కథ విషయానికి వస్తే.. తనకంటూ కొన్ని విలువలున్న జర్నలిస్ట్ గా సంధ్య (శోభిత ధూళిపాళ) అప్పుడప్పుడు కొన్ని ఇష్టంలేని వార్తలు కూడా చదవాల్సి వస్తుందని, తన స్నేహితురాలు బాబీ (అదితి) సలహాతో జర్నలిజం మానేసి పాడ్ కాస్ట్ చేస్తుంది. అయితే అనుకోకుండా తన ఫ్రెండ్ బాబీ, ఆమె బాయ్ ఫ్రెండ్ హత్యకు గురవుతారు. ఈ క్రమంలో హంతకుడ్ని పట్టుకునే క్రమంలో జరుగుతున్న వరుస హత్యలను సంధ్య ఎలా కనిపెట్టింది. చివరకు హంతకుడ్ని పోలీసుల సాయంతో పెట్టుకున్నారా? లేదా అనేది కథ.

Technical values : మర్డర్ క్రైమ్ మిస్టరీ థ్రిల్లర్ గా తెరకెక్కిన ఈ సినిమా కాన్సెప్ట్ ఎన్నో సినిమాల్లో చూసినట్టుగానే ఉంటుంది. ఎవరో సైకో వరుస హత్యలు చేస్తాడు.. దాన్ని ఛేదించడంపైనే కథనం అల్లుకుని ఉంటుంది. చీకటిలో మూవీ కథాంశం కూడా అంతే. దర్శకుడు శరన్ ఎంచుకున్న కథ ఇంతకు ముందున్న సినిమాల్లో చూసినట్టే ఉంటుంది. అయితే దానికి తగ్గ స్క్రీన్ ప్లే రాసుకోవడంలో కాస్త తడబడ్డాడు. ఇంటర్వెల్ తర్వాత క్లైమాక్స్ మాత్రమే ఆకట్టుకునేలా ఉంది. 

ఇక పెర్ఫార్మన్స్ పరంగా శోభిత తన రోల్ లో పర్ఫెక్ట్ గా సెట్ అయింది. జర్నలిస్ట్ గా ఒక ఇన్వెస్టిగేటర్ గా మంచి నటన కనబరిచింది. కానీ ఇతర పాత్రలు స్ట్రాంగ్ గా రాసుకోవడంలో ఫెయిల్ అయ్యాడు దర్శకుడు. వడ్లమని శ్రీనివాస్ కి కూడా ఇందులో డిఫరెంట్ షేడ్స్ ఉన్న స్ట్రాంగ్ రోల్ దక్కింది. అయితే ఇలాంటి కాన్సెప్ట్ ఉన్న సినిమాలకి థ్రిల్స్, సస్పెన్స్ చాలా ముఖ్యం. కానీ సినిమాలో అది చాలా తగ్గింది. అలాగే టెక్నికల్ గా నిర్మాణ విలువలు బాగున్నాయి. కొన్ని సెట్స్ డిజైన్స్ కూడా బాగున్నాయి. మల్లికార్జున్ తన నైట్ విజన్ కెమెరా వర్క్ బాగుంది. అయితే కొన్ని సీన్స్ ఎడిట్ చేయాల్సింది. 

Final Review :
ఇక ఓవరాల్ గా "చీకటిలో" మూవీ డీసెంట్ థ్రిల్లర్ గా ఆడియన్స్ ని అలరిస్తుంది. కానీ మళ్ళీ మళ్ళీ చూసేలా ఉండదు. ఎందుకంటే క్రైమ్ థ్రిల్లర్ లో ఉండాల్సిన అంశాలు అన్ని ఉన్నా, వైలెన్స్ ఎక్కువ ఉన్నా కూడా థ్రిల్ అనేది మిస్ అయింది.