నాగబంధం (NagaBandham)

తెలుగు సినిమా ఇండస్ట్రీలో ఈ ఇయర్ భారీ బడ్జెట్ తో తెరకెక్కుతున్న మూవీస్ లో మంచి క్రేజ్ సొంతం చేసుకున్న మూవీస్ లో "నాగ బంధం"  మూవీ కూడా ఒకటి. వంద కోట్ల భారీ బడ్జెట్ తో తెరకెక్కిన ఈ సినిమాలో పెద్దగా స్టార్ క్యాస్ట్ లేకపోయినా కూడా టీజర్ అండ్ సాంగ్స్, పోస్టర్స్ తో కూడా మంచి బజ్ క్రియేట్ కాగా, తాజాగా ట్రైలర్ కూడా విడుదల కాగా, గ్రాండ్స్ విజువల్స్ తో అందర్నీ ఆకట్టుకుంటుంది. 

విరాట్ కర్ణ హీరోగా నటిస్తున్న ఈ మూవీని అభిషేక్ నామా డైరెక్ట్ చేస్తున్నాడు. ట్రైలర్ విషయానికి వస్తే... అనంత పద్మనాభస్వామి నిధి నేపథ్యంలో తెరకెక్కుతున్న ఈ సినిమా ట్రెజర్ హంట్ కాన్సెప్ట్ కి డివోషనల్ టచ్ ఇస్తూ, మంచి యాక్షన్ డ్రామాగా సినిమాని ప్రేక్షకుల ముందుకు తీసుకురాబోతున్నారు మేకర్స్. ట్రైలర్ లో అన్నిటికంటే బాగా ఇంప్రెస్ చేసింది విజువల్స్. అద్భుతమైన సెట్టింగ్స్ తో గ్రాండియర్ విజువల్ వండర్ గా కనబడుతుంది. కథ పరంగా ఒక బంగారు బ్రహ్మ కమలం చుట్టూ స్టోరీని నడిపిస్తున్నారని తెలుస్తుంది. ప్రొడక్షన్ వాల్యూస్ చాలా రిచ్ గా ఉన్నాయి.  

విరాట్ కర్ణ ఈ సినిమాలో రెండు డిఫరెంట్ షేడ్స్ ఉన్న రోల్ లో కనిపించనున్నాడని సమాచారం. ఇక నభా నటేష్ హీరోయిన్ గా నటిస్తుండగా, జగపతి బాబు, ఐశ్వర్య మీనన్, దక్ష నాగర్కర్, మహేష్ మంజ్రేకర్, మురళి శర్మ తదితరులు కీ రోల్స్ లో నటిస్తున్నారు. జునైద్ కుమార్ అందించిన బీజీఎమ్ బాగుంది. అయితే గ్రాండ్ విజువల్స్ తో ఇంప్రెస్ చేసేలా ఉన్న ఈ సినిమాకి మంచి కథ, కథనాలు తోడైతే బాక్స్ ఆఫీస్ వద్ద మంచి సక్సెస్ ని నమోదు చేసే అవకాశం ఉందని నెట్టింట కామెంట్స్ వస్తున్నాయి. ఇక ఈ "నాగబంధం" సినిమాను జులై 3న థియేటర్లలో రిలీజ్ చేయడానికి మేకర్స్ రెడీ అవుతున్నారు.