SAHAA

టాలీవుడ్ లో ఈ మధ్య చిన్న సినిమాల హవా బాగా నడుస్తున్న నేపథ్యంలో మరో చిన్న సినిమా రిలీజ్ కి రెడీ అయింది. శివ కుమార్ కాసారం, శ్వేత లక్ష్మణ్ మెయిన్ లీడ్ లో నటించిన  "సహా : లైఫ్ ఆఫ్ సంజు" మూవీ షూటింగ్ ముగించుకొని రిలీజ్ కి రెడీ అవుతున్న నేపథ్యంలో తాజాగా ట్రైలర్ ని రిలీజ్ చేసారు మేకర్స్.

నిశాంత్ దోటి దర్శకత్వంలో, తేజ వేల్పుచర్ల నిర్మించిన ఈ సినిమా ఒక డిఫెరెంట్ కాన్సెప్ట్ తో లవ్ స్టోరీగా తెరకెక్కగా... స్కూల్ డేస్ లో కలుసుకున్న ఒక జంట జీవితాన్ని, వారి జీవితంలోని  డిఫరెంట్ లైఫ్ స్టైల్ ని ఈ సినిమా ట్రైలర్ లో చూపించారు. వారి కాలేజీ రోజుల నుండి పెళ్లి ఆ తర్వాత వాళ్ళు అనుభవించే లైఫ్ లో డిఫెరెంట్ స్టేజెస్ ని ఈ ట్రైలర్ లో చూపించారు.

ఇక హీరో హీరోయిన్లు శివకుమార్, శ్వేతా లక్ష్మణ్‌ ల కెమిస్ట్రీ సినిమాలో బాగుంటుందని తెలుస్తుంది. దానికి తోడు శేఖర్ చంద్ర అందించిన బీజీఎమ్ కూడా బాగుంది. సహజమైన ప్రేమ, ఆరాటం, కలిసి ఉండటం, వాళ్ళ లైఫ్ లో పడే కష్టాలు, బాధల మధ్య చూపించే బరువైన భావోద్వేగాల గురించిన ఒక అందమైన కథగా ఈ సహా సినిమా ఉండబోతుందని తెలుస్తుంది. ఇక ఈ సినిమాను సెప్టెంబర్ 4న రిలీజ్ చేయబోతున్నారు మేకర్స్.