మండాడి (Mandaadi)

కోలీవుడ్ టాలెంటెడ్ ఆక్టర్ సూరి, టాలీవుడ్ నటుడు సుహాస్ ప్రధాన పాత్రల్లో తెరకెక్కిన లేటెస్ట్ యాక్షన్ మూవీ "మండాడి". ఎల్రెడ్ కుమార్ 'ఆర్ఎస్ ఇన్ఫోటైన్‌మెంట్' బ్యానర్‌ పై ప్రతిష్టాత్మకంగా నిర్మించిన ఈ మూవీకి వెట్రిమారన్ క్రియేటివ్ ప్రొడ్యూసర్‌గా వ్యవహరించాడు. కాగా  ఈ సినిమా సెప్టెంబర్ 10న పాన్ ఇండియా స్థాయిలో విడుదల కానుంది. మతిమారన్ పుగళేంది డైరెక్ట్ చేసిన ఈ మూవీ యొక్క అఫిషియల్ టీజర్ ను మేకర్స్ తాజాగా విడుదల చేశారు. ఇక సోషల్ మీడియాలో ఈ టీజర్ కి మంచి రెస్పాన్స్ వస్తుంది. 

ఇక సముద్రం బ్యాక్ డ్రాప్ లో "పడవల పందెం" నేపథ్యంలో సాగే ఈ సినిమాలో సూరి - సుహాస్ చెరో టీమ్స్ కి కెప్టెన్స్ గా వ్యవహరిస్తున్నట్టు టీజర్ ద్వారా తెలుస్తుంది. ఇక టీజర్ ఆద్యంతం హై వోల్టేజ్ రేసింగ్ సన్నివేశాలతో బాగా ఆకట్టుకునేలా ఉంది. ఇక టీజర్ లో "పందెమే మనల్ని కాపాడుతుంది.. పందేన్ని మనం కాపాడటం లేదు"... బరిలోకి దిగే ప్లేయర్స్‌ లో నిజాయితీ ఉంటే.. ఈ గాలి, సముద్రం మిమ్మల్ని ఎప్పటికీ ఒగ్గేయదు"... అంటూ వినిపించిన డైలాగ్స్ గూస్బంప్స్ తెప్పిస్తూ... మూవీలో ఎమోషన్‌ ను, ఇంటెన్సిటీని తెలియజేస్తున్నాయి. ఇక టీజర్ లో ఆ బోట్ రేసింగ్ సీన్స్ సీక్వెన్స్ విజువల్స్ పరంగా అద్భుతంగా ఉన్నాయి.

అలాగే జీవీ ప్రకాష్ కుమార్ బీజీఎమ్ చాలా బాగుంది. ఎస్.ఆర్‌. కథిర్ సినిమాటోగ్రఫీ సినిమాకి హైలెట్ అవనుందని తెలుస్తుంది. ఇక ఈ సినిమాను తెలుగులో మైత్రి మూవీ మేకర్స్ డిస్ట్రిబ్యూట్ చేస్తున్నట్టు సమాచారం. ఇక మండాడి సినిమాలో సూరి, సుహాస్ తో పాటు మహిమా నంబియార్, సత్యరాజ్, రవీంద్ర విజయ్, మిథున్, బాల శరవణన్ కీ రోల్స్ లో నటిస్తున్నట్టు సమాచారం. ఇప్పటికే షూటింగ్ కార్యక్రమాలను పూర్తి చేసుకున్న ఈ మూవీని సెప్టెంబర్ 10న ప్రేక్షకుల ముందుకు తీసుకురావడానికి మేకర్స్ ప్రయత్నిస్తున్నారు.