కథ విషయానికి వస్తే... ఓ పెద్ద బిజినెస్ మెన్ అయినటువంటి కృష్ణ (సాయి కుమార్) కి అల్లరి చిల్లరగా తిరిగే "కుమార్ అబ్బవరం" (కిరణ్ అబ్బవరం) అనే కొడుకు ఉంటాడు. తన కొడుకును ప్రయోజకుడ్ని చేయాలనీ ఎంత ప్రయత్నించినా పని కాకపోయేసరికి, చివరి ప్రయత్నంగా కేరళలో ఓ ప్రైవేట్ కాలేజీలో మేనేజ్మెంట్ సీట్ కొని తన కొడుకుని జాయిన్ చేయిస్తాడు. అయితే ఇక్కడ కూడా అలాగే ప్రవర్తిస్తుంటాడు. ఈ క్రమంలో ఇక్కడ పరిచయమైన మెర్సీ జాన్ (యుక్తి తరేజా) ని తొలిచూపులోనే ప్రేమిస్తాడు. తనతో జీవితాంతం ఉంటానంటూ ప్రామిస్ చేసి లవ్ చేస్తాడు. ఆమె కూడా ప్రేమిస్తుంది. ఈ క్రమంలో మెర్సీ కి ఉన్న ఓ సమస్యతో కుమార్ కి తీవ్ర ఇబ్బందులు తలెత్తుతాయి. మెర్సీ కి ఉన్న ఆ సమస్య ఏంటి? కుమార్ మెర్సీ వల్ల కలిగిన ఆ సమస్యలు ఎలా ఎదుర్కొన్నాడు. ఫైనల్ గా కుమార్ ప్రయోజకుడు అయ్యాడా? ఈ మధ్యలో కుమార్ తన నాన్న గురించి తెలుసుకుంది ఏంటి? మెర్సీ కి ఉన్న ఆ సమస్య తొలగిపోయి ఇద్దరు కలిసారా? అనేది కథ.

Technical values : కథ విషయానికి వస్తే.. ఇంచుమించు కిరణ్ అబ్బవరం గత సినిమాల్లో పాత్రల్లాగే కుమార్ పాత్ర కూడా ఉంటుంది. ఆ రోల్ లో కిరణ్ అబ్బవరం ఇమిడిపోయాడు. అలాగే సాయికుమార్, నరేష్, మురళీధర్ గౌడ్ ఎవరూ ఎక్కడా తగ్గకుండా మెప్పించారు. అలాగే యుక్తి తరేజా మెర్సీ రోల్ కి పర్ఫెక్ట్ సెట్ అయింది. ఇక దర్శకుడు జైన్స్ నాని దర్శకుడిగా మంచి పనితీరు కనబరిచాడు. చిన్న కథని ఎంటర్టైనింగ్ గా మలచడంలో బాగా ఇంప్రెస్ చేసాడు. స్క్రీన్ ప్లే పరంగా సక్సెస్ అయ్యాడు. అలాగే సినిమా ప్రమోషన్స్ లో కూడా మేకర్స్ ప్రయత్నం ఫలించింది. 

నిర్మాణ విలువలు డీసెంట్ గా ఉన్నాయి. చేతన్ భరద్వాజ్ మ్యూజిక్ బాగుంది. అయితే మైనస్ పాయింట్స్ ఏంటంటే కథ చాలా రొటీన్ గా ఉండడం ఒకటైతే, మూవీ దాదాపుగా ఊహాజనితజంగా ఉంటుంది. కాకపోతే క్లైమాక్స్ వరకు ఎంటర్టైనింగ్ గా ఉండడం వల్ల ల్యాగ్ ఉన్నా పెద్దగా పట్టించుకోరు. అయితే రొమాంటిక్ డోస్ కొంచెం ఓవర్ అవడంతో ఫ్యామిలీ ఆడియన్స్ కి కొంత ఇబ్బందిగా ఉంటుంది. 

Final Review : ఓవరాల్ గా 'కే ర్యాంప్' ఆడియన్స్ ని నవ్వించడానికే థియేటర్లలోకి వచ్చిన ఒక టైం పాస్ ఎంటర్టైనర్ గా చెప్పొచ్చు. ఆడియన్స్ కిరణ్ అబ్బవరం కామెడీ కోసం, లేదా సరదాగా ఫ్యామిలీతో వీకెండ్ లో ఏదైనా సినిమా చూడడం కోసం కే ర్యాంప్ ని ఆప్షన్ గా ఎంచుకోవచ్చు. కానీ ఏమాత్రం ఎక్కువ అంచనాలు పెట్టుకొని చూసినా డిస్సపాయింట్ అయ్యే అవకాశం ఉంది.