కాగితం పడవలు (Kaagitham Padavalu)

Story :

స్కూల్ డేస్ నుండి రామ్ (వర్ధన్ గుర్రాల) – గోదావరి (కృష్ణప్రియా) ఒకర్నొకరు ఇష్టపడతారు. అయితే చిన్నతనంలో జరిగిన ఓ సంఘటన వల్ల రామ్ ను, గోదావరి దూరం పెట్టినా, కాలేజ్ డేస్ లో మళ్ళీ ఇద్దరూ ఒకటవుతారు. అలాగే రామ్ ఫ్రెండ్ రాజేష్ (MGR తుకారాం) గోదావరి ఫ్రెండ్ స్వప్న కూడా ఒకర్నొకరు ప్రేమించుకుంటారు. కానీ, వీరి ఊర్లు, కులాలు వేరు కావడంతో అక్కడే సమస్య మొదలవుతుంది. ఈ క్రమంలో ఊళ్లలో జరిగిన కొన్ని నాటకీయ పరిణామాల నేపథ్యంలో వీరి స్నేహితులైన రాజేష్, స్వప్న వారి ప్రేమ పెద్దలు ఒప్పుకోని కారణంగా ఇద్దరూ ఆత్మహత్య చేసుకుని చనిపోతారు. వీరి చావు రామ్ - గోదావరిలో కూడా మార్పు తీసుకొచ్చి, వాళ్ళ పరిస్థితి తమకు రావద్దని భయపడి పారిపోయి పెళ్లి చేసుకుందామని అనుకుంటారు. మరి ఒక ప్రేమ జంట చావు వల్ల మారిన ఊళ్ళలో పరిస్థితులు, మరో ప్రేమ జంట కూడా విడిపోవడానికి కారణం అవుతాయా? లేదా వీరి ప్రేమ పెద్దల్ని ఎదిరించి గెలుస్తుందా? చివరికి రామ్ - గోదావరి లైఫ్ లు లైఫ్ ఎలా టర్న్ అవుతుంది అనేది సినిమా చూసి తెలుసుకోవాలి.

Plus Points : 

ప్రేమ - పరువు హత్యల నేపథ్యంలో ఫిల్మ్ ఇండస్ట్రీలో ఎన్నో సినిమాలు వచ్చాయి. వస్తూనే ఉన్నాయి. అందులో ఉన్న భావోద్వేగాలు అలాంటివి మరి. ఇక ఇప్పుడు విడుదలైన కాగితం పడవలు సినిమా కూడా రియల్ ఇన్సిడెంట్స్ ని బేస్ చేసుకునే తెరకెక్కించడం జరిగింది. సొసైటీ కి ఒక మంచి మెసేజ్ ఇచ్చే పాయింట్ తో తెరకెక్కిన ఈ సినిమాకి మంచి ప్రమోషన్స్ కూడా దక్కాయి. కథ పరంగా సింపుల్ గా... ప్రాణంగా ప్రేమించుకున్న ప్రేమ జంట.. కులాల కారణంగా విడిపోవాల్సి వస్తే.. ఆ జంట పరిస్థితి ఏంటి?  ఏం జరిగిందన్న అంశంతో తెరకెక్కిన ఈ సినిమా, లవ్ అండ్ ఎంటర్టైన్మెంట్ తో పాటు, ఫ్యామిలీ అండ్ ఎమోషన్స్ అంశాలతో తెరకెక్కింది. ఇక ఈ సినిమాలో హీరోగా నటించిన వర్ధన్ గుర్రాల - కృష్ణ ప్రియా ఇద్దరూ తమ రోల్స్ లో సహజంగా నటించి మెప్పించారు. అలాగే కీ రోల్స్ లో నటించిన సమ్మెట గాంధీ, ప్రేమ్ సాగర్ రాజులపాటి సినిమాకి ప్లస్ అయ్యారు. మిగిలిన వాళ్ళు వారి పాత్రల పరిధి మేరకు నటించారు.

Minus Points :

అయితే ఈ "కాగితం పడవలు" సినిమా కథ నేపథ్యం బాగానే ఎంచుకున్నా, ఎంగేజింగ్ స్క్రీన్ ప్లే రాసుకోవడంలో దర్శకుడు ఫెయిల్ అయ్యాడు. సినిమాలో ఇంటర్వెల్ తర్వాత జరిగే సీన్స్ అన్ని ఊహించేయచ్చు. పైగా మూవీలో హీరో హీరోయిన్ల చైల్డ్ లవ్ ట్రాక్ మైనస్ అయింది. కొన్ని సీన్స్ వరెస్ట్ గా తీసాడు. సాంగ్స్ బాగున్నా ప్లేస్ మెంట్ కరెక్ట్ గా లేదు. పైగా హీరో హీరోయిన్ల మధ్య కెమిస్ట్రీ సరిగా ఎస్టాబ్లిష్ చేయకపోవడం వల్ల సాంగ్స్ పెద్దగా ఎక్కవు. క్లైమాక్స్ బాగున్నా, స్క్రీన్ ప్లే ఏమాత్రం కనెక్ట్ అయ్యేలా లేదు. 

అన్నిటికి మించి ఎమోషనల్ సీన్స్ లో డెప్త్ కి ఆడియన్స్ కి కనెక్ట్ అయితే సినిమా కథ ఎలా ఉన్నా కనెక్ట్ అవ్వొచ్చు. కానీ ఇందులో అవి కూడా సరిగా లేవు. సినిమా మీద ప్రేక్షకుడికి ఇంట్రెస్ట్ కలగడానికి మాత్రమే రియల్ స్టోరీని తీసుకున్నట్టు ఉంది గాని, ఆ కథని ఆడియన్స్ కి నచ్చే విధంగా చెప్పడంలో దర్శకుడు సీన్లు రాసుకోలేకపోయాడు. చాలా సీన్లు ఎక్కడో చూసినట్టే ఉంటాయి. 

Technical values :

ఇక టెక్నికల్ వాల్యూస్ గురించి చెప్పుకుంటే... ప్రొడక్షన్ వాల్యూస్ డీసెంట్ గా ఉన్నాయి. డైరెక్టర్ ఎంజీఆర్ తుకారాం కథకుడిగా మంచి స్టోరీ లైన్ ని రాసుకున్నా, దర్శకుడిగా బిగ్ స్క్రీన్ పై ప్రేక్షకులు మెచ్చేలా ఆవిష్కరించడంలో తడబడ్డాడు. స్క్రీన్ ప్లే పూర్తిగా ఊహాజనితంగా ఉండడం వల్ల మెజారిటీ ఆడియన్స్ కి బోర్ కొట్టేసింది. ఇక సంగీత దర్శకుడు AIS.నౌఫల్ రాజా అందించిన సంగీతం బాగుంది. కానీ సాంగ్స్ ప్లేస్మెంట్ సరిగా లేదు. అనవసరమైన సీన్స్ ని ఎడిటర్ తగ్గించి ట్రిమ్ చేయాల్సింది. సినిమాటోగ్రఫీ వర్క్ బాగుంది. పల్లెటూరి సీన్స్ ని న్యాచురల్ గా చూపించారు.

Final Review : 

ఫైనల్ గా "కాగితం పడవలు" అంటూ ఆడియన్స్ ముందుకు వచ్చిన ఈ లవ్ అండ్ ఎమోషనల్ డ్రామా, కథ, కథనాల పరంగా అంతగా ఆకట్టుకోలేకపోయింది. డల్ స్క్రీన్ ప్లే వల్ల, బోరింగ్ సీన్స్ తో, ఊహాజనిత సీన్లతో ఆడియన్స్ కి విసుగుపుట్టించింది. మెయిన్ క్యారెక్టరైజేషన్స్ కూడా సరిగా రాసుకోలేదు.  పైగా అన్ని సినిమాల్లో లాగానే ఇందులో కూడా కులాల గొడవనే హైలెట్ చేసారు, కానీ దానికి సరైన జస్టిఫికేషన్ ఇవ్వలేదు. కొన్ని సిల్లీ సీన్లు మెయిన్ గా మైనస్ అవగా, రొటీన్ ఎండింగ్ వల్ల ఆడియన్స్ కనెక్ట్ కాలేదు. ఫైనల్ గా లవ్ స్టోరీస్ ఇష్టపడే ఆడియన్స్ ఓసారి ట్రై చేయొచ్చు.