లవ్ ఓ లవ్ (Love Oh Love Trailer)

టాలీవుడ్ లో ప్రైవేట్ ఆల్బమ్స్ తో ఫేమస్ అయిన హీరోయిన్ నాగదుర్గ (Nagadurga) నటించిన లేటెస్ట్ మూవీ "లవ్ ఓ లవ్" (Love In Love). తమిళ్ లో తెరకెక్కిన ఈ మూవీ తెలుగులోనూ డబ్ చేస్తున్నారు. తాజాగా ట్రైలర్ విడుదల కాగా సోషల్ మీడియాలో మంచి రెస్పాన్స్ అందుకుంటుంది. ఈ సినిమాలో పవిష్ (Pavish) హీరోగా నటించగా, నాగదుర్గ హీరోయిన్ గా నటించింది. మహేష్ రాజేంద్రన్ (Mahesh rajendran) డైరెక్ట్ చేసిన ఈ మూవీని దినేష్ రాజ్, ధనంజయన్ ప్రొడ్యూస్ చేసారు.

ట్రైలర్ ని గమనిస్తే... ఈ రోజుల్లో లవ్ చేయడం ఎంత ఈజీనో.. ఆ ప్రేమను నిలబెట్టుకోవడానికి, లవర్ ఖర్చులను భరించడానికి అబ్బాయిలు పడే కష్టాలు అంతకంటే ఎక్కువ. ఈ కాన్సెప్ట్ తోనే మూవీని తెరకెక్కించారని ట్రైలర్ చూసాక తెలుస్తుంది. ఈ మూవీలో అబ్బాయి పెట్టే ఖర్చులను, అమ్మాయి పెడితే ఎలా ఉంటుందో ఎంటర్టైనింగ్ వే లో చూపించడానికి ట్రై చేసారు. అక్కడక్కడా ప్రదీప్ రంగనాథన్ లవ్ టుడే మూవీ ఛాయలు కూడా కనిపిస్తున్నాయి. ఇక హీరోయిన్ నాగదుర్గ మంచి క్రేజీ రోల్ ని ప్లే చేసినట్టు తెలుస్తుంది. అలాగే పవిష్ రోల్ కూడా డీసెంట్ లవర్ బాయ్ క్యారెక్టర్ ప్లే చేసినట్టు తెలుస్తుంది. అండ్ ట్రైలర్ లో "చదువు ఉద్యోగం అమ్మాయిలకి హక్కు... కానీ అబ్బాయిలకు బాధ్యత" అంటూ చెప్పే డైలాగ్స్ చాలా బాగున్నాయి. 

ఇక లవ్ ఓ లవ్ సినిమా యూత్ ని బేస్ చేసుకుని తెరకెక్కిన మూవీ కాగా, ఈ కంటెంట్ కి యూత్ కొంచెం కనెక్ట్ అయినా, వంద కోట్ల బొమ్మయ్యే ఛాన్సులు పుష్కలంగా ఉన్నాయి. అలాగే ఈ మూవీలో సెల్వరాఘవన్ (Selva Raghavan), కె.ఎస్. రవికుమార్ (KS. Ravikumar) లాంటి లెజెండరీ డైరెక్టర్స్ కూడా మంచి రోల్స్ ప్లే చేయడం ప్లస్ పాయింట్ అని చెప్పొచ్చు. ఇక ఈ సినిమాను జులై 10న విడుదల చేయబోతుండగా, తెలుగమ్మాయి నాగ దుర్గ ఈ మూవీతో మంచి సక్సెస్ అందుకుని ఫిల్మ్ ఇండస్ట్రీలో తన గుర్తింపు ఎలా పెంచుకుంటుందో చూడాలి.