They Call Him OG (ఓజి)

Detailed Description : 1993 అప్పటి బాంబే బ్యాక్ డ్రాప్ లో ఈ కథ నడుస్తుంది. ఆ సమయంలో బాంబే పోర్ట్ కి దాదా అయిన "సత్య దాదా" (ప్రకాష్ రాజ్).ఈ సత్య దాదాకి అండగా వెన్నంటే ఉంటాడు "ఓజస్ గంభీర" (Pawankalyan). అయితే ఓ అనుకోని కారణం వల్ల గంభీర సత్య దాదాకి దూరంగా వెళ్ళిపోతాడు. బాంబే కి దూరంగా వెళ్ళిపోయి కన్మణి ని పెళ్లి చేసుకుని సెటిల్ అవుతాడు. ఈ క్రమంలో సత్య దాదా ఫ్యామిలీ ని అంతం చేసి పోర్ట్ ని సొంతం చేసుకోవాలని వేరే మాఫియా ఎదురుచూస్తుంది. ఈ తరుణంలో సత్యదాదా ని కాపాడడానికి ఓజి వస్తాడా? ఓమిగా పిలవబడే ఓంకార్ వర్ధమాన్ కి (ఇమ్రాన్ హష్మీ) చెందిన RDX కంటైనర్లు సత్య దాదా పోర్ట్ కి వచ్చాక ఏమయ్యాయి. వాటిని దక్కించుకోవడానికి ఓమి ఎలాంటి ప్రయత్నాలు చేసాడు. మధ్యలో గంభీరా ని చంపాలని అర్జున్ (అర్జున్ దాస్) ఎందుకు అనుకుంటాడు. ఈ ఘర్షణలో ఓజి ఏం కోల్పోయాడు. అసలు ఈ గంభీర ఎవరు అనేది తెలియాలంటే ఓజి సినిమా చూడాలి. 

Technical Values : ఓజి సినిమా కోసం పవన్ కళ్యాణ్ ఫ్యాన్స్ ఎంతలా వెయిట్ చేసారంటే, మధ్యలో వచ్చిన హరిహరవీరమల్లు, బ్రో వంటి సినిమాలని కావాలనే ఈ సినిమా కోసం పట్టించుకోలేదు. అత్తారింటికి దారేది తర్వాత సరైన స్ట్రెయిట్ సినిమా లేని పవన్ కళ్యాణ్ కి ఓజి పర్ఫెక్ట్ మాస్ ఫిల్మ్ దక్కిందని చెప్పాలి. ముఖ్యంగా పవన్ కళ్యాణ్ ఫ్యాన్స్ కి మేకర్స్ బిర్యానీ వడ్డించారని చెప్పొచ్చు. ఇక పవన్ కళ్యాణ్ మార్షల్ ఆర్ట్స్ లో ఎంతటి నైపుణ్యం కలవాడో ఓజి తో మరోసారి చూడోచ్చు. ప్రతి ఫ్రేమ్ లో పవన్ కళ్యాణ్ స్క్రీన్స్ ఫ్యాన్స్ కి విజిల్స్ వేయిస్తాయి. అలాగే కీలకపాత్రల్లో నటించిన ఇతర నటీనటులు ప్రకాష్ రాజ్, శ్రీయా రెడ్డి, హీరోయిన్ ప్రియాంక అరుళ్ మోహన్, అర్జున్ దాస్, వెంకట్ తమ పాత్రల పరిధి మేరకు బాగా నటించారు. అలాగే విలన్ గా ఇమ్రాన్ హష్మీ అదరగొట్టేసాడు. ఓజి కి ధీటుగా ఒమీ పాత్ర బలంగా నిలుస్తుంది.

ఇక డైరెక్టర్ గా సుజీత్ ఓజితో మరో మెట్టు ఎక్కేసాడని చెప్పాలి. స్వతహాగా పవన్ కళ్యాణ్ ఫ్యాన్ అయిన సుజీత్ తన ఫెవరేట్ హీరోని తనకంటే బాగా ఎవ్వరూ చూపలేరని చూపించాడు. మేకింగ్ పరంగా సుజీత్ బాగా కష్టపడ్డాడు. అలాగే కథ నేపథ్యం చిన్నదే తీసుకున్నా, స్క్రీన్ ప్లే విషయంలో మెస్మరైజ్ చేసాడు. సుజీత్ తర్వాత ఆ రేంజ్ లో మెప్పించింది థమన్ ఎస్. మ్యూజిక్ పరంగా థమన్ ప్రతి పాటకు ప్రాణం పెట్టేసాడు. పర్ఫెక్ట్ స్టైలిష్ మాస్ యాక్షన్ సినిమాకు అంతే స్థాయిలో బీజీఎమ్ ఇచ్చాడు. అలాగే నిర్మాత డివివి దానయ్య ఖర్చుకు వెనకాడకుండా ఓజి కి పెట్టిన ప్రతి పైసా ఫ్రేమ్ లో కనిపిస్తుంది. రవి కె చంద్రన్, మనోజ్ పరమహంసల సినిమాటోగ్రఫీ వర్క్ పీక్స్ లో ఉంది. 

Final Review : ఇక ఓవరాల్ "ఓజి" సినిమా పవన్ కళ్యాణ్ ఫ్యాన్స్ ఆకలి తీర్చిందని చెప్పాలి. దర్శకుడు సుజీత్ పవన్ కళ్యాణ్ ని "ఓజి" గా ప్రెజెంట్ చేసిన తీరు ఫ్యాన్స్ ని బాగా మెప్పించగా, విమర్శకుల ప్రశంసలు కూడా అందుకుంది. అలాగే మ్యూజిక్ డైరెక్టర్ థమన్ మెప్పించాడు. అన్నిటికి మించి ఓజి పార్ట్ 2 అనౌన్స్ మెంట్ ఫ్యాన్స్ కి కిక్కెకించిందని చెప్పాలి. ఓవరాల్ గా చాలా కలం తర్వాత టాలీవుడ్ లో ఒక స్టైలిష్ గ్యాంగ్ స్టర్ యాక్షన్ మూవీగా ఓజి ప్రేక్షకులను మెప్పించిందని చెప్పాలి.