గాయపడ్డ సింహం (Gayapadda Simham)

కథ విషయానికి వస్తే... ఎథికల్ హ్యాకర్ గా పనిచేసే దరహాస్ (తరుణ్ భాస్కర్) గాయత్రి (మానస చౌదరీ)తో ప్రేమలో పడుతాడు. అయితే అమెరికాలో సెటిల్ అయితేనే కూతుర్ని ఇచ్చి పెళ్ళిచేస్తానని గాయత్రి తండ్రి దరహాస్ కి కండిషన్ పెడతాడు. దీంతో ఎలాగైనా అమెరికాలో సెటిల్ అవ్వాలని దరహాస్ ప్రయత్నాలు చేయగా, అక్కడికి ఎలాగో వెళ్లినప్పటికీ అమెరికా అధ్యక్షుడు డొనాల్డ్ ట్రంప్ కొన్ని విధానాల వల్ల దరహాస్‌ ను ఎయిర్ పోర్ట్ నుండే తిరిగి పంపించేస్తారు. దాంతో లవ్ బ్రేకప్ అయిన దరహాస్ ట్రంప్ పై పగదీర్చుకోవాలని ప్లాన్ వేస్తాడు. మరి దరహాస్ అనుకున్న పని జరిగిందా? మధ్యలో ధర్మ (జెడి చక్రవర్తి) పాత్రేంటి? భైరవ్ దాస్ తో (శ్రీవిష్ణు) దరహాస్ ఏం చేయించాడు. ఈ ప్రయత్నాల్లో దరహాస్ లైఫ్ లోకి శాలిని (ఫరియా అబ్దుల్లా) ఎలా వచ్చింది. మరి దరహాస్ అనుకున్న ప్రయత్నాలు జరిగాయా లేదా? అనేది మిగిలిన కథ.

పక్కా ఎంటర్టైన్మెంట్ జోన్ లో తెరకెక్కిన ఈ మూవీ ఆడియన్స్ ని నవ్వించే విషయంలో మేకర్స్ కొంతవరకు సక్సెస్ అయ్యారని చెప్పాలి. సినిమాలో తరుణ్ భాస్కర్ తన మార్క్ పంచ్ డైలాగ్స్ తో ఎప్పట్లాగే ఎనర్జిటిక్ గా నటించాడు. అలాగే గెస్ట్ అప్పీరెన్స్ ఇచ్చిన శ్రీవిష్ణు కూడా తన రోల్ లో బాగానే కామెడీ పండించాడు. తరుణ్ భాస్కర్ తో కామెడీ ట్రాక్ మంచి ప్లస్ అయింది. ఇక హీరోయిన్లుగా నటించిన ఫరియా అబ్దుల్లా, మానస చౌదరీ వాళ్ళ స్క్రీన్ ప్రెజెన్స్ తో ఆడియన్స్ ని ఇంప్రెస్ చేసారు. అలాగే జె. డి. చక్రవర్తి, శుభలేఖ సుధాకర్ కీ రోల్స్ లో వాళ్ళ సీనియారిటీకి పదును పెట్టారు. అలాగే దర్శకుడిగానే కాకుండా సినిమాలో హీరో ఫ్రెండ్ గా నటించిన కశ్యప్ శ్రీనివాస్, అలాగే హర్షవర్ధన్ వాళ్ళ పాత్రల పరిధిమేరకు బాగానే నటించారు. 

అయితే దరహాస్ పాత్రను, శ్రీవిష్ణు కీ గెస్ట్ రోల్ పాత్రల్ని బాగానే రాసుకున్న దర్శకుడు కశ్యప్ శ్రీనివాస్ మిగతా పాత్రల్ని అంత ఎంటర్టైనింగ్ గా తెరకెక్కించలేకపోయాడు. అలాగే కథా కథనాలు ఇంకాస్త స్ట్రాంగ్ గా రాసుకొని ఉండాల్సింది. అలాగే సీన్ కి మరో సీన్ కి పొంతన లేక ఆడియన్స్ కన్ఫ్యూజ్ అవుతారు. అలాగే హీరోకి బలమైన ప్రత్యర్థి ఉంటే మరింత ఇంట్రెస్టింగ్ గా ఉండేది. ఇక స్వీకర్ అగస్తి అందించిన సంగీతం పర్లేదు. కొన్ని సాగదీత సీన్లు ఎడిట్ చేయాల్సింది. ప్రొడక్షన్ వాల్యూస్ రిచ్ గా ఉన్నాయి. 

Final Review : ఓవరాల్ గా "గాయపడ్డ సింహం" అంటూ వచ్చిన ఈ కామెడీ ఎంటర్టైనర్ లో తరుణ్ భాస్కర్, శ్రీ విష్ణు కామిక్ డైమింగ్స్ మినహా ఏవి పెద్దగా మెప్పించలేకపోయాయి. రెగ్యులర్ కామెడీ మూవీ లవర్స్ ఒకసారి చూసేలా మూవీ ఉంటుంది గాని, కొత్తదనం కోరుకుంటే మాత్రం నిరాశ తప్పదు.