Latest Movie Reviews

ఇప్పుడే విశ్వనాధ్ అండ్ సన్స్ సినిమా చూసొచ్చా.. సినిమా అయితే మాములుగా లేదు బాబు... మాములుగా నేను పెద్దగా డబ్బింగ్ సినెమాలకెళ్లను. బట్ ఇది తెలుగు డైరెక్టర్ తీసాడని, అందులోనూ సూర్య సినిమా అంటే వెళ్ళా ఏదో timepass కి. బట్ సినిమా అయితే నాకు బాగా నచ్చింది. ఎంతలా అంటే సినిమాలో స్టోరీ ఉంది, ఫన్ ఉంది, ఎమోషన్ ఉంది, హీరో, హీరోయిన్ల యాక్టింగ్ కూడా బాగుంది. 

స్టోరీ ఫ్రెష్ స్టోరీ ఏం కాదు గాని, ట్రెండ్ కి తగ్గట్లుంది. బట్ నేనేం రివీల్ చేయను. సూర్య గురించి తెలిసిందేగా. బట్ మామితా బైజు మాత్రం థ్రిల్లింగ్ అసలు. ఎం ఎనర్జీ, ఎం ఆక్టింగు... అల్టిమేట్ అసలు. ఇంకా ఎక్కువ మాట్లాడితే సినిమా గురించి మొత్తం ఇక్కడే చెప్పేస్తాననిపిస్తుంది. ఆడియన్స్ మాత్రం డోంట్ మిస్ దిస్ క్లాసిక్. 

ఇప్పుడే మకుటం చూసొస్తున్నా... ఎదో విశాల్ మీద ఉండే అభిమానంతో సినిమాకి వెళ్లాను కానీ, సినిమా ఇంత డిస్సపాయింట్ చేస్తుందని అస్సలనుకోలేదు. ఎందుకంటే విశాల్ సినిమాలు ఎంత వర్సెస్ట్ ఉన్నా, నన్ను ఎంతో కొంత ఎంటర్టైన్ చేసేవి. బట్ ఈ సినిమాకు మాత్రం థియేటర్లో ఉన్నంత సేపు పెద్ద తలనొప్పి ఒచ్చింది. ఎప్పుడెప్పుడు థియేటర్లోంచి బైటికెళ్లిపోదామా అనిపించింది. అయినా సినిమాలో ఎదో ఒక్క మంచి సీన్ అయినా బాగుంటుందేమో అని క్లైమాక్స్ దాకా కూర్చున్నా. అదే నా తప్పయింది. ఇక సినిమా స్టోరీ గురించి చెప్పాల్సిన అవసరం నాకు లేదు. ఎందుకంటే అసలు స్టోరీయే లేదు. ఎదో పాత చింతకాయ పచ్చడి ఇది. ఇంత చెప్పిన తర్వాత కూడా ఎవరైనా ఆడియన్స్ నా కామెంట్ చూసినా సినిమాకి వెళ్తే వాళ్ళ ఖర్మ. 

‘మకుటం’ సినిమా చూసిన తర్వాత నా అభిప్రాయం చెప్పాలంటే.. సినిమా యాక్షన్, ఎమోషన్‌తో తెరకెక్కించినా, నాకు మాత్రం అంతగా కనెక్ట్ కాలేదు. విశాల్ తన పాత్రలో బాగానే నటించినప్పటికీ, రొటీన్ స్టోరీ, బోరింగ్ స్క్రీన్‌ప్లే సినిమాకు పెద్ద మైనస్‌గా అనిపించాయి.

ముఖ్యంగా కథలో కొత్తదనం లేకపోవడం, సన్నివేశాలు ఊహించిన విధంగానే సాగడం వల్ల చాలా చోట్ల ఇంట్రెస్ట్ తగ్గిపోయింది. నా వరకు అయితే సినిమా ఓవరాల్‌గా యావరేజ్‌గానే అనిపించింది. మంచి కథ, ఇంట్రెస్టింగ్ స్క్రీన్‌ప్లే కోరుకునే ఆడియన్స్‌కు మాత్రం ‘మకుటం’ నిరాశ కలిగించే అవకాశం ఉంది.

I just watched the movie *Makutam*... I honestly didn't even realize Vishal had directed it until the very end. To be fair, I watched the whole film mainly out of admiration for Vishal. The first half was average, but the second half felt like torture. They really took us for a ride with this one; I couldn't understand why it needed to be a three-hour movie. Even the handful of people in the theater were left wondering why they had bothered to show up.

I suspect even Vishal knew beforehand that this would be a flop. GV Prakash Kumar’s music was a letdown—not because the BGM wasn't good, but because it was wasted on a film like this. The only saving graces were the interval scene and the background score; aside from that, and perhaps the climax, the second half was tedious and filled with pointless scenes. The movie simply didn't work. If I had to rate it, I’d give it a 2/5.

మకుటం... ప్రామిస్ గా చెప్తున్నా. ఈ సినిమా ఫినిష్ అయ్యే వరకు ఈ మూవీ డైరెక్ట్ చేసింది విశాల్ అని అస్సలు తెలీదు. రివ్యూ గురించి చెప్పాలంటే అసలు విశాల్ మీద ఉన్న అభిమానంతోనే సినిమా మొత్తం చూసాను. ఫస్ట్ హాఫ్ ఏమో యావరేజ్. సెకండ్ హాఫ్ నరకం అనిపించింది. మకుటం అని చెప్పి పెద్ద టోపీయే పెట్టారండి. అసలు దీనికెందుకు 3 గంటల సినిమా అనిపించింది. మళ్ళీ సినిమాకి వచ్చిన పది మంది కూడా ఎందుకొచ్చామురా అని ఫీల్ అయ్యారు. 

నాకు తెలిసి విశాల్ కి కూడా ఇది ప్లాప్ అవుతుందని ముందే తెలుసనుకుంటా. అందుకే పెద్దగా ప్రమోషన్లు చేయలేదు. ఇక జివి ప్రకాష్ కుమార్ మ్యూజిక్ దెబ్బేసాడు. బీజీఎమ్ బాగుంది. కానీ ఈ సినిమాకి ఆ మ్యూజిక్ వేస్ట్ అయింది. ఇక ప్లస్ పాయింట్ అంటే ఇంటర్వెల్ సీన్, ప్లస్ బీజీఎమ్. సెకండ్ హాఫ్ లో క్లైమాక్స్ అంతే. మైనస్ పాయింట్ అంటే చాలానే ఉన్నాయి. పనికి మాలిన సీన్లతో చాలా బోరింగ్ కొట్టేసింది. సినిమా అయితే పెద్దగా వర్కౌట్ కాలేదు. రేటింగ్ కూడా ఇవ్వాలంటే 2/5 ఇస్తున్న అంతే. 

మకుటం సినిమా విషయానికి వస్తే.. ఎలాంటి కొత్తదనం లేని రెగ్యులర్, రొటీన్ మాస్ మసాల ఫార్మూలా కథ. పోర్టు మాఫియా నేపథ్యంగా అల్లుకొన్న కథను హీరో విశాల్ దర్శకుడిగా మారి తెరపైకి తీసుకొచ్చారు. అయితే భాషా తరహా ట్విస్ట్ ఉన్న కథ అయినప్పటికీ.. స్టోరీలో బలమైన పాయింట్ లేకపోవడం, సెకండాఫ్ కోసమే ఫస్టాఫ్‌ ను మరీ సాగదీశారా? అనే అభిప్రాయం కలుగుతుంది. అయితే పెర్ఫార్మన్స్ పరంగా, విశాల్ మూడు, నాలుగు గెటప్స్‌ లో తన క్యారెక్టర్‌ ను కొత్తగా ట్రై చేశాడు. వయసు మళ్లిన క్యారెక్టర్, యంగ్ క్యారెక్టర్‌ లో ఒదిగిపోయాడు.

సినిమాటోగ్రఫి, ఆర్ట్ వర్క్ ఫర్వాలేదనిపిస్తాయి. సూపర్ గుడ్ ఫిలింస్ బ్యానర్ స్టాండర్డ్స్‌ కు ఏ మాత్రం తీసిపోని విధంగా నిర్మాణ విలువలను పాటించారు. భాషా తరహా ఫ్యామిలీ, యాక్షన్ డ్రామాలను ఇష్టపడే వారికి ఈ సినిమా నచ్చడానికి అవకాశం ఉంది.

హీరోగా విశాల్ కెరీర్ మొదలై 20 ఏళ్ళు దాటింది. హీరోగా తొలి అడుగులు వేసే సమయంలో కమర్షియల్ అంశాలతో కూడిన కొత్త కథలు - సినిమాలు చేశారు. ఆయనకు యాక్షన్ ఇమేజ్ వచ్చింది. ఆ తర్వాత విశాల్ ఎంపిక చేసుకునే కథలు, సినిమాల్లో మూస ధోరణి ఎక్కువైంది. మార్క్ ఆంటోనీ, మద గజ రాజా హిట్స్ అయినా రొటీన్ కమర్షియల్ కథలతో తీసిన సినిమాలే అవి. ఈ తరుణంలో విశాల్ మెగాఫోన్ పట్టి దర్శకుడుగా మారడంతో ఎటువంటి సినిమా తీస్తారోనని పరిశ్రమ ప్రముఖులతో పాటు ప్రేక్షకులు సైతం చూశారు.

మకుటం చూస్తే… హీరోగా మాత్రమే కాదు, దర్శకుడిగానూ విశాల్ 20 ఏళ్ళ వెనక్కి వెళ్ళారని అనిపించింది. అసలు ఎటువంటి కొత్తదనం లేకుండా వచ్చిన సినిమా 'మకుటం'. హీరోగా, దర్శకుడిగా విశాల్ కెరీర్‌కు ఈ సినిమా ఏ విధంగానూ హెల్ప్ అవ్వదు. స్కిప్ చేయడం బెటర్. ఇటువంటి కథలు, సన్నివేశాలతో కూడిన సినిమాలను ప్రేక్షకులు పదుల సంఖ్యలో చూశారు. దర్శకుడిగా విశాల్ నుంచి ఇంత రొటీన్ ఫిల్మ్ వస్తుందనుకోలేదు. బాగా డిజప్పాయింట్ చేశారు.

యాక్షన్, కమర్షియల్ చిత్రాలతో గుర్తింపు తెచ్చుకున్న విశాల్ కొన్నాళ్లుగా రొటీన్ రొట్ట కొట్టుడు కథలనే ఎంచుకుంటూ సక్సెస్ కు దూరమయ్యాడు. ఈ నేపథ్యంలో దర్శకుడిగా పరిచయమవుతూ ‘మకుటం’ తెరకెక్కించారు. అయితే సినిమా విషయానికి వస్తే డివైడ్ టాక్ తెచ్చుకుంది. బలహీనమైన కథ, రొటీన్ స్క్రీన్ ప్లే తో ఆడియన్స్ కి బోర్ కొట్టించింది. సినిమాలో విశాల్ యాక్టింగ్ మినహా పెద్దగా చెప్పుకోవడానికి ఏం లేదు. 

మహా అయితే క్లైమాక్స్ లో ఆడవాళ్లతో తీసిన ఫైట్ మాత్రం ఆకట్టుకునేలా ఉంది. అంతకుమించి సినిమాలో చెప్పుకోవడానికి ఏమీ లేదు. ఇలాంటి పేవలమైన కథతో విశాల్ దర్శకుడిగా పరిచయం కావటం కరెక్ట్ కాదేమో అనిపిస్తుంది. రొటీన్ ఫార్ములాతో వెళుతున్నపుడు ట్రీట్మెంట్ కొత్తగా ఉండాలి. పాత్రల్లో వైవిధ్యం చూపించాలి. ఆ జాగ్రత్తలేవీ తీసుకోలేదు. అదే సినిమాకు పెద్ద మైనస్ అయింది. సో… దర్శకుడిగా విశాల్ తొలి ప్రయత్నంలో ఫెయిల్ అయ్యారనే చెప్పాలి. ఇక సింపుల్ గా ఒక్క వర్డ్ లో సినిమా గురించి చెప్పాలంటే... కొత్తదనం లేని మకుటం. 

విశాల్, దుషారా విజయన్, అంజలి ప్రధాన పాత్రల్లో తెరకెక్కిన ‘మకుటం’ సినిమా నేడు ప్రేక్షకుల ముందుకు వచ్చింది. మాస్ యాక్షన్, ఎమోషనల్ డ్రామాగా రూపొందిన ఈ చిత్రానికి మిశ్రమ స్పందన లభిస్తోంది. కథలో కొత్తదనం లేకపోవడం, రొటీన్ స్క్రీన్‌ప్లే సినిమాకు ప్రధాన మైనస్‌గా మారాయి. ముఖ్యంగా ఆసక్తికరమైన నేరేషన్ లేకపోవడంతో కొన్ని సన్నివేశాలు బోర్ కొట్టిస్తాయి. యాక్షన్ సన్నివేశాలు, భావోద్వేగ అంశాలు ఉన్నప్పటికీ అవి కథకు పూర్తిగా బలం చేకూర్చలేకపోయాయి. 

విశాల్ తన నటనతో మెప్పించే ప్రయత్నం చేశారు. అయితే బలమైన కథ, ఆకట్టుకునే కథనం లేకపోవడంతో సినిమా స్థాయి ఆశించినంతగా కనిపించలేదు. ఓవరాల్‌గా ‘మకుటం’ సాధారణ కథ, బోరింగ్ స్క్రీన్‌ప్లేతో ప్రేక్షకులను పూర్తిగా మెప్పించలేకపోయింది. విశాల్ అభిమానులు ఆయన పెర్ఫార్మన్స్ కోసం ఒకసారి ప్రయత్నించవచ్చు. ఒక్కముక్కలో సినిమా గురించి చెప్పాలంటే ఇదొక పాత చింతకాయ పచ్చడి కథ. 

విశాల్, దుషారా విజయన్, అంజలి కీలక పాత్రల్లో తెరకెక్కిన మూవీ మకుటం. కాగా ఈ రోజు రిలీజ్ అయిన ఈ చిత్రం డివైడ్ టాక్ తెచ్చుకుంది. రొటీన్ స్టోరీ, స్క్రీన్ ప్లే వల్ల సినిమా ఏమాత్రం ఆకట్టుకోలేదు. 

ఫైనల్ గా విశాల్ దర్శకత్వం వహించిన మకుటం సినిమా మాస్ ఆక్షన్ అండ్ ఎమోషనల్ డ్రామాగా తెరకెక్కగా, ఆడియన్స్ ని మాత్రం అంతగా ఆకట్టుకోలేకపోయింది. సరైన కథా, కథనాలు లేకపోవడం వల్ల అవి సరిగా ఆకట్టుకోలేదు. ఓవరాల్ గా బోరింగ్ స్క్రీన్ ప్లే వల్ల ఇంట్రెస్టింగ్ నేరేషన్ లేకపోవడం వల్ల సినిమా అంతగా ఆకట్టుకోలేదు. విశాల్ పెర్ఫార్మన్స్ కోసమైతే ఒకసారి ట్రై చేయొచ్చు.  

విశ్వనాధ్ అండ్ సన్స్... first of all సినిమా చూసాక నా ఎక్స్పీరెన్స్ చెప్పాలంటే... బావుంది. చాలా నచ్చింది సినిమా. ఫస్ట్ హాఫ్ చాలా బ్రిజిగా అలా వెళ్ళిపోతుంది. అండ్ ఏజ్ గ్యాప్ ఎక్కువగా ఉన్న కపుల్స్ కైతే ఈ సినిమా బాగా నచ్చుతుంది. సినిమాలో చాలా సేపు బోరింగ్ సీన్స్ తో అలా నడుస్తుంటే... మామితా ఎంటర్ అయిన తర్వాతే ఊపందుకుంటది. అండ్ సూర్య మామితా కెమిస్ట్రీ కూడా చాలా బాగుంది. 

సినిమాలో కొన్ని సీన్స్ కొంతమందికి డీసెంట్ గా, బోర్ ఫీల్ కూడా అవ్వచ్చు. స్పెషల్ గా సెకండ్ హాఫ్ లో అలాంటి సీన్స్ ఉన్నాయి. బట్ నాకైతే చాలా బాగా నచ్చాయి. becuase స్టోరీకి తగ్గట్టున్నాయి ఆ సీన్స్. ఇప్పుడు ఎక్కకపోతే తర్వాతైనా ఆ సీన్స్ మైండ్ లోకి బాగా ఎక్కుతాయి. కాకపోతే క్లైమాక్స్ కూడా ఇంకొంచెం నీట్ గా రాసుకోవాల్సింది అనిపించింది. అండ్ కమర్షియలైజ్ కోసం కొన్ని ఫైట్స్ పెట్టారు. అవి అంత అనవసరం అనిపించింది. అండ్ టెక్నికల్లి మూవీ కూడా చాలా బాగుంది. ప్రొడక్షన్ వాల్యూస్ బాగున్నాయి. జివి ప్రకాష్ మాత్రం ఈసారి అంత లేదు. ఓవరాల్ గా విశ్వనాధ్ అండ్ సన్స్ డీసెంట్ మూవీ. 

ఇప్పుడే విశ్వనాధ్ అండ్ సన్స్ మూవీ చూసొస్తున్నా.. నాకు వెంకీ అట్లూరి సినిమాలంటే చాలా ఇష్టం.. కానీ వెంకీ ముందు సినిమాలతో ఈ సినిమాను పోల్చను... టెక్నికల్లి ఈ సినిమా త్రివిక్రమ్ సినిమాలా అనిపిస్తుంది. ఇది పక్కన పెడితే ఈ సినిమాలో మెయిన్ మామితా చాలా బాగా చేసింది. అండ్ తాను తప్ప మిగతా వాళ్ళందరూ aged గానే కనిపిస్తారు. అండ్ సినిమాలో మంచి మంచి సీన్లు పడ్డాయందరికి. ఫస్ట్ హాఫ్ ఎంటర్టైన్మెంట్ చాలా బాగుంది. 

అండ్ సినిమాలో మంచి మంచి డైలాగ్స్ పడ్డాయి. ఈ సినిమాలో నచ్చని విషయమేంటంటే... తమిళ్ లో మొత్తం సినిమా తీశారు, అది అంత నచ్చలేదు. కానీ తమిళ్ లో డైలాగ్స్ తెలుగు కంటే బాగున్నాయి. ప్రాబ్లెమ్ ఏంటంటే దీంట్లో నాకు వెంకీ అట్లూరి మార్క్ కనిపించలేదు. అండ్ సినిమాలో అందరూ చాలా బాగా యాక్ట్ చేసారు. అయితే సినిమాలో స్టోరీలో ఉన్న ఒక మెయిన్ ప్రాబ్లెమ్ ని చాలా పెద్దగా చూపించి, క్లైమాక్స్ లో ఆ ప్రాబ్లెమ్ ని చిన్నది చేసారు అది నాకు నచ్చలేదు. అండ్ సినిమాలో కమర్షియల్ ఎలిమెంట్స్ కోసం కొన్ని ఫైట్స్ పెట్టారు అది అస్సలు నచ్చలేదు. జివి ప్రకాష్ అయితే దెబ్బేసాడు. మ్యూజిక్ ఎక్కడా ఎక్కలేదు. ఓవరాల్ గా విశ్వనాధ్ అండ్ సన్స్ వన్ టైం వాచబుల్.