ఐమ్ గేమ్ (I'M GAME)

మాలీవుడ్ స్టార్ దుల్కర్ సల్మాన్ వరుస సినిమాలతో దూసుకుపోతున్నాడు . లాస్ట్ ఇయర్ కాంత తో ప్లాప్ అందుకున్నా, హిట్స్ ప్లాప్స్ తో సంబంధం లేకుండా, వరుస సినిమాలను లైన్లో పెట్టగా, ఈసారి ఓ గ్యాంబ్లర్ గా ఆడియన్స్ ని పలకరించడానికి రెడీ అవుతున్నాడు. నహస్ హిదయత్ దర్శకత్వంలో నటించిన కొత్త మూవీ "ఐమ్ గేమ్". ఈ సినిమా ట్రైలర్ ని రీసెంట్ గా విడుదల చేయగా, సోషల్ మీడియాలో మంచి రెస్పాన్స్ అందుకుంటుంది. యాక్షన్ థ్రిల్లర్ గా తెరకెక్కిన ఈ మూవీలో కాయదు లోహర్ హీరోయిన్ గా నటించింది.

ఇక ట్రైలర్ మొత్తం మంచి స్టైలిష్ విజువల్స్, హైవోల్టేజ్ యాక్షన్ అలాగే థ్రిల్లింగ్ సీన్స్ తో నిండిపోయి ఆకట్టుకుంటుంది. ఇక ట్రైలర్‌ లో దుల్కర్ సల్మాన్ సరికొత్తగా స్టైలిష్ గా కనిపించాడు. అలాగే సినిమా కూడా మంచి ట్విస్ట్ లు థ్రిల్స్ తో కూడి ఉండే అవకాశం కనిపిస్తుంది. ట్రైలర్ లో తెలిసిన నటీనటులు పెద్దగా లేకపోయినా, ట్రైలర్ హై క్వాలిటీతో ఇంప్రెసివ్ గా కనిపిస్తుంది. మినిమం గ్యారెంటీ అన్నట్టు కనిపిస్తున్న ఈ మూవీ ట్రైలర్ ని దర్శకుడు నహాస్ హిదాయత్ చాలా స్టైలిష్ గా కట్ చేసారు, అలాగే దానికి తగ్గట్టు జేక్స్ బిజోయ్ ఇచ్చిన బీజీఎమ్ కూడా అదిరిపోయింది. 

ఇక ఈ ఐమ్ గేమ్ సినిమాని ఇండియాలో 100కు పైగా లొకేషన్లలో చిత్రీకరించినట్టు సమాచారం. వంద కోట్లకి పైగా భారీ బడ్జెట్ తో తెరకెక్కిన ఈ సినిమాకి జిమ్షి ఖలీద్ సినిమాటోగ్రఫీ మంచి ప్లస్ అవుతుందని మేకర్స్ అంటున్నారు. ఇక ఈ సినిమాలో ఆంటోని వర్గీస్, మైస్కిన్, కథిర్, సంయుక్త విశ్వనాథన్ కీ రోల్స్ లో నటిస్తుండగా,  వేఫేరర్ ఫిల్మ్స్ బ్యానర్‌(Wayfarer Films banner)  పై దుల్కర్ సల్మాన్, జోమ్ వర్గీస్ మూవీ నిర్మించారు. ఇక ఆగష్టు 20న ఈ సినిమాను పాన్ ఇండియా భాషల్లో రిలీజ్ చేయనున్నారు మేకర్స్.