కథ విషయానికి వస్తే... తమిళనాడు లో అయ్య (సముద్రఖని) ప్రముఖ సినిమా డైరెక్టర్.. అనుకోకుండా పరిచయం అయిన మహదేవన్ ని (దుల్కర్ సల్మాన్) ని నటనకి ఇంప్రెస్ అయి అతడ్ని హీరోని చేస్తాడు. అయితే మహదేవన్ ఒక అనాధ. మొదట అన్నీ అయ్య అనే అంటూ అతడికి నమ్మిన బంటులా ఉంటాడు. ఆ తర్వాత జరిగిన కొన్ని నాటకీయ పరిణామాల అనంతరం మహదేవన్ తమిళనాడులో పెద్ద స్టార్ అవుతాడు. దీంతో అతడికి ఒక స్టార్ హీరో అన్న అహంకారం వస్తుంది. అందుకే అయ్యని పలుమార్లు పట్టించుకోడు. ఆయనకి విరుద్ధమైన పనులు చేసేవాడు. ఫైనల్ గా వారిద్దరూ ఎవరి దారి వారు చూసుకుంటారు. ఈ క్రమంలో మహదేవన్ తన గురువు అయ్య (సముద్రఖని) ఇష్టపడి రాసుకున్న "శాంత" అనే కథతో సినిమా చేయాల్సివస్తుంది. కానీ ఇద్దరి మధ్య కొన్ని ఇగోల కారణంగా ఆ సినిమా షూటింగ్ అనుకోకుండా ఆగిపోతుంది. మళ్లీ కొన్నేళ్లకు శాంత సినిమాని కాస్త "కాంత" సినిమాగా స్టార్ట్ చేస్తారు. అందులో కుమారి అనే కొత్తమ్మాయి (భాగ్యశ్రీ భోర్సే) హీరోయిన్ గా నటిస్తుంది. ఈమె వల్ల కథే మారిపోతుంది. మహదేవన్ కు అయ్యకు మరింత విరోధం వస్తుంది. మరి చివరికి కాంత సినిమా పూర్తయిందా? కుమారి ఎవరు? మధ్యలో రానా పాత్ర ఏంటి? అన్నదే కథ. 

Technical values : కాంత సినిమా 1950 వ బ్యాక్ డ్రాప్ లో సాగుతుంది. ఓ రియల్ స్టోరీని ఆధారంగా తీసుకుని తీసిన సినిమా కాబట్టి రిలీజ్ కి ముందే అందరికి సినిమాపై బాగా ఆసక్తి వచ్చింది. కథ పరంగా చాలా బలమైన కథ. కానీ దానికి తగ్గ స్ట్రాంగ్ స్క్రీన్ ప్లే రాసుకోవడంలో విఫలమయ్యాడు దర్శకుడు. సినిమా స్టార్ట్ అయ్యేటప్పుడు ఎంత ఇంట్రెస్టింగ్ గా మొదలవుతుందో, ముగింపు అంత సింపుల్ గా ఉంటుంది. కానీ క్లైమాక్స్ ట్విస్ట్ పరంగా ఊహించలేదు. పెర్ఫార్మన్స్ విషయానికి వస్తే... దుల్కర్ సల్మాన్, భాగ్యశ్రీ బోర్సే తో పాటు కీలక పాత్రల్లో నటించిన సముద్రఖని, రానా బాగా మెప్పించారు. ముఖ్యంగా 1950 లో సినిమా ఇండస్ట్రీ గురించి, ఆనాటి వాతావరణాన్ని మేకర్స్ చక్కగా ఆవిష్కరించారు. 

అయితే కొత్త కథనాలు ఇష్టపడే ప్రేక్షకులకు కాంత కనెక్ట్ అవుతుంది. కానీ, రెగ్యులర్ కమర్షియల్ ఎలిమెంట్స్ కి దూరంగా సాగిన ఈ మూవీ కామన్ ఆడియన్స్ ని అంతగా ఆకట్టుకోలేదు. సెకండ్ హాఫ్ ని సరిగా రాసుకోవడంలో డైరెక్టర్ విఫలమయ్యాడు. క్లైమాక్స్ మినహా ఏది కూడా అంతగా ఆకట్టుకోలేదు. సినిమా పూర్తయ్యాక ఆడియన్స్ ని పలు అంశాలు బాగానే ఆకట్టుకున్నా, ఏముందని ఈ సినిమాలో అన్న భావన వస్తుంది. ఇక దర్శకుడు సెల్వమణి సెల్వరాజ్ సీన్స్ పరంగా బాగానే ఆకట్టుకున్నా, సినిమాకి సరైన స్క్రీన్ ప్లే రాసుకోవడంలో తడబడ్డాడు. సంగీత దర్శకుడు ఝాను చందర్ మ్యూజిక్ బాగుంది. సినిమాటోగ్రఫీ వర్క్ సినిమాకి బిగ్గెస్ట్ ప్లస్. నిర్మాణ విలువులు బాగున్నాయి.

Final Review :

ద్విభాష చిత్రంగా తెరకెక్కిన "కాంత" ఆడియన్స్ లో రెగ్యులర్ ప్రేక్షకులకు అంతగా కనెక్ట్ అవదు. కానీ కొత్త కాన్సెప్ట్ కోరుకునే ఆడియన్స్ ని ఖచ్చితంగా మెప్పిస్తుంది. పీరియాడికల్ ఎమోషనల్ డ్రామాగా తెరకెక్కిన కాంత ఒక కొత్త అనుభూతిని ఇస్తుంది గాని, సినిమాలో కథనం పరంగా టేకింగ్ మాత్రం ఆకట్టుకోలేదు. నటన పరంగా నటీనటులు ఆకట్టుకున్నా, ఆడియన్స్ ని కాంత పూర్తి స్థాయిలో ఆకట్టుకోలేదు. కానీ పీరియాడికల్ మూవీస్ ని ఇష్టపడేవారికి కాంత కనెక్ట్ అవుతుంది.