ధర్మస్థల నియోజకవర్గం (Dharmasthala Niyojakavargam)

ధర్మస్థల నియోజకవర్గం అనే టైటిల్ తో, పొలిటికల్ సినిమా, వరుణ్ సందేశ్ భార్య వితిక షేరు రీ ఎంట్రీ సినిమా అని ఈ సినిమాపై రిలీజ్ కి ముందే కాస్త బజ్ నెలకొంది. ఇక స్టోరీ లైన్ గురించి ఒక్క ముక్కలో చెప్పాలంటే... ఒక నియోజకవర్గాన్ని తన చేతిలో పెట్టుకొని జనాల్ని భయపెడుతూ విర్రవీగుతున్న ఓ రాజకీయనాయకుడిని ఎలా ఎదురించారు అనే కథతో ఈ సినిమాని తెరకెక్కించారు. అలాగే డ్రగ్స్ తో యువత ఎలా పాడైపోతుంది అనే మెసేజ్ ని, ఓటు హక్కు మెసేజ్ ని చూపించారు. 

అయితే ఫస్ట్ హాఫ్ ని రొటీన్ ఫైట్స్, సాంగ్స్ తో సాగదీసినా సెకండ్ హాఫ్ సీన్స్ పరిగెడతాయి. అయితే రాజకీయ నాయకులపై సామాన్యులు పోటీకి నిలబడి గెలిచినా సినిమాలు అనేకం ఉన్నాయి. ఇది కూడా అలాంటిదే. కాకపోతే కొన్ని మెసేజ్ లు ఇస్తూ పొలిటికల్ యాక్షన్ గా తెరకెక్కించారు. ఇక సినిమాలో సాయికుమార్, సుమన్ తో పాటు, వరుణ్ సందేశ్, వితిక షేరు కూడా బాగా నటించారు. ప్రొడక్షన్ వాల్యూస్ బాగున్నాయి. మొత్తంగా ‘ధర్మస్థల నియోజకవర్గం’ యూత్ కి, జనాలకు మెసేజ్ ఇస్తూ సాగిన పొలిటికల్ యాక్షన్ సినిమా. ఈ సినిమాకు 2.75 రేటింగ్ ఇవ్వొచ్చు.

సమాజంలో ఒక స్త్రీ గట్టిగా నిర్ణయించుకుంటే ఎంతటి మార్పునైనా తీసుకురాగలదు అనే బలమైన సందేశాన్ని దర్శకుడు జై జ్ఞాన ప్రభ తోట తెరపై ఆవిష్కరించారు. ప్రస్తుత రాజకీయ నాయకులు ధనం కోసం ఎంతటి నీచానికైనా ఎలా దిగజారుతున్నారో చాలా సున్నితంగా, ఎవరి మనోభావాలు దెబ్బతినకుండా చూపించిన విధానం మెచ్చుకోదగ్గది. పైగా ఇది కేవలం ఒక ఊరికి సంబంధించిన కథ కాదు, నేటి యువత, ముఖ్యంగా విద్యార్థులు, వాళ్ళ తల్లిదండ్రులు చూడాల్సిన సామాజిక అంశాలు ఈ సినిమాలో డిస్కస్ చేసాడు దర్శకుడు ప్రభ. 

అలాగే ఎలాంటి అసభ్యత లేకుండా చాలా క్లీన్‌గా, ఒక అద్భుతమైన సామాజిక ప్రయోజనంతో ఒక మంచి ప్రయత్నమే చేసారు. సీనియర్ నటులు సుమన్, సాయికుమార్ తమ అద్భుత నటనతో ఒకరికొకరు గట్టి పోటీ ఇచ్చారు. అలాగే వితిక షేరు కి కూడా మంచి రోల్ పడింది. ఇక మొదటి చిత్రంతోనే ఇంతటి బరువైన కథాంశాన్ని ఎంచుకోవడం దర్శకుడు జై చేసిన సాహసమే. తను ఎంచుకున్న రెండు ప్రధాన సమస్యలకు సరైన ముగింపు ఇచ్చే ప్రయత్నం చేసాడు. తొలి ప్రయత్నంలోనే చాలా మంది సీనియర్స్‌ను హ్యాండిల్ చేసారు. ఓవరాల్‌ గా ధర్మస్థల నియోజకవర్గం.. పొలిటికల్ ఎంటర్‌టైనర్ విత్ మెసేజ్..!

సాయికుమార్, సుమన్ ప్రధాన పాత్రల్లో జై జ్ఞాన ప్రభ దర్శకత్వంలో తెరకెక్కిన రూరల్ పొలిటికల్ డ్రామా 'ధర్మస్థల నియోజకవర్గం'. సినిమా స్టోరీ పరంగా బాగానే రాసుకున్నా, దానికి తగ్గ మంచి స్క్రీన్ ప్లే రాసుకోవడంలో డైరెక్టర్ తడబడ్డాడు. 

డ్రగ్స్ మాఫియా, రాజకీయాల చుట్టూ తిరిగే ఈ కథలో సాయికుమార్ విలనిజం, డైలాగ్స్ ప్రధాన ఆకర్షణగా నిలిచాయి. అండ్ చాలా రోజుల తర్వాత సుమన్ కి కూడా స్ట్రాంగ్ రోల్ పడింది. అండ్ కీ రోల్ లో నటించిన వితికా షేరుకి కూడా మంచి రోల్ వచ్చింది. 

అయితే, నెమ్మదించిన కథనం, పాత సీన్లు నిరాశపరుస్తాయి. మంచి మెసేజ్ ఉన్నా స్క్రీన్‌ప్లే వీక్‌గా ఉండటంతో సాధారణ చిత్రంగా మిగిలిపోయింది. ఓవరాల్ గా ఒక్కసారి చూసేలా ఉంది. 

దర్శకుడు జై ఙ్ఞాన ప్రభ ధర్మస్థల నియోజకవర్గం సినిమాకు రాసుకొన్న పొలిటికల్, క్రైమ్ డ్రామా పాయింట్ బాగుంది. అలాగే స్టోరి పాయింట్‌ కు తగినట్టుగా కొన్ని బలమైన సన్నివేశాలతో గ్రిప్పింగ్‌గా కథను చెప్పే ప్రయత్నం కూడా బాగుంది. కాకపోతే రెగ్యులర్ సీన్లు, రొటీన్ ఫార్మాట్ ఎంచుకోకుండా ఉండాల్సిందన ఫీలింగ్ కలుగుతుంది. 

ఇక డైరెక్టర్ నటీనటుల నుంచి పెర్ఫార్మెన్స్ రాబట్టుకొన్న విధానం కూడా బాగుంది. సాయికుమార్, సుమన్ అలాగే వితికా షేరు లకు మంచి స్ట్రాంగ్ రోల్స్ పడ్డాయి. మిగిలిన నటీనటులు తమ పాత్రల పరిధిమేరకు నటించి మెప్పించారు.

దర్శకుడు జై ఙ్ఞాన ప్రభ తోట ఎక్కడా డివియేట్ కాకుండా తను చెప్పాలనుకున్న కథను మెసేజ్ రూపంలో తెరకెక్కించి సక్సెస్ అయ్యాడు. డెబ్యూ దర్శకుడే అయినా... పొలిటికల్ యాక్షన్ డ్రామాను చాలా ఎంగేజింగా తీశారు. రచయిత చంద్రబోస్ రాసిన పాటలు బాగున్నాయి. కాకపోతే ఎడిటింగ్ ఇంకాస్త గ్రిప్పింగ్ గా ఉంటే బాగుండేది. ఓవరాల్ గా ఈ పొలిటికల్ యాక్షన్ డ్రామాను ఈ వారం సరదాగా చూసేయండి.

ధర్మస్థల నియోజకవర్గం’ (Dharmasthala Niyojakavargam)..అంటూ ఆడియన్స్ ముందుకు వచ్చిన లేటెస్ట్ మూవీ టైటిల్ పరంగా బాగానే ఉన్నా, సినిమాలో మాత్రం అంత విషయం లేనట్టు అనిపించింది. ప్రీ రిలీజ్ ఈవెంట్ లో రచయిత చంద్రబోస్ ‘రంగస్థలం’ తర్వాత అంతటి సంతృప్తిని ఇచ్చిన చిత్రమిదని ఆయన చెప్పడంతో.. నార్మల్‌గానే సినిమాపై క్రేజ్ ఏర్పడింది. కానీ సినిమాలో మాత్రం అంత స్టఫ్ కనిపించలేదు.

అయితే సినిమాలో బైర్రాజుగా సాయికుమార్ ని చూపించిన తీరు బాగుంది. అలాగే మాదకద్రవ్యాల బిజినెస్‌తో కాలేజీ స్టూడెంట్స్ జీవితాలు ఎలా నాశనం అవుతున్నాయనేది చూపించి, బర్నింగ్ టాపిక్‌ ని దర్శకుడు టచ్ చేశాడు. కానీ, తొలి చిత్రం కావడంతో అనుభవలేమీ.. హిట్‌ కు అడుగడుగునా అడ్డుపడిందనే చెప్పాలి. సాయి కుమార్ ని విలన్‌ గా చూపించాలంటే ‘ప్రస్థానం’ చిత్రాన్ని బీట్ చేసేలా పాత్ర ఉండాలి. కానీ సినిమాలో ఆయన కనిపించిన ప్రతిసారి డైలాగ్స్ చెప్పించడంపైనే దృష్టి పెట్టారు. కానీ ఆ పాత్ర స్వభావాన్ని ఎలివేట్ చేయలేకపోయారు. 

పైగా ఈ కాన్సెప్ట్స్‌తో చాలా సినిమాలు వచ్చాయి. వాటిని అందుకునే రేంజ్ మాత్రం సినిమాలో లేదు. అయితే డైలాగ్స్, పాటలు మినహా.. ఈ సినిమాలో కొత్తదనం అంటూ ఏమీ లేదు. ఫైనల్ గా ఒక మంచి మెసేజ్ ఇవ్వాలని దర్శకుడు చేసిన ఈ ప్రయత్నం రొటీన్‌గానే సాగింది.