చేపల చెరువు బిజినెస్ చేసే ఓంకార్ నాయుడు (తరుణ్ భాస్కర్) ఒక అహంకారం కలిగిన వ్యక్తి. జీవితంలో స్థిరపడ్డాక ఒక రకమైన కోపిష్టిలా తయారవుతాడు. ఇక మరోవైపు జీవితంలో స్వేచ్ఛ లేని ప్రశాంతి (ఈషా రెబ్బా) ఎదుగుదల కోసం మంచి జీవితం కోసం ఆరాటపడుతుంది. ఈ క్రమంలో తన కలలను పక్కనపెట్టి పెద్దలు కుదిర్చిన సంబంధం ఒకే చేసి ఓంకర్ నాయుడుని పెళ్లి చేసుకుంటుంది. అయితే గర్విష్టి అయిన ఓంకార్ భార్యని పెద్దగా పట్టించుకోడు. అన్నింట్లోనూ అజమాయిషీ చలాయిస్తాడు. ఈ క్రమంలో కొన్ని నాటకీయ పరిణామాల నేపథ్యంలో ఓంకార్ పెట్టే వేధింపులను తట్టుకుని ఓపిక నశించి, తన భర్త అహంకారాన్ని ప్రశాంతి ఎలా అణిచివేసి, అతనికి ఎలా బుద్ధి చెప్పింది? చివరికి వీరి వివాహబంధం నిలబడిందా లేదా? అనేది చిత్ర కథ. 

సినిమా కథ విషయానికి వస్తే... ఈ మధ్య ప్రతి ఇళ్లలో జరిగే కథే ఇది. భార్యాభర్తల మధ్య ఉండే మనస్పర్థలు, గొడవలు ఇందులో మరీ సీరియస్ గా కాకుండా కాస్త వినోదాత్మకంగా చెప్పే ప్రయత్నం చేసారు మేకర్స్. అలాగే సినిమాకు ఎంచుకున్న గోదావరి నేటివిటి మంచి ఫ్రెష్ ఫీల్ ని ఇస్తుంది. నటన పరంగా తరుణ్ భాస్కర్, ఇషా రెబ్బ తమదైన శైలిలో మెప్పించారు. కీలక పాత్రల్లో నటించిన బ్రహ్మానందం, సురభి ప్రభావతి, రోహిణి నోని, బ్రహ్మాజీ వారి పాత్రల పరిధిమేరకు బాగా నటించారు.

Technical Values : అయితే మైనస్ పాయింట్స్ విషయానికి వస్తే... ఈ సినిమా జయజయజయహే అనే మలయాళ సినిమాకి రీమేక్. లాక్ డౌన్ లో ఆ సినిమా తెలుగు వెర్షన్ ని ఓటిటి లో మెజారిటీ ఆడియన్స్ చూసేసారు. కనుక వారికి మళ్ళీ ఈ సినిమా నచ్చడం కష్టం. అలాగే ఓం శాంతి శాంతి శాంతిః కథ బాగున్నా, దానికి తగ్గ సరైన కథనాన్ని దర్శకుడు రాసుకోలేకపోయాడు. టెక్నికల్ గా చూస్తే, బీజీఎమ్, పాటలు పర్వాలేదు. సినిమాటోగ్రఫీ కూడా బాగుంది, కానీ అనవసరమైన కొన్ని సన్నివేశాల్ని ఎడిట్ చేయాల్సింది. నిర్మాణ విలువలు బాగున్నాయి.

Final Review :

ఫైనల్ గా ‘ఓం శాంతి శాంతి శాంతిః' సినిమా ఒక డీసెంట్ ఫ్యామిలీ  ఎమోషనల్ కామెడీ ఎంటర్టైనర్ గా ఆడియన్స్ ని కొంతవరకు మెప్పిస్తుందని చెప్పొచ్చు. అయితే చాలా వరకు రెగ్యులర్ సీన్స్  చూసినట్టే ఉండడంతో అవే సినిమాకి మైనస్ అయ్యాయి. ఓవరాల్ గా ఒరిజినల్ ని చూడని ఆడియన్స్ ఈ సినిమాని కొంతవరకు ఎంజాయ్ చెయ్యొచ్చు.