కథ విషయానికి వస్తే.. లక్ష్మణ్ భేరి (రవితేజ) ఒక సిన్సియర్ అండ్ డైనమిక్ రైల్వే పోలీస్ ఆఫీసర్. చిన్న వయసులోనే తల్లిదండ్రులను కోల్పోయిన అతను తన తాత (రాజేంద్ర ప్రసాద్) దగ్గరే పెరుగుతాడు. అయితే పవర్ ఫుల్ రైల్వే పోలీస్ అయిన లక్ష్మణ్ ని  అడవివరం అనే గ్రామానికి ట్రాన్స్ ఫర్ చేస్తారు పై ఆఫీసర్లు. అయితే ఆ ఊళ్ళో రౌడీ అయిన శివుడు (నవీన్ చంద్ర) ఆ ఊళ్ళో వాళ్ళతో గంజాయి పండిస్తూ అక్రమాలు చేస్తూ ఉంటాడు. ఈ క్రమంలో జరిగిన కొన్ని నాటకీయ పరిణామాల నేపథ్యంలో శివుడు పండించిన గంజాయి అనుకోకుండా లక్ష్మణ్ భేరి పరిధి అయిన రేల్వే జోన్ లోకి వచ్చేస్తుంది. అప్పటినుంచి శివుడు చేసే పనులకు లక్ష్మణ్ భేరి అడ్డుకుంటాడు. ఈ క్రమంలో ఇద్దరి మధ్య మొదలైన వార్ ఎలా సాగింది. మధ్యలో తులసి (శ్రీలీల) తో లక్ష్మణ్ భేరి ప్రేమ ప్రయాణం ఎలా సాగింది. చివరికి శివుడు - లక్ష్మణ్ భేరిలో ఎవరు గెలిచారు అనేది సినిమా చూసి తెలుసుకోవాలి.

Technical values : ఇక మాస్ జాతర సినిమాలో రవితేజ తన మాస్ పెర్ఫార్మన్స్ తో డైలాగ్ డెలివరీతో ఎనర్జిటిక్ గా నటించాడు. రవితేజ ఫ్యాన్స్ కి ఈ సినిమా బాగా నచ్చుతుంది. అలాగే హీరోయిన్ శ్రీలీల కూడా హోమ్లీ లుక్స్ లో అందంగా కనిపిస్తూ తన రోల్ బాగా చేసింది. అలాగే ప్రతినాయకుడిగా నవీన్ చంద్ర సినిమాకి మంచి ప్లస్ అయ్యాడు. మిగిలిన నటీనటులు రాజేంద్ర ప్రసాద్, నరేశ్, సముద్రఖని, ప్రవీణ్, వీటీవీ గణేష్, హైపర్ ఆది తమ పాత్రల పరిధిమేరకు బాగా నటించారు. 

ఇక డైరెక్టర్ భాను భోగవరపు పనితనం విషయానికి వస్తే... కథకుడిగా తన సత్తా చాటాడు గాని, దర్శకుడిగా సినిమాకు అనుకున్న స్థాయిలో స్క్రీన్ ప్లే రాసుకోలేదు. ముఖ్యంగా సెకండ్ హాఫ్ లో సినిమా మొత్తం ఊహాజనితంగా ఉండడం వల్ల ఆడియన్స్ కి ఎన్ని మంచి సీన్లు పడ్డా బోర్ ఫీలింగ్ కలుగుతుంది. హీరో – విలన్ మధ్య పవర్ ఫుల్ సీన్స్ ఉన్నా, ఆ సన్నివేశాలు పండలేదు. పైగా సినిమా చూస్తుంటే "క్రాక్" సినిమా చూస్తున్న ఫీలింగే ఆడియన్స్ కి వస్తుంది. ఇక మ్యూజిక్ పరంగా భీమ్స్ సిసిరోలియో మంచి పాటలు అందించాడు. బీజీఎమ్ కూడా ఇంప్రెస్ చేస్తుంది. ఎడిటింగ్ విషయానికి వస్తే నవీన్ నూలి సినిమాని ఇంకాస్త ట్రిమ్ చేయాల్సింది. నిర్మాణ విలువలు బాగున్నాయి. నాగవంశీ ఎక్కడా కాంప్రమైజ్ కాకుండా మూవీ తెరకెక్కించారు. 

Final Review :

ఇక ఓవరాల్ గా చెప్పాలంటే "మాస్ జాతర" అంటూ తనకి కలిసొచ్చిన మాస్ జోనర్ లో యాక్షన్ ఎంటర్టైనర్ తో వచ్చిన రవితేజ వన్ మ్యాన్ షో తో సినిమాని నడిపించాడు. రవితేజ ఉన్న ప్రతి ఫ్రేమ్ కూడా ఫ్యాన్స్ కి కిక్కిస్తుంది. అయితే కామన్ ఆడియన్స్ కి సినిమా మెప్పించడం కష్టం. పేలవమైన స్క్రీన్ ప్లే, రొటీన్ సీన్స్ వల్ల కొత్తదనం ఆశించే ఆడియన్స్ కి నిరాశ తప్పదు. రెగ్యులర్ సినిమాలు ఇష్టపడే ప్రేక్షకులు మాస్ జాతరను ఒకసారి చూడొచ్చు.