Movie Reviews

రామాయణ తెలిసిన కథనే అయినా విజువల్ గా మాత్రం ప్రతీ సీన్ గ్రాండియర్ కానీ టేకింగ్ కానీ ఎక్స్ లెంట్ లెవల్ లో మెప్పించాయి అని చెప్పాలి. కొన్ని చోట్ల గ్రాఫిక్స్ క్వాలిటీ తగ్గినట్లు అనిపించినా కూడా ఓవరాల్ గా ఎక్కువ శాతం సినిమా విజువల్స్ ఆడియన్స్ ను మరో ప్రపంచంలో ఉన్నట్లు ఫీల్ అయ్యేలా చేస్తుంది. రాముడిగా రణబీర్ కపూర్ బాగా మెప్పించాడు. సీతగా సాయి పల్లవి ఆకట్టుకుంది. కానీ రావణాసురుడిగా యష్ మాత్రం ఫుల్ మార్కులు కొట్టేశాడు. ఆ రోల్ కి తను తప్ప ఎవరూ చేయలేరు అనిపించేలా మెప్పించాడు యష్. సినిమాలో సంగీతం బ్యాగ్రౌండ్ స్కోర్ మరీ అంచనాలను మించలేదు కానీ పర్వాలేదు అనిపించేలా ఆకట్టుకుంది. ఎడిటింగ్ అండ్ స్క్రీన్ ప్లే మాత్రం స్లో నరేషన్ తో ఉంటుంది . 

మోషన్స్ ను ఎక్కువగా చూపించాలి అనుకున్నారు కానీ తెలిసిన కథే అవ్వడంతో ఆ ఎమోషన్స్ మరీ అనుకున్న రేంజ్ లో పండలేదు. అలాగే ఆ సీన్స్ కొంచం డ్రాగ్ అయినట్లు కూడా అనిపించింది. కానీ ఎప్పటికప్పుడు విజువల్స్ ఎక్స్ లెంట్ గా ఉండటంతో, ఇలా డ్రాగ్ అయిన సీన్స్ ఉన్నా కూడా సినిమా ఓవరాల్ గా ఓ విజువల్ వండర్ నే చూసిన ఫీలింగ్ కలిగింది. సినిమా క్లైమాక్స్ పోర్షన్ కూడా ఎక్స్ లెంట్ గా విజువల్ గా మెప్పించి సెకెండ్ పార్ట్ పై అంచనాలను పెంచింది. ఓవరాల్ గా సినిమా లెంత్ ఒక్కటి ఎక్కువ అవ్వడం మ్యూజిక్ అండ్ బ్యాగ్రౌండ్ స్కోర్ అనుకున్న రేంజ్ లో లేకపోవడం లాంటివి డ్రా బ్యాక్స్ అయినా కూడా సినిమా మొత్తం విజువల్స్ అండ్ టేకింగ్ తో చివరి వరకు కూర్చోబెట్టి ఎంజాయ్ చేసేలా చేశారు.

అయితే ఈ సినిమాలో మాత్రం ఇలా రావణుడి నుంచి కథ మొదలు పెట్టి.. సరిగ్గా సీతాపహరణంతో కథని ఆపారు. అంటే ఈ పార్ట్‌లో సీతాపహరణం వరకూ మాత్రమే ఉంటుందన్నమాట. మిగిలిన కథని రెండవ పార్ట్‌లో చూపిస్తారు. నిజానికి ఈ రామాయణం సినిమాపై చాలానే వివాదాలు చుట్టుముట్టాయి. రావణుడిపై సాయిపల్లవి, రెహమాన్ లాంటి వ్యక్తులు చేసిన కామెంట్లపై చాలా ట్రోల్స్ కూడా వచ్చాయి. అలానే యానిమల్ లాంటి సినిమాలు చేసిన రణబీర్ కపూర్ రాముడిగా ఎలా నటిస్తాడనేది అందరూ ఉత్కంఠగా చూశారు. అయితే సినిమా చూస్తున్నంతసేపు మాత్రం ఎక్కడా రణబీర్ కపూర్ కనిపించలేదు. అంతలా మనల్ని కథలో లీనమయ్యేలా చేసిన క్రెడిట్ మాత్రం నితీష్ తివారీకే దక్కుతుంది.

రావణుడి అధికార దాహం, ఆకలి, కోపం, క్రోథం, ఆవేశం, దర్పం, ఠీవి, రూపం ఇలా అన్నీ తన ముఖంలో కనిపించేలా అయితే యష్ న్యాయం చేశాడు. అయితే ఇక్కడ కాస్త సినిమాటిక్ లిబర్టీ తీసుకొని సీతతో కూడా కొన్ని యాక్షన్ సీన్లు చేయించారు. సినిమాని ఈ స్థాయిలో నిలబెట్టింది మాత్రం రెండే రెండు విషయాలు. ఒకటి బ్యాక్ గ్రౌండ్ స్కోర్. ఇక రామాయణాన్ని జెన్ జీకి దగ్గరయ్యేందుకు వాడిన సాంకేతికత, AI వాడకం కూడా సినిమాకి, చూపించిన కథకి బలాన్ని ఇచ్చింది. ఓవరాల్‌గా చెప్పాలంటే రామాయణం.. ఎన్నిసార్లు చూసినా, ఎన్నిసార్లు విన్నా, ఎన్నిసార్లు చదివినా.. మళ్లీ మళ్లీ చూడాలనిపిస్తుంది.. చూస్తే బావుండు అనిపిస్తుంది. కనుక ఆ కథకి ఇబ్బంది కలగకుండా రామాయణాన్ని ఇప్పుడున్న టెక్నాలజీతో కలిసి ఒక దృశ్య కావ్యంగా తెరపై ఆవిష్కరించే ప్రయత్నంలో అయితే వీళ్లు ఫెయిల్ అవ్వలేదు. పార్ట్ 2 కోసం ఎదురుచూసేలా చేయడంలో అయితే టీమ్ సక్సెస్ అయింది. కనుక పిల్లలతో, ఫ్యామిలీతో కలిసి మరోసారి రామాయాణాన్ని మనసారా, కనులారా చూసి రండి.

నితీశ్ తివారీ, నమిత్ మల్హోత్రా తెరకెక్కించిన విజువల్ వండర్ ‘రామాయణం పార్ట్ 1’ నేడు థియేటర్లలోకి వచ్చింది! రణ్‌బీర్ కపూర్ రాముడిగా, యష్ రావణుడిగా, సాయి పల్లవి సీతగా అద్భుతమైన పెర్ఫార్మెన్స్ ఇచ్చారు. అయితే సినిమాలో విశ్వామిత్రుడు “బాలా-అతిబాలా” విద్యల గురించి చెప్పిన సీన్ లేకపోవడం, రాముడు మానవుడైనప్పటికీ కొండలు దూకేస్తూ, చెట్లు ఎక్కేస్తూ, గ్రద్ద కాలు పట్టుకుని వేలాడుతూ ఆకాశంలో ఎగిరేస్తూ చిత్ర విచిత్ర వానర విన్యాసాలు చేయించడం వంటి చిన్న చిన్న లోపాలు ఉన్నప్పటికీ, 3Dలో చూస్తే ఇదొక నెక్స్ట్ లెవెల్ థియేట్రికల్ అనుభూతిని అందిస్తుంది.

(VFX), ఏ.ఆర్. రెహమాన్ - హాన్స్ జిమ్మర్ బీజీఎం, జటాయువు ఫైట్ సీన్లు హాలీవుడ్ రేంజ్‌లో ఉన్నాయి. ఏ పాత్ర గౌరవాన్ని తగ్గించకుండా జెన్-జీ (Gen-Z) ఆడియన్స్‌ని ఆకట్టుకునే మేకింగ్ వర్కౌట్ అయింది. అయితే ఇందులో ఉన్న ఒక్కటే మైనస్ ఏమిటంటే.. హనుమాన్ సాక్షాత్కారం రెండో భాగంలోనే ఉండబోతోంది. 2027 దీపావళి అనుకున్నా, 2028కి గానీ రాదని టాక్ ఉండటంతో రెండో పార్ట్ కోసం చాలా కాలం వెయిట్ చేయక తప్పదు.

తెలుగు సినిమా తెరపైన రామాయణం కథను ఎన్నో రకాలుగా చూసి ఉంటాం. కానీ తెలుగులో వచ్చిన రామాయణ కథలకు భిన్నంగా దర్శకుడు నితీష్ తివారీ ఎంచుకొన్న కథ, అనుసరించిన కథనాలు కొత్తగా ఉండటంతో ఈ సినిమా చూస్తున్నంత సేపు డిఫరెంట్ రామాయణం చూస్తున్న ఫీలింగ్ కలుగుతుంది. దేవతలు, రాక్షసుల యుద్ధం, రావణాసురుడి పరిచయం ఈ సినిమాకు హైలెట్‌గా మారడమే కాకుండా.. టేకాఫ్ బ్రహ్మండంగా సాగిందనే విషయం స్పష్టంగా తెలుస్తుంది. తెలుగు తెర మీద ఇలాంటి సన్నివేశం చూసి ఉండకపోవడం వల్ల థ్రిల్లింగ్ అనిపిస్తుంది. ఈ రామాయణ కథలో చూపించిన తీరు కొత్తగా ఉంటుంది. ఇక జటాయువుతో రావణుడి ఫైట్ ఈ సినిమాకు మరో హైలెట్‌గా నిలిచింది. 

ఓవరాల్‌గా దర్శకుడిగా నితీష్ తివారీ తన మార్కు రామాయణాన్ని డిఫరెంట్‌గా ప్రజెంట్ చేయడమే కాకుండా పాతతరం ప్రేక్షకులను మెప్పిస్తూ.. కొత్తతరం ఆడియెన్స్‌కు థ్రిల్‌గా మార్చేలా సినిమాను రూపొందించడంలో ఫుల్ సక్సెస్ అయ్యాడనే చెప్పాలి. రామాయణం కథలను ఇప్పటి వరకు ఎన్నో వెర్షన్లు చూసి ఉంటాం. నితీష్ తివారీ రామాయణం డెఫినెట్‌గా డిఫరెంట్ ఎక్స్‌పీరియెన్స్. తెలుగు తెర మీద, ఇతర భాషల్లో రూపొందిన రామాయణంలో చూపించని ఎన్నో అంశాలు కొత్తగా ఉన్నాయి. నితీష్ వర్క్ చాలా ఎక్సలెంట్‌గా ఉంది. ఈ సినిమా మస్ట్ వాచ్ మూవీ. మంచి అనుభూతిని పొందాలనుకొనే వారు తప్పకుండా చూడాలని సలహా ఇస్తున్నాం.

రామాయణ పార్ట్-1లో నేరుగా శ్రీరాముడు, రావణాసురుని మధ్య జరిగే మహా సంగ్రామానికి వెళ్లకుండా, పాత్రల స్వభావం, భావోద్వేగాలు, కథా పునాదిని బలంగా స్థాపించడంపై డైరెక్టర్ దృష్టి పెట్టారు. అయోధ్య రాజకుమారుడిగా శ్రీరాముడి ప్రారంభ జీవితం, విశ్వామిత్రునితో ప్రయాణం, మిథిలా నగరంలో శివధనస్సును ఎత్తి సీతాదేవిని పరిణయమాడటం వంటి ఘట్టాలతో స్టోరీ ప్రారంభమవుతుంది. ఆ తర్వాత 14 సంవత్సరాల అరణ్యవాసం సీతాదేవి, లక్ష్మణుడు సహా అడవికి పయనం కావడం, శూర్పణఖ ఘట్టం, మారీచుని స్వర్ణ లేడి ఉదంతం, రావణాసురుడు సీతను అపహరించే కీలక సన్నివేశాలతో మొదటి భాగాన్ని ముగించి సెకండ్ పార్ట్‌పై భారీ అంచనాలను పెంచారు.

శ్రీరాముడిగా రణబీర్ కపూర్ అత్యంత వినయం, ధర్మబద్ధత, శాంత స్వరూపాన్ని అద్భుతంగా పండించారు. సీతాదేవిగా సాయి పల్లవి తన సహజ నటన, రాజసం, ఆత్మస్థైర్యంతో మెప్పించారు. ఇక రావణాసురుడిగా నటించిన రాకింగ్ స్టార్ యష్ ఈ సినిమాకు ప్రధాన ఆకర్షణగా నిలిచారు. మొత్తంగా చూస్తే రామాయణ పార్ట్-1 అనేది కేవలం ఓ సినిమా మాత్రమే కాదు.. వెండితెరపై ఆవిష్కృతమైన ఓ విజువల్ వండర్. శ్రీరాముడు, రావణాసురుని మధ్య రాబోయే మహా యుద్ధానికి ఇది బలమైన పునాది వేసింది. ముఖ్యంగా అద్భుతమైన విజువల్స్, నటీనటుల అత్యుత్తమ ప్రదర్శన, సంగీతం కోసం ఈ సినిమాను తప్పకుండా థియేటర్లలో బిగ్ స్క్రీన్‌పై చూడాల్సిందే.

నిజానికి ఈ తరహా మర్డర్ మిస్టరీ వెబ్ సీరిస్ లు చాలానే వచ్చాయి. అయితే అందులో ఎంగేజింగ్‌ గా ఉన్నవి చాలా తక్కువ. ఇన్వెస్టిగేషన్ పేరుతో ఎపిసోడ్స్ కు ఎపిసోడ్స్ సాగిపోతుంటాయి కానీ కథ మాత్రం ముందుకు కదలదు. ఇది కూడా అలాంటిదే. రకరకాల వ్యక్తులను అనుమానిస్తూ, పోలీసు అధికారులలో ఉండే అసహనాన్ని ఎలివేట్‌ చేస్తూ మూడు నాలుగు ఎపిసోడ్స్ ను తీశారు. అసలు కథను చివరి రెండు ఎపిసోడ్స్ లో చూపించారు. అంజి నేరం ఒప్పుకున్న తర్వాత కూడా అందుకు మోటివ్ ఏమిటనేది చెప్పడం కోసం దర్శకుడు ఇంకో ఎపిసోడ్ తీశాడు. అదే ఈ మొత్తం ఎపిసోడ్స్ లో కాస్తంత ఆసక్తికరంగా ఉంది. కానీ ఆ మోటో అంత బలంగా లేకపోవడంతో చివరకు తేలిపోయింది.

నరేశ్‌ అగస్త్య ఈ సిరీస్ లో ఎస్.ఐ.గా సెటిల్డ్ పెర్ఫార్మెన్స్ ను ప్రదర్శించి, మెప్పించాడు. కథంతా ఒకే ఊరిలోనూ, పోలీస్‌ స్టేషన్‌లోనూ జరగడం వల్ల పరిమితమైన బడ్జెట్ లోనే వెబ్ సీరిస్ ను నిర్మాతలు పూర్తి చేశారనిపిస్తోంది. తాజ్‌ సయ్యద్‌ రాసిన మాటలు పాత్రల ఔచిత్యానికి తగ్గట్టుగా ఉన్నాయి. అష్కర్ అలీ సినిమాటోగ్రఫీ, మాధవ్ ఎడిటింగ్‌ ఓకే. కాకపోతే... కాస్తంత ట్రిమ్‌ చేసి దీనిని ఐదు ఎపిసోడ్స్ లేదా ఆరు ఎపిసోడ్స్ కు కుదిస్తే ఇంకా బాగుండేది. ఇన్వెస్టిగేటివ్‌ డ్రామాలను, మర్డర్ మిస్టరీలను ఇష్టపడే వారికి 'రుద్రవనం పీఎస్' ఓ మేరకు నచ్చే ఆస్కారం ఉంది. 

రుద్రవనం పీఎస్ తమిళంలో మంచి గుర్తింపు తెచ్చుకున్న ‘విలంగు’ (2022) వెబ్ సిరీస్‌కు తెలుగు రీమేక్. ఇప్పటికే పలు భాషల్లో రీమేక్ అయిన ఈ క్రైమ్ థ్రిల్లర్‌ను తెలుగులో అందించేటప్పుడు కొత్తదనం చూపించడం దర్శకుడికి పెద్ద సవాలనే చెప్పాలి. ఎందుకంటే పోలీస్ ఇన్వెస్టిగేషన్, వరుస హత్యలు, నిందితుడి చుట్టూ తిరిగే కథలతో ప్రేక్షకులకు ఇప్పటికే మంచి పరిచయం ఉంది. ఈ సిరీస్ కథనం సాధారణ పోలీస్ ప్రొసీజరల్ డ్రామా తరహాలో సాగుతుంది. అయితే కథలో ఆశించిన స్థాయిలో ఉత్కంఠ కనిపించదు. పోలీసుల దర్యాప్తులో అనేక ఆధారాలు ఎదురవుతున్నప్పటికీ, వాటిని అర్థం చేసుకోవడంలో పదేపదే తప్పులు జరగడం, నిందితుడి దగ్గరకు చేరడానికి ఎక్కువ సమయం తీసుకోవడం కథనాన్ని నెమ్మదింపజేస్తాయి. 

ఈ సిరీస్‌లో భావోద్వేగాలకు కూడా ప్రాధాన్యం ఇచ్చారు. ముఖ్యంగా శివకుమార్ తన విధి నిర్వహణలో కఠినంగా వ్యవహరిస్తూనే, నేరస్థుల వెనుక ఉన్న పరిస్థితులను అర్థం చేసుకునే ప్రయత్నం చేయడం ఆకట్టుకునే అంశం. ఒక నేరస్థుడి పట్ల మానవీయ కోణంలో ఆలోచించడం, అతడి భవిష్యత్తు విషయంలో బాధ్యత తీసుకోవడం కథలో మంచి భావోద్వేగాన్ని అందిస్తుంది. రుద్రవనం పీఎస్‌లో చివరి ఎపిసోడ్స్‌లో కొన్ని ఆసక్తికరమైన మలుపులు ఉన్నప్పటికీ, ప్రేక్షకులు కోరుకునే థ్రిల్ ని అందించలేవు. పోలీస్ ఇన్వెస్టిగేషన్ కథలు ఇష్టపడేవారు ఒకసారి ప్రయత్నించవచ్చు. అయితే కొత్తదనం కోరుకునే వారికి ఈ సిరీస్ పూర్తిస్థాయిలో సంతృప్తిని ఇవ్వకపోవచ్చు.

క్రైమ్, ఇన్వెస్టిగేషన్ థ్రిల్లర్స్ అంటేనే సగటు మూవీ లవర్ ఓ ఎక్స్‌పెక్టేషన్‌తో ఉంటాడు. మధ్య మధ్య సాగే ట్విస్టులు, చిక్కుముడులు విప్పలేని ప్రశ్నలు.. చివరకు దొరికే సమాధానాలు ఇవే అందరి మదిలో మెదులుతాయి. ఇక తెలుగు క్రైమ్ ఇన్వెస్టిగేషన్ థ్రిల్లర్ రుద్రవనం పీఎస్ విషయానికి వస్తే... డైరెక్టర్ శశిధర్ మున్నంగి ఆడియన్స్ ఆ థ్రిల్ పంచడంలో కొంతవరకు సక్సెస్ అయ్యారనే చెప్పాలి. అయితే స్టోరీ నెమ్మదిగా సాగడం ఆడియన్స్‌కు విసుగు కలిగిస్తుంది. దర్శకుడు చెప్పదలుచుకున్న స్టోరీని కేవలం ల్యాగ్ చేయడం కోసమే సిరీస్‌ను 7 ఎపిసోడ్స్ రూపొందించారన్న ఫీలింగ్ కలిగిస్తుంది. 

ప్రతీ ఎపిసోడ్‌ లోనూ స్టోరీ నెరేషన్ చాలా స్లోగా సాగుతుంది. ఇది ప్రేక్షకుడి సహనానికి పరీక్ష పెడుతుందనే చెప్పాలి. మధ్య మధ్యలో వచ్చే కొన్ని అనవసరమైన పాత్రలు ఎందుకు పెట్టారో కూడా తెలియదు. కథకు అవసరం లేని, కొన్ని లింక్స్ చూపిస్తారు. ఇది కొంత కన్ఫ్యూజన్ కలిగిస్తుంది. చివరకు వచ్చే సరికి కొంత క్లారిటీ వస్తుంది. ఇక స్టోరీ క్లైమాక్స్‌కు వచ్చేసరికి ఆడియన్ కొంత సాటిస్‌ఫై అవుతాడు. ఇందులో కొంత సైకలాజికల్ మెథడ్‌ను కూడా చూపించారు. మొత్తంగా రుద్రవనం పీఎస్ వెబ్ సిరీస్ టైమ్ పాస్‌ చేయాలంటే చూసే ఓ సింపుల్ క్రైమ్ థ్రిల్లర్ అనే చెప్పొచ్చు.

క్రైమ్, మర్డర్ మిస్టరీ, థ్రిల్లర్‌, సస్పెన్స్ జోనర్‌లో రుద్రావనం సిరీస్ కథను ప్రారంభించిన దర్శకుడు శశిధర్ ఆరంభ ఎపిసోడ్స్‌ను గ్రిప్పింగ్‌ గా చెప్పడానికి చేసిన ప్రయత్నం ఆకట్టుకొన్నది. తొలి నాలుగు ఎపిసోడ్స్‌ పై క్యూరియాసిటీ పెరగడంతో ఏం జరగబోతుందో అనే ఆసక్తిని రేకెత్తించాడు. పోలీస్ ఇన్వెస్టిగేషన్‌ కోసం ఎస్ఐ శివకుమార్ పాత్రను డిజైన్ చేసిన విధానం బాగుంది. ఆ పాత్ర యాటిట్యూడ్, బాడీ లాంగ్వేజ్ స్టోరీ మూడ్‌కు తగినట్టుగా ఉండటం పాజిటివ్ అంశంగా కనిపిస్తుంది. అంజి పాత్ర చుట్టూ అల్లిన కథ కూడా బాగుంది. కానీ చివరి ఎపిసోడ్స్‌లో కథను సాగదీసినట్టు ఉండటం కొంత మైనస్‌గా అనిపిస్తుంది. ఇంకా బెటర్‌గా సన్నివేశాలు, స్క్రీన్ ప్లేను డిజైన్ చేసి ఉంటే.. బెటర్ రిజల్ట్ కనిపించి ఉండేదనే ఫీలింగ్ కలుగుతుంది.

ఈ వెబ్ సిరీస్ విషయానికి వస్తే.. సినిమాటోగ్రఫి, మ్యూజిక్ అంశాలు కథను, సన్నివేశాలను ఎలివేట్ చేసేందుకు ఉపయోగపడ్డాయి. గ్రామీణ వాతావరణంలో అష్కర్ ఆలీ చిత్రీకరించిన సన్నివేశాలు, లైటింగ్ బాగుంది. ఎడిటర్ మాధవ్ ఇంకాస్త షార్ప్‌గా కట్ చేయాల్సి ఉండేది.శ్రీ చక్ర మూవీస్ అనుసరించిన నిర్మాణ విలువలు బాగున్నాయి. క్రైమ్, మర్డర్ మిస్టరీ, థ్రిల్లర్ కంటెంట్‌ను ఎంజాయ్ చేసే వారికి ఈ సిరీస్ నచ్చుతుంది. జీ5లో స్ట్రీమింగ్ అవుతుంది. ఈ మూవీని సమయం చిక్కినంత కాకుండా తగినంత టైమ్ సెట్ చేసుకొని ఒకేసారి చూసేయండి.. మంచి అనుభూతి కలిగే అవకాశం ఉంది.

ఈ వారం ఓటిటి ఆడియెన్స్ ని అలరించేందుకు వచ్చిన లేటెస్ట్ సిరీస్ లలో జీ 5 తీసుకొచ్చిన క్రైమ్ థ్రిల్లర్ సిరీస్ ‘రుద్రవనం – పి ఎస్’ కూడా ఒకటి. ఇక ఈ సిరీస్ ఆడియన్స్ నుండి మిక్స్డ్ రెస్పాన్స్ అందుకుంటుంది. ఈ సిరీస్ లో మంచి విషయం ఏమన్నా ఉంది అంటే మిగతా థ్రిల్లర్ సిరీస్ ల తరహాలో సాగదీతగా ఎక్కువ ఎపిసోడ్స్ లా ప్లాన్ చేయకుండా తక్కువ నిడివితోనే కథనంని ఎక్కువగా డీవియేట్ చేయకుండా కట్టే కొట్టే తెచ్చే రీతిలో సెట్ చేయడం డీసెంట్ గా అనిపిస్తుంది. ఇక నరేష్ అగస్త్య ఎస్సై రోల్ లో సిన్సియర్ పెర్ఫామెన్స్ ని చేసాడు.

అయితే ఆరంభం ఎలా ఉన్నప్పటికీ దేనికైనా ఇచ్చే ముగింపు తోనే చూసే ఆడియెన్స్ లో ఇంపాక్ట్ మిగులుతుంది. కానీ దురదృష్టవశాత్తు ఈ సిరీస్ లో చివరి ఎపిసోడ్స్ లోనే పస తక్కువైంది. అప్పటివరకు సెటప్ చేసుకున్నది అంత ఒక వీక్ రైటింగ్ ఉన్న ఆరవ ఎపిసోడ్ తో తేలిపోయేలా చేస్తుంది. ఇక మొత్తంగా చూసుకుంటే ఈ ‘రుద్రవనం – పి ఎస్’ పూర్తి స్థాయిలో ఆకట్టుకోని క్రైమ్ థ్రిల్లర్ గా నిలిచిపోయింది. మొదటి 5 ఎపిసోడ్స్ ఓ మోస్తరుగా ఓకే అనిపిస్తాయి కానీ ఆరవ ఎపిసోడ్ చాలా సిల్లీగా డిజప్పాయింట్ చేస్తుంది. అలానే చివరి ఎపిసోడ్ ని కూడా ఇంకా బెటర్ గా ప్లాన్ చేసుకోవాల్సింది. నరేశ్ అగస్త్య సిన్సియర్ పోలీస్ గా కనిపించి ఆకట్టుకున్నాడు. కానీ ఈ థ్రిల్లర్ మాత్రం పూర్తి స్థాయిలో ఆకట్టుకోలేదు.

న్యూరాలింక్‌ పేరుతో మెదడులో చిప్స్‌ అమర్చడం, మనిషి మెదడుపై ప్రయోగాలు చేయడం వంటి అంశాలను ప్రేరణగా తీసుకొని ఈ కిల్లర్ సినిమా రూపొందించారు. అయితే సినిమాలో హీరోయిన్‌ వరుసగా డిఫరెంట్‌ యాంగిల్స్‌లో కనిపించడం కాస్త కన్‌ఫ్యూజ్‌ చేస్తుంది. ఈ సన్నివేశాలన్నీ ప్రేక్షకుడిని కుంపటి మీద కూర్చోబెట్టినట్టే ఉంటుంది. ఇక ద్వితీయార్థంలో ఒక్కొక్క ట్విస్ట్‌ రివీల్‌ చేయడంతో సినిమాపై కాస్త ఆసక్తి కలుగుతుంది. అక్కడక్కడా థ్రిల్లింగ్‌ అంశాలు కూడా కనిపిస్తాయి. క్లైమాక్స్‌ మాత్రం కాస్త ఆసక్తికరంగా అర్థవంతంగా తెరకెక్కించారు. పార్ట్‌ 2కి లీడ్‌ ఇచ్చారు.

జ్యోతి నటిగా ఆకట్టుకున్నారు. రచయిత, స్పై, వాంపైర్‌, టెర్రరిస్ట్‌... ఇలా వరుసగా పాత్రలు రావడం కాస్త గజిబిజికి గురిచేసినా నటిగా మాత్రం మెప్పించారు. దర్శకుడు పూర్వజ్‌ సైంటిస్ట్‌గా కాస్త అతి చేసిన భావన కలుగుతుంది. నిర్మాణ పరంగా, టెక్నికల్‌గా సినిమా బావుంది. సైన్స్‌ ఫిక్షన్‌ పాయింట్‌కు థ్రిల్లర్‌ అంశాలు జోడించి కథ రాయడం మంచి ఆసక్తికర ఆలోచనే. కానీ దానిని అంతే థ్రిల్లింగ్‌ గా తెరపై కూడా చూపించగలగాలి. ఆ విషయంలో దర్శకుడు విఫలం అయ్యాడు. దర్శకుడు రాసుకున్న సీన్లు బావున్నా.. తెరపై వాటిని ఆసక్తికరంగా మలచలేకపోయారు. సైంటిఫిక్‌ థ్రిల్లర్స్‌ ఇష్టపడేవారికి ఈ సినిమా నచ్చవచ్చు కానీ.. ప్రయోగాలతో సాగిన ఈ కథ మాస్‌ ఆడియన్స్‌ను మెప్పించడం కష్టమే! 

దర్శకుడు పూర్వాజ్‌ విభిన్నమైన సినిమాలను తెరకెక్కిస్తూ తానేంటో నిరూపించుకుంటున్నారు. కానీ ఆడియెన్స్ నుంచి ఆయన సినిమాలకు ఆశించిన స్థాయిలో ఆదరణ దక్కడం లేదు. ఈ క్రమంలో ఇప్పుడు `కిల్లర్‌` మూవీతో మరో ప్రయోగం చేశారు. సైన్స్ ఫిక్షన్‌ థ్రిల్లర్‌ కథాంశంతో ఈ సినిమాని తెరకెక్కించడం విశేషం. అయితే సినిమా అంతిమ లక్ష్యం ఆడియెన్స్ ని ఎంటర్‌టైన్‌ అయినా చేయాలి, ఎంగేజ్‌ అయినా చేయాలి, వాళ్లకి ఒక కొత్త అనుభూతిని అయినా ఇవ్వాలి, ఏదైనా సందేశం ఇవ్వాలి, మార్పుకి దోహదపడాలి, లార్జర్‌ దెన్‌ లైఫ్‌ ఎక్స్ పీరియెన్స్ ని అయినా ఇవ్వాలి, ఎడ్యూకేట్‌ అయినా చేయాలి, కనీసం భయపెట్టడమైనా చేయాలి, థ్రిల్‌ని అయినా, ఎమోషనల్‌గా పిండేయాలి, ఫీల్‌గుడ్‌ ఫీలింగ్‌ని అయినా ఇవ్వాలి. ఇందులో ఏదో ఒక్కటి కరెక్ట్ గా చేసినా సినిమా సక్సెస్‌ అనే చెప్పొచ్చు. కానీ ఇప్పుడు `కిల్లర్` ఇందులో ఏ ఒక్కటి చేయలేదని చెప్పడంలో అతిశయోక్తి లేదు.

పాత్రలన్నీ చాలా అసహజంగా కనిపిస్తాయి, అలానే ప్రవర్తిస్తుంటాయి. ఎక్కడ కూడా సినిమాలో, సీన్‌లో ఎమోషన్‌ లేదు. ఇంటెన్సిటీ లేదు, ఫీల్‌ లేదు. ఇన్వెస్టిగేషన్‌లో ఒక్కో పాత్ర చెప్పే కథ ఒక్కోలా ఉంటుంది. ఆడియెన్స్ ని మరింత కన్‌ ఫ్యూజ్‌ చేస్తుంటుంది. ఏ కథలోనూ క్లారిటీ ఉండదు. అక్కడ ఆఫీసర్‌కి ఏం అర్థం కాదు, చూసే ఆడియెన్స్ కి ఏం అర్థం కాదు, అది సస్పెన్స్ గా మారితే బాగుంటుంది, కానీ ఇరిటేషన్‌గా మారితేనే సమస్య. ఈ మూవీ విషయంలో అదే జరిగింది. తెలుగులో ఇదొక ప్రయోగాత్మక మూవీ. కానీ ఆకట్టుకునేలా తెరకెక్కించడంలో దర్శకుడు విఫలమయ్యారు. ఈ సినిమా అర్థం కావాలంటే మినిమమ్‌ రెండు మూడు పిహెచ్‌డీలు చేయాలి. ఫైనల్‌గా చెప్పాలంటే చూసినోడు `కిల్`.