ఏనుగు తొండం ఘటికాచలం (నరేష్) రిటైర్ అయ్యాక తన కొడుకులు, కోడళ్ళతో మనవాళ్లతో కలిసి ఉంటాడు. దాదాపు 65 యేళ్ళున్న ఘటికాచలం పోయిన తన భార్యను తలచుకుంటూ ఒంటరితనం అనుభవిస్తూ ఉంటాడు. ఈ క్రమంలో ఆ ఇంట్లోనే పని మనిషి భవాని (వర్షిణి) కూడా ఉంటుంది. అయితే ఘటికాచలం కుటుంబంలో ఒకానొక సమయంలో ఎవ్వరూ పనిచేయకుండా ఘటికాచలం పెన్షన్ డబ్బుతోనే తన కొడుకులు కోడళ్ళు కుటుంబాన్ని నెట్టుకొస్తారు. పైగా ఘటికాచలాన్ని కూడా పెద్దగా పట్టించుకోరు. ఈ క్రమంలో పని మనిషి భవాని, ఘటికాచలంను మభ్యపెట్టి ప్లాన్ చేసి తనతో పెళ్లి జరిపించుకుంటుంది. అయితే పెళ్లి జరిగిన రోజు రాత్రి అకస్మాత్తుగా చనిపోయిన ఘటికాచలం వల్ల, మొత్తం కుటుంబం తీవ్ర ఇబ్బందుల్లో పడుతుంది. మరి ఆ ఇబ్బందులేంటి? ఘటికాచలం చనిపోవడం వల్ల కుటుంబం పరిస్థితి ఎలా మారింది అనేది కథ.

Technical values : ఇండస్ట్రీ లో రవిబాబు సినిమాలకు ఓ సపరేట్ బ్రాండ్ వాల్యూ ఉండేది. కానీ టైటిల్ కార్డ్స్ నుండి, ఇంటర్వెల్ ట్విస్ట్ లు సహా క్లైమాక్స్ వరకు ఇంట్రస్టింగ్ గా ఆడియన్స్ ని సీట్లలో కూర్చోబెట్టగలడు. కాని కొన్నాళ్లుగా తన మార్క్ మూవీస్ ఇవ్వడంలో విఫలమవుతున్నాడు. ఇప్పుడు ఏనుగుతొండం ఘటికాచలంతో ఆడియన్స్ ని ఎంటర్టైన్ చేయడానికి వచ్చాడు. కానీ మళ్ళీ ప్రేక్షకుల అంచనాలు అందుకోలేకపోయాడు. ఇక సినిమాలో లీడ్ నటీనటులు సీనియర్ నటుడు నరేష్, శ్రీకాంత్ అయ్యంగార్ అలానే వర్షిణి ఇంకా గిరిధర్, విజయ్ భాస్కర్ తదితరులు తమ పరిధి మేరకు బానే చేశారు. 

ఇక టెక్నికల్ గా దర్శకుడు రవిబాబు తన మార్క్ ఈ సినిమాలో చూపించడానికి ట్రై చేసినా కొత్తదనం లేని కామెడీతో విసుగు పుట్టించాడు. ఈ సినిమాలో కథ కథనాలు కూడా నిరాశ కలిగించే విధంగా ఉన్నాయి. రవిబాబు గత చిత్రాలు అల్లరి, మనసారా, నువ్విలా లాంటి సినిమాల్లో కామెడీ ఎంతో నాచురల్ గా ఉంటుంది. కానీ ఈ సినిమాలో పూర్తిగా మిస్ అయింది. అలీ లాంటి సీనియర్స్ కమెడియన్స్ ఉన్నా ఎక్కడ కూడా ఫన్ జెనరేట్ కాలేదు. అలాగే ఈ సినిమాలో నిర్మాణ విలువలు పర్లేదు. 
సంగీతం, సినిమాటోగ్రఫీ కూడా పర్లేదు. కానీ ఎడిటర్ సినిమాని బాగా ట్రిమ్ చేయాల్సింది. అప్పుడెప్పుడో అవును సినిమాతో హిట్ కొట్టిన రవిబాబు మళ్ళీ ఫామ్ లోకి రావడానికి చాలా ఇబ్బంది పడుతున్నాడు.

Final Review :

ఇక ఓవరాల్ గా "ఏనుగు తొండం ఘటికాచలం" ఆడియన్స్ ని అలరించడంలో పూర్తిగా విఫలమైందని చెప్పాలి. దర్శకుడు రవిబాబు గత సినిమాల్లో ఉన్న క్రియేటివిటీ ఇందులో ఏమాత్రం కనిపించలేదు. మొత్తంగా రవిబాబు సినిమాలు ఇష్టపడే ఒక వర్గం ఆడియన్స్ కి ఈ సినిమా కొంత వరకు కనెక్ట్ అవుతుందేమో గాని, నార్మల్ ఆడియన్స్ ఆదరించలేరు.