ఇమ్మోర్టల్ (Immortal)

Story : 

కథ విషయానికి వస్తే... హైదరాబాద్ లో ఉండే మహి (జీవీ ప్రకాశ్‌కుమార్‌) తన మామయ్య ప్రింటింగ్‌ ప్రెస్‌ లోనే డిజైనర్‌ గా వర్క్ చేస్తుంటాడు. అయితే అప్పటికే తను ఉంటున్న అద్దె ఇంటి రూమ్ యజమాని పెట్టే ఇబ్బందుల్ని భరించలేక, మరో అద్దె ఇంటి కోసం చూస్తుంటాడు. ఇలాంటి టైం లో మహికి షేరింగ్ ఫ్లాట్ ఉందని సింధు (కయాదు లోహర్‌) అనే యువతి నుంచి కాల్ వస్తోంది. వెంటనే మహి కూడా ఆమె ఫ్లాట్‌ కు షిఫ్ట్ అయిపోతాడు. అయితే అక్కడ సింధుని చూసిన తొలి చూపులోనే మహి ఆమెతో లవ్ లో పడతాడు. ఇటు సింధు కూడా మహికి క్లోజ్ అవుతుంది. ఈ క్రమంలో కొన్ని నాటకీయ పరిణామాల అనంతరం... సింధు తాతయ్య ద్వారా.. మహికి సింధు గురించి ఓ షాకింగ్ నిజం తెలుస్తుంది. అప్పట్నుంచి మహి సింధు నుండి, ఆమె ఫ్లాట్ నుండి పారిపోవడానికి ట్రై చేస్తూనే ఉంటాడు. అయితే అసలు సింధు గురించి మహికి తెలిసిన నిజం ఏంటి? మహి ఎందుకు పారిపోవాలని చూస్తాడు. మధ్యలో వెయ్యేళ్ల కిందటి మృగానికి సింధుకి సంబంధమేంటి? ఫైనల్ గా మహి లైఫ్ ఎలా టర్న్ అయింది.. అనేది సినిమా చూసి తెలుసుకోవాలి.

 
Plus Points : 

ఒక సస్పెన్స్ అండ్ హారర్ మూవీగా తెరకెక్కిన ఈ మూవీ ట్రైలర్ ద్వారానే మంచి బజ్ క్రియేట్ చేసింది. అయితే ఇలాంటి కాన్సెప్ట్ లతో ఇంతకు ముందు కూడా చాలా సినిమాలొచ్చాయి. ముఖ్యంగా బాలీవుడ్ లో ఇలాంటి కాన్సెప్ట్స్ ఎక్కువగా వస్తుంటాయి. ఓ వింత మృగం ఆ మృగం నుండి తప్పించుకోవడానికి యువకుడి పాట్లు... ఇంతే... చాలా సినిమాల్లో ఇలా సింపుల్ కథలే ఉంటాయి. కానీ అవి హారర్ ఎలిమెంట్స్ తో ఆడియన్స్ కి ఎంగేజ్ చేసేలా భయపెడుతూ కనెక్ట్ చేసే సినిమాలే సక్సెస్అవుతాయి.

ఇక ఈ సినిమాలో ఇలాంటి వాటికి దూరంగా ఉండే మాములు కుర్రాడైన మహి పాత్రలో జివి ప్రకాష్ చక్కగా నటించాడు. ఇక ఈ ఇమ్మోర్టల్‌ చిత్రంలో కొన్ని ఇంట్రెస్టింగ్ ఎలిమెంట్స్ బాగున్నాయి. అలాగే ఈ సినిమాలో కోర్ పాయింట్ కూడా బాగుంది. ఇక ఫిమేల్ లీడ్ లో నటించిన కాయదు లోహర్ కూడా అద్భుతంగా నటించింది. అలాగే సింధు - మహి తో పాటు మృగం ట్రాక్ కూడా బాగా కనెక్ట్ అవుతుంది. అలాగే కీ రోల్స్ లో నటించిన టీఎమ్‌ కార్తిక్‌, కుమార్‌ నటరాజన్‌, ఆదిత్య కథిర్‌ వాళ్ళ పాత్రల పరిధి మేరకు నటించారు. 

Minus Points :

అయితే మైనస్ పాయింట్స్ గురించి చెప్పుకుంటే కథ చాలా వరకు సింపుల్ గా అర్ధమైపోతుంది. ట్విస్ట్ లు అనేవి రివీల్ అయిపోతే ఇక కథ గురించి తెలుసుకోవాల్సింది ఏముండదు. ఈ సినిమా కథ కూడా అంతే. అయితే ఇలాంటి ఒక హారర్ కథలో ఎంత క్రియేటివిటీ అయినా చూపిస్తూ, థ్రిల్లింగ్ ఎలిమెంట్స్ రాసుకోవచ్చు. షాకింగ్ ట్విస్ట్ లు ఎంత పగడ్బందీగా ఉంటే అంత ఇంట్రెస్ట్ వస్తుంది. కానీ ఇందులో అలాంటి ఎలిమెంట్స్ చాలా చాలా తక్కువ. ఒక్క ఇంటర్వెల్ ట్విస్ట్ తప్పితే ఏమీ ఆడియన్స్ ని ఆకట్టుకునేలా కనిపించలేదు. అలాగే ఇమ్మోర్టల్ లో హీరోయిన్ పాత్ర క్రియేట్ చేసిన మాయ ప్రపంచం.. చాలా ఇల్లాజికల్ గా సాగుతుంది. 

అయినా హారర్ ఎలిమెంట్స్ కి ప్రేక్షకుడు కనెక్ట్ అయితే ఇలాంటివేమీ పట్టించుకోడు. కానీ ఇందులో అవేం పెద్దగా కనిపించలేదు. డైరెక్టర్ మంచి స్టోరీ పాయింట్ నే తీసుకున్నా, దానికి తగ్గ ఎంగేజింగ్ స్క్రీన్ ప్లే రాసుకోలేదు. బోరింగ్ స్క్రీన్ ప్లే, లాజిక్ లెస్ సీన్లు, సాగదీత కథనం ఇవన్నీ స్టోరీ ఫ్లో ని దెబ్బతీశాయి. 

Technical Values :
 
ఇక టెక్నికల్ గా చూస్తే... ప్రొడక్షన్ వాల్యూస్ సూపర్ గా ఉన్నాయి. అయితే కథ పాయింట్ బాగా తీసుకుని స్క్రీన్ ప్లే బాగా రాసుకోలేక ఈ సినిమాలో అన్ని టెక్నికల్ వాల్యూస్ ని దెబ్బ తీసారు. అయితే మ్యూజిక్ డైరెక్టర్ శ్యామ్‌ సీఎస్‌ ఇచ్చిన బీజీఎమ్ బాగుంది. ఎడిటింగ్ వర్క్ చాలా ఉంది. అనవసరమైన సీన్స్ ని ట్రిమ్ చేయాల్సింది. కెమెరా వర్క్ బాగుంది. 

Final Review :

ఓవరాల్ గా "ఇమ్మోర్టల్‌" అంటూ ఆడియన్స్ ముందుకు వచ్చిన ఈ హారర్ అండ్ ఫాంటసీ థ్రిల్లర్ లో కొన్ని రకాల ట్విస్ట్ లు, హారర్ ఎలిమెంట్స్ తో పాటు, రొమాంటిక్ సీన్స్ బాగున్నాయి. కానీ సరైన కథ కథనాలు లేకపోవడం, థ్రిల్లింగ్ మూమెంట్స్ రొటీన్ గా ఉండడం, బోరింగ్ సీన్స్ వల్ల ఆడియన్స్ కి అంతగా కనెక్ట్ అవలేదు. కానీ హీరో హీరోయిన్ల పెర్ఫార్మన్స్ కోసం, కొన్ని ఫాంటసీ ఎలిమెంట్స్ కోసం రెగ్యులర్ మూవీ లవర్స్ ఓసారి ట్రై చేయొచ్చు.