Latest Movie Reviews

రాహుల్ రవీంద్రన్ దర్శకత్వంలో వచ్చిన ది గర్ల్‌ఫ్రెండ్ మంచి ఉద్దేశంతో తీసిన సినిమా అయినా, స్క్రీన్‌పై పూర్తిగా స్ట్రాంగ్ ఇంపాక్ట్ ఇవ్వలేకపోయింది. కథలో కొత్తదనం పెద్దగా లేకపోవడం, ముఖ్యంగా మొదటి సగం చాలా స్లోగా నడవడం పెద్ద మైనస్. ప్రేమ, పాజెసివ్‌నెస్, టాక్సిక్ రిలేషన్‌షిప్ లాంటి సీరియస్ టాపిక్స్ తీసుకున్నా, వాటిని ఇంకా షార్ప్‌గా చూపించాల్సింది. రష్మిక మందన్న నటన బాగుంది, ఎమోషనల్ సీన్స్‌లో ఆమె నిజాయితీ కనిపిస్తుంది. కానీ ఆమె క్యారెక్టర్ గ్రోత్ కొంచెం రిపిటేటివ్‌గా అనిపిస్తుంది. దీక్షిత్ శెట్టి పాత్రకి సరైన డెప్త్ ఇవ్వలేదు అనిపిస్తుంది, అందుకే అతని ప్రవర్తనకు సరైన జస్టిఫికేషన్ రాకపోతుంది. స్క్రీన్‌ప్లే చాలా చోట్ల ల్యాగ్ అవుతుంది, కొన్ని సీన్స్ కేవలం మెసేజ్ చెప్పడానికే పెట్టినట్టు అనిపిస్తాయి. బ్యాక్‌గ్రౌండ్ మ్యూజిక్ ఓకే అనిపించినా, గుర్తుండిపోయేలా ఏమీ లేదు. క్లైమాక్స్ కూడా ఆశించినంత స్ట్రాంగ్‌గా కాకుండా సేఫ్‌గా ముగించారు. మొత్తానికి ఇది ఎంటర్‌టైన్ చేసే సినిమా కంటే, ఒక అవగాహన కలిగించే ప్రయత్నం చేసిన సినిమా. కానీ ఆ ప్రయత్నం పూర్తిగా క్లిక్ కాలేదు. పేషెన్స్ ఉన్నవాళ్లకి ఓసారి చూడొచ్చు, కానీ హై ఎక్స్‌పెక్టేషన్స్‌తో వెళ్తే నిరాశే.

రాహుల్ రవీంద్రన్ దర్శకత్వంలో వచ్చిన ది గర్ల్‌ఫ్రెండ్ ఒక రెగ్యులర్ లవ్ స్టోరీ కాదు. ఇది ఒక అమ్మాయి జీవితంలో ప్రేమ ఎలా పాజెసివ్‌నెస్‌గా మారుతుందో చూపించే రియలిస్టిక్ డ్రామా. రష్మిక మందన్న భూమి పాత్రలో అదిరిపోయే పెర్ఫార్మెన్స్ ఇచ్చింది. ఆమె ఎమోషనల్ గ్రోత్, సెల్ఫ్ రెస్పెక్ట్ కోసం చేసే పోరాటం చాలా నేచురల్‌గా ఉంటుంది. దీక్షిత్ శెట్టి పాత్ర కొంచెం అన్‌కంఫర్టబుల్‌గా ఫీల్ అయ్యేలా రాసారు – అదే ఈ సినిమా ప్లస్ పాయింట్. కొన్ని సీన్లలో నెమ్మదితనం ఉన్నా, మెసేజ్ మాత్రం స్ట్రాంగ్. ఈ జనరేషన్ రిలేషన్‌షిప్స్‌లో ఉన్న రెడ్ ఫ్లాగ్స్‌ని క్లియర్‌గా చూపించిన సినిమా ఇది. ఓవరాల్ గా ఆడియన్స్ ని ఆలోచింపజేసే లవ్ డ్రామా గా ది గర్ల్ ఫ్రెండ్ ని చెప్పుకోవచ్చు. అయితే ఒక వర్గం ఆడియన్స్ ని మాత్రమే సినిమా తీసినట్టు ఉంటుంది. ఫలితంగా కమర్షియల్ గా ఆడియన్స్ కి అంతగా కనెక్ట్ అవకపోవచ్చు.

రాహుల్ రవీంద్రన్ దర్శకత్వంలో తెరకెక్కిన ‘ది గర్ల్ ఫ్రెండ్’ మూవీ డీసెంట్ ఎమోషనల్ లవ్ డ్రామాగా తెరకెక్కింది. సినిమా కంటెంట్ విషయానికి వస్తే.. ఓవరాల్ గా ఓ అమ్మాయి పాయింట్ ఆఫ్ వ్యూ లో చూసుకుంటే సినిమాలో చాలా సెన్స్ ఉందని అందరికి అనిపించడం ఖాయం. అలాగే ఈ రోజుల్లో అమ్మాయిలు అబ్బాయిలు అనే తేడా లేకుండా.. ఇద్దరిలో ఒకరు ఇలా టాక్సిక్ గా బెహేవ్ చేయడం కామన్ అయిపోయింది. కానీ సినిమా అంతా కూడా అమ్మాయి చుట్టూనే తిరుగుతుంది కాబట్టి.. కథ పరంగా మంచి మార్కులు కొట్టేసింది. అక్కడక్కడా కొన్ని లాజిక్స్ మిస్ అయినా మాట నిజమే కానీ.. ఓ ట్రాన్స్ లోకి వెళ్ళినప్పుడు అవి పెద్దగా పట్టించుకోరు జనాలు. అలాగే కొన్ని సీన్స్ కన్విన్సింగ్ గా అనిపించవు. కానీ ఈ కథను అమ్మాయిలు ఇష్టపడతారు.. అబ్బాయిలలో కొంతమంది మెచ్చుకుంటారు. ఓవరాల్ గా రాహుల్ రవీంద్రన్ యూత్ ను మెప్పించి సక్సెస్ అయ్యాడు.

రష్మిక ప్రధాన పాత్రలో రాహుల్ రవీంద్రన్ దర్శకత్వం వహించిన సినిమా ‘ది గర్ల్ ఫ్రెండ్’. సినిమా కంటెంట్ ఓవరాల్ గా బాగున్నా, స్క్రీన్ ప్లే విషయంలో బాగా శ్రద్ధ వహించాల్సి ఉండాల్సింది. రష్మిక నటనలో మౌనం ఎక్కువ భావోద్వేగాలు పలికించింది. అలాగే రష్మికతో సమానమైన నటన దీక్షిత్ శెట్టి కనబరిచారు. ఇద్దరి అద్వితీయమైన నటన సన్నివేశాలను అద్భుతంగా మార్చాయి. రావు రమేష్, రోహిణి కనిపించిన సన్నివేశాలు తక్కువ. నటనతో చూపించిన ప్రభావం ఎక్కువ. ఓవరాల్ గా కాన్సెప్ట్ సింపుల్ గా చెప్పాలంటే... మగాడికీ పరువు ఉంటుంది. కాని మహిళ పరువు తీసే విధంగా సమాజం ప్రవర్తిస్తుందని చెప్పే సినిమా ‘ది గర్ల్ ఫ్రెండ్’. రాహుల్ రవీంద్రన్ కథ, క్లైమాక్స్‌ తో మగాళ్లు ఏకీభవించడం కష్టం. మహిళలు హారతులు పట్టడం, జేజేలు పలకడం పుష్కలం. మహిళల కోసం మగాడు తీసిన సినిమా ‘ది గర్ల్ ఫ్రెండ్’. మహిళలు మెచ్చే సినిమా ‘ది గర్ల్ ఫ్రెండ్’.

రష్మిక మందన్న హీరోయిన్ గా నటించిన ‘ది గర్ల్ ఫ్రెండ్’ మూవీ రాహుల్ రవీంద్రన్ డైరెక్ట్ చేయగా, డిఫరెంట్ లవ్ అండ్ ఎమోషనల్ లవ్ స్టోరీగా తెరకెక్కిన ఈ సినిమా ఆడియన్స్ నుండి మిక్స్డ్ రెస్పాన్స్ తెచ్చుకుంది. టెక్నికల్ గా సినిమా గురించి చెప్పాలంటే రాహుల్ రవీంద్రన్ మంచి టెక్నిషియన్స్ ని పట్టుకున్నాడు. అలాగే స్టోరీ లైన్ కూడా బాగానే రాసుకున్నా, స్క్రీన్ ప్లే పరంగా తడబడ్డాడు. కాస్త ల్యాగ్ ఫీల్ ఇస్తుంది. ఇక హేషమ్ అబ్దుల్ సినిమాకు బలం చేకూర్చే పాటలు ఇచ్చాడు గాని, అవి మరీ వినసొంపుగా లేవు. కృష్ణన్ వసంత్ విజువల్స్ బాగున్నాయి. ఇక రచయిత-దర్శకుడు రాహుల్ రవీంద్రన్.. మన్మథుడు-2 తర్వాత మళ్లీ తన మార్కు చూపించాడు. రిలేషన్‌ షిప్ విషయంలో అతను ఒక సైడ్ తీసుకున్నట్లు అనిపిస్తుంది. కానీ.. చెప్పాలనుకున్న కథను మాత్రం బలంగానే చెప్పాడు. కథ కొత్తది కాకపోయినా, కొంచెం కొత్తగా దాన్ని నరేట్ చేసే ప్రయత్నం చేశాడు. ఓవరాల్ గా ఒక వర్గం ఆడియన్స్ ఈ సినిమాకు కనెక్ట్ అయ్యే ఛాన్స్ ఉంది.

ది గర్ల్‌ఫ్రెండ్’ మూవీకి మెయిన్ హీరో, హీరోయిన్ అన్నీ రష్మిక మంధానానే. సినిమా, సినిమాకి తన నటనతో విమర్శకులను కూడా అభిమానులుగా మార్చుకుంటున్న రష్మక, ఈ మూవీలో నట విశ్వరూపం చూపించేసింది. ముఖ్యంగా మిర్రర్ సీక్వెన్స్, ప్రీ క్లైమాక్స్ ఎపిసోడ్, క్లైమాక్స్.. ఇలా చాలా సీన్లు బాగా వర్కవుట్ అయ్యాయి.. క్లైమాక్స్‌లో ఆమె నటనకి నేషనల్ అవార్డు ఇచ్చినా తప్పులేదని అనిపిస్తుంది. అను ఇమ్మాన్యూయెల్ అందంతో ఆకట్టుకుంది. హీరో దీక్షిత్ కూడా మంచి నటన చూపించాడు. కానీ ఇది బ్రేకప్ చెప్పడానికి ఓ అమ్మాయి పడే కష్టాన్ని చూపించే సినిమా. నిమిషంలో పరిచయం, గంటలో డేటింగ్ అంటూ ఫాస్ట్ ఫార్వర్డ్ బటన్‌కి అలవాటుపడిన నేటి తరానికి బాగా కనెక్ట్ అయ్యే మూవీ ఇది.. ఇక ‘మన్మథుడు 2’ మూవీతో తీవ్రమైన ట్రోలింగ్ ఫేస్ చేసిన రాహుల్ రవీంద్రన్, ‘ది గర్ల్‌ఫ్రెండ్’ మూవీతో మంచి కమ్‌బ్యాక్ ఇచ్చాడు.. ఫస్టాఫ్‌ స్లోగా స్టార్ట్ అయినా, సెకండాఫ్‌ బాగా వర్కవుట్ అయ్యాయి. ముఖ్యంగా రష్మిక మంధాన నట విశ్వరూపాన్ని చూపించిన ‘ది గర్ల్‌ఫ్రెండ్’ మూవీ, నేటి యూత్‌కి ముఖ్యంగా అమ్మాయిలకు బాగా కనెక్ట్ అయ్యే అవకాశం ఉంది.

ఆడది అంటే మగవాడికి సేవలు మాత్రమే చేసేది కాదు, తనకంటూ ఓ లైఫ్‌ ఉంటుందని, దాన్ని గౌరవించాలని చెప్పే సినిమాగా ది గర్ల్ ఫ్రెండ్ కాన్సెప్ట్ తెరకెక్కిందని చెప్పొచ్చు. ఇక ఈ సందేశాన్ని అందించడంతో దర్శకుడు సక్సెస్‌ అయ్యారు. దాన్ని అంతే బాగా తన పాత్ర ద్వారా ఆవిష్కరించడంలో రష్మిక సక్సెస్‌ అయ్యిందని చెప్పొచ్చు. మహిళ స్వేచ్ఛని ఆవిష్కరించే ఈ మూవీ లేడీ ఆడియెన్స్ కి బాగా కనెక్ట్ అవుతుంది. అయితే సినిమా చాలా చోట్ల పడుతూ, లేస్తూ వచ్చింది. ఆయా చోట్ల ట్రిమ్‌ చేయాల్సింది. నిర్మాణ విలువలకు కొదవ లేదు. బాగా తీశారు. దర్శకుడు రాహుల్‌ రవీంద్రన్‌.. మహిళల స్వేచ్ఛకి సంబంధించి చెప్పిన పాయింట్‌ బాగుంది. దాన్ని చూపించిన తీరు బాగుంది. సినిమాని కూడా ఇంటెన్సిటీతో నడొపించిన తీరు బాగుంది. అయితే ఈ చిత్రం ఏ సెంటర్లకి పరిమితమయ్యే మూవీలా ఉంటుంది. కానీ ఫైనల్‌గా.. మహిళలు చూడాల్సిన మూవీ. మగాళ్లు తెలుసుకోవాల్సిన పాయింట్‌. పైనల్‌గా హృదయాన్ని హత్తుకునే చిత్రం.

రాహుల్ రవీంద్రన్ దర్శకత్వంలో రష్మికా మందన్నా, దీక్షిత్ శెట్టి జంటగా నటించిన సినిమా 'ది గర్ల్ ఫ్రెండ్'. అల్లు అరవింద్ సమర్పణలో విద్యా కొప్పినీడి, ధీరజ్ మొగిలినేని నిర్మించిన చిత్రమిది. విడుదల ముందు ప్రచార చిత్రాలు ప్రేక్షకుల్లో ఆసక్తి కలిగించాయి. ఓవరాల్ గా సినిమాలో రష్మిక మందన్న, దీక్షిత్ శెట్టి బాగా చేసారు. ఫ్యాకల్టీగా రాహుల్ రవీంద్రన్ కూడా బాగా చేశారు. ఇక 'ది గర్ల్ ఫ్రెండ్'కు వెళ్లిన ప్రేక్షకులకు ఈ కథ, అందులో క్యారెక్టర్లతో లవ్ - హేట్ రిలేషన్ తప్పకుండా ఏర్పడుతుంది. రాహుల్ రవీంద్రన్ ఫెమినిస్ట్ అని, హీరోయిన్ కోణంలో సినిమా తీసి హీరోని విలన్ చేశారని ఆయనపై కోపం రావచ్చు. దీక్షిత్ శెట్టి పాత్రపై ప్రేమ కలగవచ్చు. రాహుల్ రవీంద్రన్ కథతో ఏకీభవిస్తే రష్మిక పాత్ర నచ్చుతుంది. ఒక్కటి మాత్రం నిజం... ప్రేమలో స్పష్టత ఉండటం ముఖ్యమని చెబుతుందీ సినిమా. రష్మిక, దీక్షిత్ శెట్టి బెస్ట్ పెర్ఫార్మన్స్ ఇచ్చారు. వాళ్ళ కోసం సినిమాకు హ్యాపీగా వెళ్ళవచ్చు. అన్నట్టు... సినిమాపై డిబేట్ తప్పకుండా జరుగుతుంది.

ప్రేమలో కొన్ని ఎక్స్‌పీరియన్స్ చేస్తేనే కానీ అందులోని గాఢత అర్థం కాదు. ఎన్నో ఫీలింగ్స్ ఉన్నా కూడా.. మాటల్లో వివరించలేక మనోవేదన అనుభవించే ప్రేమకథలెన్నో. ప్రాణంగా ప్రేమించిన ప్రతి ప్రేమికురాలు నిలదీసి అడగలేని ప్రశ్నలు కొన్ని మిగిలిపోతుంటాయి. అలా అడగలేని ప్రశ్నలు, చెప్పలేని ఫీలింగ్స్‌కి సమాధానం ‘ది గర్ల్ ఫ్రెండ్’ మూవీ. టాక్సిక్ రిలేషన్‌షిప్‌లో చిక్కుకుని దాన్నుంచి బయటపడలేక నలిగిపోయిన భూమాదేవి కథే ‘ది గర్ల్ ఫ్రెండ్’. సినిమా పరంగా ‘ది గర్ల్ ఫ్రెండ్’ నచ్చేస్తుందని చెప్పొచ్చు. స్క్రీన్ ప్లే పరంగా కాస్త ల్యాగ్ అనిపించినా ఆడియన్స్ పెద్దగా పట్టించుకోకపోవచ్చు. అమ్మాయిలు భూమాదేవి పాత్రకు బాగా కనెక్ట్ అవుతారు. ఈ ప్రేమలేంటో పడుకోవడాలేంటో.. విడిపోవడాలేంటో అని అనుకునే వాళ్లకి మాత్రం ‘ది గర్ల్ ఫ్రెండ్’ బోరింగే. బట్.. ప్రేమ కథ ఏదైనా అది నచ్చాలంటే ముందు దాన్ని ఫీల్ అవ్వాలి. అలా అయ్యేవాళ్లకి మాత్రం ‘ది గర్ల్ ఫ్రెండ్’ నచ్చేస్తుంది.

రాహుల్ రవీంద్రన్ డైరెక్షన్ లో రష్మిక మందన్న హీరోయిన్ గా నటించిన మూవీ "ది గర్ల్ ఫ్రెండ్". లవ్ అండ్ ఎమోషనల్ డ్రామాగా తెరకెక్కిన ఈ సినిమాలో రష్మిక మందన్నా ఒక మంచి పెర్ఫామెన్స్ ని అందించింది. తనతో పాటు దీక్షిత్ శెట్టి కూడా పోటాపోటీగా పెర్ఫామ్ చేసాడు. అలాగే అను ఇమ్మాన్యుయేల్, రావు రమేష్, రోహిణి లాంటి నటుల పాత్రలు వారిపై సన్నివేశాలు మంచి ప్రభావవంతంగా కూడా ఉన్నాయి, కానీ సినిమాలో కోర్ పాయింట్ కొత్తగా ఏమీ అనిపించదు. పైగా దానికి అల్లుకున్న పలు సన్నివేశాలు అందరికీ ఒకేలా కనెక్ట్ అయ్యే అవకాశాలు కూడా తక్కువే ఉంటాయి. వీటితో పాటుగా అక్కడక్కడా స్లో అండ్ రిపీటెడ్ మూమెంట్స్ సినిమాలో రుచించవు. సో వీటితో గర్ల్ ఫ్రెండ్ చిత్రం అక్కడక్కడా ఆకట్టుకుంది. రాహుల్ రవీంద్రన్ డైరెక్షన్ ని ఇష్టపడే వాళ్ళు, రష్మిక ఫ్యాన్స్ ఈ సినిమాని ట్రై చేయొచ్చు. నార్మల్ ఆడియన్స్ కి కొంత కష్టం.

చిరంజీవి హీరోగా వచ్చిన ఈ తాజా చిత్రం కుటుంబ ప్రేక్షకులను లక్ష్యంగా తీసుకున్న సంపూర్ణ వినోదాత్మక చిత్రం. అనిల్ రావిపూడి తనకు బాగా పట్టిన హాస్య శైలిని చిరంజీవి ఇమేజ్‌కు చక్కగా కలిపారు. తొలి భాగం అంతా సరదా సన్నివేశాలు, పంచ్ డైలాగులతో వేగంగా సాగుతుంది. రెండో భాగంలో భావోద్వేగాలు కథకు బలాన్ని ఇస్తాయి. భీమ్స్ సిసిరోలియో అందించిన పాటలు, నేపథ్య సంగీతం సినిమా ఎనర్జీని నిలబెడతాయి. ముఖ్యంగా కామెడీ సన్నివేశాల్లో బ్యాక్‌గ్రౌండ్ స్కోర్ మంచి ప్రభావం చూపిస్తుంది. వెంకటేష్ ప్రత్యేక అతిథి పాత్ర ప్రేక్షకులకు సర్ప్రైజ్‌లా నిలుస్తుంది. ఆయన–చిరంజీవి కలయికకు థియేటర్లలో మంచి స్పందన కనిపిస్తుంది. మొత్తం మీద ఈ సినిమా కుటుంబంతో కలిసి నవ్వుతూ చూడదగిన మంచి ఎంటర్‌టైనర్.

ఎనుగు తొండం – ఘటికాచలం రవిబాబు కెరీర్‌లో మరో ప్రయోగాత్మక చిత్రం. గతంలో పార్టీ, ఆడవాళ్లు మీకు జోహార్లు లాంటి విభిన్న సినిమాలు చేసిన ఆయన, ఈసారి పూర్తిగా సీరియస్ నోట్లోకి వెళ్లాడు. నరేష్ లీడ్ రోల్‌లో తన అనుభవాన్ని పూర్తి స్థాయిలో ఉపయోగించాడు. కొన్ని సీన్స్‌లో ఆయన ఎక్స్‌ప్రెషన్స్ సినిమాకే హైలైట్. కథ నెమ్మదిగా సాగినా, కొన్ని కీలక ఘట్టాలు బలంగా ఉంటాయి. బ్యాక్‌గ్రౌండ్ స్కోర్ సినిమాకి మంచి ఇంపాక్ట్ ఇస్తుంది. కానీ ఫస్ట్ హాఫ్‌లో ల్యాగ్ స్పష్టంగా కనిపిస్తుంది. కొన్ని సీన్స్ ఎడిట్ చేసి ఉంటే పేస్ మెరుగయ్యేది. రవిబాబు గత సినిమాల్లో ఉన్న సర్ప్రైజ్ ఫ్యాక్టర్ ఇక్కడ కొంచెం తక్కువ. అయినప్పటికీ, కంటెంట్ బేస్డ్ సినిమాలు ఇష్టపడేవారు ఓసారి చూడవచ్చు.