ఊళ్ళో తండ్రి చాటున పెరిగిన ఒక అమాయకపు అమ్మాయి భూమా దేవి (రష్మిక మందన్నా). తనకంటూ ఒక గుర్తింపు రావాలని తాపత్రయపడి ఇంగ్లీష్ లో తన ఎం ఏ పూర్తి చేయడానికి హైదరాబాద్ వస్తుంది. అలా తన కాలేజ్ లోనే వేరే బ్రాంచ్ కి చెందిన విక్రమ్ (దీక్షిత్ శెట్టి) తో పరిచయం అవుతుంది. కొన్ని నాటకీయ పరిణామాల అనంతరం వారు ప్రేమలో పడతారు. అయితే ఆ ప్రేమ పక్కదారి పడుతుంది. విక్రమ్ భూమా తో అజమాయిషీ చలాయిస్తాడు. ఈ క్రమంలో భూమా మనసులో ఎన్నో అనుమానాలు, అవమానాల మధ్య తన మనసుని బాధపెడుతోంది. ఇలాంటి తరుణంలో ఏది బయటకి చెప్పుకోలేని భూమా ఇలాంటి ఒక రిలేషన్ షిప్ లో ఎలా ముందుకెళ్లింది. చివరికి వీరి ప్రేమ కథ సక్సెస్ అయిందా లేదా? భూమా సమాజంలో ఎలా అన్ని తట్టుకుని నిలబడిందనేది కథ. 

Technical values : కథ విషయానికి వస్తే... చాలా సింపుల్ గా ఈ తరం అమ్మాయిల్లో చాలా మంది ఎదుర్కుంటున్న సమస్యనే ఇందులో చూపించారు. భూమా పాత్రకు రష్మిక పర్ఫెక్ట్ గా సెట్ అయిందని చెప్పాలి. తనకు మంచి పెర్ఫార్మన్స్ స్కోప్ ఉన్న రోల్ దొరికింది. అలాగే దీక్షిత్ శెట్టి కూడా తన రోల్ లో మెప్పించాడు. అను ఇమ్మాన్యుయేల్ కి సరైన రోల్ దొరకలేదు. ఇక దర్శకుడిగా రాహుల్ రవీంద్రన్ ఈ సినిమాతో తను ఏం మెసేజ్ చెప్పాలనుకున్నాడో అది సిన్సియర్ గా ట్రై చేసాడు. స్టోరీ లైన్ బాగుంది. అయితే దానికి తగ్గ స్క్రీన్ ప్లే సరిగా రాసుకోలేకపోయాడు. ఎందుకంటే సినిమా స్టార్టింగ్ లోనే కాన్సెప్ట్ మొత్తం అర్ధమైపోగా, క్లైమాక్స్ వరకు దాన్ని ఇంట్రెస్టింగ్ గా లాగలేకపోయాడు. దాంతో ఆడియన్స్ కి బోర్ ఫీల్ రావడమే కాకుండా కొన్ని సీన్స్ ఇరిటేటింగ్ గా అనిపిస్తాయి. 

ఇక టెక్నికల్ గా మేకర్స్ సినిమాకి బాగానే ఖర్చు పెట్టారు.  హేశం అబ్దుల్లా మ్యూజిక్ పర్వాలేదు. కృష్ణన్ వసంత్ కెమెరా వర్క్ బానే ఉంది. ఇక ఎడిటర్ సెకండ్ హాఫ్ ని చాలా ట్రిమ్ చేయాల్సింది. కొన్ని సీన్స్ చాలా ఓవర్ గా ఉండి సినిమాలో సహజత్వం లోపిస్తుంది. మూవీ లవర్స్ లో ఒక వర్గం ఆడియన్స్ కి మాత్రమే ఈ సినిమా కనెక్ట్ అయ్యేలా ఉంది. 

Final Review : ఓవరాల్ గా ది గర్ల్ ఫ్రెండ్ సినిమా రష్మిక మందన్నా కోసం, రాహుల్ రవీంద్రన్ డైరెక్షన్ ఇష్టపడే ఆడియన్స్ కి కొంత వరకు నచ్చవచ్చు. సినిమా క్లైమాక్స్ ఆశించిన మేర లేకపోవడం వల్ల, కాస్త ల్యాగ్ చేయడం వల్ల ఆడియన్స్ పూర్తి స్థాయిలో సంతృప్తి చెందలేరు.