కథ విషయానికి వస్తే... చిన్నప్పట్నుంచి కృష్ణ బలవంత్ (సుహాస్) తన తండ్రి రావు బలవంత్ (నరేష్) వ్యాపారాన్ని చేతిలోకి తీసుకోవాలని ప్రయత్నిస్తూ ఉంటాడు. కానీ తన తండ్రి మాత్రం ఉద్దేశపూర్వకంగా కృష్ణని తన వ్యాపారానికి దూరంగా ఉంచుతాడు. పైగా కృష్ణ కి తండ్రి వ్యాపారం ఏంటో కూడా తెలీదు. ఏమిటో కూడా కృష్ణకి తెలియదు. అయితే కొంత కాలం తర్వాత ఎంబీఏ పూర్తి చేసిన కృష్ణకి అనుకోకుండా తన తండ్రి వ్యాపారం చేతిలోకి తీసుకోవాల్సిన పని వస్తుంది. కానీ ఆ వ్యాపారం గురించి తెలిసి అసలు రహస్యం తెలుస్తుంది. ఈ క్రమంలో తప్పని పరిస్థితుల్లో కృష్ణ ఆ వ్యాపారం చుట్టూ ఎందుకు తిరగాల్సి వచ్చింది ? మధ్యలో కృష్ణ లవర్ మిత్రా (శివానీ నగరం)ను ప్రేమకథేంటీ? కృష్ణ వ్యాపారాన్ని మానేయాలని చెప్పిన శివాని ని కృష్ణ ఎలా మేనేజ్ చేశాడనేది కథ. 

Technical values :

కామెడీ అండ్ లవ్ ఎంటర్టైనర్ గా తెరకెక్కిన "హే బలవంత్" సినిమాలో కృష్ణ పాత్రలో సుహాస్ బాగా మెప్పించాడని చెప్పాలి. ముఖ్యంగా నరేష్- సుహాస్ మధ్య సీన్స్ అల్టిమేట్ ఫన్ తో ఉంటాయి. అలాగే హీరోయిన్ శివానీ నాగారం రోల్ కూడా బాగుంది. హీరో, హీరోయిన్ల మధ్య ఉండే ఫ్యామిలీ డ్రామా, కొన్ని ఎమోషనల్ సీన్స్, కామెడీ సీన్స్ సినిమాకి మంచి ప్లస్ అయ్యాయి. ఇక నటన పరంగా సుహాస్, శివాని నాగరం తో పాటు, నరేష్, అజయ్ ఘోష్, సుదర్శన్, హర్షవర్ధన్ ఎవరి పాత్రల పరిధి మేరకు వారు నటించారు. 

అయితే కథ పరంగా బాగానే ఉన్నా, దానికి తగ్గ స్క్రీన్ ప్లే ని ఎంటర్టైనింగ్ గా ఇంట్రెస్టింగ్ గా క్రియేట్ చేయలేకపోయాడు దర్శకుడు. ముఖ్యంగా సెకండాఫ్ లో కొంచెం ల్యాగ్ ఫీల్ రాగా, ఎమోషన్స్ సీన్స్ లో దృష్టి పెట్టాల్సింది. ఇక దర్శకుడు గోపి ఆచార తన టేకింగ్ తో మెప్పించినా, సరైన స్క్రీన్ ప్లే రాసుకోవడంలో తడబడ్డాడు. పైగా కొన్ని సీన్స్ ని ఎడిట్ చేయాల్సింది. నిర్మాణ విలువలు డీసెంట్ గా ఉన్నాయి. వివేక్ సాగర్ సాంగ్స్ పర్లేదు.

Final Review : ఓవరాల్ గా "హే బలవంత్" మూవీ ఫన్ అండ్ లవ్ ఎంటర్టైనర్ గా ఆడియన్స్ ని కొంతవరకు మెప్పిస్తుందని చెప్పొచ్చు. కాని స్టోరీ, స్క్రీన్ ప్లే పరంగా ఆడియన్స్ ఎక్స్పెక్టేషన్స్ ని అందుకోవడంలో దర్శకుడు విఫలమయ్యాడు. థియేటర్లలో ఒకసారి చూడొచ్చు. కానీ కొత్తదనం కోరుకునే ఆడియన్స్ ని అంతగా ఇంప్రెస్ చేయదు. రెగ్యులర్ మూవీ లవర్స్ ఓ సారి ట్రై చేయొచ్చు.