Maremma (మారెమ్మ)

మాస్ మహారాజా రవితేజ తమ్ముడు రఘు కొడుకు మాధవ్ భూపతిరాజు హీరోగా తెరకెక్కిన లేటెస్ట్ మూవీ "మారెమ్మ". తెలంగాణ గ్రామీణ నేపథ్యంలో తెరకెక్కిన ఈ మూవీ జాతర కాన్సెప్ట్ తో తెరకెక్కింది. ఇప్పటికే ఈ సినిమా నుండి వచ్చిన టీజర్ సాంగ్స్ ఆకట్టుకోగా, తాజాగా ట్రైలర్ ని రిలీజ్ చేసారు మేకర్స్. ఇక మారెమ్మ ట్రైలర్ రూరల్ బ్యాక్ డ్రాప్ లో రా అండ్ రస్టిక్ గా ఆకట్టుకుంటుంది. ట్రైలర్ కి సోషల్ మీడియాలో వస్తున్న స్పందనకు ఉన్న హైప్ డబుల్ అయిందని చెప్పాలి. అలాగే ట్రైలర్ ద్వారా సినిమా కాన్సెప్ట్ మొత్తం చెప్పేశారని తెలుస్తుంది. 

మారెమ్మ ట్రైలర్ ని ఒకసారి గమనిస్తే... పల్లెటూరి సంస్కృతి, ఆచారాలు, భక్తి, ప్రజల్లో దేవుళ్ళపై నమ్మకాలు, పగలు ప్రతీకారాలు, నేపథ్యంలో ఈ సినిమా నిండి ఉంటుందని తెలుస్తుంది. ట్రైలర్ లో "ప్రతి దేశానికి ఒక చరిత్ర ఉన్నట్లే... ప్రతి ఊరి పుట్టుక వెనుక ఓ సాంప్రదాయం ఉంటుంది" అనే డైలాగ్ వాయిస్ ఓవర్‌ లో మూవీ కాన్సెప్ట్ తెలుస్తుంది. ఈ మూవీలో చూపించే ఊరిలో అనుకోకుండా ఏదో వ్యాధి పశువులు అన్నీ మృత్యువాత పడుతుంటాయి. ఈ విపత్తు నుంచి తమ పశువుల్ని, ఊరిని కాపాడుకోవడానికి ఊళ్ళో వాళ్ళు ఆ ఊరి అమ్మవారు మారెమ్మ తల్లికి జాతర జరిపిస్తామని మొక్కి, అప్పుడే పుట్టిన మారెమ్మ (ఓ దున్నపోతు) అనే దున్నపోతుని కాపాడుతుంటారు. 

అయితే ఆ దున్నపోతుని కంటికి రెప్పలా కాపాడుకునే బాధ్యతను ఓ యువకుడి (మాధవ్ భూపతిరాజు)కి అప్పగిస్తారు. అయితే అనుకోకుండా ఆ దున్నపోతు కనిపించకుండా పోతుంది. ఆ దున్నపోతుని తిరిగి ఎలా వెనక్కి తీసుకొచ్చారు. చివరికి ఊరిని మారెమ్మ ఎలా కాపాడుతుందనేది సినిమా కథగా ఉండబోతుందని సమాచారం. ఇక ట్రైలర్ కి ప్రశాంత్ విహారి ఇచ్చిన బీజీఎమ్ చాలా బాగుంది. ఇక మోక్ష ఆర్ట్స్ పతాకంపై మయూర్ రెడ్డి బండారు నిర్మిస్తున్న 'మారెమ్మ' లో దీపా బాలు హీరోయిన్ గా నటించగా, మంచాల నాగరాజ్ దర్శకత్వం వహించారు. సెప్టెంబర్ 10న మారెమ్మ సినిమాను విడుదల చేసేందుకు మేకర్స్ ప్లాన్ చేస్తున్నారు.