Dhandoraa (దండోరా)

2004 ఆంధ్ర ప్రదేశ్ నేపథ్యంలో దండోరా కథ నడుస్తుంది. ఓ మారుమూల గ్రామంలో రైతు అయిన శివాజీ (శివాజీ) అలాగే తన కొడుకు విష్ణు (నందు) అలాగే సుజాత (మాణిక) తో జీవనం సాగిస్తారు. అయితే ఆ ఊళ్ళో తక్కువ కులానికి చెందిన రవి (రవి) తనకంటే ఎక్కువ కులానికి చెందిన అమ్మాయి అయిన సుజాతని ప్రేమించడంతో ఈ ఊళ్ళో సమస్యలు మొదలవుతాయి. ఈ క్రమంలో తమకంటే తక్కువ కులపు అబ్బాయి, శివాజీ కూతుర్ని ప్రేమించడంతో, శివాజీ తన స్నేహితులతో కలిసి ఎలాంటి దారుణానికి ఒడిగట్టాడు, దాని వల్ల ఊళ్ళో జరిగిన పెనుమార్పులేంటి? శివాజీ జీవితాన్ని మార్చిన తన కొడుకు కూతురు, అలాగే ఊరి ప్రెసిడెంట్ సాబ్ (నవదీప్), వేశ్య శ్రీలత (బిందు మాధవి) ఊళ్ళో ఎలాంటి మార్పు తీసుకొచ్చారనేదే ఈ "దండోరా". 

Technical values : కులాల ఘర్షణ నేపథ్యంలో ఎప్పటికప్పుడు సినిమాలు వస్తూనే ఉన్నా, గ్రామీణ నేపథ్యంలో వచ్చే సినిమాలకు మంచి అంచనాలు ఉంటాయి. అలాగే దండోరా కూడా కథ పరంగా మొదటి నుండి ఆకట్టుకుంటుంది. స్క్రీన్ ప్లే స్లో గా ఉన్నా, పల్లెటూరి నేపథ్యం ప్రేక్షకులకి బోర్ అనిపించదు. ఇక సినిమాకి బిగ్గెస్ట్ ప్లస్ పాయింట్ గా శివాజీ నటన అని చెప్పొచ్చు. అలాగే కీలక పాత్రల్లో నటించిన బిందు మాధవి, నందు, రవి కృష్ణ, నవదీప్ లు కూడా ఆకట్టుకున్నారు. దర్శకుడు మురళీ కాంత్ తొలి సినిమాతోనే మంచి ప్రతిభ కనబరిచాడు. అయితే మార్క్ కె రాబిన్ బీజీఎమ్ బాగున్నా, పాటలు అంతగా ప్రభావం చూపలేదు. ప్రొడక్షన్ డిజైన్ కూడా ఆకట్టుకోగా, వెంకట్ శకమూరి కెమెరా వర్క్ మెప్పించింది.