Latest Movie Reviews

స్టార్ బాయ్ సిద్ధూ జొన్నలగడ్డ హీరోగా నటించిన తెలుసు కదా మూవీ దీపావళి స్పెషల్ గా రిలీజ్ అవగా, ఆడియన్స్ నుండి మిక్స్డ్ రెస్పాన్స్ తెచ్చుకుంది. ఈ సినిమాను లేడీ డైరెక్టర్ నీరజ కోన డైరెక్ట్ చేయగా, రాశి ఖన్నా, శ్రీనిధి శెట్టి హీరోయిన్లుగా నటించారు. ట్రైయాంగిల్ లవ్ స్టోరీ డ్రామాగా తెరకెక్కిన ఈ మూవీలో ముగ్గురూ పోటీ పడి నటించారు. వీళ్ళతో పాటు వైవా హర్ష రోల్ కూడా బాగుంది. అయితే కథ పరంగా పాత సినిమాలనే అడ్వాన్స్డ్ జెనరేషన్ కి తగ్గట్టుగా తీసినట్టుంది. కాకపోతే స్క్రీన్ ప్లే విషయంలో ఇంకాస్త శ్రద్ధ పెట్టాల్సింది. ఆడియన్స్ ని కన్ఫ్యూజ్ చేసేలా కథనం సాగింది. ఇలాంటి కాన్సెప్ట్ చాలా మంది కనెక్ట్ అయ్యే అవకాశం ఉన్నా, దర్శకురాలు సీన్స్ ని ఎంగేజింగ్ గా హ్యాండిల్ చేయలేకపోయారు. సిద్ధూ ఫ్యాన్స్ కి అయితే కనెక్ట్ అవుతుంది. సాధారణ ప్రేక్షకులు ఒకసారి వీలైతే చూడొచ్చు.

కన్నడ స్టార్ రిషబ్ శెట్టి హీరోగా స్వీయ దర్శకత్వంలో తెరకెక్కించిన మూవీ "కాంతార: చాప్టర్-1". ఫస్ట్ పార్ట్ ఎక్కడైతే ఫినిష్ అయిందో అక్కడ్నుంచే సెకండ్ పార్ట్ మొదలవుతుంది. స్టోరీ నార్మల్ గా ఉన్నా కూడా డైరెక్టర్ గా రిషబ్ శెట్టి ఇంట్రెసింగ్ గా మలచడంలో అద్భుతమైన పాత్ర వహించాడు. హీరోగా కంటే డైరెక్టర్ గా తన ఎఫర్ట్స్ ని మెచ్చుకుని తీరాలి. రిషబ్ మాత్రమే కాదు ప్రొడ్యూసర్స్ నుండి టెక్నిషియన్స్ లో మ్యూజిక్ డైరెక్టర్ అజనీష్ లోకనాథ్ రాకింగ్ మ్యూజిక్ అండ్ బీజీఎమ్, ఎడిటింగ్, సినిమాటోగ్రఫి, కెమెరా వర్క్ విజువల్స్ గా అన్ని బాగున్నాయి. ఇక డివోషనల్ టచ్ తో కూడిన ఈ సినిమా అన్ని రకాల ఆడియన్స్ ని మెప్పిస్తుందని చెప్పాలి. క్లైమాక్స్ లో రిషబ్ మాత్రమే కాకుండా రుక్మణి వసంత్ రోల్ కి ఫిదా అయిపోతారు ఆడియన్స్. ఇక క్లైమాక్స్ కూడా రెండో పార్ట్ గురించి వెయిట్ చేసేలా చేస్తుంది. ఓవరాల్ గా మస్ట్ వాచబుల్.

కన్నడ స్టార్ రిషబ్ శెట్టి హీరోగా స్వీయ దర్శకత్వంలో తెరకెక్కించిన "కాంతార: చాప్టర్-1" మంచి రెస్పాన్స్ అందుకుంది. సినిమాకి నటనాపరంగానే కాదు రిషబ్ శెట్టి టీమ్ ప్రతి టెక్నీషియన్ ది బెస్ట్ ఇచ్చారు. అజనీష్ లోక్ నాథ్ నేపథ్య సంగీతంలో విజృంభించాడు. పాటలకు ఇందులో పెద్దగా ప్రాధాన్యం లేదు గాని బీజీఎమ్ నెక్స్ట్ లెవెల్ లో ఉంది. అరవింద్ కశ్యప్ ఛాయాగ్రహణం అత్యున్నత స్థాయిలో సాగింది. ఆర్ట్ డిపార్ట్మెంట్ కృషి గురించి ఎంత చెప్పినా తక్కువ. హోంబలే ఫిలిమ్స్ ప్రొడక్షన్ వాల్యూస్ గొప్పగా ఉన్నాయి. ఇక తనకు సమకూరిన వనరులన్నింటినీ గొప్పగా ఉపయోగించుకుంటూ రైటర్ కమ్ డైరెక్టర్ రిషబ్ శెట్టి పడ్డ కష్టం గురించి ఎంత చెప్పినా తక్కువే. కథాకథనాల్లో.. సన్నివేశాల్లో కొంచెం గందరగోళం ఉండొచ్చు. ప్రథమార్ధంలో కాస్త బోర్ కొట్టించి ఉండొచ్చు. కానీ ఇలాంటి విభిన్నమైన కథను తెరపైకి తీసుకురావడంలో రిషబ్ పడ్డ కష్టాన్ని అతడి తపనను ఎంత కొనియాడినా తక్కువే. ప్రేక్షకులకు విజువల్స్ రూపంలో పరంగా గొప్ప అనుభూతిని పంచడానికి అతను పెట్టిన ఎఫర్ట్ గొప్పది.

పాన్ ఇండియా మూవీగా తెరకెక్కిన 'కాంతార చాప్టర్ 1' మూవీ భారీ బడ్జెట్ తో తెరకెక్కగా, రిషబ్ శెట్టి నటించి స్వీయ దర్శకత్వం వహించిన విషయం తెలిసిందే. రుక్మిణి వసంత్ హీరోయిన్ గా నటించిన ఈ సినిమా దసరా కానుకగా రిలీజై మంచి రెస్పాన్స్ తెచ్చుకుంది. సినిమా పరంగా తొలి సగంలో కొంత సాగదీసినట్లు అనిపించినా, సెకండ్ హాఫ్ మాత్రం వేగం పుంజుకుని, ముఖ్యంగా క్లైమాక్స్‌లో ప్రేక్షకులకు గూస్ బంప్స్ ఇచ్చే అనుభూతిని అందించిందనడంలో సందేహం లేదు. రిషబ్ శెట్టి నటన, సెకండ్ హాఫ్ కథనం, క్లైమాక్స్, ఇవన్నీ ఆడియన్స్ ని మెప్పిస్తాయి. సాంకేతిక విలువల పరంగానూ సంగీతం, ఆర్ట్, సినిమాటోగ్రఫీ కూడా బాగున్నాయి. భారీ అంచనాల కారణంగా 'కాంతార' చూసిన ఫీలింగ్ కలగకపోయినా, రిషబ్ శెట్టి వన్ మ్యాన్ షో, అద్భుతమైన సాంకేతిక విలువలు, సెకండ్ హాఫ్ కథనం కోసం ఈ సినిమాను ఒకసారి తప్పక చూడొచ్చు.

రిషబ్ శెట్టి స్వీయ దర్శకత్వంలో తెరకెక్కించిన కాంతారా చాప్టర్ 1 ఆడియన్స్ నుండి యావరేజ్ రెస్పాన్స్ తెచ్చుకుంది. నటన పరంగా నటీనటులు హీరో మొదలుకొని హీరోయిన్ విలన్ సహా అందరూ అద్భుతంగా నటించారు. అయితే దర్శకుడు రిషబ్ శెట్టి ఈసారి స్క్రీన్ ప్లే విషయంలో తడబడ్డారు. కథ విషయంలో ఇంకాస్త శ్రద్ధ పెట్టాల్సింది. అయితే సాంకేతిక నాణ్యత మరియు యాక్షన్ డిజైన్‌ లో మేకర్స్ శ్రమ అద్భుతంగా ఉంది. కానీ భావోద్వేగ లోతు మరియు కథనంలో తడబడింది. అజనీష్ లోకనాథ్ సినిమాని తన మ్యూజిక్ తో నెక్స్ట్ లెవెల్ కి తీసుకెళ్లాడు. అయితే ఫిక్షనల్ చారిత్రాత్మక సబ్జెక్టు కాబట్టి ఆడియన్స్ కనెక్ట్ అవుతారు. కానీ కథలో కొత్తదనం కోరుకునే ఆడియన్స్ కి అంతగా కనెక్ట్ అవకపోవచ్చు.

రిషబ్ శెట్టి నటించి నిర్మించిన కాంతార సినిమా ఎలాంటి అంచనాలు లేకుండా గొప్ప థ్రిల్‌ తో పాటు ఓ డివైన్ ఫ్యాక్టర్‌ను అందించిన చిత్రంగా నిలిచింది. ఆ సినిమా ఊహించని విజయం సాధించడంతో కాంతార చాప్టర్ 1 మూవీపై అంచనాలు భారీగా పెరిగాయి. అలాంటి అంచనాలు అందుకోవడం దర్శకుడు రిషబ్ శెట్టికి పెద్ద సవాలే ముందు నిలిచింది. అయితే ఈ ఛాలెంజ్‌ను సరియైన రీతిలో తీసుకొని చక్కటి ఫీల్‌తో సినిమాను అందించారు. రుక్మిణి వసంత్ సహా, జయరాం, గుల్షన్ దేవయ్య వారి పాత్రల్లో నటించి మెప్పించారు. చాలా లోపాలు నేరేషన్ పరంగా ఉన్నప్పటికీ.. వాటిని కప్పిపుచ్చేలా కమర్షియల్ హంగులు దట్టించి సినిమాను క్లీన్‌గా అందించాడు. భారీ అంచనాలు లేకుండా వెళితే.. మంచి సినిమాను చూశామనే తృప్తి, అనుభూతితో బయటకు రావొచ్చు. కాంతార ప్రీక్వెల్ సగటు ప్రేక్షకుడికి ఫుల్ మీల్స్ లాంటి సినిమా.

రిషబ్ శెట్టి నటించి దర్శకత్వం వహించిన కాంతారా చాప్టర్ 1 మూవీ దసరా కానుకగా పాన్ ఇండియా వైడ్ గా రిలీజ్ అయి అన్ని రకాల ఆడియన్స్ ని మెప్పించింది. ఇక రిషబ్ శెట్టి తన పాత్రలో అద్భుతంగా నటించి మెప్పించగా, హీరో పాత్రకేమాత్రం తగ్గకుండా రుక్మిణి వసంత్ తన పాత్రలో నటించి మెప్పించింది. గుల్షన్ దేవయ్య క్యారెక్టర్ కాస్త వెరైటీగా ఉంది. జయరామ్ కూడా తన పాత్రలో మెప్పించారు. అజినీష్ లోక్‌నాథ్ మరోసారి తన మ్యూజిక్ తో సినిమాని నిలబెట్టారు. ఓవరాల్‌గా కాంతారలో నటుడిగా, దర్శకుడిగా రిషబ్ శెట్టి సూపర్ హిట్ అయ్యారు. కానీ ఈ చాప్టర్ 1 విషయానికొస్తే ఫస్ట్ పార్ట్ రేంజ్‌లో డైరెక్టర్‌గా ఆయన మెప్పించలేదేమో అనిపించింది. కానీ యాక్టర్‌గా మాత్రం మరోసారి ఇరగదీశారు. అలా అని ఇది బాలేదా అంటే బావుంది.. కానీ ఎక్కడో ఆ ఫ్రెష్ ఫీల్ మిస్ అయింది. ఓవరాల్‌గా కాంతార చాప్టర్ 1.. అంచనాలు లేకుండా వెళ్తే ఫుల్లుగా ఎంజాయ్ చేయొచ్చు..!

రిషబ్ శెట్టి ప్రధాన పాత్రలో నటించిన కాంతారా చాప్టర్ 1 ఆడియన్స్ నుండి మంచి రెస్పాన్స్ అందుకుంది. డివోషనల్ టచ్ తో వైల్డ్ యాక్షన్ అండ్ గ్రాండియర్ విజువల్స్‌ తో వచ్చిన ఈ ‘కాంతార: చాప్టర్ 1’లో.. భారీ యాక్షన్ సీక్వెన్సెస్ తో పాటు ఫీల్ గుడ్ ఎమోషన్స్ కూడా చాలా బాగున్నాయి. ముఖ్యంగా రిషిబ్ శెట్టి పవర్ ఫుల్ నటన మరియు దర్శకత్వం, మొత్తం సాంకేతిక విభాగం నుంచి అందిన మంచి పనితనం.. మొత్తం సినిమాకే ప్రత్యేక ఆకర్షణగా నిలిచాయి. అలాగే రుక్మిణి వసంత్ పెర్ఫార్మన్స్ కూడా సినిమాకి ప్రత్యేక ఆకర్షణగా నిలిచింది. కానీ, ఒకటి రెండు సన్నివేశాలు రోటీన్ గా సాగడం కాస్త మైనస్ అయింది. అయినప్పటికీ, రిషిబ్ శెట్టి తన నటనతో, కాంతార ఇమేజ్ తో ఈ సినిమాని మరో లెవల్ కి తీసుకు వెళ్లారు. ఓవరాల్ గా ఈ చిత్రం కాంతార అభిమానులతో పాటు మిగిలిన అన్ని వర్గాల ప్రేక్షకులను కూడా బాగా అలరిస్తుంది.

రవితేజ హీరోగా నటించిన "మాస్ జాతర" సినిమా భానుభోగవరపు డైరెక్షన్ లో తెరకెక్కగా, శ్రీ లీల హీరోయిన్ గా నటించింది. నవంబర్ లో రీలీస్ అయిన ఈ సినిమా ఆడియన్స్ ని అంతగా ఇంప్రెస్ చేయలేదు. ఈ సినిమాతో రవన్న మాస్ కం బ్యాక్ ఇస్తాడనుకున్న ఫ్యాన్స్ ఆశలకు గండి కొట్టాడు డైరెక్టర్. సినిమా మొత్తం రవితేజకి మంచి ఎలివేషన్లు ఉంటాయి. కానీ ఎక్కడా ఆ సీన్స్ కి ఎలివేషన్లకు తగ్గ స్క్రీన్ ప్లే ఉండదు. మొత్తం రవితేజ వన్ మ్యాన్ షోగా సినిమా అనిపిస్తుంది. కానీ రవితేజ క్యారెక్టర్ గుర్తుండదు. ఎందుకంటే సినిమా చూస్తున్నంత సేపు క్రాక్ సినిమా గుర్తొస్తుంది. ప్రతి సీన్ దగ్గరా క్రాక్ సినిమా లాగే సీన్లు ఉంటాయి. ఇక శ్రీలీల సహా అందరికి బలమైన పాత్ర రాసుకోవడంలో విఫలమయ్యాడు డైరెక్టర్. భీమ్స్ తనవరకూ న్యాయం చేసినా, అది సినిమాకు అంతగా హెల్ప్ అవ్వలేదు. ఓవరాల్ గా ఫ్యాన్స్ ని మెప్పించినా, సాధారణ ప్రేక్షకులను ఆకట్టుకోలేదు.

రవితేజ హీరోగా తనకు అచ్చి వచ్చిన మాస్ జోనర్ లో అలాంటి ఒక పవర్ఫుల్ టైటిల్ తో వచ్చిన సినిమా "మాస్ జాతర". ట్రైలర్ చూసాక ఈసారి రవితేజ మాస్ కం బ్యాక్ పక్కా అని అనుకున్నారు ఫ్యాన్స్. కానీ మూవీ చూసాక ఆడియన్స్ అంచనాలు తారుమారయ్యాయి. మంచి మాస్ సీన్స్ పై ఫోకస్ పెట్టిన డైరెక్టర్ దానికంటే అవసరమైన కథ, కథనాలు రాసుకోవడంలో ఫోకస్ చేయలేదు. సినిమా మొత్తం భారి క్యాస్టింగ్ ఉన్నా, విలన్ సహా ఎవ్వరి పాత్ర కూడా బలంగా అనిపించదు. రవితేజ పాత్రపై మాత్రమే డైరెక్టర్ ఫోకస్ పెట్టాడు. కానీ మూవీ లవర్స్ కి అది సరిపోదు కదా. సినిమాని నడిపించేది కథే. అది రొటీన్ గా ఉన్నపుడు కనీసం స్క్రీన్ ప్లే పైన అయినా ఫోకస్ పెట్టాలి. కానీ దాంట్లోనే దర్శకుడు నెగ్లెట్ చేసాడు. ఓవరాల్ గా మాస్ జాతర రవితేజ ఫ్యాన్స్ కి కిక్ ఇస్తుందేమో గాని, కామన్ ఆడియన్స్ కి అంతగా ఆకట్టుకోలేదు.

ధమాకా తర్వాత ఆ రేంజ్ సక్సెస్ లేని రవితేజ ఈసారి మాస్ జోనర్ లోనే మాస్ జాతర తో ఆడియన్స్ ముందుకు వచ్చాడు. భ్నుభోగవరపు డైరెక్షన్ లో వచ్చిన ఈ సినిమా అంతగా రెస్పాన్స్ తెచ్చుకోలేకపోయింది. అతను రాసిన కథ, కథనాల్లో అస్సలు కొత్తదనం కనిపించదు. తర్వాత ఏం జరుగుతుందో అనే ఉత్కంఠ అస్సలు క్రియేట్ చేయలేకపోయాడు డైరెక్టర్. ఫస్ట్ సీన్ నుంచి లాస్ట్ సీన్ వరకూ ఏం జరుగుతుందో ప్రేక్షకులు ఇట్టే ఊహించగలరు. ఎప్పట్లాగే పాటలకు, డ్యాన్సులకు, హీరో హీరోయిన్లు మాత్రం ఎంటర్టైన్ చేసారు. అయితే టీజర్, ట్రైలర్‌లో చూపించినట్టే, పాత సినిమాల రిఫరెన్సులతో ఇద్దరి మధ్య లవ్ ట్రాక్ నడిపి, నవ్విద్దామని అనుకున్నాడు భాను. రాజేంద్ర ప్రసాద్, నరేష్, ప్రవీణ్ వంటి ఇతర సీనియర్ నటులు తమ నటనతో మెప్పించారు. సినిమాటోగ్రఫీ బాగుంది. ప్రొడక్షన్ వాల్యూస్‌ రిచ్‌గా ఉన్నాయి. ముఖ్యంగా యాక్షన్ ఎపిసోడ్స్ బాగున్నాయి. కొన్ని ఫైట్స్ ‘క్రాక్’ మూవీని గుర్తుకు తెస్తాయి. ఓవరాల్‌గా రవితేజ‌ నుంచి రెగ్యులర మాస్ రాజా మార్క్ కమర్షియల్ ఎంటర్‌టైనర్‌ ‘మాస్ జాతర’.

రవితేజ హీరోగా భానుభోగవరపు దర్శకత్వంలో తెరకెక్కిన మాస్ జాతర మూవీ నవంబర్ లో రిలీజ్ అయింది. అయితే ఆడియన్స్ ఆశించిన రేంజ్ లో టాక్ రాలేదు. టెక్నికల్ గా సినిమాలో అడవివరం స్టేషన్‌, లొకేషన్లు, నైట్‌ షూట్‌, జాతర ఎపిసోడ్స్ ని బాగా డీల్‌ చేశారు డైరక్టర్‌. కానీ వాటి మీద ఫోకస్ పెట్టి కథ, స్క్రీన్ ప్లే విషయంలో తడబడ్డారు. రవితేజ మార్క్ హిట్‌ సినిమాల తాలూకు స్పెషల్‌ అంశాలు చాలా చోట్ల గుర్తుకొస్తాయి. కానీ అవి కామన్ ఆడియన్స్ కి అంతగా నచ్చలేదు. పలు సన్నివేశాల్లో బలం లేకపోయినా హుషారైన నేపథ్య సంగీతంతో వాటిని రక్తికట్టించే ప్రయత్నం చేశారు భీమ్స్. యాక్షన్‌ ఎపిసోడ్స్ గగుర్పొడిచేలా ఉన్నాయి. ఫస్టాఫ్ లో ఉన్న ఫ్లో, సెకండ్‌ హాఫ్లోనూ ఉండుంటే బావుండేది. సన్నివేశాలన్నీ అక్కడక్కడే తిరుగుతున్నట్టు అనిపించేసరికి కొన్ని సందర్భాల్లో ప్రేక్షకుల సహనానికి పరీక్ష పెట్టినట్టు అయింది. మొత్తానికి మాస్‌ మహరాజ్‌ ఫ్యాన్స్ కి ట్రీట్‌ ఈ సినిమా. కానీ బాక్స్ ఆఫీస్ వద్ద సాధారణ ప్రేక్షకులకు కనెక్ట్ అవలేదు.