Movie Reviews

ఫాంటసీ కథల్ని సరిగా డీల్ చేస్తే.. భలే గమ్మత్తుగా అనిపిస్తాయి. లాజిక్ తో సంబంధం లేకుండా ఎన్ని విన్యాసాలైనా చేయొచ్చు. ఆసక్తికర సన్నివేశాలు రాసుకోవాలి. ఎమోషన్ కూడా పండేలా చూసుకోవాలి. ‘డోంట్ ట్రబుల్ ద ట్రబుల్’లో కొంతమేర ఆ ప్రయత్నం జరిగింది. కొన్ని క్రేజీ సీన్లతో వినోదాన్ని పంచగలిగారు. లీడ్ క్యారెక్టర్లు బాగున్నాయి.. వాటిని పోషించిన ఆర్టిస్టులూ ఆకట్టుకున్నారు. ఈ రెండు పాత్రల మధ్య ఎమోషన్ కూడా కొంత వర్కవుట్ అయింది. కానీ మరీ ప్రెడిక్టబుల్ గా ఉండే కథ.. కొన్ని ఇల్లాజికల్ సీన్లు.. సరిగ్గా కుదరని పేఆఫ్ వల్ల మ్యాజిక్ పూర్తి స్థాయిలో వర్కవుట్ కాలేదు.

ద్వితీయార్ధంలో మాత్రం ‘డోంట్ ట్రబుల్ ద ట్రబుల్’ నిరాశపరుస్తుంది. ప్రథమార్ధం ఉన్న ఫన్ అంతా ఉన్నట్లుండి మాయమైపోతుంది. కథలో పెద్దగా సర్ప్రైజులు లేకుండా.. చాలా సాధారణమైన సన్నివేశాలతో నడించే ద్వితీయార్ధం ఎంగేజింగ్ గా అనిపించదు. సుదీర్ఘంగా సాగే ఒక యాక్షన్ ఎపిసోడ్ బోర్ కొట్టిస్తుంది. ఆ సీన్ పర్పస్ ఏంటో అర్థం కాదు. హీరో-పాప మధ్య బలమైన బాండింగ్ ను ఎస్టాబ్లిష్ చేసి ఉంటే ఎమోషన్ పండించడానికి అవకాశముండేది. పాప తల్లిదండ్రులకు సంబంధించి ఇందులో పెట్టిన ఒక ఎపిసోడ్ ఇల్లాజికల్ గా అనిపిస్తుంది. ఓవరాల్ గా చెప్పాలంటే ‘డోంట్ ట్రబుల్ ద ట్రబుల్’ కొంతమేర వినోదాన్ని పంచినా.. అంచనాలకు చాలా దూరంలో ఆగిపోయింది. చివరగా: డోంట్ ట్రబుల్ ద ట్రబుల్.. కొంచెం ఫన్- ఎక్కువ ట్రబుల్.

మలయాళ నటుడు ఫహద్ ఫాజిల్ లీడ్ రోల్‌లో నటించిన లేటెస్ట్ తెలుగు చిత్రం ‘డోంట్ ట్రబుల్ ది ట్రబుల్’. శశాంక్ ఏలేటి డైరెక్ట్ చేసిన ఈ సినిమా థియేటర్లలో మిక్స్డ్ రెస్పాన్స్ అందుకుంది. అయితే దెయ్యాలు, ఆత్మల కథలు తెలుగు సినిమాకి కొత్తేమీ కాదు. కానీ, ఈ సినిమాలో ఏం తెలియని ఓ పాప ఆత్మ చుట్టూ డ్రామా సాగుతుంది. దీనికి తోడు, ఈ సినిమాలోని హారర్ ఎఫెక్ట్స్ కూడా బాగున్నాయి. అయితే, కథనంలో కొన్ని చోట్ల కీలక సన్నివేశాలు స్లోగా సాగడం, అలాగే.. సినిమా మొదట్లో కాన్ ఫ్లిక్ట్ ఆకట్టుకునే విధంగా లేకపోవడం వంటి అంశాలు సినిమాకి మైనస్ పాయింట్స్ గా నిలిచాయి. అయితే, దర్శకుడు ఫస్ట్ హాఫ్ పై ఆసక్తిని కలిగించే ప్రయత్నం చేసినప్పటికీ… సినిమాలో కొన్ని చోట్ల లాజిక్ మిస్ అయింది.

‘డోంట్ ట్రబుల్ ది ట్రబుల్’ అంటూ వచ్చిన ఈ హారర అండ్ ఎమోషనల్ డ్రామాలో.. హారర్ అండ్ యాక్షన్ ఎలిమెంట్స్ తో పాటు పాత్రల తీరు, అలాగే వాటి ఎమోషన్స్ కూడా బాగున్నాయి. ఫాహద్ ఫాజిల్ నటన కూడా సినిమా స్థాయిని పెంచింది. ఐతే, కొన్ని చోట్ల ప్లే స్లోగా సాగడం, సెకండ్ హాఫ్ లో కొన్ని సీన్స్ లో ఇంట్రెస్ట్ మిస్ అయింది. ఓవరాల్ గా ఈ సినిమా మాత్రం కొన్ని చోట్లే ఆకట్టుకుంది.

ఫాహద్ ఫాజిల్ ఓ తెలుగు కథకి ఓకే చెప్పి.. హీరోగా పరిచయం అవుతున్నాడు అంటే అందరిలోనూ ఓ ఇంట్రెస్ట్ కలుగుతుంది. దానికి తగ్గట్టుగా రాజమౌళి, మహేష్ బాబు, ఎన్టీఆర్ వంటి వారంతా కూడా ప్రమోషన్స్‌లో తమ వంతు సాయం చేశారు. దీంతో సినిమా మీద మంచి హైప్ అయితే ఏర్పడింది. అయితే సినిమా చూసాక కథ గురించి చెప్పుకుంటే... ఓ గమ్యం అంటూ లేకుండా డబ్బు కోసం ఏ పని అయినా చేసే ఓ వ్యక్తి.. అతడికి మాత్రమే కనిపించే ఓ ఆత్మ.. ఆ ఆత్మకి ఓ ఫ్లాష్ బ్యాక్.. ఆ ఆత్మ ఈ వ్యక్తికి సాయం చేయడం.. మళ్లీ ఈ వ్యక్తి ఆ ఆత్మకి సాయం చేయడం అనే పాయింట్‌తో ఈ సినిమాని శశాంక్ రాసుకున్నాడు. అయితే ఇలాంటి కథల్ని మనం ఇది వరకే చూశామే.. అన్న ఫీలింగ్ కలుగుతుంది. ఎక్కడా ఒక్క చోట కూడా కొత్త సీన్ కనిపించదు.

లాజిక్స్ అన్నీ పక్కన పెట్టి చూద్దామన్నా కూడా ఎమోషన్ కూడా క్యారీ కాదు. ఎక్కడా కూడా అరెరె పాపం.. అయ్యో.. అన్న ఫీలింగ్ కూడా కలగదు. అయితే చిన్న పిల్లలకు అంతో ఇంతో ఈ మ్యాజిక్ నచ్చడం, దివ్య పాత్ర కనెక్ట్ అయ్యే అవకాశం ఉన్నట్టుగా కనిపిస్తుంది. ఫహాద్, సారా కాంబో సీన్స్ కొన్ని చోట్ల ఆడియెన్స్‌కి ఉపశమనం కలిగించే అవకాశం ఉంది. కథ, కథనంలోనే చాలా వరకు సోల్ మిస్ అయినట్టుగా కనిపిస్తుంది. లాజిక్స్ మిస్ అవ్వడం, ఎమోషనల్‌గా కనెక్ట్ కాలేకపోవడం మైనస్‌గా చెప్పుకోవచ్చు. చివరగా.. డోంట్ ట్రబుల్ ది ట్రబుల్ అనేది ఆడియెన్స్‌ కి చాలా వరకు ట్రబుల్ ఇచ్చేలానే ఉంటుంది. అయితే పిల్లలు మాత్రం కాస్త రిలీఫ్‌గా ఫీలై ఎంజాయ్ చేసేలా ఉంటుంది.

సస్పెన్స్ మిస్టరీ థ్రిల్లర్‌ ప్రధానంగా సాగిన (మిస్సింగ్ మేఘన) చిత్రమిది. ఇందులో లవ్‌ ట్రాక్‌ కూడా ఉంది. అయితే అదొక డిఫరెంట్‌ లవ్‌ స్టోరీ కావడం విశేషం. పెళ్లి సెట్‌ అయిన అమ్మాయి ఆ తర్వాత వేరే వ్యక్తితో ప్రేమలో పడటమనే కథలతో కొన్ని సినిమాలు వచ్చాయి. కానీ అందులోనూ ఇది కొంత భిన్నంగా ఉంటుంది. ఇక మేఘన మిస్సింగ్‌ అనేది ఇంట్రెస్టింగ్‌గా సాగుతుంది. అయితే సినిమా అర్థం కావడానికి టైమ్‌ పడుతుంది. ఫస్టాఫ్‌ చాలా వేగంగా పూర్తవుతుంది. కానీ సెకండాఫ్‌ లెంన్తీగా అనిపిస్తుంది. కార్తీక్‌ లవ్‌ ట్రాక్‌, మేఘనతో ఆయన పరిచయం రివీల్‌ కావడానికి టైమ్‌ తీసుకున్నారు. ఆ లవ్‌ ట్రాక్‌ కొత్తగా ప్రారంభమైనా, ఆ తర్వాత కొంత రొటీన్‌గా, మరికొంత బోరింగ్‌గా అనిపిస్తుంది. 

ఇక సినిమాలో మెయిన్‌ ఎమోషన్‌ మిస్‌ అయ్యింది. చాలా సీన్లు అలా వచ్చి ఇలా పోతుంటాయి. ట్విస్ట్ లు కూడా గొప్పగా వర్కౌట్‌ కాలేదు. కాకపోతే ఇంకా బాగా చేయాల్సింది. వాహ్‌ ఫ్యాక్టర్‌ విషయంలో, క్లైమాక్స్ ట్విస్ట్ విషయంలో మరింత కేర్‌ తీసుకుంటే సినిమా ఇంకా బాగుండేది. ఫైనల్ గా కొంత వరకు ఎంగేజ్‌ చేసి, ట్విస్ట్, టర్న్ లతో ఆకట్టుకునే మూవీ `మిస్సింగ్‌ మేఘన`. మిస్టరీ థ్రిల్లర్‌ చిత్రాలను ఇష్టపడేవారికి నచ్చుతుంది.

అమ్ము అభిరామి ప్రధాన పాత్రలో నూతన దర్శకుడు వాచస్పతి జొన్నలగడ్డ తెరకెక్కించిన క్రైమ్ మిస్టరీ థ్రిల్లర్ ‘మిస్సింగ్ మేఘన’. నేడు ప్రేక్షకుల ముందుకు వచ్చిన ఈ సినిమా బిలో యావరేజ్ రెస్పాన్స్ అందుకుంది. అయితే ఇలాంటి క్రైమ్ థ్రిల్లర్ల విజయం అంతా స్క్రీన్‌ప్లే, ఎగ్జిక్యూషన్ మీద ఆధారపడి ఉంటుంది. ఫస్ట్ హాఫ్ పర్వాలేదనిపించినా, సెకండ్ హాఫ్‌ను సాగదీయడం అతిపెద్ద మైనస్. రెండో భాగంలో వచ్చే కొన్ని సీన్లు, డైలాగ్స్ 2010 కాలం నాటి రొమాంటిక్ షార్ట్ ఫిలింలను గుర్తు చేస్తాయి.

మొత్తంగా చెప్పాలంటే.. ‘మిస్సింగ్ మేఘన’ కొత్తదనం లేని ఒక రొటీన్ క్రైమ్ మిస్టరీ థ్రిల్లర్. ఫస్ట్ హాఫ్‌లోని కొన్ని ఇన్వెస్టిగేషన్ సీన్లు, అమ్ము అభిరామి నటన మినహా ఆకట్టుకుంటయి. సాగదీసిన సెకండ్ హాఫ్, ఊహకందే క్లైమాక్స్, లాజిక్ లేని సీన్లు ఈ సినిమా గ్రాఫ్‌ ను తగ్గించేశాయి. క్రైమ్ థ్రిల్లర్ చిత్రాలను ఇష్టపడేవారు ఈ వీకెండ్‌కి వేరే ఆప్షన్స్ చూసుకోవడం బెటర్.

నిహాల్ కోదాటి, సూర్య శ్రీనివాస్ హీరోలుగా నటించిన లేటెస్ట్ చిత్రం ‘సీక్రెట్ సోల్జర్’. అక్కి విశ్వనాథ్ రెడ్డి డైరెక్ట్ చేసిన ఈ సినిమా ప్రేక్షకుల నుండి యావరేజ్ రెస్పాన్స్ దక్కించుకుంది. అయితే స్నేహం, దేశభక్తి మరియు గూఢచర్యం నేపథ్యంలో తెరకెక్కిన ఈ సినిమాలో మెయిన్ పాయింట్ బాగుంది. ప్రధానంగా చర్చించిన స్నేహానికి సంబధించిన అంశం..అలాగే ‘దేశం కోసం కొంతమంది ఎలాంటి త్యాగం చేస్తారు ?, ప్రాణం ఇచ్చి అయినా సరే దేశాన్ని ఎలా కాపాడతారనే ఇతివృత్తంతో ఈ సినిమా రూపొందించడం కూడా బాగుంది.

ఈ ‘సీక్రెట్ సోల్జర్’ సినిమాలో ఇంట్రెస్టింగ్ డ్రామా ఉన్నా.. చాలా చోట్ల ప్లే మాత్రం చాలా సింపుల్ గా సాగుతుంది. ఫస్ట్ హాఫ్ లో చాలా సీన్స్ బోర్ గా సాగాయి. ఫస్ట్ హాఫ్ ను ఇంకా బలంగా రాసుకుని ఉండాల్సింది. దీనికితోడు, అనవసరమైన ల్యాగ్ సీన్స్ కూడా ఎక్కువైపోయాయి. పైగా ఈ సినిమా స్లో నేరేషన్ తో పాటు బోరింగ్ ట్రీట్మెంట్ అండ్ ఫేక్ ఎమోషన్స్ తో సాగుతుంది. ఓవరాల్ గా ‘సీక్రెట్ సోల్జర్’ అంటూ వచ్చిన ఈ ఎమోషనల్ క్రైమ్ డ్రామాలో.. స్నేహం, దేశభక్తి వంటి అంశాలను బాగానే ఎస్టాబ్లిష్ చేశారు. కథలో కొన్ని థ్రిల్లింగ్ ఎలిమెంట్స్ ను కూడా దర్శకుడు బాగానే ప్లాన్ చేశాడు. కానీ.. స్క్రీన్ ప్లే స్లోగా సాగడం, సెకండ్ హాఫ్ లో ఇంట్రెస్టింగ్ సీన్స్ లేకపోవడం, కొన్ని కీలక సన్నివేశాల్లో లాజిక్ మిస్ కావడం వంటి అంశాలు సినిమాకి మైనస్ అయ్యాయి. మొత్తమ్మీద ఈ చిత్రం ప్రేక్షకులను అలరించలేకపోయింది.

దేశభక్తి, దేశం కోసం సీక్రెట్‌ గా పోరాడే సైనికులు చాలా మంది ఉంటారు. అలాంటి సీక్రెట్‌ సోల్జర్స్ ని ప్రధానంగా చేసుకొని రూపొందిన మూవీ `సీక్రెట్‌ సోల్జర్`. దేశభక్తి, స్నేహాన్ని మేళవిస్తూ రూపొందించిన చిత్రమిది. నిజానికిది చాలా పెద్ద రేంజ్‌ స్టోరీ. కానీ కొత్త నటీనటులు, అప్‌కమింగ్‌ యాక్టర్స్ తో ఈ రేంజ్‌ సినిమా తీయడం విశేషమని చెప్పాలి. ఇక సినిమాలో డిఫెన్స్ కి సంబంధించిన సీక్రెట్‌ మిషన్‌ లీక్‌కి, స్నేహాన్ని ముడిపెడుతూ రూపొందించిన తీరు బాగుంది. సినిమాలోని ట్విస్ట్ లు, టర్న్ లు మరో హైలైట్‌గా నిలిచాయి. 

ఇక ఒక్కో ట్విస్ట్, అసలు కథ రివీల్‌ అవుతున్న నేపథ్యంలో సినిమాపై ఆసక్తి పెరుగుతుంది. ఓ వైపు దేశానికి సంబంధించిన స్పై ఏజెన్సీ చేసే కార్యక్రమాలు, వారు చేసే మిషన్‌ లీక్‌ కావడం వంటి అంశాలను, మరోవైపు స్నేహానికి సంబంధించిన జర్నీని ఆవిష్కరించిన తీరు బాగుంది. స్క్రీన్‌ ప్లే చాలా నీట్‌గా సాగుతుంది. అయితే ఇంత వరకు బాగానే ఉన్నా చాలా చోట్ల కథనంలో లింక్‌లు మిస్‌ అయ్యాయి. ఒక వైపు వెళ్లే కథ, మరోవైపు టర్న్ తీసుకున్నట్టుగా ఉంటుంది. చాలా చోట్ల లాజిక్‌ లు మిస్‌ అయ్యాయి. స్పై ఏజెన్సీలోనే వారికే కమ్యూనికేషన్‌ లేకపోవడమనేది కొంత అసహజంగా అనిపిస్తుంది. పాత్రల్లోని ట్విస్ట్ లు కూడా పెద్దగా పేలలేదు. కాకపోతే చాలా వరకు ఎంగేజ్‌ చేస్తుంది. కొత్త వారైనా చాలా బాగా చేశారు. ఇదొక స్పై యాక్షన్‌ ఫిల్మ్ లా కాకుండా, స్నేహం చుట్టూ కథని నడిపించడం విశేషంగా చెప్పొచ్చు. ఓవరాల్ గా దేశభక్తి ప్రధానంగా తెరకెక్కిన ఒక కొత్త తరహా చిత్రమిది. స్పై మూవీస్‌, దేశభక్తి మూవీస్‌ని ఇష్టపడే వారికి నచ్చే సినిమా అవుతుంది.

డీజే టిల్లు’తో దర్శకుడిగా మంచి పేరు సంపాదించిన విమల్ కృష్ణ ఆ తర్వాత చాలా ఏళ్ల పాటు ఇంకో సినిమా తీయలేదు. ఎట్టకేలకు అతడి నుంచి ఓ సినిమా వచ్చింది. అదే.. అనుమాన పక్షి. రాగ్ మయూర్ ప్రధాన పాత్రలో నటించిన ఈ చిత్రం ఈ రోజే ప్రేక్షకుల ముందుకు వచ్చింది. హీరోకు ప్రతి విషయంలోనూ విపరీతమైన అనుమానం. ఈ అనుమానంతో తన జీవితాన్ని ఎలా నరకప్రాయం చేసుకున్నాడన్నది చెప్పాలనుకున్నాడు దర్శకుడు. ఐతే హీరో క్యారెక్టరైజేషన్ విషయంలో అతడి ఆలోచన బాగుంది కానీ, ఇలా ఒక కాన్సెప్ట్ తీసుకున్నపుడు.. పాత్రను సరిగా ఎస్టాబ్లిష్ చేయడం కీలకం. క్రేజీ సీన్లు రాసుకుని ఆ పాత్ర పట్ల ప్రేక్షకుల్లో క్యూరియాసిటీ ఏర్పడేలా చూడాలి. కానీ హీరో తన గురించి తనే నరేట్ చేసుకునే ఆరంభ సన్నివేశాలే తేలిపోయాయి. 

ఏమాత్రం నవ్వులు పండని సిచువేషన్లతో సినిమా మొదలైన పావు గంటకే ప్రేక్షకుల్లో అసహనం మొదలవుతుంది. రాగ్ మయూర్ మంచి కామెడీ టైమింగ్ ఉన్న నటుడు. కానీ అతణ్ని ‘అనుమాన పక్షి’లో ఏమాత్రం ఉపయోగించుకోలేకపోయాడు దర్శకుడు విమల్ కృష్ణ

ఆ తర్వాత ఇలాంటి సినిమాను ఎంతమాత్రం ఊహించలేం. రైటింగ్ దగ్గరే ‘అనుమాన పక్షి’ తేలిపోయింది. కనీసం ఒక్కటంటే ఒక్క సన్నివేశం కూడా ఆసక్తి రేకెత్తించేలా రాసుకోలేదు. ఇలాంటి స్క్రిప్టుతో సినిమా చేయడానికి ఇంతమంది ఎలా రెడీ అయిపోయారన్నది ఆశ్చర్యం కలిగించే విషయం. విమల్ టేకింగ్ గురించి కూడా చెప్పడానికి ఏమీ లేదు. చివరగా అనుమాన పక్షి.. అంతులేని అసహనం

అనుమానం పెనుభూతం' అనే పాత నానుడికి ఆధునిక సోషల్ మీడియా ధోరణులను జోడిస్తూ తెరకెక్కింటిన వినూత్న చిత్రమే 'అనుమాన పక్షి'. 'డీజే టిల్లు' ద్వారా గుర్తింపు పొందిన విమల్ కృష్ణ దర్శకత్వం వహించిన ఈ కామెడీ థ్రిల్లర్‌లో రాగ్ మయూర్ కథానాయకుడిగా నటించారు. ప్రతి చిన్న విషయానికీ అతిగా అనుమానపడే ఓ యువకుడి మనస్తత్వం, ఆ అలవాటు వల్ల అతడి జీవితంలో తలెత్తే ఊహించని విచిత్రమైన పరిస్థితులను కామెడీ, థ్రిల్లర్ ఎలిమెంట్స్‌తో ఎదురైన చిత్ర విచిత్రమైన పరిస్థితులను ఆవిష్కరించే ప్రయత్నమే ఈ చిత్రం.

మొత్తానికి 'అనుమాన పక్షి' అనేది అతి అనుమానం ఎలాంటి విచిత్రమైన సమస్యలకు దారితీస్తుందో చూపించే ఓ కొత్త తరహా కాన్సెప్ట్ డ్రామా. ఫస్టాఫ్‌లో వినోదం, సెకండాఫ్‌లో సస్పెన్స్, థ్రిల్ డ్రామా ప్రేక్షకులను ఆకట్టుకుంటాయి. కొత్త తరహా కథాంశాలు, రాగ్ మయూర్ కామెడీ టైమింగ్, కశ్మీర్ బ్యాక్ డ్రాప్‌ను ఇష్టపడే వారికి ఈ సినిమా ఓ డిఫరెంట్ ఎంటర్‌టైనర్‌ గా నిలుస్తుంది.

After being postponed multiple times, Anumana Pakshi has finally hit the screens. Let’s look at its merits and demerits.

Rag Mayur, who has appeared in several films as a comedian and supporting actor, gets a full-length lead role here. Unfortunately, the film suggests that he is not yet ready to carry an entire movie on his shoulders.Despite running for less than two hours, the film feels much longer because of its sluggish narration and weak editing.

Highlights

None

Drawbacks

Boring narration

Laughless jokes

Cringe-worthy scenes

Weak writing and direction

Overall, Anumana Pakshi is painfully boring from beginning to end. It is meant to be a comedy, but it delivers far more irritation than laughter.

కామెడీ పాత్రలతో ఆకట్టుకున్న రాగ్‌ మయూర్‌ ఇప్పుడు హీరోగా నిలబడుతున్నాడు. `కీడా కోలా`, `పరదా` చిత్రాలతో మెప్పించాడు. ఇప్పుడు ఆయన హీరోగా `అనుమాన పక్షి` మూవీ రూపొందింది. `డీజే టిల్లు` చిత్ర దర్శకుడు విమల్‌ కృష్ణ రూపొందించిన చిత్రమిది. అనుమానంతో ఎలాంటి చిక్కులు వచ్చాయనేది, హీరో ఎలాంటి గందరగోళం క్రియేట్‌ చేశాడు, దీని వల్ల ఫన్ క్రియేట్‌ చేయడమనే కథాంశంతో రూపొందిన చిత్రమిది. సింపుల్‌గా కథ ఇదే. ప్రారంభమే ఫన్‌తో స్టార్ట్ అవుతుంది. హీరో పాత్రని, ఆయన అనుమానాలు ఏ స్థాయిలో ఉన్నాయనేది ఆవిష్కరించారు. 

కానీ కాసేపటికే ఇందులో కామెడీ లేదని అర్థమవుతుంది. రాగ్‌ మయూర్‌ చేసిన రచ్చనే ఉంటుంది తప్ప, ఒక్క సీన్‌లోనూ కామెడీ వర్కౌట్‌ కాలేదు. నటుడిగా రాగ్‌ మయూర్‌ బాగానే కష్టపడ్డా, ఆయన చేసే చేష్టల్లో కామెడీ జనరేట్‌ కాలేదు. ఇంకా చెప్పాలంటే దర్శకుడు కామెడీని రాబట్టడంలో ఫెయిల్‌ అయ్యాడు. ఫైనల్ గా ఏమాత్రం నవ్వించలేకపోయిన అనుమాన పక్షి. సినిమాలో చివర్లో ఒక డైలాగ్‌ ఉంటుంది. ఈ అనుమాన పక్షికి దూరంగా ఉండాలని. అది కరెక్ట్ గా ఈ సినిమాకి వర్తిస్తుంది. ఈ మూవీకి ఎంత దూరంగా ఉంటే అంత బెటర్.

డీజే టిల్లు లాంటి సినిమాను అందించిన విమల్ కృష్ణ నుంచి అనుమాన పక్షి లాంటి నాసిరకం సినిమా వస్తుందని అనుకోలేదు. డైరెక్టర్ ఎంచుకొన్న కథ, కథనాలు, సన్నివేశాలు రాసుకొన్న విధానం అత్యంత దారుణంగా ఉండటం జీర్ణించుకోలేని విషయం. సినిమా మొత్తంలో కూడా ఓ నిమిషం కూడా తన మార్కు సీన్ కూడా కనిపించకపోవడంతో అసలు విమల్ కృష్ణ ఈ సినిమా దర్శకుడేనా? అతనే తీశాడా? అనే అనుమానం పట్టి పీడిస్తూనే ఉంటుంది. కామెడీ సినిమాగా రూపొందిన ఈ సినిమా ఓ క్షణం కూడా నవ్వు రాకుండా సన్నివేశాలను రాసుకోన్నారనే చెప్పాలి.

ఇక నటీనటుల విషయానికి వస్తే.. రాగ్ మయూర్ తన వంతుగా కష్టపడినా అందుకు తగినట్టుగా ఫలితం దక్కలేదు. కశ్మీర్ బ్యాక్ డ్రాప్‌లో సాగే సన్నివేశాలను సునీల్ కుమార్ చక్కగా చిత్రీకరించాడు. సినిమా అంతా రిచ్‌గా కనిపించేలా జాగ్రత్తలు తీసుకొన్నాడు. ఇక చోటా కే ప్రసాద్‌కు ఈ సినిమా కత్తీ మీద సామే. కంటెంట్ లేకపోతే.. సినిమాను ఎడిటింగ్ చేయడం ఎంత కష్టమో ఈ సినిమా చూస్తుంటే అర్ధమవుతుంది. కానీ శాయశక్తులా ఈ సినిమాను గాడిన పెట్టే ప్రయత్నాన్ని చోటా చేశారనే ఫీలింగ్ కలుగుతుంది. నిర్మాణ విలువలు బాగున్నాయి. కానీ ఎలాంటి కథను ఎంచుకోవాలి? కథను ఎలా చెప్పాలనే విషయంలో పూర్తిగా నిర్మాతలు మిస్ అయ్యారని ఈ సినిమా చూస్తే స్పష్టమవుతుంది. ఈ సినిమా విషయంలో విమల్ కృష్ణ పూర్తిగా ఫెయిల్యూర్ అయ్యాడు. ఫైనల్ గా ఇలాంటి సినిమాను చూడాలా? వద్దా? అనేది ప్రేక్షకుడి నిర్ణయానికే వదిలివేయాలి.