Media Reviews

గాయపడ్డ సింహం అంటూ ఆడియన్స్ ముందుకొచ్చిన తరుణ్ భాస్కర్ ఈసారి వాళ్ళ పల్స్ పట్టుకోవడంలో తడబడ్డాడు. అంటే పూర్తిగా కాదు గాని, తన మార్క్ చూపించడంలో తడబడ్డాడు. అయితే సినిమాలో దరహాస్‌ గా నటించిన తరుణ్‌ భాస్కర్‌ తన పెర్ఫార్మన్స్ వరకు బానే ఇచ్చాడు. కానీ ఆడియన్స్ ఇంకా ఎక్స్పెక్ట్ చేసారు. ఫరియా అబ్దుల్లా కూడా శాలిని పాత్రకు న్యాయం చేసింది. అక్కడక్కడా కాస్త ఓవర్‌గా అనిపిస్తుంది. మానస చౌదరి కనిపించింది రెండు మూడు సీన్లలోనే అయినా మెప్పించింది. 

ఇక సినిమాకు ఎంతో కీలకమైన పాత్రగా చెప్పుకొన్న జెడి చక్రవర్తి పాత్ర డిజైన్‌ బాగానే ఉంది. కానీ ప్రమోషన్స్‌లో ఆయన చెప్పినంతగా ఆ పాత్రలో ఏమీ లేదు. దర్శకుడు కూడా ఈ చిత్రంలో ఓ పాత్ర పోషించారు. యాక్టింగ్‌ లోనూ డైలాగ్‌ డెలివరీలోనూ ఆయనకు పేరు పెట్టక్కర్లేదు. భైరవ్‌ గా శ్రీవిష్ణు ఓ తాంత్రికుడిగా కనిపించారు. ఆ పాత్రకు న్యాయం చేశారు. విద్యాసాగర్‌ చింతా సినిమాటోగ్రఫీ బావుంది. నేపథ్య సంగీతం అలరించింది. అయితే వినోదాన్ని కోరుకునే వారికి మాత్రం ఈ సినిమా కాస్త ఊరటను ఇస్తుంది. అంతకుమించి ఎక్స్‌పెక్ట్‌ చేయడానికి ఈ సినిమాలో ఏమీ లేదు. ఇందులో శ్రీవిష్ణు పోషించిన పాత్రను కంటిన్యూ చేస్తూ 'పోరాడే సింహం' టైటిల్‌తో సీక్వెల్‌ ప్లాన్‌ చేసినట్లు లీడ్‌ ఇచ్చారు. కానీ ఆ అవకాశం దర్శక నిర్మాతలకు ప్రేక్షకులు ఇవ్వకపోవచ్చు.

తరుణ్ భాస్కర్ నటించిన గాయపడ్డ సింహం థియేటర్లలో మిక్స్డ్ రెస్పాన్స్ తెచ్చుకుంది. కథా, కథనాలు రొటీన్ గానే ఉన్నా, డైరెక్టర్ జనరంజకంగా తెరకెక్కించడానికి ట్రై చేసాడు. అయితే సినిమాలో కథనంలో వేగం లేకపోవడంతో కాస్త నెమ్మదిగా కథలోకి వెళ్లినట్టు అనిపిస్తుంది. ఎప్పుడైతే బ్రూటల్ ధర్మ క్యారెక్టర్ ఎంట్రీ ఇస్తుందో అప్పటి నుంచి కథలో వేగంగా కదలికలు చోటు చేసుకొని రకరకాల ట్విస్టులతో ప్రేక్షకుడిని ఎంగేజ్ చేసిన తీరు బాగుంటుంది. ఇక భైరవ దాస్ ఎంట్రీ ఇచ్చిన తర్వాత సినిమా మరింత ఊపందుకుంది. 

అలాగే కథలో భాగంగా క్లైమాక్స్‌ను ముగించిన తీరు ఫీల్ గుడ్‌గా ఉంటుంది. అలాగే పార్ట్ 2 సినిమాకు పోరాట సింహం అంటూ శ్రీవిష్ణు క్యారెక్టర్‌ కు ఇచ్చిన లీడ్ బాగుంది. ఓవరాల్‌ గా చిన్న పాయింట్‌ను లాగి లాగి కథను నడిపించినా.. దర్శకుడు కశ్యప్ శ్రీనివాస్ కంటెంట్ మీద పెట్టిన శ్రద్ద ప్రతీ ఫ్రేమ్‌లోను కనిపిస్తుంంది. ఈ సినిమాకు విద్యా సాగర్ చింతా సినిమాటోగ్రఫి స్టోరీ మూడ్‌ ను, క్యారెక్టర్ల ఇంపాక్ట్‌ ను బాగా క్రియేట్ చేసింది. ఓవరాల్ గా ఈ వారం చూడాల్సిన సినిమాల జాబితాలో గాయపడ్డ సింహాం సినిమాను చేర్చుకోవచ్చు. వినోదంతోపాటు యాక్టర్ల పెర్ఫార్మెన్స్‌ను బాగా ఎంజాయ్ చేయడానికి అవకాశం ఉంది.

తరుణ్ భాస్కర్, మానస చౌదరి, ఫరియా అబ్దుల్లా ప్రధాన పాత్రల్లో తెరకెక్కిన ‘గాయపడ్డ సింహం’ సినిమా తాజాగా థియేటర్లలోకి రాగా… ప్రేక్షకులను ఆశించిన స్థాయిలో ఆకట్టుకోలేకపోయింది. మెయిన్ లీడ్ లో నటించిన తరుణ్ భాస్కర్, కీ రోల్ చేసిన శ్రీ విష్ణు ఎవరి స్టైల్ లో వాళ్ళు బానే నటించారు. ఎంటర్టైన్ చేయడానికి సినిమా మొత్తం ట్రై చేస్తారు. కానీ ఎక్కడో కాస్త బెడిసికొట్టింది. ఇక జెడి చక్రవర్తి సినిమాలో ఉన్నంత వరకు బెస్ట్ ఇచ్చాడు. అలాగే సినిమా రిలీజ్ టైం లో ఆయన చేసిన ప్రమోషన్స్ మెచ్చుకుతీరాలి. 

ఇటు కంటెంట్ లో ట్రంప్ పై క్రియేట్ చేసిన కామెడీ సీన్లకు మంచి ఫన్ జనరేట్ అవుతుంది. ఓవరాల్ గా గాయపడ్డ సింహం ఈ సమ్మర్ లో నవనవలాడే మామిడిపండులా అనిపిస్తున్నా, ఆడియన్స్ కి కాస్త పులుపు ఫీలింగ్ నే ఇచ్చింది. సింపుల్ గా చెప్పాలంటే ఇది గాయపడ్డ సింహం అనుకుంటే, సినిమా వరకు గాయపడ్డ కథగా మారింది. 

తరుణ్ భాస్కర్, మానస చౌదరి, ఫరియా అబ్దుల్లా ప్రధాన పాత్రల్లో తెరకెక్కిన ‘గాయపడ్డ సింహం’ సినిమా తాజాగా థియేటర్లలోకి రాగా… ప్రేక్షకులను ఆశించిన స్థాయిలో ఆకట్టుకోలేకపోయింది. దర్శకుడు Kashyap Srinivas తీసుకున్న కథ, స్క్రీన్‌ ప్లే పూర్తిగా రొటీన్‌ గా ఉండి పెద్దగా ఇంపాక్ట్ ఇవ్వలేకపోయాయి. సినిమాలో కొన్ని కామెడీ సీన్స్, ముఖ్యంగా Sree Vishnu గెస్ట్ రోల్ ఉన్న ట్రాక్ కాస్త రిలీఫ్ ఇచ్చినా… అవి కూడా మొత్తం సినిమాను మోసేంత బలం చూపించలేకపోయాయి. కథలో కొత్తదనం లేకపోవడం, సింపుల్ స్టోరీని కూడా ఆసక్తికరంగా చెప్పలేకపోవడం పెద్ద మైనస్‌గా మారింది.

టెక్నికల్‌ గా ప్రొడక్షన్ వాల్యూస్ ఓకే అనిపించినా… సంగీతం పెద్దగా ప్రభావం చూపలేదు. అలాగే సాగదీత సీన్స్ ఎక్కువగా ఉండటం వల్ల సినిమా బోర్ ఫీల్ కలిగిస్తుంది. ఎడిటింగ్‌లో ఇంకా కట్స్ అవసరమనే ఫీలింగ్ వస్తుంది. ఓవరాల్ గా ‘గాయపడ్డ సింహం’ = Routine story + slow narration! కొన్ని కామెడీ సీన్స్ తప్ప… సినిమా మొత్తంగా డిసప్పాయింట్ చేస్తుంది. కొత్తదనం ఆశించే వారికి ఇది పూర్తిగా మిస్ అయ్యే అవకాశం ఉంది.

తరుణ్ భాస్కర్, మానస చౌదరి, ఫరియా అబ్దుల్లా హీరో, హీరోయిన్లుగా నటించిన సినిమా గాయపడ్డ సింహం. తాజాగా థియేటర్లలో విడుదలైన ఈ సినిమాను కశ్యప్ శ్రీనివాస్ డైరెక్ట్ చేయగా, శ్రీవిష్ణు గెస్ట్ రోల్ లో నటించాడు. ఇక సినిమా విషయానికి వస్తే.. కథ స్క్రీన్ ప్లే రొటీన్ గా ఉండి కాస్త డిస్సపాయింట్ చేయగా... సినిమాలో ట్రంప్ – శ్రీవిష్ణు ట్రాక్స్ అండ్ కొన్ని కామెడీ సీన్స్ బాగున్నాయి. నటీనటుల నటన కూడా బాగానే ఉంది. ఐతే, కొన్ని రెగ్యులర్ సీన్స్ అండ్ సింపుల్ స్టోరీ వంటి అంశాలు సినిమాకి మైనస్ అయ్యాయి. 

ఇక ప్రొడక్షన్ వాల్యూస్ బాగున్నాయ్. సంగీతం పర్లేదు. సాగదీత సీన్లు ఎడిట్ చేయాల్సింది. అయితే ఓవరాల్ గా ఈ గాయపడ్డ సింహం సినిమాలో కామెడీ ఎలిమెంట్స్ మాత్రమే ఆడియన్స్ కి కనెక్ట్ అవుతాయి. థియేటర్లలో ఒకసారి రెగ్యులర్ మూవీ లవర్స్ చూసేయొచ్చు. కానీ కొత్తదనం కోరుకునే వారికీ కనెక్ట్ అయ్యే ఛాన్స్ లేదు.

కర’ సినిమా చూసాక ఒకే ఫీలింగ్… “బేస్ బాగుంది… కానీ ప్యాకేజింగ్ కాస్త వీక్!” హీరోగా Dhanush తనదైన స్టైల్‌లో నేచురల్ పెర్ఫార్మెన్స్ ఇచ్చాడు. కొన్ని సీన్స్‌లో ఆయన యాక్టింగ్ నిజంగా హైలైట్. కానీ సినిమా మొత్తం అదే ఎనర్జీని మెంటైన్ చేయలేకపోయింది. డైరెక్టర్ Vignesh Raja తీసుకున్న కాన్సెప్ట్ మాత్రం సాలిడ్. చాలా సీన్లు రియలిస్టిక్ గా ఉంటాయి. కానీ ప్రీ క్లైమాక్స్ వచ్చేసరికి మరీ సినిమాటిక్ లిబర్టీని ఎక్కువగా తీసుకున్నారు. అందువల్ల ఆడియన్స్ కి మరీ ఇంత ఎమోషన్స్ ఏంట్రా తట్టుకోలేకపోతున్నాం అన్న ఫీల్ వస్తుంది. సింపుల్ గా చెప్పాలంటే కొంచెం ఎమోషనల్ ఓవర్‌డోస్‌గా అనిపిస్తుంది.

కొన్ని సీన్స్ బాగా హిట్ అవుతాయి… కానీ వెంటనే ఫ్లో బ్రేక్ అవ్వడం వల్ల ఆడియెన్స్ కనెక్ట్ మిస్ అవుతుంది. జివి ప్రకాష్ బీజీఎమ్ కూడా బాగుంది. ఓవరాల్ గా కర ఒక స్లో పేస్డ్ ఫిలిం. కానీ సెటప్ చాలా స్ట్రాంగ్ గా ఉంటది. విజువల్స్ కూడా బావుంటాయి. కానీ ఫ్రెష్ నెస్ కోరుకుంటే డిస్సపాయింట్ అవుతారు. రెగ్యులర్ మూవీ లవర్స్ కి అయితే ఒకే గాని, లవ్ స్టోరీస్, యాక్షన్ మూవీస్, ఎంటర్టైన్మెంట్స్ ఇష్టపడే వాళ్లకయితే పెద్దగా సినిమా నచ్చకపోవచ్చు. 

‘కర’ సినిమాను ఒక స్ట్రాంగ్ కాన్సెప్ట్‌తో తెరకెక్కించారని మొదట్లోనే అర్థమవుతుంది. రైతులు, బ్యాంక్ లోన్స్, అన్యాయాలు వంటి సీరియస్ అంశాలను తీసుకున్న దర్శకుడు Vignesh Raja వాటిని ఎక్కువ ఎమోషన్‌తో ప్రెజెంట్ చేయాలని ప్రయత్నించాడు. కానీ అదే ఎమోషన్ కొన్ని చోట్ల ఓవర్‌ డోస్ అయి, కథనం స్లోగా మారినట్టు అనిపిస్తుంది. హీరోగా Dhanush తనదైన నేచురల్ యాక్టింగ్‌తో కొన్ని సన్నివేశాల్లో మెప్పించినా, మొత్తం సినిమాను బలంగా లిఫ్ట్ చేయలేకపోయాడు.

కానీ కొన్ని పాయింట్స్ మాత్రం చెత్తగా అనిపిస్తాయి. దొంగతనాలు చేయడమే తప్పంటే.. అవి చేస్తున్న ప్రతిసారి హీరో దేవుడ్ని ప్రార్థిస్తాడు, అలాగే హీరో దొంగతనాలు చేయడం తప్పు కాదన్నట్టు పోర్ట్ ట్రే చేస్తునట్టుంటుంది. తమిళ సినిమాల్లో ఇలాంటివి బాగానే చూపిస్తారు. బట్ నటీనటుల పెర్ఫార్మన్స్ కి అయితే పేరు పెట్టలేం. అందరూ బానే చేసారు. స్పెషల్లీ కెఎస్ రవికుమార్. ఆయన తన రోల్ లో జీవించేసారు. ఇక టెక్నికల్‌ గా చూస్తే విజువల్స్ 90ల వాతావరణాన్ని బాగా రీక్రియేట్ చేశాయి. అయితే ఎడిటింగ్ ఇంకా షార్ప్‌ గా ఉంటే సినిమా నెరేషన్ మరింత టైట్‌ గా ఉండేదనే భావన కలుగుతుంది. మొత్తంగా ‘కర’ మంచి ఐడియాతో వచ్చిన సినిమా అయినప్పటికీ, ప్రెజెంటేషన్ మరియు పేస్ కారణంగా పూర్తి స్థాయిలో ఆకట్టుకోలేకపోయింది.

ధనుష్ నటించిన 'కర' సినిమా విషయానికి వస్తే... ఒక ఇంట్రెస్టింగ్ ఐడియాతో స్టార్ట్ అవుతుంది. రైతులు, బ్యాంక్ లోన్స్, అన్యాయాలు… ఇవన్నీ కలిపి ఒక స్ట్రాంగ్ బేస్ తీసుకున్నాడు దర్శకుడు Vignesh Raja. కానీ ఆ ఐడియాను ఎంత ఎమోషనల్‌గా, ఎంత ఎంగేజింగ్‌ గా స్క్రీన్‌ పై చూపించాలి అన్న విషయంలో మాత్రం సినిమా పూర్తిగా వర్క్ అవ్వలేదని అనిపిస్తుంది. హీరోగా Dhanush తన పాత్రలో ఎప్పటిలాగే నేచురల్ పెర్ఫార్మెన్స్ ఇచ్చాడు. కొన్ని సన్నివేశాల్లో ఆయన యాక్టింగ్ స్ట్రాంగ్‌గా కనెక్ట్ అవుతుంది. కానీ సినిమా నెరేషన్ స్లోగా ఉండడం, కొన్ని చోట్ల ఎమోషన్ ఓవర్‌డోస్ అవ్వడం వల్ల ఆ ఇంపాక్ట్ కంటిన్యూ కాలేదు.

ఇక కథలో ఉన్న రివేంజ్ ఎలిమెంట్, “ముల్లుని ముల్లుతోనే తీయాలి” అన్న కాన్సెప్ట్ బాగానే ఉంది. కానీ ఆ పాయింట్‌ ను మరింత టైట్ స్క్రీన్‌ ప్లే తో, ఎంగేజింగ్ నెరేషన్‌ తో తీసుకెళ్లి ఉంటే సినిమా రిజల్ట్ ఇంకో లెవెల్‌లో ఉండేది. ‘కర’ = Strong concept, but underwhelming execution. మెసేజ్ ఉంది… కానీ ప్రెజెంటేషన్ కొంచెం బలహీనంగా అనిపిస్తుంది. ఒక్క ముక్కలో కర గురించి చెప్పాలంటే ఒక ప్రాపర్ కమర్షియల్ సినిమాలాగా ఉంది. అంటే తెలుగు సినిమాల్లా నాలుగు పాటలు, ఫైట్లు లా కాకుండా, తమిళ సినిమాల్లో ఎలాంటి కాన్సెప్ట్ ఉన్న మూవీస్ ఉంటాయో అలాంటి ఛాయలు కర లో ఉన్నాయి.  

‘కర’ సినిమా గురించి ఒక్క లైన్‌ లో చెప్పాలంటే… “కాన్సెప్ట్ బాగుంది… కానీ ప్రెజెంటేషన్ కాస్త మిస్ అయింది. కోలీవుడ్ స్టార్ Dhanush నుంచి ఎప్పుడూ ఏదో డిఫరెంట్ ఎక్స్‌పెక్ట్ చేస్తాం. ఈసారి కూడా రైతులు, బ్యాంక్ లోన్స్, అన్యాయాలు లాంటి సాలిడ్ టాపిక్ తీసుకున్నాడు. కానీ సినిమా చూసేటప్పుడు ఆ ఎమోషన్ మనకి పూర్తిగా కనెక్ట్ అవుతుందా అంటే… అక్కడే కాస్త లాగ్ ఫీల్ అవుతుంది. 

డైరెక్టర్ Vignesh Raja కథను ఎమోషనల్‌ గా తీసుకెళ్లాలని ట్రై చేశాడు… కానీ కొన్ని చోట్ల ఓవర్‌ డోస్ అయ్యింది. కొన్ని సీన్స్ బాగానే హిట్ అవుతాయి. కానీ వెంటనే వచ్చే సీన్స్ వల్ల ఆ ఫీల్ కట్ అయిపోతుంది.

టెక్నికల్‌గా మాత్రం సినిమా సాలిడ్. థెని ఈశ్వర్ విజువల్స్ 90’s ఫీల్‌ ని బాగా తీసుకొచ్చాయి. అలాగే జివి ప్రకాష్ కుమార్ బీజీఎమ్ కొన్ని సీన్స్‌ను బాగా లిఫ్ట్ చేసింది. సాంగ్స్ మాత్రం పర్లేదు. ఓవరాల్ గా కర సినిమాను ఇంకాస్త షార్ప్‌ గా, ఎంగేజింగ్‌ గా తీసి ఉంటే… ఇది నెక్స్ట్ లెవెల్ మూవీ అయ్యేది. 

తమిళ్ స్టార్ హీరో ధనుష్, మమిత బైజు జంటగా తెరకెక్కిన సినిమా ‘కర’. వెల్స్ ఫిల్మ్ ఇంటర్నేషనల్ బ్యానర్‌‌‌‌ పై ఐషరి కె గణేష్ నిర్మాణంలో విఘ్నేశ్ రాజా దర్శకత్వంలో ఈ సినిమా తెరకెక్కింది. తాజాగా థియేటర్లలో విడుదలైన కర సినిమా ఆడియన్స్ నుండి మిశ్రమ స్పందన అందుకుంది. సినిమాటోగ్రఫీ విజువల్స్ బాగున్నాయి. జీవి ప్రకాష్ బ్యాగ్రౌండ్ మ్యూజిక్ అదరగొట్టాడు. రెండు పాటలు బాగుండగా మిగిలిన బిట్ సాంగ్స్ మాత్రం అంతగా మెప్పించలేదు. సినిమా అంతా 90 స్ బ్యాక్ డ్రాప్ లో జరగడంతో దాని తగ్గట్టు ఆర్ డిపార్ట్మెంట్ బాగానే పని చేసింది. 

ఎడిటింగ్ పరంగా ఫస్టాఫ్ లో కొన్ని లాగ్ సీన్స్ కట్ చేస్తే బాగుండేది. రైతుల కష్టాలు, బ్యాంకు లోన్లు అనే పాత కథ తీసుకొని దానికి దొంగ, నాన్న ఎమోషన్ లను కలిపి ఆసక్తికర స్క్రీన్ ప్లేతో రాసుకొని బాగానే తెరకెక్కించాడు దర్శకుడు. డైరెక్టర్ మొదటి సినిమాకి దీనికి సంబంధం ఉండదు. అసలు ఆ డైరెక్టరేనా ఈ సినిమా తీసింది అనిపిస్తుంది. నిర్మాణ పరంగా మాత్రం సినిమాకు బాగానే ఖర్చుపెట్టినట్టు తెరపై బాగానే కనిపిస్తుంది. మొత్తంగా ధనుష్ మరోసారి తండ్రి ఎమోషన్ తో పాటు దొంగతనాల సస్పెన్స్ కథాంశంతో ‘కర’ సినిమాతో ప్రేక్షకుల ముందుకు వచ్చాడు. ఓవరాల్ గా డీసెంట్ అనిపించుకుంది. 

సహజ నటనకు పెట్టింది పేరైన ధనుష్.. ఆ మధ్య ఇడ్లి కొట్టు తో డీసెంట్ సినిమా ఇవ్వగా, ఈసారి "కర" అంటూ ఒక దొంగగా ఆడియన్స్ ముందుకు వచ్చాడు. ఈసారి కూడా తన పెర్ఫార్మన్స్ తో మెప్పించే ప్రయత్నం చేయగా, క్యూట్ లుక్స్‌ తో అలరించే మమిత బైజు ఈ సినిమాలో పూర్తి డీ గ్లామర్ పాత్రలో మెరిసింది. వృద్ధుడి పాత్రలో కేఎస్ రవికుమార్ నటన కంటతడి పెట్టిస్తుంది. సూరజ్ వెంజర్మూడు, జయరాం, కరుణాస్, పృథ్వీ రాజన్ తమ పాత్రల పరిధి మేరకు పూర్తి న్యాయం చేశారు.

టెక్నికల్ గా కర సినిమా చాలా బెస్ట్ గా ఉంది. జీవి ప్రకాష్ నేపథ్య సంగీతం ఈ సినిమాకు ప్రాణం పోసింది. పాటలు ఓకే అనిపించినా, బ్యాక్ గ్రౌండ్ స్కోర్ మాత్రం చాలా బాగుంది. 90స్ కాలం నాటి వాతావరణాన్ని ఆర్ట్ విభాగం అద్భుతంగా రీక్రియేట్ చేసింది. దానికి తోడు సినిమాటోగ్రఫీ విజువల్స్‌కు మరింత అందాన్ని తెచ్చింది. ఎడిటింగ్ విషయంలో మొదటి సగంలో ఉన్న కొన్ని సాగతీత సీన్లను కట్ చేసి ఉంటే సినిమా ఇంకాస్త పకడ్బందీగా ఉండేది. ఓవరాల్‌గా కర.. ఇటు రైతు కష్టం.. అటు థ్రిల్లింగ్ రాబరీ.. మిక్స్డ్ బ్యాగేజ్ అన్నట్టుంటుంది. అంటే సినిమా ఓసారైతే బానే ట్రై చేయొచ్చు. 

కోలీవుడ్ స్టార్ Dhanush నటించిన ‘కర’ చిత్రం తాజాగా ప్రేక్షకుల ముందుకు వచ్చింది. తాజాగా థియేటర్లలో విడుదలకాగా, మిక్స్డ్ రెస్పాన్స్ అందుకుంది. దర్శకుడు Vignesh Raja ఎంపిక చేసిన కథలో బలం ఉన్నప్పటికీ, దాన్ని స్క్రీన్‌పై ప్రెజెంట్ చేసిన విధానం మాత్రం అంతగా ఆకట్టుకోలేదు. కానీ విలేజ్ నేటివిటీ నేపథ్యం, నటీనటుల పెర్ఫార్మన్స్ ఆకట్టుకుంటుంది. 

రైతులు, బ్యాంక్ లోన్ల సమస్యల వంటి సీరియస్ అంశాలను టచ్ చేసినా… కథనం కొంత అసంబద్ధంగా సాగడం, ఎమోషనల్ సన్నివేశాలు అతిగా ఉండడం వల్ల ప్రేక్షకులు పూర్తిగా కనెక్ట్ కాలేకపోయారు. కానీ నటీనటులు తమ పెర్ఫార్మన్స్ తో ఆకట్టుకుంటారు. మొత్తంగా ‘కర’ చిత్రం మంచి కాన్సెప్ట్‌ తో తెరకెక్కినప్పటికీ, కథనం బలహీనతలు, ఎమోషన్ ఓవర్‌ డోస్ కారణంగా పూర్తి స్థాయిలో ఆకట్టుకోలేకపోయింది. రైతు సమస్యలను ప్రతిబింబించిన డీసెంట్ ప్రయత్నంగా చెప్పుకోవచ్చు.