Movie Reviews

కిల్లర్ మూవీలో కాంప్లికేటెడ్ స్క్రీన్ ప్లే, డిఫరెంట్ టేకింగ్, టూమచ్ ఆఫ్ టెక్నాలజీ విషయాలు, సైంటిఫిక్ నేరేషన్ లాంటి అంశాలు తెరపైకి వస్తుండటంతో సాధారణ ప్రేక్షకుల మాదిరిగా.. అన్ని సినిమాలను చూసే మూవీ కాదని వెంటనే అర్ధమవుతుంది. రెగ్యులర్ సినిమాలా చూడకుండా ఎక్కువగా దృష్టి పెట్టాల్సిన సినిమా అనే సంకేతాలను దర్శకుడు ఇచ్చాడు. అయితే రక్ష రాయ్‌ గా జ్యోతి పూర్వజ్‌ను పరిచయం చేసి.. ఆ తర్వాత నాలుగు రకాల అవతారాల్లో చూపిస్తూ మెదడుకు పని పెట్టే ప్రయత్నం చేశాడు. అయితే కథలో ఎక్కడా క్లూ వదలకుండా పక్కాగా స్క్రిప్ట్ రాసుకోవడం ఈ సినిమాకు ప్లస్ పాయింట్. అయితే ఇన్వెస్టిగేషన్ ఆఫీసర్ (డైరెక్టర్ పూర్వజ్) పాత్ర గొడవ కాస్త ఎక్కువ కావడం వల్ల కథ వేగానికి అడ్డుపడినట్టు అనిపిస్తుంది.  

సెకండాఫ్‌లో రెండు ట్విస్టులు సినిమాకు బలంగా మారాయని చెప్పాలి. ఈ సినిమా బడ్జెట్, మేకింగ్ వాల్యూస్, వీఎఫ్ఎక్స్ వర్క్ చూస్తే మంచి క్వాలిటీతో, అనుసరించిన టెక్నాలజీ విలువలు చాలా రిచ్‌గా అనిపిస్తాయి. రెగ్యులర్ సినిమా కాదు.. ఓ డిఫరెంట్ అటెంప్ట్ చేశారనే ఫీలింగ్‌ను దర్శకుడు కలిగించడం సక్సెస్ అయ్యాడు. టెక్నికల్, సైంటిఫిక్ ఫిక్షన్ సినిమాలను ఇష్టపడే వారికి కిల్లర్ సినిమా తప్పకుండా నచ్చుతుంది. ఈ వారం మీరు చూడాలనుకొనే సినిమాల్లో ఈ మూవీని కూడా చేర్చుకోవచ్చు.

విభిన్నమైన కాన్సెప్ట్‌లతో ప్రేక్షకులను పలకరించే దర్శకుడు పూర్వాజ్ తెరకెక్కించిన తాజా సైన్స్ ఫిక్షన్ థ్రిల్లర్ చిత్రం ‘కిల్లర్’. జ్యోతి పూర్వజ్ ప్రధాన పాత్రలో నటించగా, దర్శకత్వ బాధ్యతలతో పాటు ఓ కీలక పాత్రలోనూ పూర్వాజ్ నటించగా ఆడియన్స్ నుండి మిక్స్డ్ రెస్పాన్స్ అందుకుంది. ​సినిమా కోసం ఎంచుకున్న సైన్స్ ఫిక్షన్ పాయింట్ మరియు ప్రయోగాత్మక నేపథ్యం ఆసక్తికరంగా అనిపిస్తుంది. ప్రేక్షకులకు కొత్తదనాన్ని అందించాలనే దర్శకుడు ప్రయత్నం అభినందనీయం. ప్రధాన పాత్రలో నటించిన జ్యోతి పూర్వజ్ తన పాత్రకు తగినట్టుగా మంచి నటనను కనబరిచారు.

ఈ సినిమాను స్టార్ట్ చేసిన తీరు చాలా గందరగోళంగా సాగడం సినిమాకి పెద్ద మైనస్. అలాగే స్లో గా సాగే కథనం ప్రేక్షకుల సహనాన్ని పరీక్షస్తుంది. స్క్రీన్ ప్లేలో పట్టు లేకపోవడంతో ప్రేక్షకులు కథతో సరిగ్గా కనెక్ట్ కాలేకపోతారు. ఫస్ట్ హాఫ్ లో ఎఫెక్ట్ చాలా కనిపిస్తుంది. ఓవరాల్ గా చెప్పాలంటే, ‘కిల్లర్’ మూవీ సై ఫై యాక్షన్ జోనర్ లో వచ్చినా వీక్ ఎగ్జిక్యూషన్ వల్ల ప్రేక్షకులకు కొన్ని సీన్స్ వరకే కనెక్ట్ అవుతుంది. నటీనటుల పెర్ఫార్మన్స్, కొన్ని యాక్షన్ సీన్స్ ప్లస్ అయ్యాయి. కన్ఫ్యూజ్ చేసే ఫస్ట్ హాఫ్, సెకండ్ హాఫ్ లో వచ్చే రిపీటెడ్ సీన్స్, ఎంగేజ్ చేయని స్క్రీన్ ప్లే ఈ సినిమాకు మైనస్. కంటెంట్ ఎలా ఉన్నా, సై ఫై చిత్రాలను ఇష్టపడేవారు ఈ సినిమాను చాలా తక్కువ అంచనాలతో చూడటం బెటర్.

‘కల్ట్‌’ తో విశ్వక్‌సేన్‌ మరోసారి రెండు పడవల మీద కాలేశాడు. ఈ చిత్రంలో హీరోగా నటించడమే కాకుండా దర్శకుడిగానూ బాధ్యతలు తీసుకున్నాడు. యాక్షన్‌ స్లాషర్‌ సైకలాజికల్‌ థ్రిల్లర్‌గా ఈ చిత్రాన్ని తెరకెక్కించాడు. జానర్‌ వినడానికి కొత్తగా ఉన్న కథ మాత్రం రొటీన్‌ రివెంజ్‌ డ్రామానే. సినిమా ఏదన్నా కొత్తగా ఉంటుందని ఆశిస్తే అక్కడ కూడా తలలు, మొండాలు, చేతులు, కాళ్లు నరకడంతోనే సరిపోయింది. ఇదంతా రొటీన్‌ రివెంజ్‌ లా సాగుతుంది. పోలీస్‌ డిపార్ట్‌మెంట్‌, సెంట్రల్‌ కమాండోల ఎంట్రీ సీన్స్ కు అసలు లాజక్‌ ఉండదు. క్లైమాక్స్‌ ఫైట్‌ అయితే మరీ కామెడీగా ఉండి ప్రేక్షకులను మరీ అండర్ ఎస్టిమేట్ చేసినట్లు అనిపిస్తుంది.

నటుడిగా విశ్వక్‌సేన్‌కు పేరు పెట్టక్కర్లేదు. గత చిత్రాల్లో మాదిరి ఓవరాక్షన్‌ ఏమీ లేకుండా పోలీస్‌ ఆఫీసర్‌గా బాగానే చేశాడు. అరవింద్‌ విశ్వనాథన్‌ సినిమాటోగ్రఫీ బాగుంది. రవి బస్రూర్‌ సంగీతం సినిమాకు ఎసెట్‌. సినిమా అంతా ఒకే సెట్‌లో జరుగుతుంది. ప్రయోగాలు చేయడం, కథను కొత్తగా చెప్పాలనుకోవడం మంచి ప్రయత్నమే. కానీ తీసుకున్న పాయింట్‌ను తెరపై ఆవిష్కరించడం కూడా ఎంతో ముఖ్యం. ఆ విషయంలో దర్శకుడుగా విశ్వక్ పూర్తిగా విఫలం అయ్యాడు. హింస, రక్తపాతం బాగా ఎక్కువ. నిజానికి ఈ సినిమాకు సెన్సార్ గ్రీన్ సిగ్నల్ లభించటమే ఆశ్చర్యకరమైన విషయం. ఇక చివరిలో కల్డ్‌ యూనివర్స్‌ కొనసాగుతుందని సీక్వెల్‌ కు లీడ్‌ కూడా ఇచ్చారు. అసలు ఈ తొలి యత్నానికి విజయం లభిస్తేనే కదా... సీక్వెల్స్ ఉండేది. 

ఇండియాలోనే మొదటి స్లాషర్ మూవీ అంటూ విశ్వక్ సేన్ కల్ట్ సినిమాను ప్రమోట్ చేసినా కూడా సినిమా లో అవసారానికి మించిన వాయిలెన్స్ మరీ ఎక్కువ అవ్వడంతో ఒక స్టేజ్ తర్వాత అదంతా బరించడం కొంచం కష్టమే అయింది…హీరో ఎంట్రీ కూడా లేట్ అవ్వగా, అప్పటి దాకా సినిమాలో వాయిలెన్స్ మరీ ఎక్కువ అవ్వడంతో చాలా కష్టంగా అనిపిస్తుంది..కొన్ని సీన్స్ బాగుండగా ప్రీ ఇంటర్వెల్ నుండి ఇంటర్వెల్ ఎపిసోడ్ లు బాగానే వర్కౌట్ అవ్వగా మళ్ళీ సెకెండ్ ఆఫ్ లో కొంత టైం తర్వాత సినిమా ఊపు అందుకోవడం మొదలు పెట్టగా, క్లైమాక్స్ వరకు అసలు విలన్ మోటో ఏంటి ఈ హత్యలు ఎందుకు జరిగుతున్నాయి. హీరో వీటన్నింటినీ ఎలా ఆపాడు అన్నది ఓవరాల్ గా బాగానే చూపించాడు. ఉన్నంతలో విశ్వక్ సేన్ అగ్రెసివ్ రోల్ లో మరోసారి మెప్పించగా డైలాగ్స్ అండ్ హీరోయిజం సీన్స్ బాగానే వర్కౌట్ అయ్యాయి. 

ఎడిటింగ్ అండ్ బ్యాగ్రౌండ్ పర్వాలేదు అనిపించినా వాయిలెన్స్ డోస్ అయితే ఎక్కువే అయింది….సినిమాలో అప్ అండ్ డౌన్స్ ఉన్నా కూడా వాయిలెన్స్ ను తట్టుకుని సెకెండ్ ఆఫ్ లో బెటర్ కంటెంట్ ఉండటంతో ఓవరాల్ గా ఎండ్ అయ్యే టైంకి, ఓకే అనిపించేలా సినిమా ఎండ్ అవుతుంది. ఓవరాల్ గా ఇలాంటి కాన్సెప్ట్ ను స్క్విడ్ గేమ్ లాంటి సిరీస్ లలో చూసిన ఆడియన్స్ కి తెలుగు సినిమాలో ఇలాంటివి చూడటం కొత్తే అయినా కూడా ఓవరాల్ గా వాయిలెన్స్ ను తట్టుకుని చూస్తె ఒకసారి చూడొచ్చు అనిపించవచ్చు. ఓవరాల్ గా సినిమాకి మా రేటింగ్ 2.5 స్టార్స్.

'సార్... నాది నేను లేపుకుంటా! నన్ను ఎవరూ లేపక్కర్లేదు. మీరు స్ట్రెస్ తీసుకోకండి' - ఓ ఈవెంట్‌ లో విశ్వక్ సేన్ చెప్పిన ఈ మాట వైరల్ అయ్యింది. ఆయనపై విమర్శలు వచ్చాయి. ఆ మాటను మళ్ళీ 'కల్ట్'లో వాడారు. ట్రైలర్‌ లోనూ ఆ మాట ఉంది. హీరో క్యారెక్టర్ తాలూకా యాటిట్యూడ్, డెప్త్ చెప్పడం కోసం ఆ మాట మళ్ళీ వాడినట్టు విశ్వక్ సేన్ చెప్పారు. దాంతో ఆయన హిట్ ట్రాక్ ఎక్కడం ఖాయమని ప్రేక్షకులు భావించారు. కానీ సినిమా చూస్తే మొత్తం రివర్స్ ఉంది. 'కల్ట్' ప్రచార చిత్రాల్లో కొరియన్ సర్వైవల్ థ్రిల్లర్, నెట్‌ ఫ్లిక్స్ సిరీస్ 'స్క్విడ్ గేమ్' ఛాయలు కనిపించాయి. 

సినిమా చూశాక ఆ సిరీస్‌ తో కంపేర్ చేయడం కష్టమే. యాక్షన్ బ్లాక్స్ రెండు బాగా రాశారంతే. అసలు ఎందుకు చంపుతున్నారు? చంపుతున్నది ఎవరు? అనే ట్విస్ట్ అసలు ఎగ్జైట్ చేయలేదు. దర్శకుడిగా విశ్వక్ సేన్ తన మార్క్ చూపిన సన్నివేశాలు ఒకట్రెండు తప్ప పెద్దగా కనిపించలేదు. కథ, క్యారెక్టర్ల కంటే యాక్షన్ మీద ఎక్కువ నమ్మకం పెట్టుకున్నారు విశ్వక్ సేన్. తెరపై రక్తం ఏరులై పారే విధంగా యాక్షన్ సీక్వెన్సులు తీస్తే ప్రేక్షకులు చూస్తారని భావించినట్టు ఉన్నారు. రవి బస్రూర్ నేపథ్య సంగీతం కొన్ని సన్నివేశాల్లో ఓకే. కెమెరా వర్క్, ప్రొడక్షన్ వేల్యూస్, ఎడిటింగ్ - కథకు తగ్గట్టు ఉన్నాయి. దర్శకుడిగా కంటే కథానాయకుడిగా 'కల్ట్'కు ఎక్కువ న్యాయం చేశారు విశ్వక్ సేన్. ఆయన స్టైలింగ్, యాక్టింగ్ బావున్నాయి. ఓవరాల్ గా 'స్క్విడ్ గేమ్' తరహాలో ఎమోషనల్ యాక్షన్ థ్రిల్లర్ తీయాలని విశ్వక్ సేన్ చేసిన ప్రయత్నం ఆకట్టుకునేలా లేదు. ఆయన నటన, ఇంటర్వెల్ తర్వాత వచ్చే యాక్షన్ బ్లాక్స్ పర్వాలేదు. అందుకోసం సినిమా చూడటం కష్టమే.

Vishwak Sen once again wielded Megaphone for #Cult after Falaknuma Das and Das Ka Dhamki. He is also the writer of the film. This time he chose to make India’s First Slasher film which also boasts of 150 newcomers in the supporting roles.

Positives:

Vishwak Sen’s Performance

Background Score

A Few Action Blocks

Negatives:

A Very Predictable Story

Excessive Gore

Very Convenient Antagonist Track

Cult has a few good, well-shot action blocks and a good background score but apart from these two things, there’s not much the film can offer. Vishwak Sen’s intent to come up with a fresh genre is for sure to be appreciated. People who like films in niche genres, may like the film to an extent but others, may find it yet another film that glorifies blood and gore.

Bottom line: ‘Predictable’ Cult

Rating: 2/5

‘కల్ట్’ ప్రోమోలు చూసినపుడే ఇది కొరియన్ వెబ్ సిరీస్ ‘స్క్విడ్ గేమ్’ స్ఫూర్తితో తెరకెక్కిన సినిమా అని అర్థమైపోతుంది. ఐతే ‘స్క్విడ్ గేమ్’లో వయొలెన్స్ వెనుక బలమైన రీజన్ ఉంటుంది. తెర మీద క్యారెక్టర్ల తరహాలోనే మనమూ భయపడతాం. కానీ ‘స్క్విడ్ గేమ్’ కాన్సెప్టును తెలుగైజ్ చేస్తూ విశ్వక్సేన్ తీసిన ‘కల్ట్’లో మాత్రం ఎక్కడా ఎమోషన్ అన్నదే లేదు. ఉత్కంఠకూ ఛాన్స్ లేదు. ఏదో తమాషా గేమ్ నడుస్తున్నట్లు ఉంటుందే తప్ప.. భయం-ఉత్కంఠకు అవకాశం లేకపోయింది. అవయవాలు తెగిపడే సీన్లు చాలా కృత్రిమంగా.. జుగుప్ప కలిగేలా తీయడం.. కథ ఏమాత్రం ముందుకు కదలకుండా ఎంతసేపూ ఆ సీన్లే రిపీట్ అవుతుండడంతో ‘కల్ట్’ తొలి గంటలో తీవ్ర అసహనం కలిగిస్తుంది. మనుషులు రకరకాలుగా చస్తుంటారు. తెరంతా రక్తంతో తడిసిపోతుంటుంది. ఆ ఘోరాలన్నీ చూడలేక కాసేపు కళ్లు మూసుకుని మళ్లీ తెరిచినా కథ మాత్రం ముందుకు కదలదు. అక్కడే ఉంటుంది. 

ఇక సినిమాలో ఈ హత్యల వెనుక అసలు కారణం తెలిశాక మాత్రం అందులో ఎంతమాత్రం లాజిక్ కనిపించదు. ప్రతీకారం తీర్చుకునే పాత్ర మీద ప్రేక్షకులకు ఆపేక్ష కలగనపుడు.. తనతో ఎమోషనల్ కనెక్షన్ ఏర్పడనపుడు పేఆఫ్ సీన్లు పండవు. ‘కల్ట్’లో కూడా అదే జరిగింది. చివరి ముప్పావు ‘కల్ట్’ కొంచెం ఎంగేజింగ్ గానే నడిచినప్పటికీ.. అంతకుముందు కలిగిన అసహనాన్ని భర్తీ చేసే స్థాయిలో అయితే సినిమా లేదు. బలమైన ఎమోషన్ లేకపోయినా అల్ట్రా వయొలెంట్ సీన్లను ఎంజాయ్ చేస్తాం అనుకున్న వాళ్లే ‘కల్ట్’ వైపు చూడాలి. బాబోయ్ హింస అనుకునేవాళ్లు దీనికి దూరంగా ఉండాల్సిందే.

డైరెక్టర్ విశ్వక్సేన్ విషయానికి వస్తే.. తన చివరి డైరక్టోరియల్ మూవీ ‘దాస్ కా ధమ్కీ’లో మాదిరే ఇక్కడ కూడా ట్విస్టుల మీద.. అలాగే బ్యాక్ స్టోరీ మీద ఎక్కువ ఆధారపడ్డాడు. కానీ తాను తీసిన తొలి రెండు చిత్రాలతో పోలిస్తే.. ఇందులో సరైన పాత్రలు- సన్నివేశాలు రాసుకోలేకపోయాడు. ఏమాత్రం ఎమోషన్ లేకుండా హింసాత్మక సన్నివేశాలను పేర్చుకువెళ్లడంతో ‘కల్ట్’ కంగాళీగా తయారైంది.

'కల్ట్' ఇంతకీ ఇదేం జానర్ సినిమానయ్యా విశ్వక్ సేనూ అంటే.. స్లాషర్ అనే హాలీవుడ్ జానర్ అని.. అదో కొత్త అనుభూతి అని చెప్పారు కానీ.. ఆ తెల్లవాళ్లకి నచ్చే జానర్ మన తెలుగు వాళ్లకి అంతగా అయితే కనెక్ట్ కాదు. స్లాషర్ జానర్ అంటే.. బ్లడ్ బాత్ సీన్లే ఎక్కువ ఉంటాయి. కల్ట్ సినిమాలో బ్లడ్ బాత్ కాదు.. పై నుంచి ప్రేక్షకులపై బ్లడ్ షవర్ పెట్టినట్టే అనిపిస్తాయి. రక్తపాతంతో తడిపేశారు. స్లాషర్ జానర్‌కి డార్క్ కామెడీ జోడించడం వరకూ ఒకే కానీ.. ప్రేక్షకుడు ఎక్కడ థ్రిల్ ఫీల్ అవ్వాలి? ఎక్కడ నవ్వాలి? ఎక్కడ ఉత్కంఠ పెంచాలి? అనే మూడింటినీ బ్యాలెన్స్ చేసినప్పుడే ఈ డిఫరెంట్ జానర్ మూవీస్ ఆడియన్స్‌కి కనెక్ట్ అవుతాయి. లేదంటే ఏ ఎమోషన్‌కి కనెక్ట్ కాలేక కన్ఫ్యూజన్‌లో ఉండిపోతారు. ‘కల్ట్‌’‌తో అలాంటి కన్ఫ్యూజన్‌కి గురిచేశారు.

వీక్‌ హార్టెడ్‌ పీపుల్స్, చిన్న పిల్లలు ఈ సినిమా చూడటానికి రావద్దని విశ్వక్ సేన్ ఇందుకేనా ముందే చెప్పారు అన్నట్టుగా ఉంటాయి కొన్ని దారుణమైన నరుకుడు సీన్లు. ఇది ఖచ్చితంగా వైల్డ్ ఫిల్మ్.. ఈ సినిమా 49 శాతం క్రెడిట్ నేను తీసుకుంటా.. 51 శాతం మ్యూజిక్ డైరెక్టర్ రవి బస్రూర్‌కి ఇస్తానని చెప్పారు విశ్వక్ సేన్. నిజమే.. ఈ సినిమాలో సాంగ్స్ ఏమీ లేవు.. కేవలం బ్యాగ్రౌండ్ మ్యూజిక్‌పైనే కథనం నడుస్తుంది. విశ్వక్ సేన్‌కి మాత్రం 49 శాతం క్రెడిట్ ఇవ్వలేం. పాస్ మార్కులు కూడా కష్టమే. విశ్వక్ సేన్ సినిమా అంటే బూతులు మస్ట్.. మరి ఈ సినిమాకి కూడా బూతులు అత్యవసరం అని అనుకున్నారేమో కానీ.. ఎడిటర్ రవితేజ గిరిజాల అలాగే వదిలేశారు. ఓవరాల్‌గా ‘కల్ట్’‌.. ఇది విశ్వక్ సేనుడి హింసాత్మకం. అందరికీ నచ్చదు. ఫ్యామిలీ ఆడియన్స్‌ అయితే దూరంగా ఉండటమే మంచిది.

కల్ట్ సినిమా కథ విషయానికి వస్తే.. ఎలాంటి కథ, ఎమోషన్స్ లేకుండా హింస, రక్తపాతం అంశాలే టార్గెట్‌గా సన్నివేశాలను అల్లుకొన్నాడు. ఓ రాత్రి పబ్‌లో జరిగే బర్త్ డే పార్టీలో జరిగిన గొడవలు, డేంజరస్ గేమ్ చుట్టూ సాగే కథను దర్శకుడిగా మారి విశ్వక్ సేన్ ఓ ప్రయోగమే చేశాడని చెప్పవచ్చు. అయితే దాదాపు 30 నిమిషాల తర్వాత డీఎస్పీ సంకల్ప్‌గా విశ్వక్ సేన్ ఎంట్రీ ఇచ్చేంత వరకు సినిమాలో ఎలాంటి ఇంట్రెస్టింగ్ ఎలిమెంట్స్ గానీ, కదలిక లేకపోవడం వల్ల సాదాసీదాగా కథ సాగుతుంది. విశ్వక్ ఎంట్రీ ఇచ్చిన తర్వాతైనా కథలో బలమైన సన్నివేశాలు లేకపోవడం, సినిమాను ముందుకు నడిపించడానికి హీరో, విలన్ మధ్య పోటాపోటీగా సరైన సన్నివేశాలు లేకపోవడంతో రోటీన్‌గా ఉందని చెప్పుకోవడానికైనా అవకాశం లేకపోయింది. 

ఇక సెకండాఫ్‌లో కూడా అదే తీరు కొనసాగింది. చివర్లో స్వల్పింగ సంపర్కుల ఎపిసోడ్‌ లో కొంత మేరకు ఎమోషన్స్ కనిపించాయనిపిస్తుంది. అంతకు మించి ఈ సినిమాలో చెప్పుకోవడానికి ఘనతలు గానీ, గొప్ప అంశాలు లేవనే స్పష్టంగా కనిపిస్తాయి. ఫైనల్ గా ఉన్నంతలో విశ్వక్ సేన్ అన్ని రకాల భారాలను మోశాడు. తన కష్టం స్క్రీన్ మీద కనిపించినప్పటికీ.. కథ, కథనాలు పేలవంగా ఉండటంతో ఫలితం లేకుండా పోయింది. ఈ సినిమాకు రవి బస్రూర్ బ్యాక్ గ్రౌండ్ స్కోర్ ప్లస్ పాయింట్. ప్రొడక్షన్ వాల్యూస్ ఫర్వాలేదనిపిస్తాయి. ఈ సినిమా కథ, కథనాలపై మరింత దృష్టిపెట్టి.. నేటి తరం ఆడియెన్స్‌ను టార్గెట్ చేసుకొని సినిమా తీసి ఉంటే.. నిజంగానే కల్ట్ సినిమా అనిపించుకొనే అవకాశాలు ఉండేవి. మితీమీరిన హింస, రక్తపాతంతో ఉండే యాక్షన్ సినిమాలను ఎంజాయ్ చేసే వారు ఓ సారి చూడొచ్చు.

తెలుగులో స్లాషర్‌ యాక్షన్‌ థ్రిల్లర్‌ చిత్రాలు ఇప్పటి వరకు రాలేదని చెప్పొచ్చు. విశ్వక్‌ సేన్‌ తెలుగు ఆడియెన్స్ కోసం ఈ ప్రయోగం చేశాడు. ఇది మన ఆడియెన్స్ కి కొత్త ఎక్స్ పీరియెన్స్ అని చెప్పొచ్చు. ఇంటెన్స్ యాక్షన్‌ థ్రిల్లర్‌గా కల్ట్ ని తెరకెక్కించాడు విశ్వక్‌ సేన్‌. అయితే ప్రయోగం బాగుంది. కానీ దాన్ని చుట్టూ అల్లుకున్న కథ అంతగా కన్విన్సింగ్‌గా లేదు. ఇలాంటి స్లాషర్ మూవీలకు కథ పెద్దగా ఉండదు, స్క్రీన్‌ ప్లే మెయిన్‌ ఇంపార్టెంట్‌. దాన్ని ఎంత బాగా తీస్తే అంత బాగా వస్తుంది, ఆకట్టుకుంటుంది. ఈ విషయంలో విశ్వక్‌ కొంత తడబడ్డాడు. సినిమాలో యాక్షన్‌ వీరోచితంగా ఉంటుంది. రక్తపాతం ఏరులై పారేలా ఉంటుంది. 

హీరో కూడా నిస్సాహాయ స్థితిలో ఉన్న నేపథ్యంలో కథనం స్లో అయిపోతుంది. బోరింగ్‌ గా అనిపిస్తుంది. ఆ తర్వాత అసలు ట్విస్ట్ రివీల్ కావడం బాగుంది. క్లైమాక్స్ లో దానికి కారణం చెబుతారు. ఫినిషింగ్‌ మాత్రం సాగదీసినట్టుగా ఉంది. సౌండ్‌ ఓవర్‌గా అనిపించింది. కాకపోతే అందులో జీవిం లేదు. దర్శకుడు విశ్వక్‌ సేన్‌ చేసిన ప్రయత్నం బాగుంది. కానీ దాన్ని మన ఆడియెన్స్ కి ఆకట్టుకునేలా తెరకెక్కించడంలో మాత్రం కొంత తడబాటు కనిపిస్తుంది. యాక్షన్‌కి సంబంధించిన పెయిన్‌ మిస్‌ అయ్యింది. ఫైనల్‌ గా సినిమాలో హింస తప్ప ఎమోషన్‌ లేదు. అదే పెద్ద మైనస్‌. కానీ టెక్నీకల్‌గా బాగుంది. విశ్వక్‌ సేన్‌ చేసిన కొత్త ప్రయత్నంగానే మిగిలిపోతుంది.

మన మాస్ కా దాస్ విశ్వక్ సేన్ గారు ఈసారి గట్టిగా కంబ్యాక్ ఇవ్వాలని డిసైడ్ అయి, ఏకంగా కొరియన్ వాళ్ల ‘స్క్విడ్ గేమ్’ ప్యాకెట్‌ను విప్పేసి, దానికి గోవా మసాలా దట్టించి ‘కల్ట్’ అని పేరు పెట్టేశారు. కథ విషయానికి వస్తే.. 300 మంది కుర్రాళ్ళు గోవా పబ్‌లో చిల్లు చొక్కాలు వేసుకుని కేరింతలు కొడుతుంటే, సడన్‌గా మాస్కులు వేసుకున్న కొంతమంది వచ్చి ప్రాణాంతకమైన డెత్ గేమ్ స్టార్ట్ చేస్తారు. ఇక అందరినీ కాపాడటానికి మన డీఎస్పీ విశ్వక్ సేన్ లేట్‌గా ఐనా లేటెస్ట్‌గా ఎంట్రీ ఇచ్చి, పబ్‌లోని విలన్లను తుక్కు తుక్కుగా నరికేస్తుంటారు. యాక్షన్ సీన్స్, రవి బస్రూర్ హెవీ బీజీఎమ్ వరకు ఓకే గానీ.. రెడ్‌లైట్-గ్రీన్ లైట్ ఆడే లోపే ఫస్ట్ హాఫ్‌లోనే మ్యాటర్ మొత్తం లీక్ అయిపోతుంది!

సెకండాఫ్‌లో ఎమోషన్ ఉందా అంటే లేదు, కిక్ ఇచ్చే సస్పెన్స్ ఉందా అంటే అస్సలు లేదు! రక్తం మాత్రం లీటర్ల కొద్దీ స్క్రీన్ మీద పారుతుంటుంది. ఫ్యామిలీ ఆడియన్స్ అయితే ఈ వైలెన్స్ చూసి థియేటర్ బయటికే పరుగులు తీస్తారు. విశ్వక్ సేన్ డైరెక్షన్ అండ్ యాక్షన్ ఓకే గానీ, స్క్రీన్‌ప్లే మాత్రం కొరియన్ డ్రామాకి తెలుగు రొటీన్ బిస్కట్ వేసినట్టు అనిపిస్తుంది. ఓన్లీ బ్లడ్ & వైలెన్స్ లవర్స్ అయితే ఓ లుక్కేయండి! ప్రస్తుతానికి మాత్రం కల్ట్ కష్టపెట్టింది. 

విశ్వక్‌ సేన్‌ మరోసారి దర్శకుడిగా మారి రూపొందించిన చిత్రం `#కల్ట్`. ఇందులో ఆయనే హీరో. గాయత్రీ భరద్వాజ్‌ హీరోయిన్ గా నటించింది. కాగా ఈ రోజు రిలీజ్ అయిన ఈ చిత్రం యావరేజ్ టాక్ తెచ్చుకుంది. అయితే ఈ కల్ట్ సినిమాలో వైల్డ్ యాక్షన్ ఎలిమెంట్స్ అండ్ క్లైమాక్స్ లో వచ్చే మెయిన్ స్టోరీ థీమ్ బాగున్నాయి. తన పాత్రలో విశ్వక్ సేన్ బాగానే నటించాడు. అలాగే ‘వైల్డ్ యాక్షన్ అండ్ కొన్ని చోట్ల ఎమోషనల్ ఎలిమెంట్స్’ కూడా పర్వాలేదు. కానీ విపరీతమైన హింసతో పాటు సినిమాలో విపరీతంగా బ్లడ్ షెడ్ కూడా ఎక్కువ అయిపోయింది. సినిమా ప్రమోషన్స్ లో కూడా సినిమా ఇలాగే ఉండబోతుంది అని చెప్పారు కాబట్టి, కుటుంబ ప్రేక్షకులకు, సున్నితమైన మనస్తత్వం ఉన్నవారికి ఈ సినిమా కనెక్ట్ కాదు. వాళ్ళు ఈ సినిమాకి వెళ్లకపోవడమే మంచిది. 

మొత్తానికి కథలో చెప్పాలనుకున్న మెయిన్ థీమ్ తో పాటు కీలక సన్నివేశాల్లో మంచి పనితీరుని కనబర్చిన దర్శకుడు విశ్వక్ మిగిలిన కొన్ని సన్నివేశాల్లో మాత్రం నెమ్మదిగా కనిపించారు. స్లాషర్‌ జోనర్ లో #కల్ట్ అంటూ వచ్చిన హై వోల్టేజ్ ఇంటెన్సివ్ యాక్షన్ డ్రామాలో… విశ్వక్ నటన, వైల్డ్ యాక్షన్ సీన్స్ అండ్ క్లైమాక్స్ బాగున్నాయి. ఐతే, సినిమాలో బలమైన ఎమోషన్, కాన్ ఫ్లిక్ట్ ఉన్నప్పటికీ… ఆ ఎమోషన్ లో, ఆ కాన్ ఫ్లిక్ట్ లో ప్రేక్షకుడు ఇన్ వాల్వ్ అయ్యేంతగా.. అవి సరిగ్గా కనెక్ట్ కాలేదు. దీనికితోడు స్క్రీన్ ప్లేలో ఇంట్రెస్టింగ్ ఎలిమెంట్స్ మిస్ అయ్యాయి. ఓవరాల్ గా యాక్షన్ లవర్స్ ను మాత్రమే ఈ చిత్రం కొన్ని చోట్ల ఆకట్టుకుంటుంది.