Anaganaga Oka Raju (అనగనగ ఒక రాజు)

కథ విషయానికి వస్తే.. గౌరవపురం జమీందారు గోపరాజు మనవడు రాజు (నవీన్ పొలిశెట్టి). అయితే తన తాత చేసిన దుబారా రసిక ఖర్చుల వల్ల జమీందారీ కుటుంబంలో పుట్టినా రాజు బైటికి తెలియని పేదరికంలోనే బతుకుతూ ఉంటాడు. ఈ క్రమంలో కనీసం పెళ్లి చేసుకుని అయినా కోటీశ్వరుడు కావాలని చూస్తాడు. ఈ క్రమంలో అనుకోకుండా రాజుకి చారులత (మీనాక్షి చౌదరి) కనిపిస్తుంది. ఈమె పెద్దిపాలెం భూపతిరాజు (రావు రమేష్) కూతురని, కోట్ల ఆస్తికి వారసురాలి తెలుస్తుంది. దీంతో ఆమెను పెళ్లి చేసుకుంటే తన లైఫ్ కూడా సెటిల్ అవుతుందని ప్రేమలో పడేసి పెళ్లి చేసుకుంటాడు. అయితే కొన్ని నాటకీయ పరిణామాల అనంతరం చారులతపై ఆమె తండ్రి పెట్టిన బాధ్యత గురించి రాజుకి అసలు నిజం తెలుస్తోంది. ఆ నిజమేంటి? నిజం తెలిసాక రాజు జీవితం ఎలా మారుతుంది. మధ్యలో ఎర్రబాబు (తారక్ పొన్నప్ప) పాత్ర ఏంటి?, తన సమస్యల నుండి రాజు ఎలా బయట పడ్డాడు ? అసలు ఛారులతని పెళ్ళి చేసుకుని ఏం సాధించాడన్నదే కథ. 

Technical Values :

విభిన్న సినిమాలతో తన ఎంటర్టైన్మెంట్ తో ఆడియన్స్ ని మెప్పిస్తున్న "నవీన్ పోలిశెట్టి" మూడేళ్ళ విరామం తర్వాత "అనగనగా ఒకరాజు" అంటూ వచ్చాడు. ఈ సినిమాలో కూడా ఎప్పట్లాగే తన ఎనర్జిటిక్ పెర్ఫార్మన్స్ తో కామెడీ టైమింగ్ తో నవీన్ ఆకట్టుకున్నాడు. సింపుల్ గా చెప్పాలంటే సినిమా అంతా నవీన్ వన్ మ్యాన్ షో చేసాడని చెప్పాలి. పాత్రకు తగ్గ వేరియేషన్స్ కూడా బాగా చూపించాడు. ఇటు హీరోయిన్ గా మీనాక్షి చౌదరి కూడా తన నటనతో మెప్పించింది. అలాగే రావు రమేశ్, తారక్ పొన్నప్ప, చమ్మక్ చంద్ర, రంగస్థలం మహేష్ వారి పాత్రల పరిధి మేరకు చక్కగా నటించారు. ఇక దర్శకుడు మారి మొదటి సినిమా అయినా స్క్రీన్ ప్లే బాగా రాసుకున్నాడు. అయితే మిగతా పాత్రలకు మరింత బలంగా రాసుకోవడంలో తడబడ్డారు. సెకండ్ హాఫ్ కాస్త నెమ్మదించింది. మ్యూజిక్ డైరెక్టర్ మిక్కీ జె. మేయర్ పాటలు పర్లేదు గాని, బీజీఎమ్ లో కొత్తదనం లేదు. నిర్మాణ విలువలు బాగున్నాయి.

Final Review : "అనగనగా ఒక రాజు" అంటూ వచ్చిన నవీన్ పోలిశెట్టి సంక్రాంతికి ప్రేక్షకుల్ని నవ్వించడమే టార్గెట్ గా వచ్చేయగా, అందులో పూర్తిగా సక్సెస్ అయ్యాడని చెప్పొచ్చు. అయితే కొన్ని రెగ్యులర్ సన్నివేశాలని మినహాయిస్తే ఫ్యామిలీతో ఈ సినిమాని హాయిగా ఎంజాయ్ చేయొచ్చు.