సాఫ్ట్ వేర్ ఇంజనీర్ అయిన చైతన్య (విక్రాంత్) ఒక అనాథ. తనకంటూ ఒక ఫ్యామిలీ కావాలని పెళ్లి చేసుకోవాలని కలలు గంటూ ఉంటాడు. కానీ అతను ఇంట్రోవర్ట్ కావడంతో అమ్మాయిలతో మాట్లాడడానికి ఇబ్బంది పడుతూ ఉంటాడు. ఈ క్రమంలో కళ్యాణి (చాందిని చౌదరి) పరిచయం అవుతుంది. వారి పరిచయం నెమ్మదిగా ప్రేమగా మారి పెద్దల్ని ఒప్పించి పెళ్లి చేసుకునే వరకు వెళుతుంది, కానీ పెళ్లి తర్వాత చైతన్యకి వీర్యకణాల సంఖ్య తక్కువ ఉంది అని తెలుస్తుంది. ఇదే సమయం నుండి కళ్యాణి తండ్రి కూడా వీళ్ళని విడగొట్టడానికి ప్రయత్నం చేస్తాడు. మరి ఇలాంటి సమస్యల నుంచి ఈ వీళ్ళు ఎలా కలిసి అధిగమించారు. వీళ్ళకి పిల్లలు పుట్టారా లేదా? చైతన్య, కళ్యాణి ఫైనల్ గా కలుస్తారా లేదా అనేది కథ. 

Technical values : కథ నేపథ్యం విషయానికి వస్తే... చాలా సింపుల్ స్టోరీ. ఇలాంటి కాన్సెప్ట్ తో ఇంతకు ముందు కూడా కొన్ని సినిమాలొచ్చాయి. అయితే డైరెక్టర్ ఎంచుకున్న కాన్సెప్ట్ కూడా ప్రస్తుతం చాలా మందికి ఉన్న సమస్యే కాబట్టి, యూత్ ఈ సబ్జెక్టు కి బాగా కనెక్ట్ అవుతారు. కాకపోతే ఫ్యామిలీ ఆడియన్స్ కి నచ్చకపోవచ్చు. నటీనటులు విక్రాంత్, చాందిని చౌదరితో పాటు మురళీధర్ గౌడ్ పాత్ర కూడా మెప్పిస్తుంది. అయితే స్క్రీన్ ప్లే పరంగా సంజీవ్ రెడ్డి తడబడ్డాడు. ఆడియన్స్ కి ఇంటర్వెల్ టైముకి కాన్సెప్ట్ మొత్తం తెలుస్తుంది కాబట్టి తర్వాత సీన్లను ఈజీగా గెస్ చేయగలరు. సో కథనంలో కొత్తదనం లేకుండా పోయింది. క్లైమాక్స్ కూడా తేలిపోయినట్టుంది. 

ఇక టెక్నికల్ గా సినిమా నిర్మాణ విలువలు డీసెంట్ గా ఉన్నాయి. సునీల్ కశ్యప్ మ్యూజిక్ బీజీఎమ్ పర్లేదు. ఎడిటర్ అనవసరమైన సీన్లను సెకండాఫ్ లో కొన్నింటిని ట్రిమ్ చేయాల్సింది. అలాగే సినిమా నేపథ్యం బాగున్నా, దాన్ని ఆడియన్స్ కి నచ్చే విధంగా ఎంటర్టైనింగ్ గా చూపించి ఉంటే బాగుండేది.

Final Review : ఓవరాల్ గా సంతాన ప్రాప్తిరస్తు సినిమా యూత్ కి సాఫ్ట్వేర్ జాబర్స్ కి కనెక్ట్ అయ్యే సినిమా ఇది. కాకపోతే బోల్డ్ సబ్జెక్టు కావడంతో ఫ్యామిలీస్ కనెక్ట్ కావడం కష్టం. అయితే కొత్త కాన్సెప్ట్ కోరుకునే ఆడియన్స్ కి ఈ సినిమా కాస్త కనెక్ట్ అయ్యే అవకాశం ఉంది.