Latest Movie Reviews

పవన్ కళ్యాణ్ హరీష్ శంకర్ కాంబోలో వచ్చిన ఉస్తాద్ భగత్ సింగ్ సినిమా సాధారణ ప్రేక్షకుల అంచనాలకు దిగువన.. పవర్ స్టార్ ఫ్యాన్స్ అంచనాలు మ్యాచ్ అయ్యేలా చేసిన పూర్తిస్థాయి కమర్షియల్, ఎంటర్‌టైన్‌మెంట్‌తో సాగే ప్యాకేజ్డ్ మూవీ. పవన్ కల్యాణ్ వన్ మ్యాన్ షో, శ్రీలీల, రాశీ ఖన్నా గ్లామర్ కోసం ఈ సినిమాను చూడాలి. హరీష్ శంకర్‌లో కొత్తగా ఏమి ట్రై చేయలేదు కానీ.. తన మార్కును బ్రహ్మండంగా ప్రజెంట్ చేశాడు. అలాగే సినిమాటోగ్రఫి ఈ సినిమాను మరింత రిచ్‌గా మార్చింది. పవన్ కల్యాణ్ కోసం ప్రత్యేకంగా శ్రద్ద తీసుకొని రాసిన డైలాగ్స్ బాగున్నాయి. దేవీ శ్రీ ప్రసాద్ పాటలు, తమన్ బ్యాక్ గ్రౌండ్ స్కోర్ ఈ సినిమాకు ప్లస్ పాయింట్స్. మైత్రీ మూవీ మేకర్స్ అనుసరించిన నిర్మాణ విలువలు హై స్టాండర్డ్‌లో ఉన్నాయి. అతిగా ఆశపడితే నిరాశ తప్పదు.. అంచనాలు లేకుండా వెళ్తే రెండున్నర గంటలపాటు వినోదాన్ని ఎంజాయ్ చేయొచ్చు.

అభిమానులను అలరించడమే లక్ష్యంగా తీసిన ఉస్తాద్ భగత్ సింగ్ సినిమాలో పవన్ కళ్యాణ్ వారు మెచ్చే రీతిలో కనిపించాడు. ఆయన చాలా ఏళ్ల తర్వాత ఫన్ టచ్ ఉన్న పాత్ర ఇందులో చేసారు. ఓవైపు పవర్ ఫుల్ గా సాగుతూనే.. ఇంకోవైపు వినోదం కూడా పంచుతుందా పాత్ర. అయితే శ్రీలీల.. పవన్ పక్కన కొంచెం చిన్నమ్మాయిలా కనిపించింది. గీత పాత్రలో ఆమె లుక్.. అభినయం బాగానే సాగాయి. రాశి ఖన్నా పాత్ర కాస్త గ్లామర్ కోణంలో సాగింది. పార్తీబన్ మంచి పేరున్న నటుడే అయినా ఆయనకు రొటీన్ విలన్ పాత్ర ఇచ్చాడు హరీష్ శంకర్. ఇక గబ్బర్ సింగ్ కాంబినేషన్ అంటే.. పాటల మీద చాలా అంచనాలు పెట్టుకుంటాం. కానీ దేవిశ్రీ ప్రసాద్ ఇప్పుడిచ్చిన పాటలు ఓ మోస్తరుగా అనిపిస్తాయి. థమన్ బీజీఎమ్ కూడా కొన్ని చోట్ల మరీ లౌడ్ బీజీఎంతో ఇబ్బంది పెట్టాడు. నిర్మాణ విలువలు సినిమాకు అవసరమైన స్థాయిలో ఉన్నాయి. ఓవరాల్ గా కథలో కొత్తదనం లేదు కానీ.. పవన్ శైలికి తగ్గ ఎంటర్టైనింగ్.. మరియు ఎలివేషన్ సీన్ల మీద బండి నడిపించాడు. 'ఓజీ' స్థాయిలో కాదు కానీ.. పవన్ ను అభిమానులు మెచ్చేలా చూపించాడు హరీష్ శంకర్.

పవన్ కళ్యాణ్ హీరోగా నటించిన 'ఉస్తాద్ భగత్ సింగ్' మూవీ ఫైనల్ గా థియేటర్లలో రిలీజ్ కాగా, ఆడియన్స్ నుండి మిక్స్డ్ రెస్పాన్స్ తెచ్చుకుంది. ఇక పవన్ కళ్యాణ్ ఒక పవర్ ఫుల్ పోలీసాఫీసర్ గా మరోసారి మెప్పించారు. శ్రీలీల ఈ సినిమాలో చాలా క్యూట్ గా కనిపిస్తుంది. బాగా నటించింది కూడా, రాశీఖన్నా పాత్ర కు మాత్రం పెద్దగా ఇంపార్టెన్స్ లేదు. నాగప్ప గా నెగిటివ్ షేడ్స్ లో పార్తీబన్, సీఎం గా, KS రవికుమార్ సహా కిల్లి క్రాంతి, టెంపర్ వంశీ వారి పాత్రల పరిధి మేరకు మెప్పించారు. ఇక టెక్నికల్ గా సినిమాటోగ్రఫీ విజువల్స్ బాగున్నాయి. పాటలు యావరేజ్ గా ఉండగా, ఆర్ట్ డైరెక్టర్ ఆనంద్ సాయి వర్క్ బాగుంది. అలాగే హరీష్ శంకర్ అందించిన కొన్ని పవర్ ఫుల్ డైలాగ్స్ సినిమాకి ప్లస్ అవుతాయి. నిర్మాణ విలువలు బాగున్నాయి. ఓవరాల్ గా ‘ఉస్తాద్ భగత్ సింగ్’ సినిమా ఫ్యాన్స్ కి మంచి ఫీస్ట్ ఇచ్చే కమర్షియల్ ఎంటర్టైనర్ సినిమా అవుతుంది. కానీ నార్మల్ ఆడియన్స్ ని అంతగా మెప్పించదు.

పవన్ కళ్యాణ్ – హరీష్ శంకర్ కాంబో అంటేనే భారీ ఎక్స్‌పెక్టేషన్స్.. ‘గబ్బర్ సింగ్’ రేంజ్ మ్యాజిక్ మళ్లీ రిపీట్ అవుతుందా అనే ఆసక్తితో వచ్చిన ‘ఉస్తాద్ భగత్ సింగ్’ ఆడియన్స్ ని ఊహించిన రేంజ్ లో ఎంటర్టైన్ చేయకపోయినా, ఫ్యాన్స్ కి మాత్రం ట్రీట్ ఇస్తుంది. ముఖ్యంగా సెకండాఫ్ పూర్తిగా ఫ్యాన్ అండ్ మాస్ స్టఫ్‌గా డిజైన్ చేశారు. వింటేజ్ సాంగ్స్‌తో వచ్చే పవన్ మూమెంట్స్ థియేటర్లలో ఫ్యాన్స్‌ని ఊగేలా చేస్తాయి. పవన్ స్క్రీన్ ప్రెజెన్స్, ఎనర్జీ, యాక్షన్ సీన్స్ సినిమా మొత్తాన్ని మోస్తాయి. పాతబస్తీ సీక్వెన్స్‌లో గబ్బర్ సింగ్ వైబ్స్ స్పష్టంగా కనిపిస్తాయి. అయితే ఫస్టాఫ్ మాత్రం అంతగా ఎంగేజ్ చేయదు. స్టోరీ నెమ్మదిగా సాగుతూ కొన్ని చోట్ల ఫ్లాట్‌గా అనిపిస్తుంది. ట్విస్ట్స్ ఉన్నా ఇంపాక్ట్ తక్కువగా ఉంటుంది. హీరోయిన్స్ రాశీ ఖన్నా, శ్రీలీల తమ పాత్రల్లో ఓకే. విలన్ పార్థిబన్ పెర్ఫార్మెన్స్ బాగున్నా క్యారెక్టర్ మరింత స్ట్రాంగ్‌గా ఉండాల్సింది. టెక్నికల్‌గా విజువల్స్ రిచ్‌గా ఉన్నాయి కానీ బ్యాక్‌గ్రౌండ్ స్కోర్ మాత్రం మిస్ అయ్యిన ఫీలింగ్ ఇస్తుంది. ఓవరాల్‌గా ‘ఉస్తాద్ భగత్ సింగ్’ పూర్తిగా పవన్ ఫ్యాన్స్ కోసం తీసిన మాస్ ఎంటర్టైనర్. స్టోరీలో కొత్తదనం తక్కువ అయినా, పవన్ స్వాగ్ & యాక్షన్ కోసం ఒకసారి చూడొచ్చు

పవర్ స్టార్ పవన్ కళ్యాణ్ నటించిన ‘ఉస్తాద్ భగత్ సింగ్’ సినిమా అభిమానుల్లో భారీ అంచనాల మధ్య విడుదలైంది. స్క్రీన్‌పై పవన్ కనిపించే ప్రతి సీన్‌లో ఆయన స్వాగ్, ఎనర్జీ ప్రేక్షకులను ఆకట్టుకుంటాయి. ముఖ్యంగా యాక్షన్ సన్నివేశాలు, డైలాగ్ డెలివరీ ఫ్యాన్స్‌కు పూర్తి సంతృప్తినిస్తాయి. అయితే కథ, కథనం విషయానికి వస్తే దర్శకుడు హరీష్ శంకర్ ఈసారి పూర్తిగా మెప్పించలేకపోయాడు. ఫస్టాఫ్‌లో పాత కథన శైలి స్పష్టంగా కనిపిస్తుంది. సెకండాఫ్‌లో కొన్ని ఎమోషనల్, మాస్ సీన్స్ బాగున్నప్పటికీ మొత్తం సినిమా మీద ప్రభావం చూపలేకపోయాయి. తొలిప్రేమ రిఫరెన్స్ సీన్ ప్రత్యేకంగా నిలుస్తుంది. హీరోయిన్‌లుగా శ్రీలీల, రాశీ ఖన్నా గ్లామర్ పరంగా ఆకట్టుకున్నా, వారి పాత్రలకు పెద్దగా ప్రాధాన్యం లేదు. విలన్ పాత్ర బలహీనంగా ఉండటం సినిమాకు మైనస్. టెక్నికల్‌గా విజువల్స్ బాగున్నా, ఎడిటింగ్ లోపాలు, లౌడ్ బ్యాక్‌గ్రౌండ్ మ్యూజిక్ కొంత ఇబ్బంది కలిగిస్తాయి. మొత్తం మీద ‘ఉస్తాద్ భగత్ సింగ్’ చిత్రం పవన్ కళ్యాణ్ అభిమానులను ప్రధానంగా దృష్టిలో పెట్టుకుని రూపొందించబడింది. సాధారణ ప్రేక్షకులకు మాత్రం ఇది సాధారణ కమర్షియల్ ఎంటర్టైనర్‌గా అనిపించే అవకాశముంది.

పవన్ కళ్యాణ్ సినిమా అంటే ఫ్యాన్స్‌కు ఎప్పుడూ పండగే. ‘ఉస్తాద్ భగత్ సింగ్’ (Ustaad Bhagat Singh)లో కూడా ఆయన స్క్రీన్ ప్రెజెన్స్, ఎనర్జీ, స్వాగ్ బాగానే కనిపిస్తాయి. కానీ కంటెంట్ విషయంలో సినిమా పూర్తిగా మెప్పించదు. దర్శకుడు హరీష్ శంకర్ (Harish Shankar) మాస్ ఎలివేషన్స్‌పై ఎక్కువ ఫోకస్ పెట్టి, ఎమోషన్‌ను కొంత మిస్ అయ్యాడు. ఫస్టాఫ్ ఎక్కువగా ఓల్డ్ వైన్ న్యూ బాటిల్ ఫీలింగ్ ఇస్తుంది. సెకండాఫ్ మాత్రం కొంచెం బెటర్‌గా ఉంటుంది. ముఖ్యంగా తొలిప్రేమ రిఫరెన్స్ సీన్ ప్రేక్షకులను ఆకట్టుకుంటుంది. పవన్ కళ్యాణ్ యాక్షన్ సీన్స్, డైలాగ్ డెలివరీ ఫ్యాన్స్‌కు బాగా నచ్చుతాయి. పోలీస్ స్టేషన్ సీన్, ఇంటర్వెల్ బ్యాంగ్ హైలైట్స్‌గా నిలుస్తాయి. అయితే రొటీన్ స్టోరీ, బలహీనమైన విలన్ ట్రాక్, వర్కౌట్ కాని కామెడీ సినిమాకు మైనస్. శ్రీలీల, రాశీ ఖన్నా పాత్రలు పరిమితంగానే ఉంటాయి. పార్థిబన్ నటన బాగున్నా, క్యారెక్టర్ స్ట్రాంగ్‌గా అనిపించదు. టెక్నికల్‌గా చూస్తే విజువల్స్ రిచ్‌గా ఉన్నా, ఎడిటింగ్ వీక్‌గా ఉంది, బ్యాక్‌గ్రౌండ్ స్కోర్ కొంచెం లౌడ్‌గా అనిపిస్తుంది. మొత్తానికి ఈ సినిమా పవర్ స్టార్ ఫ్యాన్స్‌ను మాత్రం ఎంటర్టైన్ చేస్తుంది, కానీ సాధారణ ప్రేక్షకులకు ఇది రొటీన్ కమర్షియల్ సినిమా అనిపించే అవకాశం ఉంది.

శ్రీ విష్ణు హీరోగా, యదునాథ్ మారుతీ రావు దర్శకత్వంలో తెరకెక్కిన “విష్ణు విన్యాసం” కామెడీ ఎంటర్‌టైనర్‌గా ప్రేక్షకుల ముందుకు వచ్చింది. అయితే సినిమా టెక్నికల్‌గా బాగానే ఉన్నా, కంటెంట్ పరంగా మాత్రం మిక్స్‌డ్ ఫీలింగ్ ఇస్తుంది. మ్యూజిక్ డైరెక్టర్ రథన్ అందించిన పాటలు పర్వాలేదనిపించినా పెద్దగా గుర్తుండవు. అయితే నేపథ్య సంగీతం కొన్ని సన్నివేశాల్లో కామెడీని బాగా హైలైట్ చేసింది. సినిమాటోగ్రాఫర్ సాయి శ్రీరామ్ అందించిన విజువల్స్ మాత్రం కలర్‌ఫుల్‌గా, కనువిందు చేసేలా ఉన్నాయి. నిర్మాణ విలువలు కూడా రిచ్‌గా కనిపిస్తాయి. ఇక నెగెటివ్ పాయింట్స్ విషయానికి వస్తే… ఎడిటింగ్‌లో లోపాలు స్పష్టంగా కనిపిస్తాయి. స్క్రీన్‌ప్లేలో క్లారిటీ లేకపోవడం, సన్నివేశాలు వెనకా ముందు అనిపించడం సినిమా ప్రభావాన్ని తగ్గించాయి. కథ కూడా చాలా చిన్నదిగా ఉండటం, దర్శకుడు ఏమి చెప్పాలనుకున్నారో స్పష్టంగా కనెక్ట్ కాకపోవడం మైనస్. అయితే కామెడీ ట్రాక్ మాత్రం కొన్ని చోట్ల బాగా వర్కవుట్ అయ్యింది. శ్రీ విష్ణు తన స్టైల్‌లో ఫ్రీడమ్ తీసుకుని చేసిన నటనతో నవ్వులు పంచే ప్రయత్నం చేశాడు. ఆయన పెర్ఫార్మెన్స్ సినిమాకు ప్రధాన బలం. మొత్తంగా చూస్తే… టెక్నికల్‌గా బాగున్నా, బలహీనమైన కథనం వల్ల “విష్ణు విన్యాసం” పూర్తిగా ఆకట్టుకోలేకపోయింది. కొన్ని కామెడీ సన్నివేశాల కోసం మాత్రమే ఒకసారి చూడదగ్గ సినిమా.

“విష్ణు విన్యాసం”… ఒక ఐడియాగా చూస్తే ఇది ఇంట్రెస్టింగ్ కాన్సెప్ట్. జాతకాలు, వాస్తు వంటి నమ్మకాల మీద ఒక లైట్ కామెడీ డ్రామా చేయాలనే ప్రయత్నం కనిపిస్తుంది. కానీ ఆ ఐడియాను స్క్రీన్‌పై కన్విన్సింగ్‌గా మలచడంలో సినిమా తడబడింది. శ్రీ విష్ణు తనకు బాగా తెలిసిన జోనర్‌లోనే ఉన్నాడు. ఆయన కామెడీ టైమింగ్, డైలాగ్ డెలివరీ కొన్ని చోట్ల పని చేస్తాయి. కానీ అదే ప్యాటర్న్ రిపీట్ అవ్వడం వల్ల కొత్తదనం అనిపించదు. క్యారెక్టర్‌లో డెప్త్ కంటే మేనరిజమ్స్ మీదే ఎక్కువ ఫోకస్ పెట్టినట్టు అనిపిస్తుంది. సినిమాలో మీమ్ కల్చర్‌ను ఎక్కువగా వాడటం పెద్ద మైనస్. అది కథలో భాగంగా కాకుండా, ఆడియన్స్‌ను ఫోర్స్ చేసి నవ్వించాలనే ప్రయత్నంగా కనిపిస్తుంది. ఫలితంగా కామెడీ నేచురల్‌గా రాదు. పాటలు, బ్యాక్‌గ్రౌండ్ స్కోర్ కూడా సినిమా టోన్‌కు సరైన సపోర్ట్ ఇవ్వలేకపోయాయి. నేరేషన్ విషయంలో ఫస్టాఫ్ కొంతవరకు హోల్డ్ చేసినా, సెకండాఫ్‌లో రైటింగ్ వీక్ అవ్వడంతో సినిమా గ్రాఫ్ పడిపోతుంది. ముఖ్యంగా మెయిన్ కాన్‌ఫ్లిక్ట్‌కు సరైన ఎమోషనల్ వెయిట్ ఇవ్వలేకపోయారు.

అయ్యో బాబోయ్… ఈ విష్ణు విన్యాసం చూడటం కూడా ఓ విన్యాసమే అయ్యింది స్టోరీ అంటే చాలా సింపుల్… జాతకాలు, వాస్తు, హీరో పిచ్చి… ఇవన్నీ కలిపి కామెడీ చేయాలని ట్రై చేశారు. కానీ స్క్రీన్ మీద చూసేసరికి “ఇదంతా ఎక్కడో చూసినట్టుంది కదా?” అనిపిస్తుంది. శ్రీ విష్ణు మాత్రం తన స్టైల్‌లో వన్ లైనర్స్ కొడుతూ సినిమాను లాగడానికి ట్రై చేశాడు. కొన్ని చోట్ల నవ్వు వస్తుంది… కానీ చాలా చోట్ల అదే కామెడీ రిపీట్ అవుతూ బోర్ కొడుతుంది. ముఖ్యంగా ఈ మీమ్ మ్యూజిక్… మీమ్ రిఫరెన్స్‌లు… అబ్బా! సినిమా చూస్తున్నామా లేక రీల్స్ చూస్తున్నామా అన్న కన్ఫ్యూజన్. పాటలు వస్తే “సరే… అయిపోండి ప్లీజ్” అనిపించే రేంజ్ సెకండాఫ్ కి వెళ్లేసరికి సినిమా పూర్తిగా స్లో అయి… డ్రాగ్ ఫీల్ వస్తుంది. మొత్తానికి చెప్పాలంటే… పూల చొక్కా వేసుకుని వెళ్తే కూడా ఫ్రెష్ ఫీలింగ్ రాదు

విష్ణు విన్యాసం”… టైటిల్ వినగానే ఏదో ఫ్రెష్ కామెడీ ఎక్స్‌పెక్ట్ చేస్తాం. కానీ స్క్రీన్ మీద కనిపించేది మాత్రం పాత ఫార్ములానే. జాతకాలు, వాస్తు, సిల్లీ కాన్‌ఫ్లిక్ట్… ఇవన్నీ కలిపి ఒక లైట్ ఎంటర్‌టైనర్ చేయాలని ట్రై చేశారు. శ్రీ విష్ణు తన స్ట్రెంగ్త్ అయిన కామెడీ టైమింగ్‌తో సినిమాను మోసే ప్రయత్నం చేశాడు. కొన్ని వన్ లైనర్స్, కొన్ని సన్నివేశాలు నవ్విస్తాయి. కానీ అదే స్టైల్ రిపీట్ అవుతుండటం వల్ల ఒక దశ తర్వాత బోర్ ఫీలింగ్ వస్తుంది. సినిమాలో మీమ్ రిఫరెన్స్‌లు, బ్యాక్‌గ్రౌండ్ మ్యూజిక్ ఎక్కువైపోవడం మైనస్. కామెడీని నేచురల్‌గా కాకుండా ఫోర్స్డ్‌గా తీసుకెళ్లినట్టు అనిపిస్తుంది. పాటలు పెద్దగా గుర్తుండవు… ఫ్లో కూడా బ్రేక్ అవుతుంది. కథ చాలా సింపుల్ అయినా, దాన్ని ఎంగేజింగ్‌గా చెప్పడంలో దర్శకుడు ఫెయిల్ అయ్యాడు. ఫస్టాఫ్ ఓకే అనిపించినా… సెకండాఫ్‌లో సినిమా పూర్తిగా డ్రాగ్ అవుతుంది. మొత్తానికి… శ్రీ విష్ణు ఫ్యాన్స్‌కు కొంతవరకు ఓకే అనిపించొచ్చు. కానీ ఓవరాల్‌గా చూస్తే ఇది అవుట్‌డేటెడ్ కామెడీ ఎంటర్‌టైనర్. Verdict: ఎక్స్‌పెక్టేషన్స్ లేకుండా వెళ్తే ఓకే… లేదంటే స్కిప్ చేయొచ్చు.

ఈ విష్ణు విన్యాసం ఏంట్రా బాబు! స్టోరీ అంటే… చాలాసార్లు చూసిన అదే ఓల్డ్ టెంప్లేట్. శ్రీ విష్ణు వచ్చి తన మార్క్ వన్ లైనర్స్ కొడతాడు… మనం నవ్వుతామా అంటే… ఈసారి అంతగా కుదర్లేదు! ఫస్ట్ హాఫ్ లో కొంచెం నవ్వులు పడతాయి అనిపిస్తుంది… కానీ వెంటనే మీమ్ మ్యూజిక్, మీమ్ రిఫరెన్స్‌లు ఓవర్‌గా వాడేసి పూర్తిగా ఇరిటేట్ చేస్తారు. “ఇది సినిమా చూస్తున్నామా లేక యూట్యూబ్ మీమ్ వీడియోనా?” అన్న ఫీలింగ్ వస్తుంది. సెకండాఫ్ కి వస్తే… కథ ఏదో వెళ్లిపోతుంది… కామెడీ కూడా పూర్తిగా డ్రాప్ అవుతుంది. కొన్ని సీన్స్ తప్పితే మొత్తం డ్రాగ్. పాటలు వస్తే స్కిప్ కొట్టాలని అనిపిస్తుంది… అంత బోర్! శ్రీ విష్ణు మాత్రం తన స్టైల్‌లో ట్రై చేశాడు… కానీ ఈసారి ఆ మ్యాజిక్ వర్కవుట్ కాలేదు అన్నమాట. సినిమా మొత్తం ఆయన ఒక్కడే లాగలేడు కదా! ఈ సినిమా చూసేలోపే మీ ఎక్స్‌పెక్టేషన్స్ తగ్గించుకోండి… లేదంటే డిజప్పాయింట్ అవుతారు!

ఇది ఒక అవుట్‌డేటెడ్ కామెడీ ఎంటర్‌టైనర్. స్టోరీ చాలా సింపుల్… శ్రీ విష్ణు మార్క్ వన్ లైనర్స్ మీదే సినిమా నడుస్తుంది. కానీ ఈసారి ఆ కామెడీ క్లిక్ కాలేదు. అదే డబ్బింగ్ స్టైల్, అదే టైమింగ్ రిపీట్ అవుతూ బోర్ ఫీలింగ్ ఇస్తుంది. ముఖ్యంగా మీమ్ రిఫరెన్స్‌లు, బ్యాక్‌గ్రౌండ్‌లో వచ్చే మీమ్ మ్యూజిక్ చాలా చోట్ల ఇరిటేట్ చేస్తాయి. నవ్వించే ప్రయత్నం ఎక్కువగా ఫోర్స్డ్‌గా అనిపిస్తుంది. పాటలు కూడా అసలు వర్కవుట్ కాలేదు… సినిమాకి ఫ్లోనే బ్రేక్ చేస్తాయి. ఇలాంటి సినిమాలకు పెద్ద స్టోరీ అవసరం లేదు… కానీ ఎంగేజింగ్ స్క్రీన్‌ప్లే, కన్సిస్టెంట్ కామెడీ మాత్రం అవసరం. ఇక్కడ అవే మిస్సయ్యాయి. కొన్ని సీన్స్ మాత్రమే నవ్విస్తాయి, మిగతా టైమ్ డ్రాగ్ ఫీలింగ్ వస్తుంది. శ్రీ విష్ణు తన వంతు ట్రై చేసినా… సినిమా మొత్తాన్ని సేవ్ చేయలేకపోయాడు. Overall: లైట్‌గా వెళ్తే కూడా అంతగా వర్కవుట్ కాదు.