా ఓటీటీలో ఒక మోస్తరు మిస్టరీ థ్రిల్లర్‌ చూడాలనుకునేవారికి ఈ చిత్రం నచ్చుతుంది.

‘కొత్త బంగారు లోకం’ జోడీ వరుణ్ సందేశ్ మరియు శ్వేతా బసు ప్రసాద్ దాదాపు రెండు దశాబ్దాల తర్వాత ‘నా వైఫ్ మిస్సింగ్’ అనే థ్రిల్లర్ చిత్రం కోసం మళ్లీ కలిసి పనిచేశారు. ఇది ప్రముఖ ఓటీటీ ప్లాట్‌ఫామ్ ఆహాలో స్ట్రీమింగ్‌కు వచ్చింది. ఈ చిత్రానికి స్వాతి ప్రకాష్ మంత్రిప్రగడ దర్శకత్వం వహించారు. ఇక సినిమా విషయానికి వస్తే.. ఈ సినిమాలో రెండు కీలకమైన ట్విస్ట్లు ఉన్నాయి, వాటిని బాగా రాసుకున్నారు. ప్రారంభ సన్నివేశాలు హీరో, హీరోయిన్ ఇద్దరిపై అనుమానం కలిగించేలా ఉంటాయి, ఆ క్షణాలు బాగా వర్కౌట్ అయ్యాయి. వరుణ్ సందేశ్ మరియు శ్వేతా బసు ప్రసాద్ ఇద్దరూ తమ పాత్రల్లో చక్కగా నటించారు. తమ పాత్రలపై అనుమానం కలిగించడంలో వారు విజయవంతమయ్యారు. 

ఈ చిత్రంలో ట్విస్ట్లు బాగా పండాలంటే బలమైన ఎమోషన్స్ అవసరం. ఒక పాత్ర మరొక కీలక పాత్ర అసలు ఉద్దేశాలను తెలుసుకుని హఠాత్తుగా మారిపోతుంది, దాంతో ఆ సన్నివేశం ఆశించిన స్థాయిలో ప్రభావం చూపదు. మొత్తంగా చూస్తే, ‘నా వైఫ్ మిస్సింగ్’ కొన్ని ఎంగేజింగ్ సీన్స్ కారణంగా కొంతమేర మాత్రమే ఆకట్టుకుంటుంది. వరుణ్ సందేశ్, శ్వేతా బసు ప్రసాద్ తమ పాత్రలకు న్యాయం చేశారు. అలాగే రెండు ట్విస్ట్లు బాగున్నాయి. అయితే, సినిమాకి మరింత ఎమోషనల్ డెప్త్‌ అవసరమైంది. రన్ టైమ్ తగ్గించాలన్న ఆలోచన వల్ల చిత్రం తాలుకు పూర్తి ప్రభావం ప్రేక్షకుడిపై పడలేదు. కోర్ట్ రూమ్ డ్రామాలను ఇష్ట పడేవారికి ఈ సినిమా కొంతవరకే కనెక్ట్ అవుతుంది.

పెళ్లికి ముందే ప్రేమ వ్యవహారం, వివాహేతర సంబంధం లాంటి అంశాలతో ఫ్యామిలీ డ్రామాగా డిజైన్ చేసిన దర్శకురాలు స్వాతి ప్రకాశ్.. ఈ కథలోకి క్షుద్ర పూజలు, బ్లాక్ మ్యాజిక్ లాంటి అంశాలను తీసుకొచ్చిన విధానం కొత్తగా ఉంటుంది. కిడ్నాప్ డ్రామాతో మొదలుపెట్టి ఈ సినిమాను అనేక మలుపు తిప్పిన విధానం ఈ మూవీలో ప్లస్ పాయింట్. కానీ రొటీన్, రెగ్యులర్ తరహాలో స్క్రీన్ ప్లే ఉండటం వల్ల మంచి పాయింట్‌ తో తీసిన సినిమాలో కొన్ని థ్రిల్లింగ్ ఎలిమెంట్స్ మిస్ అయ్యాయనే ఫీలింగ్ కలుగుతుంది. కొత్తగా సన్నివేశాలు, పక్కాగా స్క్రీన్ ప్లేతో ఈ కథను చెప్పి ఉంటే.. ఇంకా బెటర్ రిజల్ట్ వచ్చి ఉండేదనిపిస్తుంది. 

తెలుగు ప్రేక్షకులు మెచ్చిన బాలు, స్వప్న క్యారెక్టర్లను కథలోకి తెచ్చిన విధానం, అలాగే కమెడియన్ ప్రవీణ్‌ ను కొత్తగా చూపించిన తీరు విషయంలో డైరెక్టర్ విజన్‌ ను మెచ్చుకోవాల్సిందే. ఈ సినిమా కోసం సాంకేతిక విభాగాలను వాడుకొన్న తీరు దర్శకురాలి ప్రతిభకు అద్దం పట్టిందనే చెప్పాలి. ఈ సినిమాకు బ్యాక్ గ్రౌండ్ స్కోర్ బలంగా మారింది. సినిమాటోగ్రఫి, ఎడిటింగ్ విభాగాల పనితీరు ఫర్వాలేదు. అయితే కథ, కథనాలపై ఇంకాస్త దృష్టి పెట్టి ఉండే.. బెస్ట్ కిడ్నాప్, బ్లాక్ మ్యాజిక్ థ్రిల్లర్‌ డ్రామాగా మారి ఉండేది. ఆహా ఓటీటీలో స్ట్రీమింగ్ అవుతున్నది. తగినంత సమయాన్ని కేటాయించి ఒకేసారి చూసేయండి.. మంచి ఫీల్ కలిగే అవకాశం ఉంది.

లేడీస్ కాలేజీ మొత్తం మీద ఒక్కడే కుర్రాడు - దర్శకుడు యువరాజ్ చిన్నసామి ఈ పాయింట్ మీద హైకూ సినిమా స్టార్ట్ చేశాడు. అమ్మాయిలను అబ్బాయిలు ర్యాగింగ్ చేయడం పలు సినిమాల్లో చూశాం. బట్, ఫర్ ఏ ఛేంజ్... అబ్బాయిని అమ్మాయిలు ర్యాగ్ చేసే సన్నివేశాలు వినోదాత్మకంగా సాగాయి. అమ్మాయిల మధ్యలో హీరో పడే తిప్పలు నవ్విస్తాయి. అయితే... ప్రేమలో పడిన తర్వాత వచ్చే కులం పట్టింపులు వంటివి రొటీన్ అనిపిస్తాయి. మనసులో మరొకని ఉంచుకుని తన మీద చూపించే ప్రేమ వద్దనుకునే అమ్మాయి నివి కథగా 'హైకూ' మారుతుంది. 

బ్రేకప్ తర్వాత మళ్ళీ ప్రేమలో పడిన కథతో కొన్ని సినిమాలు వచ్చాయి. 'హైకూ' స్పెషాలిటీ ఏమిటంటే... బ్రేకప్ తర్వాత గతంలో ప్రేమించిన అమ్మాయిని గుర్తు పెట్టుకుని, ఆమె విషయంలో చేసిన తప్పులు తన దగ్గర రిపీట్ చేయకుండా ఉండటాన్ని నివి సహించలేకపోతుంది. వేరొకరి ప్రేమ తనకు వద్దంటుంది. ఆ పాయింట్ బావున్నా ఎగ్జిక్యూట్ చేయడంలో దర్శకుడు యువరాజ్ ఫెయిలయ్యాడు. యువరాజ్ చిన్నసామి కథకు, సినిమాకు సిద్ధూ కుమార్ సంగీతం ప్లస్ అయ్యింది. ఈతరం యువత, ముఖ్యంగా 'జెన్ జి'కి ప్రేమలో చేసే తప్పుల గురించి మెసేజ్ ఇచ్చే సినిమా 'హైకూ'. వినోదంతో పాటు సందేశం బావుంది. అయితే ఎమోషన్స్ హార్ట్ టచింగ్‌గా తీసి ఉంటే బావుండేది. రొమాంటిక్ కామెడీ జానర్స్ ఇష్టపడే ప్రేక్షకులు ఎక్కువ అంచనాలు పెట్టుకోకుండా వెళితే ఎంజాయ్ చేయవచ్చు. కాసేపు నవ్వుకుని రావచ్చు.

స్నేహితురాలిగా పరిచయమై, ప్రేయసిగా మారిన అమ్మాయితో బ్రేకప్‌.. మూవ్‌ ఆన్‌ అయ్యి మరో అమ్మాయితో ప్రేమ.. మరో పక్క మాజీ ప్రేయసి జ్ఞాపకాలతో సతమతమవుతున్న ఓ యువకుడి కథను హైకూ గా తెరపై ఆవిష్కరించాలనుకున్నాడు దర్శకుడు. ఆయన కథలో కాన్‌ఫ్లిక్ట్‌ బావున్నా... ఎగ్జిక్యూషన్‌లో గజిబిజి చేసేశారు. సినిమాలో ఒకే సీన్స్‌ రిపీట్‌ అయిన భావన కలుగుతుంది. అయితే మనో, నివేదా పాత జ్ఞాపకాలకు స్వస్తి చెప్పి కొత్త జీవితానికి నాంది పలకాలనుకునే సమయంలో పాత జ్ఞాపకాలు ఎలా వెంటాడాయి అన్నది ఆసక్తికరంగా, భావోద్వేగంగా చూపించారు. కానీ ప్రేమ సన్నివేశాల్లో బలంగా చెప్పాల్సిన విషయాన్ని తేలిపోయినట్లు చేశారు. 

నటీనటుల నుంచి చక్కని నటనను మాత్రం తీసుకున్నాడు దర్శకుడు. లవ్‌స్టోరీగా చూస్తే ఇదేమీ కొత్త కథకాదు కానీ.. సీన్లుగా చూస్తే దర్శకుడు చూపించిన ప్రతిభ ఆకట్టుకుంటుంది. ఈ ప్రేమకథలో కులాల అంతరాలు గురించి చూపించి చిన్న సందేశం ఇచ్చారు. ఏగెన్‌ మనో పాత్రకు యాప్ట్‌గా నిలిచారు. బ్రేకప్‌తో నలిగిపోయిన ప్రేమికుడిగా చక్కని భావోద్వేగాలు పండించారు. తెలుగమ్మాయి శ్రీదేవి కొడి పాత్రలో ఆకట్టుకుంది. ఫెమినా జార్జ్‌ కూడా క్యూట్‌గా కనిపిస్తూనే నివి పాత్రకు న్యాయం చేసింది. ఇక లవ్‌స్టోరీకి కావలసిన సంగీతం అందించారు మ్యూజిక్‌ డైరెక్టర్‌ సిద్దూ కుమార్‌. కథ, కథనం రొటీన్‌గానే ఉన్నా.. యంగ్‌స్టర్స్‌ ఆ లోపాన్ని కొంతలో కొంత సరిదిద్దారు. అక్కడక్కడా ఫ్యామిలీ వాల్యూస్‌తో జెన్‌జీ బ్యాచ్‌కు నచ్చేలా ఈ సినిమా తీశారు. అయితే పూర్తిగా తమిళ వాసనతో ఉన్న ఈ సినిమా తెలుగు ప్రేక్షకులను ఏ మేరకు మెప్పిస్తుందనేది చూడాలి.

బ్రేకప్‌ తో జీవితం అతలాకుతలమైన ఓ అబ్బాయి, ఓ అమ్మాయి ప్రేమలో పడితే.. వారి పాత జీవితం వారిని ఎలా వెంటాడుతుందనే మంచి ఎమోషనల్ పాయింట్‌ను బేస్ చేసుకొని దర్శకుడు యువరాజ్ చిన్నస్వామి రాసుకొన్న ఈ హైకూ కథ బాగుంది. కొంత మేరకు కథ, కొన్ని సన్నివేశాలు రెగ్యులర్‌గా ఉన్నప్పటికీ.. కొంత పాయింట్స్, డిఫరెంట్ యాంగిల్‌లో రిలేషన్స్‌ను చూపించిన విధానం బాగుంది. మనో, జాబిలి ప్రేమ కథ సమాజ కట్టుబాట్లతో నేటి తరం యువత ఆలోచన, జీవితంపై వారి అంచనాలను చక్కగా చూపించే ప్రయత్నం చేశారు. ఇక ప్రియుడి వేధింపులతో ప్రేమ బంధంపై విరక్తి పెరిగిన అమ్మాయిగా నివేదా పాత్ర భావోద్వేగంగా సాగుతుంది. 

ఇలాంటి ప్రేమలో విఫలమైన ఇద్దరు కలిసి మళ్లీ లవ్ జర్నీ చేయాలనుకొన్న సమయంలో వారి గత అనుభవాలు వారిని ఎలా ఆడుకొన్నాయి? అనే పాయింట్ కథకు మరింత బలంగా కనిపించింది. సెకండాఫ్‌లో శ్రీదేవీ, ఫెమీనా జార్జ్ పాత్రలతోపాటు ఏగెన్ చూపించిన నటనతో ఈ సినిమా జెన్ జీని ఆకట్టుకొనే ప్రేమ కథగా నిలిచేలా చేసింది. ఈ సినిమాకు మ్యూజిక్, సినిమాటోగ్రఫి, ఎడిటింగ్ విభాగాల పనితీరు బాగుంది. సిద్దూ కుమార్ బ్యాక్ గ్రౌండ్ స్కోర్, పాటలు కూడా బాగున్నాయి. పియూష్ గురుస్వామి సినిమాటోగ్రఫి సినిమాకు ఫీల్ గుడ్‌గా మారింది. ఇది జెన్ జీ కేటగిరీ లవ్ స్టోరీ మాత్రమే కాదు.. మంచి ఫ్యామిలీ వాల్యూస్ ఉన్న సినిమా. కథ, కథనాలు రొటీన్‌గా ఉన్నప్పటికీ.. యంగ్ టాలెంట్ ఆ లోపాన్ని సరి చేసింది. ప్రేమ కథా చిత్రాలను ఇష్టపడే వారికి ఈ సినిమా తప్పకుండా నచ్చుతుంది. 

తొలి ప్రేమ, కాలేజీ జ్ఞాపకాలు, విడిపోయిన బంధాలు, కొత్తగా జీవితంలోకి వచ్చే వ్యక్తుల మధ్య భావోద్వేగాలు.. ఇవన్నీ ప్రేమకథలకు ఎప్పుడూ ఆసక్తికరమైన అంశాలే. అయితే, ఇలాంటి కథను ప్రేక్షకులకు కొత్తగా చెప్పడంలోనే దర్శకుడి ప్రతిభ కనిపిస్తుంది. అలాంటి ప్రయత్నంతో ప్రేక్షకుల ముందుకు వచ్చిన చిత్రమే `హైకూ`. ఈ సినిమా కథలో ప్రధానంగా కనిపించే అంశం ప్రేమలో ఎదురయ్యే మార్పులు, గత అనుభవాలు మనిషి నిర్ణయాలను ఎలా ప్రభావితం చేస్తాయన్నది. మొదటి ప్రేమలో కలిగే అనుభూతులు, విడిపోయిన తర్వాత మిగిలే జ్ఞాపకాలు, మరో వ్యక్తి జీవితంలోకి వచ్చినప్పుడు కలిగే సందిగ్ధతను కథలో చూపించే ప్రయత్నం చేశారు. ఒక ఫీల్‌ గుడ్‌ ఎమోషనల్‌ లవ్‌ స్టోరీగా దీన్ని తెరకెక్కించారు. అయితే, ఆ భావాలను ప్రేక్షకులకు బలంగా చేరవేయడంలోనే సినిమా కొంత వెనుకబడింది.

సినిమాలో క్లైమాక్స్ ఆకట్టుకునేలా ఉంటుంది. ముగింపు మాత్రం ఊహించినట్టుగానే ఉంటుంది. అయితే కథని ఎత్తుకున్న తీరు బాగుంది, కొత్తగా ఉంది. ఆ తర్వాత రొటీన్‌లోకి వెళ్లిన ఫీలింగ్ కలుగుతుంది. అదే సమయంలో లవ్‌ లో డెప్త్, ఫీల్‌ ఎమోషన్స్ ఇంకా బాగా పండితే సినిమా అదిరిపోయేది. ప్రేమలోని కొత్త కథలను ఆవిష్కరించే `హైకూ`. చివరగా ఒక ఫీల్‌గుడ్‌ ఎమోషనల్‌ ఎంటర్‌టైనర్‌గా ఆకట్టుకునే చిత్రమవుతుంది.

ప్రేమ కథల్లో ఎంత సంఘర్షణ ఉంటే.. ఆడియెన్స్‌కి అంతగా కనెక్ట్ అవుతుంది. ఎమోషన్స్, కాన్ ఫ్లిక్ట్ అనేదే ప్రేమ కథకు ప్రధాన అంశంగా నిలుస్తుంది. హైకూ చిత్రంలో అవే దాదాపుగా మిస్ అయ్యాయ్ అన్నట్టుగా కనిపిస్తుంది. అమ్మాయిల కాలేజ్‌లో అబ్బాయి జాయిన్ అవ్వడం అనే పాయింట్ కొత్తగా ఉంటుంది. ఇంకో అమ్మాయిని ప్రేమించి, ఆమెనే తల్చుకుంటూ ఉండే అబ్బాయి జీవితంలోకి రీప్లేస్‌గా ఉండటం ఇష్టం లేని అమ్మాయి పాయింట్ ఆఫ్ వ్యూ బాగానే అనిపిస్తాయి. అయితే పూర్తి సినిమాగా చూసుకుంటే మాత్రం హైకూ అందరినీ ఆకట్టుకోలేదనిపిస్తుంది. దర్శకుడు ఎంచుకున్న పాయింట్ బాగానే ఉన్నా.. తీసిన విధానం, జనాలకు కనెక్ట్ చేయడంలో మాత్రం తడబడినట్టు అనిపిస్తుంది.

అయితే సినిమాలో ఇంటర్వెల్‌ కి బ్రేకప్ సీన్ ఉంటుందని అందరూ ఊహించేస్తారు. అలా ఊహకు అందేలానే చాలా సీన్స్ సాగుతుంటాయి. ఇక సెకండాఫ్ అంతా కూడా ఎమోషనల్‌ గానే సాగుతాయి. అయితే ప్రేమ జంటలోని ఎమోషన్‌ను మాత్రం ఆడియెన్స్ ఫీల్ అవ్వకపోవచ్చు. ఇంకెంత సేపు అక్కడక్కడే తిప్పుతార్రా బాబు అన్నట్టుగా కనిపిస్తుంది. అయితే ప్రేమలో అబ్బాయి ఎలా ప్రవర్తించాలి? అమ్మాయి ఆత్మగౌరవం కోసం ఎలా ఫైట్ చేయాలి.. ఎలా తన కోసం తాను నిలబడాలి అన్నది మాత్రం చక్కగా చూపించారు. ఓవరాల్‌గా ‘హైకూ’.. రెగ్యులర్ కమర్షియల్ డ్రామా అయితే కాదు. లవ్ స్టోరీలను ఇష్టపడే ప్రేక్షకులకు కొంత మేరకు నచ్చే అవకాశం ఉంది. హాస్యం, ప్రేమ, స్నేహం చుట్టూ తిరిగే ఈ ‘హైకూ’ తెలుగులో ఎంత వరకు సక్సెస్ అవుతుందో చూడాలి.

‘కోర్ట్’ ఫేమ్ శ్రీదేవి ఆపళ్ళ తమిళ ఇండస్ట్రీకి ఎంట్రీ ఇస్తూ, ఏగన్ సోలో హీరోగా పరిచయమైన తమిళ రోమ్ కామ్ చిత్రమే ‘హైకూ’. తమిళంతో పాటు తెలుగులోనూ విడుదలైన ఈ చిత్రం యావరేజ్ రెస్పాన్స్ అందుకుంటుంది. ఇక హీరోగా మొదటి చిత్రమే అయినప్పటికీ యువ నటుడు ఏగన్ తన పాత్ర పరిధి మేరకు డీసెంట్ నటనను కనబరిచాడు. యంగ్ హీరోయిన్ శ్రీదేవి ఆపళ్ళ పరిణతితో కూడిన అభినయంతో ఆకట్టుకుంది. ఫెమినా జార్జ్ పక్కింటి అమ్మాయి తరహా పాత్రలో ఒదిగిపోతూ, తన బబ్లీ యాక్టింగ్‌తో అక్కడక్కడా కాస్త సరదాగా నవ్విస్తుంది.

అయితే ఈ రోమ్ కామ్ లో అసలు ఎలాంటి ఫ్రెష్ నెస్ లేదు. అదే పాత చింతకాయ పచ్చడి ఫార్మాట్ కథా కథనాలు ఇందులో కనిపిస్తాయి. ఏళ్లుగా చూస్తున్న అత్యంత రొటీన్ కథ కావడం ఈ సినిమాకు ప్రధాన మైనస్. దర్శకుడు తాను చెప్పాలనుకున్న పాయింట్‌ను స్పష్టంగా తెరపై చూపించడంలో తడబడ్డాడు. ఫీల్‌గుడ్ అనుభూతిని పంచాల్సిన సన్నివేశాలు కాస్తా సాగదీతగా మారి బోర్ కొట్టిస్తాయి. మొత్తంగా చెప్పాలంటే, ‘హైకూ’ పెద్దగా ఆకట్టుకోలేకపోయిన రొటీన్ లవ్ డ్రామాగా నిలిచింది. హీరో హీరోయిన్లుగా ఏగన్, శ్రీదేవి అపళ్ళ తమ పాత్రల పరిధి మేరకు బాగానే చేసినప్పటికీ.. పసలేని కథ, కథనం, పాత్రల్లో లోపించిన స్పష్టత సినిమాను దెబ్బతీశాయి. ముఖ్యంగా సెకండ్ హాఫ్‌లో రిపీటెడ్ సీన్లతో సాగదీత పెరిగి బోర్ కొట్టిస్తుంది. వీటితో ఈ వారం థియేటర్లలో వేరే ఆప్షన్స్ చూసుకోవడమే మంచిది.

విమ్స్‌ మెడికల్‌ కాలేజ్‌లో పాడుబడ్డ ఓ హాస్టల్‌ అది. 15 ఏళ్ల తర్వాత దాన్ని తెరవడం.. అందులోని ఓ గదిలో ఆత్మ.. దానికో కథ ఇది సింపుల్‌గా ఈ సినిమా స్టోరీ. ఆరుగురు మరణంతో మొదలైన కథ దానికి ముందు ఏం జరిగిందనే ఆసక్తి కలగజేస్తుంది. అక్కడి నుంచి కథ ఆ హాస్టల్‌కి వచ్చిన నలుగురు కుర్రాళ్ల చుట్టూ తిరుగుతుంది. 417 గదిలో వివేక్‌ కు ఎదురైన సంఘటనలు మరింత ఉత్కంఠకు గురిచేస్తాయి. విరామం తర్వాత యక్షగాన కళాకారిణి దేవిక తెరపైకి వస్తుంది. ఆమె కళను వదిలి పెళ్లి చేసుకోవడం, పిల్లల్ని కనాలనుకోవడం వంటి సన్నివేశాలను హృద్యంగా తెరకెక్కించారు. 

సినిమాలో హారర్‌ ఎలిమెంట్స్‌ను బాగా రాసుకున్నారు. కానీ.. మిగతా కథను తెరపై ఆవిష్కరించడంలో డైరెక్టర్ తడబడ్డాడు. సినిమా ప్రారంభం నుంచి విరామం తర్వాత 20 నిమిషాల వరకూ ఒక ఫ్లోలో నడిచిన కథ.. 418 గది ఓపెన్‌ చేయాలనే ప్రయత్నం చేసే సమయానికి గజిబిజి అయిపోయింది. సీన్‌కి సీన్‌కి పొంతన లేకుండా పోయింది. ఏవేవో సీన్స్‌ వస్తాయి... కన్‌ఫ్యూజ్‌ చేస్తుంటాయి. అయితే హారర్‌ సినిమాల కథలు దాదాపుగా ఇదే యాంగిల్‌లో ఉంటాయి. దానిని తెరపై ఎంత ఉత్కంఠగా చూపించాం అన్నది ముఖ్యం. దర్శకుడు కీర్తన్‌ నాదగౌడ ప్రతి సీన్‌లోనూ ఉత్కంఠ క్రియేట్‌ చేశాడు. కానీ.. చెప్పాలనుకున్నది మాత్రం స్ట్రెయిట్‌గా చెప్పలేకపోయాడు. కన్‌ప్యూజ్‌ చేశాడు. మొత్తం మీద హారర్‌ సినిమాలను ఇష్టపడేవారికి ఓ మాదిరి నచ్చే ఆస్కారం ఉంది.

ట్యాగ్‌లైన్‌: వణుకు పుట్టించే గది!