Vishnu Vinyasam (విష్ణు విన్యాసం)

కథ విషయానికి వస్తే... ఒంగోలు లో కాలేజీలో జూనియర్ లెక్చరర్ గా పని చేస్తుంటాడు విష్ణు (శ్రీవిష్ణు). అయితే తన జీవితంలో జాతకం, వాస్తు లాంటి పట్టింపులు పెట్టుకొని, ఎన్నో రోజులుగా తన పెళ్లి కోసం ఎదురు చూస్తుంటాడు. కానీ ఈ జాతకాల పిచ్చి వల్ల అన్ని సంబంధాలు చేజారిపోతుంటాయి. మరోవైపు మనీషా కి కూడా తన జాతకంలో దోషాల వల్ల తన పెళ్లి అవక పలు అవమానాలు కూడా ఎదుర్కొంటుంది. ఈ క్రమంలో అనుకోకుండా జరిగిన విష్ణు- మనీషా ల పరిచయం ప్రేమకు దారితీస్తుంది. అయితే మనీషా కు ఉన్న దోషం వల్ల విష్ణుకు నష్టం కలిగే నష్టం ఏంటి? ఈ జాతక గండాల్ని దాటి విష్ణు - మనీషా ఒకటవుతారా? వీళ్ళ ప్రేమ కథ పెళ్లి పీటలెక్కుతుందా లేదా అనేది కథ. 

Technical values : 

ఎంటర్టైన్మెంట్ ప్రధానంగా తెరకెక్కిన ఈ మూవీకి శ్రీవిష్ణు పూర్తి స్థాయిలో  బ్యాక్ బోన్ గా నిలిచాడు. తన అదిరిపోయే కామెడీ టైమింగ్ తో వన్ మ్యాన్ షో తో నడిపించాడు. అలాగే హీరోయిన్ నయన్ సారిక మంచి గ్లామర్ లుక్స్ తో ఆకట్టుకోవడమే గాకుండా, నటన పరంగా మెప్పించింది. శ్రీవిష్ణుతో కూడా మంచి కెమిస్ట్రీ పండించింది. వీరితో పాటు కమెడియన్ సత్య, గోపరాజు రమణ రాజు, మురళీ శర్మ, బ్రహ్మాజీ, సత్యం రాజేష్ తదితరులు తమ పాత్రల్లో నవ్వించారు.

ఇక టెక్నికల్ వాల్యూస్ ని గమనిస్తే... స్టోరీ పరంగా చాలా యావరేజ్ గా ఉంటుంది. సో కొత్తదనం కోరుకునే ఆడియన్స్ కి ఈ సినిమా పెద్దగా నచ్చకపోవచ్చు. ముఖ్యంగా హీరోయిన్ సైడ్ నుంచి కథ చూస్తే పలు పాత సినిమాలు గుర్తు రాకమానదు. ఇక సెకండ్ హాఫ్ కాస్త ల్యాగ్ అయింది. ప్రీ క్లైమాక్స్ వరకు రొటీన్ ఫీల్ వస్తుంది. దర్శకుడు కథ, కథనాల విషయంలో మరింత ఫోకస్ పెట్టాల్సింది. నిర్మాణ విలువలు పర్లేదు. రధన్ మార్క్ సంగీతం ఈసారి మిస్ అయింది. ఎడిటింగ్ కూడా  ట్రిమ్ చేయాల్సింది. అయితే డైరెక్టర్ మారుతీ రావు ఎంటర్టైనింగ్ కాన్సెప్ట్ ఇవ్వడంలో సక్సెస్ అయ్యాడు. 

Final Review :

ఓవరాల్ గా ‘విష్ణు విన్యాసం’ మూవీలో శ్రీవిష్ణు తన సాలిడ్ పెర్ఫార్మన్స్ తో ఆడియన్స్ ఎంటర్టైన్ చేస్తాడు. ఎంటర్టైన్మెంట్ కోరుకునే వారికి ఇందులో ఢోకా ఉండదు. కాకపోతే సెకండ్ హాఫ్ లో కాస్త డిస్సపాయింట్ అవుతారు. రొటీన్ జాతకాల కాన్సెప్ట్, స్క్రీన్ ప్లే వల్ల కొంతమందికి నచ్చకపోవచ్చు. కానీ ఫ్యామిలీ ఆడియన్స్ ని రెగ్యులర్ మూవీ లవర్స్ ని మెప్పించే అవకాశం ఉంది.