Latest Movie Reviews
The most recent reviews from top critics and publications
Goadari Gattupaina movie Review
By Sakshi
గోదావరి అందాల నేపథ్యంలో తెరకెక్కిన ప్రేమకథా చిత్రం ‘గోదారి గట్టుపైన’. సుమంత్ ప్రభాస్, నిధి ప్రదీప్ జంటగా నటించిన ఈ సినిమాకు సుభాష్ చంద్ర దర్శకత్వం వహించారు. అయితే మంచి లొకేషన్స్, సహజమైన వాతావరణం ఉన్నప్పటికీ సినిమా మాత్రం ప్రేక్షకులను పూర్తిస్థాయిలో ఆకట్టుకోలేకపోయింది. కథ పరంగా చూస్తే కొత్తదనం కనిపించదు. కానీ కథనాన్ని ఆసక్తికరంగా మలచడంలో తడబాటు కనిపిస్తుంది. ముఖ్యంగా తొలి భాగంలో సన్నివేశాలు నెమ్మదిగా సాగుతూ బోర్ ఫీలింగ్ తెప్పిస్తాయి.
నటీనటుల విషయానికి వస్తే సుమంత్ ప్రభాస్, నిధి ప్రదీప్ తమ పాత్రలకు న్యాయం చేశారు. జగపతిబాబు పాత్రకు సినిమాలో మంచి ప్రాధాన్యం ఉంది. అయితే పాత్రల ఎమోషన్స్ను బలంగా ఎలివేట్ చేయడంలో దర్శకుడు పూర్తిగా సక్సెస్ కాలేకపోయాడు. టెక్నికల్ గా సాయి సంతోష్ సినిమాటోగ్రఫీ సినిమాకు హైలైట్గా నిలిచింది. గోదావరి అందాలను తెరపై ఎంతో సహజంగా చూపించారు. కానీ విజువల్స్ మాత్రమే సినిమాను నిలబెట్టలేకపోయాయి. టైటిల్ కు తగ్గ బలమైన భావోద్వేగం కూడా సినిమాలో కనిపించదు. ఓవరాల్గా ‘గోదారి గట్టుపైన’ మంచి విజువల్స్తో వచ్చినా… బలమైన కథనం, ఎంగేజింగ్ ట్రీట్మెంట్ లేక ఆకట్టుకోలేకపోయింది.
Sathi Leelavathi Movie Review
By NTV Telugu
పెళ్లైన జంటల మధ్య చిన్న చిన్న ఈగోలు, అనుమానాలు ఎలా పెద్ద సమస్యలుగా మారతాయో చూపించే ప్రయత్నమే ‘సతీ లీలావతి’. కానీ మంచి పాయింట్ తీసుకున్న దర్శకుడు సత్య… దాన్ని ఆసక్తికరంగా చెప్పడంలో మాత్రం పూర్తిగా తడబడ్డాడు. భర్తను ఇంట్లోనే బంధించడం, దాని చుట్టూ నడిచే కామెడీ ట్రాక్లు లాజిక్కి దూరంగా అనిపిస్తాయి. నవ్వించాల్సిన సన్నివేశాలు చాలా చోట్ల బలవంతంగా పెట్టినట్టుగా కనిపిస్తాయి.
లావణ్య త్రిపాఠి, దేవ్ మోహన్ తమ పాత్రలకు న్యాయం చేయడానికి ప్రయత్నించారు. ముఖ్యంగా లావణ్య ఎమోషనల్ సీన్స్లో మెప్పిస్తుంది. కానీ పాత్రల లోతు, భావోద్వేగాల బలం లేకపోవడంతో ఆ పెర్ఫార్మెన్స్ కూడా పెద్దగా ఎలివేట్ కాలేదు. ఉదయ్ పొట్టిపాడు రాసిన కొన్ని డైలాగ్స్ మాత్రం ఆకట్టుకుంటాయి. బినేంద్ర మీనన్ సినిమాటోగ్రఫీ కూడా సినిమాకు ప్లస్ అయ్యింది.
అయితే కథనం నెమ్మదిగా సాగడం, సీన్స్ రిపీటివ్గా అనిపించడం సినిమాకు పెద్ద మైనస్. థియేటర్ నుంచి బయటకు వచ్చాక గుర్తుండిపోయే అంశాలు కూడా చాలా తక్కువ. నిర్మాత నాగమోహన్కు తొలి ప్రయత్నంగా వచ్చిన ఈ సినిమా ఆశించిన ఫలితాన్ని ఇవ్వకపోవచ్చు. మొత్తంగా ‘సతీ లీలావతి’ మంచి కాన్సెప్ట్తో వచ్చినా… సరైన ట్రీట్మెంట్ లేక ఆడియెన్స్ను పూర్తిగా మెప్పించలేకపోయింది.
Sathi Leelavathi Movie Review
చిన్న చిన్న కారణాల వల్ల భార్య భర్తలు విడిపోవడం చూస్తున్నాం. ఈ "సతీ లీలావతి" కథలోనూ అలాంటి సిల్లీ రీజనే దర్శకుడు తీసుకున్నాడు. సినిమాలో భర్త బుర్ర బద్దలు కొట్టి ఇంటిలోనే బంధించే సన్నివేశాలు, దాని చుట్టూ అల్లిన కామెడీ కూడా అతికించినట్టే ఉంది. కాగితం మీద కథగా రాసుకున్నప్పుడు కాస్తంత కొత్తగా ఉండి ఉండొచ్చు కానీ దాని ఎగ్జిక్యూషన్ ను దర్శకుడు సత్య ఫెయిల్ అయ్యాడు. దాంతో సతీ లీలావతి శిరోభారంగా మారిపోయింది. పెర్ఫార్మన్స్ పరంగా లావణ్య త్రిపాఠి, దేవ్ మోహన్ బాగా నటించారు. కానీ పాత్రలు, వాటికీ సంబంధించిన ఎమోషన్స్ ను స్ట్రాంగ్ గా చూపించడంలో డైరెక్టర్ తడబడ్డాడు.
ఉదయ్ పొట్టిపాడు రాసిన కొన్ని డైలాగ్స్ శృత్రిమించాయి. బినేంద్ర మీనన్ సినిమాటోగ్రఫీ అందించారు. నిర్మాత నాగమోహన్ తొలి యత్నంగా తీసిన 'సతీ లీలావతి' ఆయనకు చేదు అనుభవాన్ని మిగిల్చే ఆస్కారం ఎక్కువ. ప్రస్తుతం ఓ బిడ్డకు తల్లి అయిన లావణ్య త్రిపాఠి ఈ సినిమా ప్రమోషన్స్ లో కొంతకాలం సినిమాలకు దూరంగా ఉండాలని నిర్ణయించుకున్నట్టు తెలిపారు. 'సతీ లీలావతి' చూసిన తర్వాత ఆమె సరైన నిర్ణయమే తీసుకున్నారనిపిస్తుంది. ఓవరాల్ గా సతీ లీలావతి మూవీ అంతగా మెప్పించలేకపోయింది.
Godari Gattupaina movie Review
సుమంత్ ప్రభాస్, నిధి ప్రదీప్ జంటగా నటించిన చిత్రం 'గోదారి గట్టుపైన’ (Godari Gattupaina). 100కు పైగా లఘు చిత్రాలు తీసిన అనుభవం ఉన్న సుభాష్ చంద్ర (Subhash Chandra) దర్శకత్వం వహించిన ఈ సినిమా విలేజ్ బ్యాక్ డ్రాప్ లో తెరకెక్కగా తాజాగా ఆడియన్స్ ముందుకొచ్చింది. ఇక థియేటర్లో మిక్స్డ్ రెస్పాన్స్ తెచ్చుకుంది. నటీనటులందరూ తమ పాత్రల పరిధి మేరకు నటించారు. జగపతిబాబు రోల్ కి ఎక్కువ ఇంపార్టెన్స్ ఉంది.
సుభాష్ చంద్ర రచనలో పెద్దగా మెరుపులు లేకున్నా… విజువల్ గ్రాండియర్ తో మెప్పించే ప్రయత్నం చేశాడు. సాయి సంతోష్ సినిమాటోగ్రఫీ బావుంది. గోదావరి జిల్లా అందాలను చక్కగా క్యాప్చర్ చేశాడు. కథ రొటీన్ దే అయినా కథనంతో మెప్పించాల్సింది. ఈ విషయంలో దర్శకుడు సక్సెస్ కాలేక పోయాడు. కానీ ఆ క్యూట్ నెస్ వెండితెరపై క్యారీ చేయలేక పోయాడు. చాలా సీన్స్ ప్రత్యేకించి తొలి అర్ధభాగం చాలా వరకూ సాగదీతతో ప్రేక్షకుల సహనానికి పరీక్ష పెట్టేలా ఉంది. ప్రేమకథలను ఇష్టపడే కొందరికి నచ్చవచ్చు. అసలు టైటిల్ ‘గోదారి గట్టుపైన’ అని ఎందుకు పెట్టారో దర్శకుడికే తెలియాలి. ఓవరాల్ గా మౌత్ టాక్ కూడా సరిగా లేని ఈ సినిమా ఎలా నిలబడుతుందో లాంగ్ రన్ లో తెలుస్తుంది.
Sathi Leelavathi Movie Review
By Filmi Beat
భార్యాభర్తల విడాకుల అంశంతో వచ్చిన కొత్త సినిమా సతి లీలావతి. కథ కొత్తగా లేకపోయినా బోర్ కొట్టించకుండా దర్శకుడు సత్య తెరకెక్కించారని చెప్పాలి. డిఫరెంట్ స్టోరీ కాకపోయినప్పటికీ.. లావణ్య త్రిపాఠి కథను తన పాత్ర ద్వారా నడిపించిన విధానం బాగుంది. ఆమె డిఫరెంట్ షేడ్స్ ఉన్న క్యారెక్టర్ ను చాలా సులభంగా పోషించారు. దేవ్ మోహన్ కూడా తన పాత్ర పరిధి మేరకు రాణించారు. మడోన్నా సెబాస్టియన్ పాత్ర నిడివి తక్కువే. అయితే ఓవరాల్ గా ఫ్రెష్ నెస్ కోరుకునే ఆడియన్స్ ని డిస్సపాయింట్ చేస్తుంది.
అయితే టెక్నికల్ విషయానికి వస్తే.. బినేంద్ర మీనన్ సినిమాటోగ్రఫి బాగుంది. సినిమా బ్యాక్ డ్రాప్ కు సంబంధించిన సన్నివేశాలను నేచురల్ గా తెరకెక్కించారు. మిక్కి జే మేయర్ తన మ్యూజిక్ తో ఆకట్టుకున్నాడు. కొన్ని సీన్స్ ఎడిట్ చేస్తే.. ఫీల్, రన్ బెటర్ గా ఉండేదనిపిస్తుంది. ప్రొడక్షన్ వాల్యూస్ బాగున్నాయి. కాకపోతే దాని మీద పెట్టిన ఫోకస్, కథ, కథనాలపై కూడా పెట్టి ఉంటే.. ఇదోక డిఫరెంట్ ఫ్యామిలీ డ్రామాగా మారేంది. దాంపత్య జీవితంలో విభేదాలు, విడాకులు, లవ్, ఎమోషన్స్ అంశాలతో రూపొందే సినిమాలను ఇష్టపడే వారికి సతీ లీలావతి కొంతవరకు నచ్చడానికి అవకాశం ఉంది.
Godari Gattupaina Movie Review
By Filmi Beat
గోదారి గట్టుపైన సినిమా విషయానికి వస్తే.. తండ్రి, కూతుళ్ల సెంటిమెంట్ అంశంతో ఎమోషనల్ గా కథను సుభాష్ చంద్ర ప్రారంభించారనే ఫీలింగ్ కలుగుతుంది. అయితే కథలోకి వెళ్లిన కొద్ది పక్కా రొటీన్, రెగ్యులర్ ఫార్మాట్ను అనుసరించారనే విషయం కామెడీ ట్రాక్ చెప్పకనే చెబుతుంది. సినిమాలో రాజు, మాయ ప్రేమ కథ మొదలైనప్పటి నుంచి రిపీట్ సీన్లతో విసుగుపుట్టించేలా చేశారు. కథ, కథనాల్లో పస లేకపోవడం వల్ల సాంకేతిక విభాగాల పనితీరు కూడా అంతంత మాత్రంగానే ఉన్నాయి.
సినిమాలో సిట్యుయేషనల్గా పాటలు ఉన్నప్పటికీ.. పెద్దగా ఎలివేట్ కాలేకపోయాయి. కథలో బలం లేనప్పుడు సినిమా రన్టైమ్ తగ్గిస్తే ఫీల్ ఏదైనా పెరిగేది. ప్రొడక్షన్ వాల్యూస్ బాగున్నాయి. కథ, కథనాలపై మరింత దృష్టిపెట్టి ఉంటే ఈ సినిమా ఫలితం వేరేలా ఉండేదనిపిస్తుంది. జగపతిబాబు మినహా మిగతా నటీనటుల ప్రతిభ ఏమి అంత లేదు. ఓవరాల్ గా సినిమా ఆడియన్స్ ని నిరాశపరుస్తుంది.
Sathi Leelavathi Movie Review
By Tupaki
పెళ్లి తర్వాత సినిమాల నుంచి కొంచెం గ్యాప్ తీసుకున్న లావణ్య త్రిపాఠి.. తాజాగా నటించిన చిత్రం ‘సతీ లీలావతి’. తాజాగా థియేటర్లలోకి వచ్చిన ఈ మూవీ ఆడియన్స్ నుండి మిక్స్డ్ రెస్పాన్స్ దక్కించుకుంది. కథ గురించి సింపుల్ గా చెప్పాలంటే... పెళ్లయిన కొన్నేళ్లకు భార్యాభర్తల మధ్య అపార్థాలు రావడం.. ఇద్దరి మధ్య దూరం పెరగడం చాలామందిలో జరిగేదే. ఇద్దరి తప్పొప్పులు తెలుసుకుని కలిసిపోవడమే మెయిన్ పాయింట్. సినిమాలో దానికి ఏ మార్గం ఎంచుకున్నా తెర మీద అవతలి పాత్ర మాత్రమే కాదు.. ప్రేక్షకులు కూడా కన్విన్స్ అయ్యేలా పరిష్కారం చూపించాలి. కానీ 'సతీ లీలావతి'లో తన నుంచి విడిపోవాలని అనుకునే భర్తను మార్చడానికి హీరోయిన్ ఎంచుకునే మార్గం సిల్లీగా అనిపిస్తుంది.
సినిమాలో ఏ దశలోనూ ఆమె భర్తలో పరివర్తన తెచ్చేలా తన ప్రవర్తన ఉండదు. ఆ క్యారెక్టర్ని చూస్తే భర్త ఆమె నుంచి విడిపోవడం కరక్టే అని ఆడియన్సుకి అనిపించేలా డిజైన్ చేసారు ఆ పాత్రని. ఇలాగే సినిమా మొత్తం గొడవలు పడుతూనే ఉంటాయి సీన్లు. ఎంటర్టైన్మెంట్ విషయానికొస్తే... ఒక్క కమెడియన్ ని కూడా యూస్ చేసుకోలేదు. దర్శకుడు తాతినేని సత్య ఎంచుకున్న కాన్సెప్ట్ మంచిదే. కానీ కథను ఒక తీరుగా చెప్పడంలో అతను ఫెయిలయ్యాడు. అతను కథను మొదలుపెట్టిన విధానమే అంత ఆసక్తికరంగా లేదు. నరేషన్ ఆద్యంతం గందరగోళంగా సాగింది. సెకండాఫ్ లో కొంత మేర ఎంటర్టైన్మెంట్ పండించినా.. అది సరిపోలేదు. ఓవరాల్ గా సతీలీలావతి ఎవర్ని మెప్పించలేదు.
Godari Gattupaina Movie Review
By Tupaki
షార్ట్ ఫిలిమ్స్ తో పేరు సంపాదించి.. ‘మేం ఫేమస్’ సినిమాతో హీరోగా దర్శకుడిగా మారిన సుమంత్ ప్రభాస్ ఆ చిత్రంతో బానే ఆకట్టుకున్నాడు. ఇప్పుడు లేటెస్ట్ గా ‘గోదారి గట్టుపైన’ మూవీతో ఆడియన్స్ ముందుకొచ్చాడు. ‘గోదారి గట్టుపైన’ ట్రైలర్ చూస్తేనే ఇదొక సగటు టీనేజీ ప్రేమకథ అనే విషయం అర్థమైపోతుంది. కథ విషయంలోనూ ఫుల్ క్లారిటీ వచ్చేస్తుంది. సింపుల్ గా కథ చెప్పాలంటే.. కూతురిని అమితంగా ఇష్టపడే తండ్రి.. ఆమెను తమ కంటే ఉన్నత స్థాయి కుటుంబంలో ఇవ్వాలని ఆశిస్తాడు. కథానాయికేమో హీరో గుణం చూసి ఇష్టపడుతుంది. వీరి పెళ్లికి ఇష్టపడని తండ్రి.. మిగతా విషయాల కంటే ఆ గుణమే గొప్పదని అర్థం చేసుకోవడం.. ఆ ఇద్దరినీ ఒక్కటి చేయడం.. ఈ నేపథ్యంలో బాగా అలవాటైన కథలాగే నడుస్తుంది ‘గోదారి గట్టుపైన’.
కథ పరంగా ఏ కొత్తదనం కనిపించదు. ఇందులో ఆశ్చర్యపరిచే అంశాలు కూడా ఏమీ లేవు. కథాకథనాలు రొటీన్ అనిపించినా.. టైంపాస్ వినోదాన్ని ఇవ్వడం ద్వారా జస్ట్ ఓకే అనిపిస్తుంది. ఇలాంటి రూరల్ లవ్ స్టోరీలకు వీనుల విందైన సంగీతం అవసరం. కానీ ఆ పాటలు వినాలి అనిపించే స్థాయిలో లేవు. సాయి సంతోష్ ఛాయాగ్రహణం ఆకట్టుకుంటుంది. గోదారి పల్లెటూర్లను.. ప్రేమ సన్నివేశాలను బాగా చూపించాడు. ప్రొడక్షన్ వాల్యూస్ బాగున్నాయి. ఇటు ప్రేమ సన్నివేశాలు కానీ.. అటు కాన్ఫ్లిక్ట్ కానీ బలంగా లేకపోవడంతో సినిమా మరీ తేలిగ్గా అనిపిస్తుంది. ఐతే కొన్ని కామెడీ సీన్లు.. తండ్రీ కూతుళ్ల ఎమోషన్ వరకు అతను బాగా డీల్ చేశాడు. ఓవరాల్ గా గోదారి గట్టుపైన.. కూసింత కాలక్షేపం అన్నట్టు లో ఎక్స్పెక్టేషన్స్ తో సినిమా చూసి బైటికొచ్చేయాలి.
Godari Gattupaina Movie Review
‘మేం ఫేమస్’ అంటూ సుమంత్ ప్రభాస్ సోషల్ మీడియాలో కాస్త హడావిడి చేశాడు. సినిమా అంతగా హిట్ కాకపోయినా మనోడు తన డిఫరెంట్ ప్రమోషన్స్, మాటలు, చేతలతో ఎక్కువగానే ట్రెండ్ అయ్యాడు. ఇప్పుడు సుమంత్ ప్రభాస్ ‘గోదారి గట్టుపైన’ అనే సినిమాతో ఆడియన్స్ ముందుకు వచ్చాడు. ప్రేమకు కులం, మతం, డబ్బు అడ్డు వచ్చిన కథలెన్నో మనం చూశాం. ఇందులో ఏమైనా కొత్తగా చెబుతాడని, చూపిస్తాడని ప్రేక్షకులు ఆశిస్తే మాత్రం నిరాశే కలుగుతుంది.
దర్శకుడు సుభాష్ చంద్ర తీసుకున్న పాయింట్, కథ, కథనం, మేకింగ్, టేకింగ్ ఇవన్నీ కూడా అవుట్ డేటెడ్గానే కనిపిస్తాయి. ఏ ఒక్క చోట కూడా అరెరే ఇదేదో కొత్త సీన్లా ఉందే, సినిమా కొత్తగా ఉందే అని అనిపించదు. నటీనటులు కూడా పెద్దగా గుర్తుండిపోయే పెర్ఫార్మన్స్ చేసింది లేదు... దాని కంటే ముందు ఆ రోల్స్ అంత స్ట్రాంగ్ గా లేవు కూడా. ఉన్నంతలో జగపతిబాబు రోల్ కొంచెం బాగుంటుంది. ఓవరాల్ గా గోదారి గట్టుపైన అని అందమైన టైటిల్, ఓ ఆహ్లాదకరమైన టైటిల్ను పెట్టారు. కానీ అందులోని కథ, కథనం, ఎమోషన్స్ మాత్రం అంత గొప్పగా ఉండవు. అంచనాలతో థియేటర్కి వెళ్తే ప్రేక్షకుడు కాస్త భంగపడే అవకాశం ఉందనిపిస్తుంది.
Godari Gattupaina Movie Review
By 123telugu
యంగ్ హీరో సుమంత్ ప్రభాస్ హీరోగా నటించిన రూరల్ లవ్, ఫ్యామిలీ డ్రామా ‘గోదారి గట్టుపైన’ తాజాగా థియేటర్లలో రిలీజ్ కాగా, మిక్స్డ్ రెస్పాన్స్ అందుకుంది. సుభాష్ చంద్ర దర్శకత్వంలో రెడ్ పప్పెట్ ప్రొడక్షన్స్ నిర్మించింది. అయితే రొటీన్ కథా కథనాలతో సినిమా ఆడియన్స్ ని అంతగా మెప్పించలేదు. గోదావరి నేటివిటీ బాగానే చూపించినా ఇంట్రెస్టింగ్ సీన్స్ తో ఆసక్తిగా చూపించలేకపోయారు.
ఓవరాల్ గా “గోదారి గట్టుపైన’’ అంటూ ఎమోషనల్ లవ్ ఎంటర్ టైనర్ గా వచ్చిన ఈ చిత్రంలో.. మెయిన్ థీమ్, ప్రేమ సన్నివేశాలు అండ్ ఎమోషనల్ సీన్స్ బాగున్నాయి. సుమంత్ ప్రభాస్, జగపతి బాబు నటన కూడా చాలా బాగుంది. ఐతే, కొన్ని రెగ్యులర్ సీన్స్ వంటి అంశాలు సినిమాకి మైనస్ అయ్యాయి. ఓవరాల్ గా ఈ సినిమాలో కొన్ని లవ్ అండ్ ఎమోషనల్ ఎలిమెంట్స్ మాత్రమే ఆకట్టుకుంటాయి.
Sathi Leelavathi Movie Review
By 123telugu
లావణ్య త్రిపాఠి కొణిదెల, దేవ్ మోహన్ జంటగా నటించిన లేటెస్ట్ మూవీ "సతీ లీలావతి". లవ్ అండ్ కామెడీ ఎంటర్టైనర్ గా తెరకెక్కిన ఈ మూవీ తాజాగా థియేటర్లలో విడుదలైంది. ఇక సినిమా విషయానికి వస్తే... రొటీన్ కథా కథనాలతో దర్శకుడు తాతినేని సత్య ప్రేక్షకుల సహనాన్ని పరీక్షించాడు. పెర్ఫార్మన్స్ పరంగా లావణ్య త్రిపాఠి వన్ విమెన్ షోగా నడిపించింది.
ఓవరాల్ గా చూసుకుంటే, ‘సతీ లీలావతి’ ఒక ఫ్యామిలీ ఎంటర్టైనర్ గా ప్రేక్షకులను పూర్తిస్థాయిలో మెప్పించలేకపోయింది. లావణ్య త్రిపాఠి పెర్ఫార్మెన్స్ మరియు పర్వాలేదనిపించే ఫస్టాఫ్ సినిమాకు ప్లస్ అయ్యాయి. సెకండాఫ్ లో వచ్చే కామెడీ ట్రాక్స్, మెయిన్ ప్లాట్ నుంచి కథ డీవియేట్ కావడం మైనస్. ఈ వీకెండ్ ఏదైనా ఫ్యామిలీ డ్రామా చూడాలనుకునే వారు తక్కువ అంచనాలతో ఈ చిత్రాన్ని చూడటం బెటర్.
Gayapadda Simham Movie Review
గాయపడ్డ సింహం గురించి చెప్పాలంటే... ఇంట్రెస్టింగ్ ఐడియా. బోరింగ్ స్టోరీ. ఈ మూవీకి ఒక విలక్షణమైన కథాంశం ఉంది. ఇది ఒక ఎంటర్టైనింగ్ కామెడీగా మారే అవకాశం ఉంది. కానీ స్క్రీన్ ప్లే చాలా బోరింగ్ గా అనిపిస్తుంది, ఎట్ ది సేమ్ టైం సెకండ్ హాఫ్ లో ఏవేవో సన్నివేశాలను కలిపి కుట్టినట్లుగా అనిపిస్తుంది. ఈ ఫార్స్ స్పూఫ్ కామెడీ చాలా వరకు ప్రేక్షకులను ఆకట్టుకోలేకపోయింది. కొన్ని నవ్వులు తప్ప, చివరికి ఇది ఒక బోరింగ్ మూవీగా నిలుస్తుంది.
#GaayaPaddaSimham Interesting Idea, Boring Execution!
The film has an unconventional storyline that had potential to be a wacky comedy. But the screenplay turns out to be exhausting and feels like random scenes stitched together especially in the second half. The farce/spoof comedy fails to land for the most part.
Ends up being a tiring experience with just a few laughs!